انسٹنٹ میسیجنگ ایپلی کیشن واٹس ایپس نے میسیجز کو ہائی لائیٹ کرنے اور میسیجز کے اندر گوگل سرچ کو شامل کرنے کی آزمائش شروع کردی ہے۔

زرائع کے مطابق واٹس ایپ میسیجز میں ایک ایسے فیچر کے آزمائش کی جا رہی ہے، جس کے ذریعے میسیجز میں اہم معلومات یا لنکس کے اندر گوگل لنکس خود ہی شامل کردیا جائے گا۔

یعنی اگر کوئی بھی شخص دوسرے صارف کو پی ٹی اے سے متعلق کوئی پیغام بھیجے گا تو واٹس ایپ کا سسٹم پی ٹی اے کو انڈرلائن کرکے اسے گوگل کے ساتھ منسلک کردے گا اور صارف کلک کرکے پی ٹی اے سے متعلق گوگل پر وہیں میسیج کے اندر ہی معلومات حاصل کر سکے گا۔

کمپنی کے مطابق مذکورہ فیچر کی آزمائش کا مقصد صارفین کو معلومات کی تصدیق کرنے یا معلومات کی مزید انفارمیشن حاصل کرنے کے لیے متعارف کرایا جا رہا ہے۔

فیچر کے تحت صارف کو موصول ہونے والے پیغامات میں اہم الفاظ خود ہی انڈرلائن ہوجائیں گے اور انہیں گوگل سرچ کے ساتھ منسلک کردیا جائے گا۔

مذکورہ فیچر کی آزمائش تک محدود صارفین کو رسائی دی گئی ہے، ابھی یہ کہنا قبل از وقت ہے کہ اسے کب تک متعارف کرایا جائے گا، تاہم امکان ہے کہ اگلے سال تک اسے پیش کردیا جائے گا۔

ممبئی: نیوزی لینڈ نے تیسرے ٹیسٹ میں بھارت کو 25 رنز سے شکست دے کر تین ٹیسٹ میچوں کی سیریز میں وائٹ واش کردیا۔

ممبئی میں کھیلے گئے تیسرے اور آخری ٹیسٹ میچ میں بھارتی سورما 147 رنز کے ہدف کے تعاقب میں بھی ناکام رہے اور پوری بھارتی ٹیم 121 رنزپر ڈھیر ہوگئی۔

تیسرے ٹیسٹ میں نیوزی لینڈ کے اعجاز پٹیل نے 6 اور گلین فلپس نے تین وکٹیں حاصل کیں۔

تیسرے ٹیسٹ کی دوسری اننگز میں بھارتی کپتان روہت شرما نے 11 رنز بنائے جب کہ بھمن گل، ویرات کوہلی اور سرفراز خان ایک ایک رنز بناسکے۔
نیوزی لینڈ کی ٹیم پہلی اننگز میں 235 اوردوسری اننگز میں 174رنز بنا کر آؤٹ ہوئی جب کہ میزبان بھارتی ٹیم پہلی اننگز 263 اور دوسری اننگز میں 121 رنز بناسکی۔

خیال رہے کہ بھارت کو 25 ( 1999 ) سال کے بعد ہوم ٹیسٹ سیریز میں وائٹ واش شکست ہوئی ہے۔

سیریز کا پہلا میچ بنگلورو میں کھیلا گیا تھا جس میں روہت شرما کی قیادت میں بھارتی ٹیم کو 8 وکٹوں سے شکست کا سامنا کرنا پڑا۔ یہ 36 سال بعد پہلا موقع تھا جب نیوزی لینڈ نے بھارت کو اس کے ہوم گراؤنڈ پر ٹیسٹ میچ میں شکست دی تھی۔

اس کے بعد نیوزی لینڈ نے پونے میں کھیلےگئے دوسرے میچ میں 113 رنز سے فتح حاصل کرکے سیریز میں ناقابل تسخیر برتری حاصل کی اور یوں بھارت کو 12 برس بعد ہوم گراؤنڈ پر ٹیسٹ سیریز میں شکست کا سامنا کرنا پڑا ۔

محققین نے کیمو تھیراپی کرروانے والے مریضوں کے لئےنئی تحقیق کرڈالی۔

یک نئی تحقیق میں بتایا گیا ہے کہ بکری کے پلیسینٹا سے بنایا گیا ایک جیل کیموتھراپی سے گزرنے والے مریضوں کے بال گرنے سے روک سکتا ہے۔

بکری کا پلیسینٹا ایسے پروٹینز سے بھرپور ہوتا ہے جو بالوں کے غدود (وہ بلب نما جڑیں جہاں سے بال اگتے ہیں) بنانے والے خلیوں کی پیداوار کو فعال کر دیتے ہیں۔

آزمائش میں شریک ہونے والے سرطان کے مریضوں (جن کو کیموتھراپی کے لیے ڈوکسوروبیسن اور سائیکلو فاسفومائیڈ نامی ادویات دی جارہیں تھی) نے اس جیل کو کینسر کے علاج کے دوران تین ماہ تک روزانہ دو بار اپنے سر پر لگایا جس سے بال اُگ آئے۔اُگنے والے بال پہلے کے مقابلے میں زیادہ گھنے تھے اور انفرادی بال موٹا اور مضبوط تھا۔

کیموتھراپی کرنے والے اندازاً دو تہائی مریضوں کے جزوی یا مکمل طور پر بال گر چکے تھے۔ جس کی وجہ ادویات کے مکینزم کا کینسر زدہ اور صحت مند خلیوں کے درمیان تفریق نہ کرنا تھا۔

یہ ادویات جہاں کینسر کے خلیوں کو ختم کرتی ہیں وہیں ان سے صحت مند خلیوں کو نقصان بھی پہنچتا ہے، جن میں بالوں کے جڑوں کے غدود شامل ہیں۔

اہور: پنجاب حکومت نے اسموگ پر قابو پانے کے لئے ایک ہفتے کے لیے پرائمری کلاس تک کے بچوں کے لیے اسکولز کی چھٹی کا اعلان کردیا

سینئر صوبائی وزیر پنجاب مریم اورنگزیب نے لاہور میں پریس کانفرنس کرتے ہوئے کہا کہ اگلا پورا ہفتہ بھارت سے ہوا کا رخ لاہور کی طرف رہے گا، بھارتی ہوا کو نہ روک سکتے ہیں نہ موڑ سکتے ہیں، واحد حل ڈائیلاگ ہے۔

انہوں نے کہا کہ پانچویں جماعت تک گورنمنٹ اور پرائیویٹ اسکولوں کو ایک ہفتے کی چھٹی دے رہے ہیں ، والدین سے کہوں گی کہ جو بچے اسکول جائیں گے ان کو ماسک پہنچائیں، بزرگ اور بچوں کو ماسک پہنائیں، غیر ضروری طور پر گھروں سے باہر نہ جائیں۔

مریم اورنگزیب نے مزید کہا کہ پچاس فیصد افراد کو کہنے لگے ہیں کہ ورک فرام ہوم کریں، ایک کلومیٹر گرین ونگ کے اندر چنگ چی کو بین کیا گیا ہے، مصنوعی بارش کو پہلے یو اے ای سے لی تھی لیکن اب مختلف محکموں نے اپنی مصنوعی بارش کی ٹیکنالوجی حاصل کر لی ہے، جیسے ہی مصنوعی بارش کےلیے مناسب موقع ملا تو مصنوعی بارش کریں گے۔