عالمی شہرت یافتہ امریکی اداکارہ انجیلینا جولی نے جیون ساتھی کی تلاش کی خواہش کا اظہار کردیا۔

عالمی شہرت یافتہ امریکی اداکارہ انجیلینا جولی نےاپنی نئی فلم ’ماریا‘ کی ریلیز سے قبل سامنےایک انٹرویو میں دیا

انجیلیناکی مشہور اوپرا سنگر ماریا کالاس کی زندگی پر مبنی بائیوپک ہے اور وہ بھی اپنی زندگی میں بےحد تنہا ہوتی ہے۔

ایک حالیہ انٹرویو میں انجیلینا جولی نے 8 سال قبل بریڈ پٹ سے علیحدگی کے بعد پیش آنے والے چیلنجز اور اپنی موجودہ تنہائی کے بارے میں بات کی۔

جب ان سے پوچھا گیا کہ وہ فلم ’ماریا‘ کے کس پہلو کو اپنی ذاتی زندگی سے قریب محسوس کرتی ہیں تو انہوں نے کہا کہ اگرچہ وہ اپنے بچوں سے بے حد محبت کرتی ہیں، لیکن وہ خود کو اکثر تنہا محسوس کرتی ہیں۔

انجیلینا جولی نے مزید کہا کہ وہ اپنے آپ کو فلم کے کردار ماریا کی طرح اکیلا محسوس کرتی ہیں۔ انہوں نے یہ بھی تسلیم کیا کہ وہ ابھی تک یہ نہیں سمجھ پائی ہیں کہ اپنی موجودہ صورتحال میں زندگی کو کس طرح گزارنا ہے بس وہ اپنے بچوں کیلئے مضبوط ماں کے طور پر خود کو دیکھتی ہیں۔

اداکارہ نے کہا کہ زیادہ تر فنکار یہی محسوس کرتے ہیں کہ وہ ایک کھلے ماحول میں موجود ہیں، مگر وہ مکمل طور پر کسی ایک جگہ یا کیفیت میں سیٹل نہیں ہو پاتے، جس کے باعث بعض اوقات وہ عجیب کیفیت میں مبتلا ہو جاتے ہیں۔

واضح رہے کہ اس سے قبل انجیلینا جولی کے اور معروف ریپر اکالا کے درمیان تعلقات کی خبریں زیر گردش تھیں، اور دونوں کو کئی مواقع پر ایک ساتھ دیکھا گیا تھا تاہم ان کی جانب سے اس تعلق کا باضابطہ طور پر اعلان نہیں کیا گیا۔

امریکی ریاست وسکونسن کے اسکول میں 15 سالہ طالبہ کی فائرنگ سے ٹیچر اور نوجوان طالب علم ہلاک ہوگئے۔

امریکی میڈیا کے مطابق فائرنگ کا واقعہ ونسکونسن کے علاقے میڈیسن کے ایک اسکول میں پیش آیا۔ پولیس حکام کا کہنا ہے کہ 15 سالہ طالبہ نٹالی رپناؤ نے اسکول ہال میں داخل ہو کر اچانک فائرنگ کردی۔ فائرنگ کے نتیجے میں ایک ٹیچر اور طالب علم ہلاک جبکہ 6 زخمی ہوگئے۔

حملہ آور طالبہ نے خود کو بھی گولی مار کر خود کشی کرلی۔ پولیس نٹالی رپناؤ کے والد سے رابطے میں ہے اور واقعے کی تحقیقات جاری ہیں۔

پاکستان سپر لیگ کے دسویں سیزن کا ڈرافٹ کراچی یا لاہور میں ہی کروانے پر اتفاق کرلیا گیا۔

میڈیاذرائع کے مطابق اگلے برس 8 اپریل سے 19 مئی تک شیڈول پاکستان سپر لیگ کے ڈرافٹ اور تمام میچز پاکستان میں ہی کرانے پر اتفاق ہوا ہے۔

ذرائع کے مطابق 11 جنوری کو شیڈول پی ایس ایل ڈرافٹ کے ساتھ ایلیمینٹر راؤنڈ اور فائنل بیرون ملک کرانے کی تجاویز مسترد کردی گئی ہیں، اس کی بنیادی وجہ لاجسٹک اخراجات بتائے جارہے ہیں۔

فرنچائز مالکان کا موقف ہے کہ فی الحال بیرون ملک ڈرافٹ اور میچز کرانا مناسب نہیں ہوگا۔

پی ایس ایل کے ڈرافٹ کیلئےکراچی یا لاہومیں سے کسی ایک شہر کا انتخاب کیا جائے گا، پی ایس ایل میچز کے مجوزہ مقامات میں لاہور، راولپنڈی، کراچی اور ملتان شامل ہیں۔

آئی سی سی چیمپئینز ٹرافی کی میزبانی ملنے کی وجہ سے پی ایس ایل کا میلہ اس بار 8 اپریل سے 19 مئی تک سجے گا۔

پشاور: صوبے خیبر پختو نخواہ ا میں موسم کی شدت بڑھنے سے گرم علاقوں کا درجہ حرارت بھی 5 ڈگری سینٹی گریڈ تک گر گیا ہے۔

محکمہ موسمیات کے مطابق صوبے کے بالائی اضلاع میں شدید سرداوربیشتر اضلاع میں موسم سرد اورخشک رہنے کا امکان ہے۔ اسی طرح بالائی علاقوں میں موسم جزوی ابر آلود ہے۔ چترال اور بالائی دیر میں بعض مقامات پر ہلکی بارش جب کہ پہاڑوں پر ہلکی برفباری کا امکان ہے۔

صوبائی دارالحکومت پشاور میں کم سے کم درجہ حرارت بدستور 2 ڈگری سینٹی گریڈ ریکارڈ کیا گیا۔ اسی طرح کالام میں کم سے کم درجہ حرارت منفی 4 ، مالم جبہ ، دیر بالا اورپاراچنار میں منفی 3 ریکارڈ ہوا۔

اُدھر تیمرگرہ دیر لوئر، سوات مینگورہ میں منفی 2، چترال منفی ایک ،کاکول صفر درجہ حرارت ریکارڈ کیا گیا۔

خیبر پختون خوا کے گرم ترین علاقے ڈیرہ اسماعیل خان اور بنوں کا کم سے کم درجہ حرارت بھی 5 ڈگری سینٹی گریڈ ریکارڈ ہوا۔