کراچی : ایڈمنسٹریٹر و کمشنر کراچی افتخار شالوانی نے گزشتہ روز بلدیہ عظمیٰ کراچی کے المرکز اسلامی عائشہ منزل فیڈرل بی ایریا میں دوسرے سی ایس ایس کارنر کے افتتاح کردیا

تقریب سے خطاب کرتے ہوئے ایڈمنسٹریٹر کراچی نے کہا کہ سی ایس ایس مقابلے کا امتحان ہے اس کے لئے اسمارٹ ریڈنگ، اپنے مضامین پر فوکس، لائبریری میں بیٹھ کر مطالعہ اور انگلش مضمون نگاری پر عبور ہونا ضروری ہے ، یہ کوئی مشکل امتحان نہیں ہے ہر اچھا طالب علم اسے پاس کرسکتا ہے ۔

انہوں نے مزید کہا کہ متوسط و غریب طبقے سے تعلق رکھنے والے نوجوانوں کے لئے یہ ایک اچھا موقع ہے کہ وہ اپنی صلاحیتوں کے اظہار کے ذریعے موجودہ بیوروکریٹس کی جگہ لیں اور خود کو اعلیٰ سرکاری عہدے کا اہل ثابت کردکھائیں، کراچی کے ہر علاقے کے نوجوان طلبہ و طالبات کو سی ایس ایس امتحان کی تیاری کا موقع فراہم کیا جا رہا ہے جس کے مستقبل میں انتہائی مثبت نتائج سامنے آئیں گے

اس موقع پرڈائریکٹر جنرل پارکس طحہ سلیم، ایڈیشنل کمشنر کراچی ڈاکٹر وقاص روشن، سینئر ڈائریکٹر کلچر اینڈ اسپورٹس سید خورشید شاہ، ڈائریکٹر ویمن اسپورٹس کمپلیکس ناہید عابدہ، ڈائریکٹر اسپورٹس کمپلیکس کنور ایوب، ڈائریکٹر کلچر شمس مسعودی ، سابق سینئر بیوروکریٹس، اعلیٰ افسران اور طلبا کی بڑی تعداد بھی موجود تھی۔

کراچی :  جامعہ کراچی نے 80طلباوطالبات کو ایم فل،پی ایچ ڈی اور ایم ایس کی ڈگریاں تفویض کردی۔

جامعہ کراچی کے وائس چانسلر پروفیسر ڈاکٹرخالد محمود عراقی کی زیر صدارت منعقدہ ایڈوانسڈ اسٹڈیز اینڈریسرچ بورڈ (اے ایس آربی)کے حالیہ اجلاس میں 42طلبا وطالبات کو پی ایچ ڈی جبکہ 32 طلباوطالبات کو ایم فل اور06 طلباوطالبات کو ایم ایس کورس ورک(30 کریڈٹ آرز) مکمل کرنے پر ڈگریاں تفویض کی گئیں۔

مانیٹرنگ ڈیسک : دنیا بھر میں کورونا وائرس کی دوسری لہر کی شدت میں ہر گزرتے دن کے ساتھ اضافہ ہورہا ہے اور اس کو دیکھتے ہوئے گوگل نے اپنی مقبول ترین میپس ایپ میں نئے فیچرز کا اضافہ کیا ہے۔

صارفین کی آسانی کےلئے رواں سال ستمبر میں گوگل میں ایک نئی کووڈ لیئر کا اضافہ کیا گیا تھا تاکہ صارف کسی بھی علاقے میں اس بیماری کے کیسز کی تعداد کو زیادہ بہتر طریقے سے جان سکیں۔

صارفین اس فیچر کو ان ایبل کرنے کے بعد ایک کلر کوڈ نقشہ دیکھ سکیں گے جو ہر ایک لاکھ افراد آبادی میں کیسز کے اعدادوشمار ظاہر کرے گا۔اسی طرح اس کلر کوڈڈ نقشے میں ایسے لیبلز بھی ہوں گے جو بتائیں گے کہ اس علاقے میں کیسز کی تعداد بڑھ رہی ہے یا کم ہورہی ہے۔

اب اس فیچر کو مزید بہتر کیا جارہا ہے جس میں مزید تفصیلات جیسے کسی علاقے میں تشخیص ہونے والے تمام کیسز، مقامی گائیڈلائنز اور ٹیسٹنگ سائٹس کا اضافہ کیا جارہا ہے۔اس فیچر کے تحت صارفین کو بس، ٹرین اور ٹرانزٹ اسٹیشنز میں ہجوم کی تفصیلات مل سکیں گی اور اس کے لیے صارفین سے ہی مدد لی جائے گی جو رئیل ٹائم میں تفصیلات اس میں درج کریں گے۔

گوگل کی جانب سے پبلک ٹرانسپورٹ میں لوگوں کے ہجوم کے حوالے سے لائیو اپ ڈیٹس بھی فراہم کی جائیں گی، تاکہ وبا کے دوران لوگ ہجوم میں جانے سے گریز کرسکیں۔
یہ فیچر فی الحال چند ممالک بشمول امریکا، برازیل اور بھارت میں متعارف کرایا جارہا ہے۔

مانیٹرنگ ڈیسک : ہر سال کی طرح چینی کمپنی اوپو نے نئے سال 2021 میں ایک اور منفرد ڈیزائن والے اسمارٹ فون پیش کرنے کی تیاری کرلی۔کمپنی نےرول ایبل کانسیپٹ اسمارٹ فون اوپو ایکس 2021 کے نام سے پیش کیا ہے۔ جس کے مطابق کانسیپٹ اسمارٹ فون 6.4 انچ سے 7.4 انچ تک پھیل سکتا ہے جبکہ کسی ویڈیو کو کھولنے پر اسکرین خودکار طور پر ایسپکٹ ریشو کو ایڈجسٹ کرلے گا۔

اوپو ایکس 2021 میں ایک ڈائنامک فریم موجود ہے، جس میں ایک لچکدار فریم ہے جو اسکرین کو اوپر حرکت کرنے میں مدد دیتا ہے۔

کمپنی کی جانب سے اس فون کو فروخت کے لیے پیش کرنے کے بارے میں کچھ نہیں بتایا گیا۔

ممکنہ طور پر اس شکل میں یہ فون متعارف ہوگا بھی نہیں بلکہ اس ٹیکنالوجی کو مستقبل کے فونز کے لیے استعمال کیا جائے گا۔

تاہم اس حوالے سے کوئی واضح فیصلہ کمپنی کے باضابطہ اعلان سے ہی ہوسکے گا۔

ڈسپلے کے اندر موجود ڈوئل رولنگ موٹرز کی بدولت اوپو نے زیرو کریز اسکرین کے حصول میں کامیابی حاصل کی، یہ وہ مسئلہ ہے جو ابھی بیشتر فولڈایبل فون بنانے والی کمپنیوں کے لیے دردسر بنا ہوا ہے۔