ایمز ٹی وی(کراچی) ایم کیو ایم کے دلاور قریشی، پی ٹی آئی کے خرم شیرزمان اور اسپیکر سندھ اسمبلی آغاسراج درانی کے درمیان تلخ جملوں کا تبادلہ ہوا۔
اسمبلی کارروائی کے دوران اسپیکر آغا سراج درانی کی جانب سے دوران قید یاد رکھنے پران کا شعر پڑھ کر شکریہ ادا کیا ۔
پی ٹی آئی کے رکن اسمبلی خرم شیر زمان نے اسپیکر سے بولنے کی اجازت طلب کی اور کہا کہ محتاط ہوکر بات کرتاہوں تاکہ آپ ناراض نہ ہوجائیں۔
اس پر اسپیکر سندھ اسمبلی نے کہا کہ آپ اسمبلی قوانین کی کتاب پڑھ لیاکریں، زیادہ بات نہ کریں۔
ایک موقع پر خرم شیرزمان نے کورم پورا نہ ہونے کی نشاندہی کی ،جس پر اسپیکر نے سیکریٹری کو گنتی کرنے کا حکم دیا ، بعدازاں کورم پورا ہونے پراسمبلی کی کارروائی دوبارہ شروع کردی گئی۔

ایمز ٹی وی ( لاہور )لاہورہائی کورٹ میں آرمی چیف جنرل راحیل شریف کی مدت ملازمت میں توسیع کے لئے متفرق درخواست دائرکر دی گئی۔

درخواست مقامی وکیل غازی علم الدین ایڈووکیٹ نےدائر کی جس میں مؤقف اختیار کیا گیا ہے کہ آرمی چیف جنرل راحیل شریف کی قیادت میں فوج نےدہشت گردی کنٹرول کرنےمیں اہم کردار ادا کیا۔

درخواست گزار نے مزید کہا کہ پوری قوم انہیں آرمی چیف دیکھنا چاہ رہی ہےجبکہ حکومت بھی انہیں مدت ملازمت میں توسیع دینا چاہتی ہے۔

استدعاہےکہ حکومت کو آرمی چیف جنرل راحیل شریف کی مدت ملازمت میں توسیع کا کہا جائے

ایمزٹی وی(اسلام آباد)وزیر دفاع خواجہ آصف کا کہنا ہے کہ بھارت نے ایل او سی پر بھاری اسلحے کا استعمال بھی شروع کردیا ہے تاہم پاک فوج ایل او سی پر بھارت کو بھر پور جواب دے رہی ہے۔
میڈیا سے بات کرتے ہوئے وزیر دفاع خواجہ آصف کا کہنا تھا کہ بھارتی فوج کی ایل او سی پر فائرنگ سے 7 جوان شہید ہوئے جب کہ بھارت ایل او سی سمیت ورکنگ باؤنڈری کی مسلسل خلاف ورزی کررہا ہے جس سے جانی نقصان بھی ہورہا ہے اور ایل او سی پر بھاری اسلحے کا استعمال بھی شروع کردیا ہے تاہم پاک فوج ایل او سی پر بھارت کو بھر پور جواب دے رہی ہے۔

ان کا کہنا تھا کہ بدقسمتی سے بھارت میں ہندو انتہا پسندوں کی حکومت ہے، بھارت کشمیریوں کی تحریک آزادی پر قابو پانے میں ناکام ہے اور کشمیریوں کی پوری نسل بھارت کے خلاف اٹھ کھڑی ہوئی ہے، حالیہ بھارتی مظالم سے 100 سے زائد کشمیری شہید ہوئے لہذا عالمی برادری مسلہ کشمیر کو حل کرنے کے لیے اقدامات کرے۔

واضح رہے کہ گزشتہ رات کنٹرول لائن پر بھمبرسیکٹرمیں بھارتی فوج کی بلااشتعال فائرنگ کے نتیجے میں 7 فوجی شہید ہوگئے جب کہ پاک فوج کی جوابی کارروائی میں کئی بھارتی فوجی بھی مارے گئے جب کہ متعدد چیک پوسٹوں کو بھی نشانہ بنایا گیا۔

ایمزٹی وی(اسلام آباد)وزیر دفاع خواجہ آصف کا کہنا ہے کہ بھارت نے ایل او سی پر بھاری اسلحے کا استعمال بھی شروع کردیا ہے تاہم پاک فوج ایل او سی پر بھارت کو بھر پور جواب دے رہی ہے۔
میڈیا سے بات کرتے ہوئے وزیر دفاع خواجہ آصف کا کہنا تھا کہ بھارتی فوج کی ایل او سی پر فائرنگ سے 7 جوان شہید ہوئے جب کہ بھارت ایل او سی سمیت ورکنگ باؤنڈری کی مسلسل خلاف ورزی کررہا ہے جس سے جانی نقصان بھی ہورہا ہے اور ایل او سی پر بھاری اسلحے کا استعمال بھی شروع کردیا ہے تاہم پاک فوج ایل او سی پر بھارت کو بھر پور جواب دے رہی ہے۔

ان کا کہنا تھا کہ بدقسمتی سے بھارت میں ہندو انتہا پسندوں کی حکومت ہے، بھارت کشمیریوں کی تحریک آزادی پر قابو پانے میں ناکام ہے اور کشمیریوں کی پوری نسل بھارت کے خلاف اٹھ کھڑی ہوئی ہے، حالیہ بھارتی مظالم سے 100 سے زائد کشمیری شہید ہوئے لہذا عالمی برادری مسلہ کشمیر کو حل کرنے کے لیے اقدامات کرے۔

واضح رہے کہ گزشتہ رات کنٹرول لائن پر بھمبرسیکٹرمیں بھارتی فوج کی بلااشتعال فائرنگ کے نتیجے میں 7 فوجی شہید ہوگئے جب کہ پاک فوج کی جوابی کارروائی میں کئی بھارتی فوجی بھی مارے گئے جب کہ متعدد چیک پوسٹوں کو بھی نشانہ بنایا گیا۔

ایمزٹی وی(ڈیرہ بگٹی) تحریب کاروں نے ڈیرہ بگٹی کے علاقے میں ایف سی چیک پوسٹ کو نشانہ بنایا تاہم اس دوران کوئی جانی نقصان نہیں ہوا ۔
نامعلوم سمت سے ایف سی چیک پوسٹ کے قریب 2راکٹ فائر کیے گئے تاہم راکٹ پھٹنے سے کوئی جانی نقصا ن نہیں ہوا ۔ حملے کے بعد ایف سی نے علاقے میں سرچ آپریشن شروع کردیا ہے اور ملزمان کی تلاش جاری ہے ۔
ذرائع کا کہنا ہے کہ نامعلوم ملزمان نے علی الصبح ایف سی چیک پوسٹ کو نشانہ بنایا تاہم راکٹ چیک پوسٹ پر نہیں لگے جس سے کوئی جانی یا مالی نقصان نہیں ہوا ۔

ایمز ٹی وی(کراچی) ایم کیو ایم کے سربراہ ڈاکٹر فاروق ستار نے کہا ہےکہ دو ہزار اٹھارہ میں اپنا وزیراعلیٰ منتخب کروا کر سندھ کو ترقی دیں گے اور سکھر،لاڑکانہ، خیرپوراورٹھٹھہ کوکراچی کے برابر لائیں گے۔

کورنگی میں ایم کیو ایم کے جنرل ورکرز اجلاس سے خطاب میں فاروق ستار کا کہنا تھا کہ ایم کیو ایم اور تشدد ایک دوسرے کی ضد ہیں، دہشت گردی کو ختم کرنے کے لیے ایم کیو ایم اپنا بھر پور کردار ادا کرسکتی ہے۔

کنونیر متحدہ نے کہا کہ ایم کیو ایم پہلے بھی متحدہ تھی اور آج بھی متحد ہے، یہ بکاؤ مال نہیں جس کے لوگ پیسوں کی وجہ سے ادھر اُدھر چلے جائیں جبکہ ایم کیو ایم کو تقسیم کرنے کے خواہش مند افراد اور جماعتیں کے کارکنان خود منقسم ہورہے ہیں۔

انہوں نے کہا کہ آئندہ آنے والے مہینوں میں تاریخی اور فیصلہ کُن جلسہ کریں گے، ملکی میں برسوں سے قائم جاگیرداری، وڈیرہ شاہی اور کوٹا سسٹم کی باقیات کو مل کر ختم کریں گے۔ اس موقع پر اپوزیشن لیڈر اور متحدہ رہنما خواجہ اظہار الحسن نے خطاب کرتے ہوئے کہا کہ کچھ لوگ ہمارے استعفوں کا مطالبہ کررہے ہیں مگر ہم مستعفی ہوکر کراچی کسی کو نہ پلیٹ میں رکھ کر دیں گے اور نہ ہی ایسے عناصر کو اپنے علاقوں میں قابض ہونے دیں گے۔

خواجہ اظہار الحسن نے کہا کہ دبئی میں پرویز مشرف سے میری ملاقات کو اپنی خواہش اور خبر بنایا جا رہا ہے، ایم کیو ایم میں کوئی نوکری خالی نہیں اور اگر نوکری نکلی بھی تو اس کی جگہ ایم کیو ایم کے اندر سے پوری کی جائے گی۔

ایمز ٹی وی(کراچی) سندھ اسمبلی کے احاطےمیں کھڑی پرانی سرکاری گاڑیوں کی نمبر پلیٹس غائب ہوگئیں۔وزیر اعلی سندھ کےاحکامات کے باوجود گاڑیوں کی نمبر پلیٹس ایکسائز میں جمع نہیں ہوئیں۔

تفصیلات کے مطابق سندھ اسمبلی میں موجود پرانی سرکاری گاڑیوں کی نمبر پلیٹس غائب ہیں اور خدشہ ظاہر کیاجارہاہےکہ سرکاری گاڑیوں کی غائب نمبرپلیٹس تخریب کاری کی کارروائیوں میں استعمال ہوسکتی ہیں۔

یاد رہے کہ گزشتہ ہفتے وزیراعلیٰ سندھ مراد علی شاہ کی زیرصدارت سندھ کابنیہ کا اجلاس ہوا تھا جس میں انہوں نے کراچی میں امن وامان کی صورتحال پر عدم اعتمادکا اظہار کرتے ہوئے کہا تھا کہ شہر میں امن وامان خراب کرنےوالوں کے لیے زیرو ٹالرنس ہے۔

اس موقع پروزیراعلیٰ سندھ نے سندھ کابینہ کے وزرا کو بھی ہدایت کی تھی کہ وہ بغیر نمبر پلیٹ والی گاڑیاں نہ چلائیں ورنہ ان کے خلاف بھی کارروائی کی جائے گی۔انہوں نے اس کے علاوہ179 پرانی گاڑیوں کی نیلامی کرنے کی بھی ہدایت کی تھی۔

واضح رہے کہ 8نومبر کو سندھ کابینہ نے وزیراعلٰی سندھ کوسندھ حکومت کے 300 بنگلوں،فلیٹس اور کوارٹرز پر سابق افسران اور سیاسی شخصیات کے قبضے سے آگاہ کیاتھا جس پر انہوں نے چیف سیکریٹری کو ہدایت کی تھی کہ وہ ان بنگلوں کوخالی کروانے کے اقدامات کریں۔