ایمزٹی وی(کوئٹہ)ایف سی ترجمان کا کہنا ہے کہ کالعدم تنظیم کے زیر استعمال خالی گھر سے بھارتی تعداد میں اسلحہ اور بارود برآمد ہوا ہے۔
ذرائع کے مطابق حساس ادارے کے اہلکاروں اور ایف سی نے مشترکہ کارروائی کرتے ہوئے خضدار کے علاقے وڈھ میں واقع ایک کمپاؤنڈ سے بھارتی مقدار میں بارود اور اسلحہ برآمد کرلیا ہے۔

ترجمان ایف سی مطابق فورسز نے کارروائی کرتے ہوئے وڈھ میں ایک خالی گھر سے 80 کلوگرام بارود، متعدد ڈیٹونیٹرز، ریمورٹ کنٹرولز اور سیکڑوں گولیاں برآمد کرلی ہیں تاہم کارروائی کے دوران کوئی گرفتاری عمل میں نہیں آئی۔ ایف سی کے مطابق خالی گھر کالعدم تنظیم کے زیر استعمال تھا۔

ایمزٹی وی(اسلام آباد) 14 نومبر بروز پیر کی رات چاند معمول سے بڑا اور زیادہ روشن ہوگاجسے سپر مون کہا جا تا ہے ۔
نومبر کی 14 تاریخ کو چاند زمین سے قریب ترین ہوگا چاند معمول سے 14 فیصد بڑا اور30 فیصد زیادہ روشن ہوگا، 'سپر مون کہلانے والا یہ چاند زمین کے انتہائی قریب آجائے گا اور تقریباً 70 سال کے بعد زمین اور چاند کے درمیان فاصلہ اتنا کم ہو گا۔
پاکستانی وقت کے مطابق شام 6 بج کر52 منٹ پرچاند زمین کے قریب ترین ہوگا، یہ موقع اب دوبارہ 25 نومبر 2034 ءمیں نمودار ہوگا جبکہ آخری مرتبہ اس قسم کا سپرمون 1948ءمیں دیکھا گیا تھا

ایمزٹی وی(تعلیم/اسلام آباد)علامہ اقبال اوپن یونیورسٹی نے ایل ایل بی پروگرام شروع کرنیکا فیصلہ کر لیا ہے ۔ وائس چانسلر ڈاکٹر شاہد صدیقی کی زیر صدارت اجلاس میں پروگرامز شروع کرنے کی منظوری دی گئی ۔

ایمزٹی وی(تعلیم/بلوچستان) ہزارہ یونیورسٹی مانسہرہ کے ڈینز ، پروفیسرز، تعلیمی وانتظامی شعبوں کے سربراہان کا اجلاس وائس چانسلر ڈاکٹر محمد ادریس کی زیر صدارت منعقد ہوا۔ اجلاس میں یونیورسٹی کی مجموعی صورتحال کا جائزہ لیا گیا اور صوبائی حکومت کے نوٹیفکیشن کی روشنی میں یونیورسٹی کو تعلیمی سرگرمیوں کے لئے 14نومبر سے کھولنے کا فیصلہ کیا گیا تاکہ طلباء و طالبات کا قیمتی وقت ضائع ہونے سے بچایا جا سکے ۔

اجلاس میں یہ فیصلہ بھی کیا گیا کہ طلباء و طالبات کی تعلیمی سرگرمیوں میں جو تعطل آیاہے اس کی کمی کو پورا کرنے کے لئے اساتذہ اضافی وقت پڑھائی کے لئے دینگے ۔

وائس چانسلر نے کہا کہ یونیورسٹی کی تعمیر و ترقی کے لئے اپنی صلاحیتوں کو برو ئے کار لائیں گے اجلاس میں اساتذہ پر زور دیا گیا کہ وہ طلباء کو زیادہ سے زیادہ تعلیمی سرگرمیوں میں مصروف رکھنے کے لئے اپنا کردار ادا کریں۔ سکیورٹی کے انتظامات بھی سخت کرنے پر تبادلہ خیال کیا گیا۔

ایمزٹی وی(پشاور)پشاور کے علاقے تیرائی بالا میں گھات لگائے ملزمان نے پیشی پر جانے والے باپ بیٹے پر فائرنگ کر دی جس سے وہ موقع پر ہی جاں بحق ہو گئے ، مقتولین رکشے پر عدالت جا رہے تھے تاہم فائرنگ سے رکشہ ڈرائیور بھی جاں بحق ہو گیا ہے ۔

ذرائع کا کہنا ہے کہ گھات لگائے ملزمان نے ایک مقام پر رکشہ کوروکا اور اندھا دھند فائرنگ کر کے فرار ہو گئے تاہم فائرنگ کے نتیجے میں باپ بیٹا اور رکشہ ڈرائیور موقع پر ہی جاں بحق ہو گئے ہیں جن کی لاشیں ہسپتال منتقل کر دی گئی ہیں ۔ مرنے والے دونوں باپ بیٹا سرکاری ملازم تھے ۔

پولیس حکام کا کہنا ہے کہ فائرنگ کا واقعہ پرانی دشمنی کا شاخسانہ ہے تاہم ملزمان کی شناخت ہونے کے بعد گرفتار کر لیا جائے گا ۔

ایمزٹی وی(اسلام آباد) گڈانی کے ہولناک سانحے کے اسرار سے پردہ اٹھانے کی کوششیں جاری ہیں اور یکم نومبر کوایک بہت بڑے جاپانی آئل ٹینکر میں جو کچھ ہوا اس کے حوالے سے متضاد اطلاعات مل رہی ہیں۔

سرکاری ذرائع سے ہلاک ہونے والوں اور لاپتہ افراد کے مختلف اعدادوشمار دینے سے پتہ چلتا ہے کہ حکام اس سانحے پر پردہ ڈالنے کی کوشش کر رہے ہیں۔ سروس سے ہٹائے گئے ایم ٹی ایس نامی 24ہزارٹن کے بحری آئل ٹینکر پر یکے بعد دیگرے ہونے والے دھماکوں کے نتیجے میں آگ بھڑ ک اٹھی تھی۔

وزیر اعلیٰ بلوچستان کے ایک اہم مشیر جان اچکزئی کے مطابق 70لوگوں کی ہلاکت کی تصدیق ہوچکی ہے جبکہ سانحے کے بعد سے 90 سے زائد لاپتہ ہیں۔ ادھر پولیس کا کہنا ہے کہ دھماکوں میں 26 مزدور ہلاک ہوئے جبکہ 50 زخمی ہیں۔ جان اچکزئی نے بتایا کہ ہم زخمیوں اور ہلاکتوں کے حوالے سے مزید معلومات اکٹھی کر رہے ہیں۔ جبکہ ذرائع کے مطابق عام حالات میں اس حجم کے جہاز کو توڑنے کیلیے 400کارکن کام کر رے ہیں۔

لسبیلہ سے حکمران ن لیگ کے ایک صوبائی قانون ساز ہلاکتوں کی تعداداس سے بھی بڑھا کر پیش کرتے ہیں ۔ رکن صوبائی اسمبلی پرنس احمد علی احمدزئی نے بتایا کہ 100سے زائدلوگ ہلاک ہوئے ہیں جبکہ درجنوں زخمی ہوئے جن میں سے 8کی حالت تشویشناک ہے۔ انھوں نے مزید کہاکہ ہلاکتوں کی تعداد اس سے بھی بڑھ سکتی ہے۔

احمد زئی نے وزیر اعلیٰ بلوچستان کے ہمراہ خود جائے وقوع کا دورہ کیا ہے۔یہ بہت بڑا بحری جہاز توڑنے کیلیے گڈانی شپ بریکنگ یارڈ کے پلاٹ نمبر54پر لایا گیا تھا ،احمد زئی نے مزید بتایا کہ عملے کے وہ لوگ جو جہاز کو یارڈ پر لائے ان میں سے 18بھارتی تھے۔ اس واقعے کے بعد سے وہ لاپتہ ہیں۔ اچکزئی نے ان بھارتیوں کی مذکورہ بحری جہاز ایم ٹی ایس پر موجودگی کی نہ تو تصدیق کی ہے اور نہ ہی اس کی تردید کی ہے۔

ایس پی لسبیلہ ضیا مندوخیل جو اس کیس پر پولیس کی جانب سے تحقیقات کر رہے ہیں وہ ہلاکتوں کی تعداد 27 بتاتے ہیں جبکہ زخمیوں کی تعداد ان کے نزدیک28ہے۔ انھوں نےمیڈیا کوبتایا کہ ہلاک ہونے والے افراد میں سے 10کاتعلق دیر سے تھا ،9کا مظفر گڑھ سے جبکہ 5کا گڈانی اور 3کا کراچی سے تھا۔ ان کے نزدیک 4 مزدور لاپتہ ہیں اور انہیں بھی مردہ تصور کرنا چاہیے ، ان میں سے 2 کا تعلق گڈانی سے ہے جبکہ دو کا تعلق کراچی سے ہے۔ جب بحری جہاز میں آگ لگی تو 80سے85افراد بحری جہاز پر کام کر رہے تھے۔

اس سے بھی دلچسپ ایس ایچ او گڈانی رحمت اللہ چٹھہ کا موقف ہے وہ یہ کہتے ہیں کہ ہوسکتا ہے کہ یہ کبھی پتہ نہ چل سکے کہ جہاز پر کتنے مزدو ر کام کر رہے تھے۔ بڑا ٹھیکدار گل زمین جو مزدوروں کا ریکارڈ رکھتا تھا صرف وہی ایک ایسا شخص ہے جو کہ مزدوروں کی ٹھیک ٹھیک تعداد بتا سکتا تھالیکن وہ بھی اس حادثے میں ہلاک ہوچکا ہے۔ کمشنر قلات محمد ہاشم نے بتایا ہے کہ جہاز پر موجود ’تمام 26‘ مزدور ہلاک ہوگئے ہیں جن میں سے22کا تعلق دیر سے جبکہ 4کا تعلق پنجاب سے تھا۔

ایم پی اے ثنا اللہ نے مزید کہا کہ خیبر پختونخوا سے تعلق رکھنے والے 53افراد زخمی ہیں،انھوں نے اس شبہے کا اظہار کیا کہ حکام کچھ چھپا رہے ہیں، جب میں اپنے ضلع کے لوگوں کی میتیں لینے کیلیے پہنچا تو مجھے بتایا گیا کہ ایک شخص جسے میں ڈھونڈ رہا تھا وہ ہلاک ہونے والوں میں شامل نہیں ہے لیکن چونکہ میں حکام کے جواب سے مطمئن نہیں تھا اس لیے میں خود نیچے اترا اور میں نے اس شخص کی میت لاش دیکھی جسے میں تلاش کر رہا تھا۔

ایم پی اے ثنا اللہ کو یقین ہے کہ لاپتہ افراد میں بہت بڑی تعداد بنگالی نژاد افراد کی ہے ۔ثنا اللہ نے بتایا کہ جب جہاز پر آگ لگی تو وہ جہاز پر چائے بنا رہے تھے۔ پلاٹ نمبر 17,18اور19کا مالک نذیر خان تو بہت ہی بڑھا چڑھا کر تعداد بتارہا ہے۔نذیر خان کے مطابق اس حادثے میں 250افراد ہلا ک ہوئے ہیں ۔اپنے اس دعوے کے ثبوت کے طو پر وہ بتاتےرے ہیں کہ اتنے بڑے جہاز کو توڑنے کیلیے کم از کم 600افراد پر مشتمل افرادی قوت چاہیے۔

ایمزٹی وی(تعلیم/خیبر پختونخواہ)خیبر پختوانخواہ میں پاکستان کا پہلا گرلز کیڈٹ اسکول بنانے کا فیصلہ کر لیا گیا ،ملکی تاریخ کا پہلا گرلز کیڈٹ کالج اگلے معاشی سال سے پہلے مردان میں بنا یا جائے گا ۔
پشاور میں صوبائی وزیر تعلیم عاطف خان کی زیر صدارت علیمینٹر ی اینڈ سکینڈری ایجو کیشن کا اجلاس ہواجس میں شرکا کو بتا یا گیا کہ تعلیمی شعبے میں صوبائی حکومت کے ریفارم ایجنڈ ے کے تحت جون 2017تک خواتین کا پہلا کیڈٹ کالج بنا یا جائے گا ۔اس موقع پر عاطف خان نے بتا یا کہ 500اسکولوں میں آئی ٹی لیب دینے کے لیے ٹینڈر کا مرحلہ مکمل کر لیا گیا ہے جبکہ سٹنڈرائزڈ سکول پراجیکٹ کے تحت 45سکولوں پر کام جاری ہے ۔

اجلاس میں سکولوں کے کھیل کود کی جگہ،سپورٹس سہولیات دینے ،سمارٹ سکول ،ہائی سکولوں کے معیار کو بہتر کرنے ،برطانوی قونصل کی مدد سے اساتذہ کی ٹریننگ ،سکولوں میں بنیادی سہولیات فراہم کرنے اور پرائیویٹ سکولز ریگولیٹری اتھارٹی بل سے متعلق بھی بات چیت کی گئی ۔اس موقع پر صوبائی وزیر تعلیم عاطف خان نے محکمہ تعلیم کو ہدایت کی کہ جاری پراجیکٹس مقررہ وقت کے اندر مکمل ہونے چاہئیں۔اجلاس میں سیکریٹری علمینٹری اینڈ سکینڈری ایجو کیشن ڈاکٹر شہزاد بنگش ،سپیشل سیکرٹری قیصر عالم اور ڈائریکٹر سکولز محمد رفیق خٹک نے شرکت کی ۔

ایمزٹی وی(اسلام آباد)پاک فضائیہ کے سربراہ ایئر چیف مارشل سہیل امان نے کہا ہے کہ موجودہ دور کے تنازعات میں فضائی کاروائی بہترین آپشن ہے،فضائی قوت آج زیادہ اعتماد اور اہمیت رکھتی ہے۔

تفصیلات کے مطابق پاک فضائیہ کے تحت فضائی قوت پر بین الاقوامی سیمنار سے خطاب کرتے ہوئے ان کاکہنا تھا کہ قومی سلامتی کے لئے طاقت کو برقرار رکھنا فضائیہ کے لئے بہت ضروری ہے۔

قومی سلامتی میں فضائی قوت کے بڑھتے کردار پر پورا اترنا بڑا چیلنج ہے۔موجودہ دور میں فضائیہ ایک اہم قوت بن چکی ہے،فضائی طاقت ہر قسم کے دشمن کے خلاف موثر ہتھیار ہے۔

ایمزٹی وی(راولپنڈی)چیف آف آرمی اسٹاف جنرل راحیل شریف نے ترکمانستان کے وزیر دفاع اور سیکریٹری قومی سلامتی سے ملاقات کی جس میں باہمی دلچسپی کے امور پر تبادلہ خیال کیا گیا۔

آئی ایس پی آر کی جانب سے جاری بیان میں کہا گیا ہے کہ ترکمانستان کے وزیر دفاع اور سیکریٹری قومی سلامتی نے جی ایچ کیو کا دورہ کیا جہاں انہیں گارڈ آف آنر پیش کیا گیا ۔

انہو ں نے یاد گار شہدا پر بھی پھول چڑھائے اور شہدا کے لیے دعا کی ۔اس موقع پر ترکمانستان کے وزیر دفاع اور سیکریٹری قومی سلامتی نے آرمی چیف جنرل راحیل شریف سے بھی ملاقات کی جس میں خطے کی سیکیورٹی اور باہمی دلچسپی کے امور زیر غور آئے ۔

ایمزٹی وی(گلگت بلتستان) وادی تیرہ خیبر ایجنسی میں شہید ہونے والے سپاہی جہانگیر خان ولد ایوب کو آبائی گاﺅں داسخریم داری میں فوجی اعزاز کے ساتھ سپرد خاک کر دیا گیا شہید کے جنازے میں ڈپٹی کمانڈر80بر یگیڈ کرنل عاصم و دیگر عسکری قیادت سمیت علاقے کے سیاسی و سماجی رہنماوں نے شرکت کی۔

سپاہی جہا نگیر خان وادی تیرہ خیبر ایجنسی میں 7نومبر 2016کو آئی ڈی بلاسٹ میں شہیدہوا۔ ڈپٹی کمانڈر80بریگیڈ کرنل عاصم نے آرمی چیف جنرل راحیل شریف کی طرف سے قبر میں پھول چڑھائے شہید کے والد کا کہنا تھا کہ میرے بیٹے نے ملک اور قوم کی بقاءاور سلامتی کے لئے اپنی جان قربان کر کے ہمارا سر فخر سے بلند کر دیا ہے میرے چار بیٹے ہیں وہ بھی وطن عزیز کی دفاع کے لئے اپنی جان قر بان کر نے کے لئے تیار ہیں ۔شہید کے پسماندہ گان میں ایک بیٹی اور بیوہ شامل ہیں ۔