ایمز ٹی وی(کابل) پاکستان نے ایک بار پھر افغانستان پر واضح کیاہے کہ اس کے شہری پاکستان میں حالیہ دہشت گردی کے واقعات میں ملوث ہیں ، افغانستان دہشت گردوں کی جانب سے اپنی سرزمین پاکستان کے خلاف استعمال ہونے کے حوالے سے کارروائی کرے ، دہشت گردوں کو روکنے کیلئے پاکستان نے سرحد بند کی ہے ،بارڈر منیجمنٹ کیلئے افغانستان کو اقدامات کرنے کی ضرورت ہے جبکہ افغانستان کے ڈپٹی چیف آف سٹاف جنرل علی مراد نے ملاقات کے دوران سرحد پر کشیدگی کم کرانے کی درخواست کی اور دونوں ممالک کے درمیان سرحد پر کراسنگ پوائنٹس کو دوبارہ کھولنے کی اپیل کی۔ دفتر خارجہ کی جانب سے جاری کئے گئے اعلامیہ کے مطابق افغانستان میں پاکستان کے سفیر سید ابرار حسین کو افغانستان وزارت خارجہ کے ذریعے افغانستان کے ڈپٹی چیف آف سٹاف جنرل علی مراد سے ملاقات کیلئے مدعو کیا گیا تھا۔ ملاقات کے دوران دفاعی اتاشی برگیڈیئر فاروق زمان بھی ان کے ہمراہ تھے۔ ملاقات کے دوران جنرل علی مراد نے سرحد پر کشیدگی کم کرانے کی درخواست کی اور دونوں ممالک کے درمیان سرحد پر کراسنگ پوائنٹس کو دوبارہ کھولنے کی اپیل کی۔ انہوں نے راستے بند ہونے کی وجہ سے افغان عوام کی مشکلات سے آگاہ کیا اور انہوں نے کہا کہ افغانستان کشیدگی کم کرنے کا خواہاں ہے۔ انہوں نے وعدہ کیا کہ وہ پاکستان کی جانب سے دہشت گردوں کے خلاف معلومات کے تبالہ کے نتیجہ میں ان کے خلاف کاروائی کریں گے۔ پاکستان کے سفیر سید ابرار حسین نے اس موقع پر پاکستان کی جانب سے دہشت گردی کے بعد کئے جانے والے اقدامات کے حوالے سے آگاہ کیا۔ انہوں نے کہا کہ افغانستان کے شہری پاکستان میں حالیہ دہشت گردی کے واقعات میں ملوث ہیں۔انہوں نے زوردیا کہ افغانستان دہشت گردوں کی جانب سے افغانستان کی سرزمین پاکستان کے خلاف استعمال ہونے کے حوالے سے کاروائی کرے۔ دہشت گردوں کو روکنے کیلئے پاکستان نے سرحد بند کی ہے۔ انہوں نے بارڈر منیجمنٹ کیلئے دونوں ممالک کی جانب سے اقدامات پر زوردیا۔ انہوں نے افغانستان کی جانب سے کی گئی درخواست پاکستان کو پہنچانے کا وعدہ کی

 ایمز ٹی وی(کابل) افغانستان کے دارالحکومت کابل میں پولیس سٹیشن اور انٹیلی جنس کے دفتر پر خودکش حملوں اور فائرنگ کے واقعات میں 16افراد ہلاک اور 43 زخمی ہوگئے جبکہ طالبان کے ٹریننگ کیمپ پر فضائی حملے کے نتیجے میں 20شدت پسند مارے گئے۔ دارالحکومت کابل میں پولیس اسٹیشن اور انٹیلی جنس کے دفتر پر خودکش حملے اور فائرنگ کے واقعے میں 16افراد ہلاک اور 35زخمی ہوگئے ،طالبان نے دونوں حملوں کی ذمہ داری قبول کرلی۔ وزارت داخلہ کے ترجمان نے بتایا ہے کہ خودکش حملہ آور نے بارود سے بھری کار پولیس سٹیشن کے گیٹ کے قریب دھماکے سے اڑا دی۔نائب ترجمان وزارت داخلہ نجیب دانش نے بتایا کہ دھماکے کے بعد پولیس اور حملہ آوروں کے درمیان فائرنگ کا تبادلہ بھی ہوا۔دوسرے حملے میں ایک پیدل خودکش حملہ آور نے مشرقی کابل میں واقع انٹیلی جنس کے دفتر کے باہر دھماکے سے خود کو اڑا لیا۔پبلک ہیلتھ منسٹری کے ترجمان اسماعیل خواسی کا کہناہے کہ ان دونوں حملوں میں 16افراد ہلاک اور43کے قریب زخمی ہوئے ہیں۔طالبان کے ترجمان ذبیح اللہ مجاہد نے کابل میں ہونے والے دونوں حملوں کی ذمہ داری قبول کر لی ہے۔ افغانستان کے صدر اشرف غنی نے کابل پولیس سٹیشن اور انٹیلی جنس آفس میں ہونے والے خود کش حملوں کی شدید الفاظ میں مذمت کرتے ہوئے کہا ہے کہ دہشت گرد ان حملوں کے ذریعے ایک بار پھر کابل میں دہشت اور خوف کی فضا پیدا کرنے کی کوشش کی ہے ۔ دوسری طرف صوبہ ہلمند میں طالبان کے ٹریننگ کیمپ پر فضائی حملے کے نتیجے میں 20شدت پسند ہلاک ہوگئے۔وزارت دفاع کے بیان میں کہا گیا ہے کہ فضائی کارروائی ضلع خانشین میں کی گئی جس میں طالبان کے ایک ٹریننگ کیمپ کو نشانہ بنایا گیا جس کے نتیجے میں 20جنگجو مارے گئے۔بیا ن میں مزید کہا گیا ہے کہ حملے میں شدت پسندوں کی منشیات بھی تباہ ہوگئی۔فضائی کارروائی کے بار ے میں مزید کوئی معلومات سامنے نہیں آئیں کہ یہ کارروائی افغان فضائیہ نے کی یا امریکی فورسز نے سرانجام دی

ایمز ٹی وی (اسپورٹس) محکمہ موسمیات نے پی ایس ایل فائنل کے دن لا ہورکا موسم خوشگوار رہنے کی پیشگوئی کی ہے۔

5 مارچ کو دوپہرسے لے کررات گئے تک موسم خشک اور خوشگوار رہے گا. دن ایک بجے سے شام 6 بجے تک درجہ حرارت 26 سے 28 سینٹی گریڈ جبکہ شام 6 بجے سے رات 12 بجے تک درجہ حرارت 17 سے 22 سینٹی گریڈ رہنے کا امکان ہے جبکہ اس دوران شمال مغرب سے چلنے والی ٹھنڈی ہوائیں چلنے سے موسم خوشگوار رہے گا۔

واضح رہے کہ پاکستان سپر لیگ کا فائنل 5 مارچ کو لاہور کے قذافی اسٹیڈیم میں ہوگا جس کی ٹکٹیں ہاتھوں ہاتھ بک رہی ہیں جب کہ فائنل میچ کی سیکیورٹی کے لیے بھی انتہائی سخت انتظامات کیے جارہے ہیں۔