کراچی: جامعہ کراچی کے تحت بی اے ریگولرسالانہ امتحانات برائے2021کے نتائج کااعلان کردیاگیا۔

جامعہ کراچی کے ناظم امتحانات ڈاکٹر ظفر حسین کے مطابق بی اے ریگولر سال دوئم کے سالانہ امتحانات برائے 2021 کے نتائج کا اعلان کردیا گیاہے۔ امتحانات میں شرکت کے لیے 5229 امیدواروں نے رجسٹریشن کرائی جن میں سے 4980 نے امتحانات میں شرکت کی۔

ان نتائج کے مطابق تمام سرکاری کالجز میں کوئی بھی پوزیشن لینے سے محروم رہا جبکہ تینوں پوزیشنز ایک نجی کالج ’’اقراء حفاظ ڈگری کالج‘‘ نے حاصل کی۔

حافظہ رمیساء ابرار بنت ابرار احمد نے 1000 میں 844 نمبر لے کر پہلی، آمنہ اکرم بنت محمد جاوید نے 821 نمبر لے کر دوسری اور حافظہ خانصہ بنت محمد عارف نے 815 نمبر لے کر تیسری پوزیشن حاصل کی۔

693 فرسٹ ڈویژن، 1256 سیکنڈ ڈویژن اور ایک امیدوار تھرڈ ڈویژن میں کامیاب ہوا جب کہ نتائج کا تناسب 39.16 فیصد رہا۔

کراچی: شہرِقائد میں گزشتہ رات رواں موسم سرماکی سردترین رات رہی۔

محکمہ موسمیات کی رپورٹ کے مطابق گزشتہ شب کم سےکم درجہ حرارت 11.5ڈگری سینٹی گریڈریکارڈہوا۔

محکمہ موسمیات کا بتانا ہے کہ آئندہ چوبیس گھنٹوں کےدوران موسم خشک اور رات میں خنکی رہنےکا امکان ہے۔ اس کے علاوہ شہر میں کم سے کم درجہ حرارت 13سے 15ڈگری سینٹی گریڈ تک رہنے کا امکان۔

کراچی میں زیادہ سے زیادہ درجہ حرارت30سے32ڈگری سینٹی گریڈ تک رہنےکا امکان ہے۔

محکمہ موسمیات کا بتانا ہے کہ شہر میں ہوا میں نمی کا تناسب 66فیصد ریکارڈ کیا گیا اور شمال مغرب سےہلکی رفتار سے ہوائیں چل رہی ہیں۔

کراچی: نیشنل اکیڈمی آف ہائر ایجوکیشن (ناہی)،ہائرایجوکیشن کمیشن، پاکستان (ایچ ای سی) نے اعلی تعلیمی اداروں کے نئے شامل ہونے والے فیکلٹی ممبران کے لئے نیشنل فیکلٹی ڈویلپمنٹ پروگرام کے پہلے فیزکا آغاز ایچ ای سی کےریجنل سینٹرکراچی میں کردیا ہے۔

اس ٹریننگ پروگرام میں سندھ اوربلوچستان میں قائم نجی جامعات سے تعلق رکھنے والے26 فیکلٹی ممبران شرکت کررہے ہیں۔ناہی نے پاکستان کی نجی جامعات کے نئے فیکلٹی ممبران کے لئے تین ہفتوں کا نیشنل فیکلٹی ڈویلپمنٹ پروگرام ترتیب کیا ہے تاکہ جامعات کے اساتذہ طلبا کوبہترین طریقے سےتعلیم و تدریس کے ساتھ ساتھ ان کو عملی زندگی میں بہترین کارکردگی دکھانے کے لیے ضروری مہارت منتقل کرسکیں۔

اس ضمن میں تدریس و تحقیق سیکھنا اور سیکھانا، ایپلائیڈ ریسرچ،اورپیشہ ورانہ پریکٹس اس ٹریننگ پروگرام کا لازمی عنصر ہیں۔ اس کے علاوہ کورس ڈیزائن کرنے کا طریقہ کار،طلبا کی کارکردگی جاننے کے طریقہ کار، سبق کی منصوبہ بندی اور کلاس روم میں لیکچر کی ترسیل اورطلبا کی استعداد کار بڑھانے کے لیے جدید ٹیکنالوجی کا استعمال جیسے عناوین پر مشتمل عناوین پر ٹریننگ فراہم کی جارہی ہے.

انہوں نے اس پروگرام کو ڈیزائن کرنے میں ناہی کی کوششوں کو سراہا اور ٹریننگ کے شرکاء کو مشورہ دیا کہ وہ اس منفرد اور قابل قدرموقع سے زیادہ سے زیادہ فوائد حاصل کریں کیونکہ ناہی نے مختلف ماڈیولز کی فراہمی کے لئے معززریسورس پرسنز کی خدمات حاصل کی ہیں۔

مزید براں اس ٹریننگ میں روزانہ کی بنیاد پر لیکچرز، گروپ پراجیکٹس، انفرادی پراجیکٹس اور اسائنمنٹس دی جا رہی ہیں تاکہ ٹریننگ کے شرکاء اس ٹریننگ کو مکمل کرنے کے بعد جامعات میں بہترین خدمات سرانجام دے سکیں۔

ہائیرایجوکیشن کمیشن کے ایڈوائزربرائے نیشنل اکیڈمی آف ہائیر ایجوکیشن کمیشن کی جانب سے ڈائریکٹر جنرل (ناہی) اور ڈائریکٹر ریجنل سینٹر کراچی نے پروگرام کے شرکاء کو خوش آمدید کہا اور انہیں اس پروگرام کے لئے منتخب ہونے پرمبارکباد دی۔

راولپنڈی: راولپنڈی ٹیسٹ میں انگلینڈ نے پاکستان کے خلاف پہلےسیشن کےاختتام تک بغیرکسی نقصان 174 رنزبناڈالے۔

راولپنڈی کرکٹ اسٹیڈیم میں کھیلے جارہے میچ میں انگلش ٹیم کے کپتان بین اسٹوکس نےٹاس جیت کرپہلےبیٹنگ کرنےکافیصلہ کیا، انہوں نے کہا کہ کوشش ہوگی پہلے ابتداء میں بہتر کھیل کا مظاہرہ کرکے پاکستان کو انڈر پریشر لائیں۔

اس موقع پر قومی ٹیم کے کپتان بابراعظم نے کہا کہ اگر ٹاس جیتتے تو پہلے بیٹنگ کرنے کا فیصلہ کیا، انہوں نے کہا کہ ٹیم کے 4 کھلاڑی انگلینڈ کے خلاف ڈیبیو کریں گے، جن میں سعود شکیل، حارث رؤف، محمد علی اور زاہد محمود شامل ہیں۔

قبل ازیں گزشتہ روز کپتان بین اسٹوکس سمیت 8 انگلش کرکٹرز میں وائرل انفیکشن کے باعث پاک انگلینڈ کے درمیان پہلا ٹیسٹ میچ ایک روز کے لیے مؤخر کا بیان دیا تھا تاہم آج الصبح بورڈ نے دونوں ٹیموں کے مابین میچ مقررہ وقت پر شروع کرنے کا اعلان کیا۔

پاکستان کا اسکواڈ
کپتان بابراعظم، عبداللہ شفیق، امام الحق، اظہر علی، سعود شکیل، محمد رضوان، آغا سلمان، نسیم شاہ، حارث رؤف، محمد علی، زاہد، محمود شامل ہیں۔

انگلینڈ کا اسکواڈ
کپتان بین اسٹوکس، زیک کرولی، بین ڈکٹ، اولی پوپ، جو روٹ، ہیری بروک، ول جیکس، لیام لیونگ اسٹون، اولی رابنسن، جیک لیچ، جیمز اینڈرسن شامل ہیں۔

کراچی: اعلیٰ ثانوی تعلیمی بورڈ کراچی نے پری میڈیکل گروپ کےسالانہ امتحانات برائے 2022ء کی مارکس شیٹس جاری کردی۔

تفصیلات کے مطابق انٹرمیڈیٹ حصہ دوم سائنس پری میڈیکل گروپ کے سالانہ امتحانات برائے 2022ء کی مارکس شیٹس تیار ہوگئی ہیں۔

کالجوں اور ہائر سیکنڈری اسکولوں کے نمائندے پرنسپل کے اتھارٹی لیٹرکے ساتھ بروز جمعرات یکم دسمبر 2022ء سے بورڈ کے متعلقہ سیکشن سے مارکس شیٹس حاصل کرسکتے ہیں جبکہ پرائیویٹ امیدواروں کی مارکس شیٹس ان کی جانب سے دیئے گئے پتوں پر روانہ کردی گئی ہیں۔

کراچی:میٹرک بورڈنےامتحانی فارم جمع کروانےکاشیڈول جاری کردیاہے۔

ثانوی تعلیمی بورڈکراچی کے چیئرمین سید شرف علی شاہ کے مطابق جماعت نہم سائنس و جنرل گروپ ریگولر وپرائیویٹ کے سالانہ امتحانی فارم سال 2023کے جمع کرانے کا نیا شیڈول جاری کر دیا گیا ہے۔

تفصیلات کے مطابق اب یہ فارم 16دسمبر2022 تک بغیر لیٹ فیس کے جمع کئے جائیں گے۔گورنمنٹ اسکول بغیر کسی فیس کے امتحانی فارم جمع کرا سکتے ہیں۔

انہوں نے کہا کہ اسکول اور طلباء وطالبات کو سہولت فراہم کرنے کیلئے یہ فیصلہ کیا گیا ہے۔

شیڈول کے مطابق امتحانی فارم بغیر لیٹ فیس کے 16دسمبر تک جمع کئے جائیں گے،اس کے بعد لیٹ فیس کے ساتھ19دسمبر سے23دسمبر تک 200 روپے، 26دسمبر سے0 3دسمبر تک500 روپے، 2جنوری2023 سے6جنوری تک800 روپے،9 جنوری سے 13جنوری تک 1200 روپے، 16جنوری سے 20جنوری تک 1500 روپے، 23جنوری سے 27جنوری تک 1800 روپے اورآخری تاریخ گزرنے کے بعد2500 روپے لیٹ فیس کے ساتھ امتحانی فارم جمع کئے جائیں گے

کراچی: صوبہ سندھ میں ایم بی بی ایس اور بی ڈی ایس میں داخلوں کا عمل یکم دسمبر سے شروع ہوگا۔

چیئرمین صوبائی داخلہ کمیٹی سندھ اور وائس چانسرڈائو یونیورسٹی آف انجینئرنگ اینڈ ٹیکنالوجی پروفیسر محمد سعید قریشی کاکہنا ہے کہ داخلوں سے متعلق تمام تفصیلات ویب سائٹس اور اخبارات میں جاری کردی گئی ہیں۔

ایم ڈی کیٹ سیشن 23-2022 میں میرٹ پر سمجھوتہ نہیں کیا گیا، ایم ڈی کیٹ میں کسی خاص حلقے یا ضلعے کے امیدواروں کو نقصان نہیں پہنچایا گیا،ڈاؤ یونیورسٹی میں کسی تعصب کے بغیر ہزاروں طلباء زیر تعلیم ہیں، ایم ڈی کیٹ پر کسی سیاست کی کوئی گنجائش نہیں ہونی چاہیئے۔

انہوں نے مزید کہا کہ ڈاؤ یونیورسٹی نے انٹری ٹیسٹ کے متعلق ہر جائز شکایت کا ازالہ کیا اور کرے گی ڈاؤ یونیورسٹی نے سندھ کے تمام امیدواروں کو 8نمبر اضافی دیے ہیں، ملک کے کے معتبر طبی تعلیمی ادارے پر مخصوص مقاصد کے تحت الزام تراشی ناپسندیدہ عمل ہے۔

انگلش کھلاڑیوں اور آفیشلز کی طبیعت ناسازی کے باعث پنڈی ٹیسٹ التواکاشکار ہونے کاامکان ہے۔

ذرائع کا کہنا ہےکہ انگلش ٹیم کے کم از کم 14 کھلاڑی اور آفیشلز کی طبیعت خراب ہے اور ان کو فوڈ پوائزن سمیت وائرل انفیکشن کی شکایت ہے جس وجہ سے انگلینڈ کے پاس 11 فٹ کھلاڑی دستیاب نہیں ہیں۔

ذرائع کےمطابق پاکستان کرکٹ بورڈ اور انگلش بورڈ اس حوالے سے بات چیت کررہے ہیں جس کے بعد جمعرات کے روز پہلا ٹیسٹ شروع ہونے کے امکانات نہیں ہیں۔

ذرائع کے مطابق پی سی بی کا کہنا ہے اس حوالے سے آئی سی سی کو بھی آگاہ کرینگے لیکن یہ خالصتاً دونوں بورڈز کا معاملہ ہے، بات چیت کے بعد اس حوالے سے باضابطہ اعلان کردیا جائے گا۔

ذرائع کا بتانا ہےکہ پاکستان کرکٹ بورڈ پہلے ٹیسٹ کی ٹکٹیں فروخت کرچکا ہے جس کے باعث بورڈ کو تمام معاملات طے کرنا ہیں۔

ذرائع کے مطابق دورہ پاکستان پر آنے والی انگلش ٹیم اپنا شیف بھی ساتھ لائی ہے لیکن ان کے شیف کی طبیعت بھی ناساز ہے۔

پاکستان اور انگلینڈ کے درمیان تین ٹیسٹ میچوں کی سیریز کا پہلا ٹیسٹ کل سے راولپنڈی میں شیڈولڈ ہے۔

راولپنڈی: قومی کرکٹ ٹیم کے کپتان بابراعظم کا کہنا ہےکہ انگلینڈکےخلاف سیریز میں کوشش ہوگی تین میں سےدو ٹیسٹ جیت کر ٹیسٹ چیمپیئن شپ کھیلنے کی امیدوں کو برقرار رکھ سکیں۔

راولپنڈی میں پری میچ کانفرنس میں میڈیا سے گفتگو کرتے ہوئے قومی ٹیم کے کپتان بابراعظم نے کہا کہ انگلینڈ کے خلاف ٹیسٹ میچ سے قبل تمام کھلاڑیوں نے تیاری کرلی ہے، سینیر کھلاڑی محمد یوسف سے کافی تجربے کار ہیں ان سے بھرپور رہنمائی مل رہی ہے۔

بابراعظم نے کہا کہ ٹیسٹ اسکواڈ فائنل ہو چکا ہے لیکن شام یا کل تک کمبیشن سامنے آجائے گا، راولپنڈی کی کنڈیشنز دونوں ٹیموں کو سپورٹ کرتی ہیں، انگلینڈ کے خلاف پہلے فاسٹ بولرز پھر اسپنرز کو سامنے لائیں گے۔ کوشش ہوگی انگلش ٹیم کے خلاف پہلے میچ میں کامیابی سمیٹ کر سیریز میں فاتحانہ آغاز کریں۔

قومی ٹیم کے کپتان نے کہا کہ ٹی20 فارمیٹ سے ٹیسٹ میچ میں آنا مشکل ہوتا ہے تاہم ملک کی تینوں فارمیٹ میں نمائندگی کرنا، میرے لیے فخر کی بات ہے۔ ٹیسٹ میچ کی صورتحال ایسی ہے کہ ایک سیشن میچ کو بدل سکتا ہے، مجھے میرے فاسٹ بولرز اور اسپنرز میچ جتوانے کی صلاحیت رکھتے ہیں۔

کپتان بابراعظم نے مزید کہا کہ انگلینڈ کا اسکواڈ سامنے آنے کے بعد اپنا پلان کرلیا ہے کل میدان میں اپنا لائحہ عمل سامنے لائیں گے، گیم میں اپ بلکل سیکھتے ہیں پرفارمنس اوپر نیچے ہوتی رہتی ہے۔

کراچی: جامعہ کراچی نےبی ایڈ(مارننگ وایوننگ)کےاسپیشل ایگزامینیشن 2022 ء کےلئےامتحانی فارم جمع کرانے کی تاریخ کا اعلان کردیا۔

ناظم امتحانات جامعہ کراچی ڈاکٹر سید ظفر حسین کے مطابق بی ایڈ (مارننگ وایوننگ)کے اسپیشل ایگزامینیشن 2022 ء کے لئے امتحانی فارم جمع کرانے کی تاریخ کا اعلان کردیا گیا ہے۔خواہشمند طلبہ 07 دسمبر 2022 ء تک اپنے امتحانی فارم 25000 روپے فیس کے ساتھ جمع کراسکتے ہیں۔

ناظم امتحانات کے مطابق اسپیشل ایگزامینیشن کا انعقاد ایسے طلباوطالبات کی سہولت کے پیش نظر کیاجارہاہے جوکسی بھی وجہ سے تاحال اپنا بی ایڈ(مارننگ وایوننگ) ڈگری پروگرام مکمل نہیں کرسکے ہیں۔