ایمز ٹی وی( اسپورٹس) بھارتی آل راؤنڈر بیٹسمین یوراج سنگھ نے انکشاف کیا ہے کہ کینسر کا علاج کرانے کے بعد ریٹائرمنٹ پر غور کررہا تھا لیکن کوہلی کے اعتماد نے مجھے آگے بڑھنے میں مدد فراہم کی۔ میڈیا سے گفتگو کے دوران یوراج نے کہا کہ کپتان اور ٹیم کی تائید ملنے سے خود اعتمادی بڑھتی ہے، کپتان نے مجھ پر بہت اعتماد ظاہر کیا جو میرے لیے بہت اہم رہا۔ کینسر کا علاج کرانے کے بعد ریٹائرمنٹ پر غور کررہا تھا لیکن ویرات کوہلی کے اعتماد نے مجھے آگے بڑھنے میں مدد فراہم کی۔ واضح رہے کہ یوراج نے گذشتہ دنوں انگلینڈ کیخلاف کیریئر کی 14ویں ون ڈے انٹرنیشنل سنچری داغی تھی، یوراج نے اس مقابلے میں کیریئر بیسٹ 150رنز اسکور کیے۔
ایمز ٹی وی(واشنگٹن) امریکا کا صدر بنتے ہی ڈونلڈ ٹرمپ نے اپنا پہلا انتخابی وعدہ پورا کرتے ہوئے اوباما کیئر پروگرام میں ترمیم کی سمری پر دستخط کر دیئے۔
امریکا کے 45 ویں صدر کا عہدہ سنبھالتے ہی ڈونلڈ ٹرمپ نے سب سے پہلے ایگزیکٹو آرڈر کا اختیار استعمال کرتے ہوئے اوباما کیئر پروگرام میں ترمیم کی سمری پر دستخط کر دیئے ہیں تاہم بل کی حتمی منظوری سینیٹ دے گی
ایمزٹی وی(اسلام آباد)عبدالرشید غازی قتل کیس میں سابق صدر پرویز مشرف کے جائیداد ضبط کرنے کی رپورٹ عدالت میں جمع کرا دی گئی ہے۔ ایڈیشنل سیشن جج نے ریڈ وارنٹ جاری کرنے کی درخواست پر دلائل آئندہ سماعت پر دینے کی ہدایت کرتے ہوئے سماعت 30 جنوری تک ملتوی کر دی ہے۔
تفصیلات کے مطابق ایڈیشنل سیشن جج پرویز القادر میمن کی عدالت میں عبدالرشید غازی قتل کیس کی سماعت ہوئی جس دوران پرویز مشرف کی جائیداد ضبطگی کی رپورٹ جمع کرائی گئی۔ ڈپٹی کمشنر اسلام آباد کی جانب سے جمع کرائی گئی تحریری رپورٹ میں بتایا گیا ہے کہ سابق صدر پرویز مشرف کی جائیداد ضبط کر لی گئی ہے۔
ذرائع کے مطابق پرویز مشرف کو اشتہاری ملزم قرار دینے اور ان کے ریڈ وارنٹ جاری کرنے کی درخواست بھی عدالت میں جمع کرائی گئی جس میں موقف اختیار کیا گیا ہے کہ عدالت کواشتہاری ملزم کے ریڈ وارنٹ جاری کرنے کا مکمل اختیار ہے۔ ایڈیشنل سیشن جج نے استفسار کیا کہ عدالت کی رہنمائی کریں کہ کس قانون کے تحت وزارت داخلہ کو حکم جاری کیا جائے۔
انہوں نے ریڈوارنٹ کے اجراءدرخواست پر مدعی مقدمے کے وکیل کو دلائل آئندہ سماعت پر دینے کی ہدایت کرتے ہوئے سماعت 30 جنوری تک ملتوی کر دی ہے۔
ایمز ٹی وی(اسپورٹس) امریکی ٹینس اسٹار وینس ولیمزکو گوریلا کہنے والے کمنٹیٹر کو فارغ کردیا گیا ہے۔ آسٹریلین اوپن کے دوران وینس ولیمز کا موازنہ گوریلے سے کرنے پر امریکی براڈ کاسٹر ای ایس پی این نے کمنٹیٹر ڈگ ایڈلر کو ڈراپ کردیا گیا۔ اگرچہ ان کا اصرار رہا کہ گوریلا لفظ معنی کے اعتبار سے مختلف تھا۔ براڈ کاسٹر کا کہنا ہے کہ ایڈلر کو کمنٹری کرتے ہوئے زیادہ محتاط رہنا چاہیے تھا، انھوں نے یہ کمنٹ اسٹیفنی ووئجل کیخلاف وینس کی فتح پر کہے تھے۔
ایمز ٹی وی(واشنگٹن) نو منتخب امریکی صدر ڈونلڈ ٹرمپ نے اپنے پہلے ہی صدارتی خطاب میں اعلان کر تے ہوئے کہاہے کہ ہم دنیا سے بنیاد پرست اسلامی دہشتگردی کا نام ونشان مٹا دیں گے۔
ڈونلڈ ٹرمپ نے اپنے خطاب میں کہا کہ آج کے دن سے نیا ویژن ہمارے ملک کا نظام سنبھالے گا اور وہ ہے ” سب سے پہلے امریکہ “، ہم’ بنیاد پرست اسلامی دہشتگردی ‘ کے خلاف پوری مہذب دنیا کو اکٹھا کریں گے اور اس کا زمین سے قلع قمع کردیں گے۔ڈونلڈ ٹرمپ کا کہناتھا کہ ٹیکس،خارجہ امور اور امیگریشن کے قوانین امریکی مفاد میں بہتر کیے جائیں گے، ہم ان کمپنیوں کا قلع قمع کردیں گے جو امریکیوں کا روزگار متاثر کرتی ہیں ۔ان کاکہناتھا کہ ہم اپنے مفادات کا تحفظ کرتے ہوئے تمام ملکوں سے دوستی کریں گے ،ماضی میں اپنی سرحدوں کی بجائے دوسروں کی سروحدوں کو بچاتے رہے ۔
ٹرمپ کا کہناتھا کہ میں عوام کو کبھی جھکنے نہیں دوں گا، امریکہ پھر سے فاتح ہوگا، ہم نوکریاں لائیں گے،خوابوں کو پورا کریں گے، ہم نیا انفراسٹرکچر بنائیں گے۔ انہوں نے کہا کہ ہم اپنے ملک کی تعمیر نو امریکی ہاتھوں اور مزدوروں سے ہی کریں گے۔ ہم صرف انہی اصولوں پر کام کریں گے ” امریکن خریدو اور امریکی کو ملازمت دو“۔ ہم ایک دوسرے کیلئے اپنے دل کھلے رکھیں گے اور یہاں کسی سے نفرت کی گنجائش نہیں ہوگی ،یہاں پر کوئی گورا ، کالا یا بھورا نہیں ہوگا کیونکہ سب کا خون سرخ ہے اور سب برابر ہوں گے۔
ایمزٹی وی(اسلام آباد)الیکشن کمشن نے سیاسی جماعتوں سے اکاؤنٹس کی رپورٹ طلب کرلی۔تفصیلات کے مطابق الیکشن کمیشن نے سیاسی جماعتوں سے کہا ہے کہ وہ فوری طور پر اپنے اکاؤنٹس کی تفصیلات اور انٹراپارٹی انتخابات کرا کر الیکشن کمیشن کو آگاہ کریں بصورت دیگر انہیں آئندہ انتخابات میں انتخابی نشان الاٹ نہیں کئے جائیں گے۔
کمیشن کے ذرائع کے مطابق پولیٹیکل آرڈر2002کے تحت ہر سیاسی جماعت کے لئے ضروری ہے کہ وہ مرکزی،صوبائی اور مقامی سطع پر انٹرا پارٹی الیکشن کرا کر کمیشن کو آگاہ کرے۔
اگر کوئی پارٹی ایسا کرنے میں ناکام رہی تو اس کا نام سیاسی جماعتوں کی فہرست سے نکال دیا جائے گا اور ان کو الاٹ شدہ انتخابی نشانات آئندہ انتخابات میں دیگر اہل پارٹیوں اور آزاد امیدواروں کو الاٹ کئے جائیں گے۔
ایمز ٹی وی(اسپورٹس) پاکستان اور آسٹریلیا کے درمیان پانچ میچز کی سیریز کا چوتھا ون ڈے کل سڈنی میں کھیلا جائےگا۔ میچ کی تیاری کے لئے قومی ٹیم نے سڈنی کرکٹ گراؤنڈ میں پریکٹس کی۔
آسٹریلیا کے خلاف چوتھے ون ڈے کی تیاری کے لئے پاکستان ٹیم نے آج سڈنی کرکٹ گراؤنڈ میں پریکٹس کی۔شعیب ملک ،محمد عامر ،محمد رضوان اور حسن علی نے ٹریننگ سیشن میں حصہ نہیں لیاجبکہ ملک،رضوان اور حسن علی ٹیم کے ہمراہ میدان میں بھی نہ آئے۔
بولنگ کوچ اظہر محمود کا کہنا ہے کہ ٹیم چوتھا ون ڈے جیت کر سیریز برابر کرنے کی صلاحیت ر کھتی ہے،پاکستان اور آسٹریلیا کے درمیان چوتھا ون ڈے کل کھیلا جائےگا۔
ایمزٹی وی(اسلام آباد)وفاقی وزیرداخلہ چوہدری نثار علی خان نے پارا چنار دھماکہ کی شدید مذمت کی ہے۔
میڈیا ذرائع کے مطابق وزیرداخلہ نے قیمتی جانوں کے ضیاع پر گہرے دکھ اور رنج کا اظہار کرتے ہوئے واقعے کی فوری طور پر رپورٹ طلب کرلی ہے۔
یاد رہے آج صبح پارا چنار سبزی منڈی میں دھماکہ سے 10 افراد جاں بحق جبکہ 30 سے زائد خمی ہوگئے ہیں۔
ایمز ٹی وی(تجارت) سندھ میں سردی بڑھتے ہی گیس کی طلب میں اضافے کی وجہ سے سی این جی کی بندش کا شیڈول تبدیل کردیا گیا ہے۔
پبلک ٹرانسپورٹ والوں کیلئے پریشانی کی بات ہے کہ موسم سرد ہونے اور گیس کی طلب بڑھنے پر سندھ میں سی این جی اسٹیشنز اتوار 22 جنوری کی صبح 8 بجے سے 48 گھنٹوں کیلئے بند کرنے کا فیصلہ کیا گیا ہے، سی این جی اسٹیشنز منگل کو صبح آٹھ بجے کھلیں گے،سندھ میں سی این جی اسٹیشنز منگل کی صبح 8 بجے کھلیں گے۔
سوئی سدرن گیس حکام کا کہنا ہے کہ موسم سرد ہونے کی وجہ سے گیس کی طلب بڑھ گئی ہے اور گیس پریشر میں کمی کا بھی سامنا ہے، جس کہ وجہ سے کراچی سمیت سندھ بھر میں سی این جی کی بندش کا شیڈول تبدیل کردیا گیا ہے۔
اگلی بندش بدھ 25 جنوری کوصبح 8 بجے سے 24 گھنٹے کے لیے ہوگی اور جمعہ 27 جنوری کو صبح 8 بجے سے 24 گھنٹوں کے لیے سی این جی نہیں ملے گی۔
ایمز ٹی وی(تجارت) ویسٹرن یونین نے اپنے اوپر لگے انسانی اسمگلروں کو رقم کی ادائیگی کا الزام مان لیا، 58 کروڑ 60 لاکھ ڈالر ہرجانہ ادا ہوگا۔
امریکی اتھارٹیز کے مطابق امریکا آئے چینی مہاجرین ویسٹرن یونین کے ذریعے انسانی اسمگلروں کو رقم بھیجتے آئے ہیں، فیڈرل رپورٹنگ سے بچنے کےلئے رقم چھوٹی مالیت میں بھیجی جاتی تھی۔
اسکے علاوہ انعامات اور نوکریوں کا لالچ دے کر کئی صارفین کے ساتھ 2004 سے 2012 کے دوران ویسٹرن یونین کے ذریعے جعل سازی کی گئی۔
ویسٹرن یونین کے ایجنٹس کو رقوم کی منتقلی کے بارے میں علم تھا اور وہ اس پر کمیشن بھی لیتے رہے لیکن کارروائی نہیں کی۔ 2004 سے 2015 کے دوران ساڑھے پانچ لاکھ شکایتیں موصول ہوئیںجن میں سے 80 ہزار امریکا سے موصول ہوئیں۔