ایمز ٹی وی (لاہور) تحریک انصاف کے 30 نومبر کے جلسے کے خلاف لاہور ہائیکورٹ میں درخواست دائر کی گئی جسے عدالت نے منظور کرلیا اور  تحریک انصاف کا جلسہ رکوانے کی درخواست پر وفاقی، پنجاب حکومت اور عمران خان کو نوٹس بھی  جاری کردیا۔ درخواست گزار نے موقف اختیار کیا ہے کہ عمران خان حالات کو خانہ جنگی اور انتشار کی طرف لے جانا چاہتے ہیں اس لئے 30 نومبر کا جلسہ رکوانے کے احکامات جاری کئے جائیں۔ جسٹس خالد محمود نے درخواست گزار کو مخاطب کرتے ہوئے کہا کہ حکومت جلسے کی اجازت دینا چاہتی ہے توآپ کو کیااعتراض ہے جبکہ میڈیا میں یہ آتا ہے کہ حکومت کوجلسے سے کوئی پریشانی نہیں۔ جسٹس خالد محمود خان نے درخواست پر ریمارکس دیتے ہوئے کہا کہ مارچ رکوانےکے لیے بھی حکم جاری کیاتھا،اس کاکیابنا سب کومعلوم ہے اور عدالتوں، آئین اور قانون کا مذاق اڑایا جاتا ہے تاہم ہر قیمت پر آئین کا تحفظ ضروری ہے۔عدالت نے درخواست سماعت کے لئے منظور کرتے ہوئے وفاقی حکومت سمیت پنجاب حکومت اور چیئرمین تحریک انصاف عمران خان کو 24 نومبر تک نوٹسز جاری کردیئے۔

ایمز ٹی وی (فارن  ڈیسک)

سڈنی......ہالی وڈ اسٹار انجلینا جولی نے اداکاری چھوڑنے کا ارادہ باندھ لیاہے،انکا کہنا ہے کہ ڈائریکشن پسند ہے اور جلد ہی وہ ایکٹنگ چھوڑ کر ڈائریکشن شروع کردیں گی ، ورلڈ وار ٹو پر بننے والی فلم اَن بروکن کا پریمیئر۔مداحوں کے جوش اور کیمروں کی لائٹس میں ریڈ کارپٹ تقریب ہوئی ۔تقریب میں ہالی وڈ اسٹار انجلینا جولی اور بریڈ پٹ نے پرستاروں کے ساتھ تصاویر کھنچوائیں ،فلم ڈائریکٹر39 سالہ انجلینا نے میڈیا سے بات کرتے ہوئے کہا کہ وہ چند اور فلموں میں ایکٹنگ کے بعد اسے چھوڑنے کا اراد ہ رکھتی ہیں ، جس کے بعد ان کی توجہ ڈائریکشن پر ہوگی اور آئندہ 2 سال وہ ڈائریکشن سیکھیں گی۔اَن بروکن سے پہلے انجلینا 2011 میں فلم’’ان دی لینڈ آف بلڈ اینڈ ہنی‘‘ بھی ڈائریکٹ کرچکی ہیں۔

ایمز ٹی وی (کراچی) کراچی کے علاقے لیاری میں مبینہ پولیس مقابلے کے دوران اہم دہشتگرد ندیم عرف جاپانی مارا گیا۔ لیاری میں ہی رینجرز کے ساتھ 3 مبینہ مقابلوں میں گینگ وارکے اہم ملزمان لالہ اورنگی اور نعیم کالو سمیت تین ملزمان ہلاک ہو گئے۔چاروں ملزمان مجموعی طور پر قتل کی 171وارداتوں میں ملوث تھے۔ ایس ایس پی سٹی شیراز نذیر نے بتایا کہ ملزم کا تعلق بابا لاڈلہ گروپ سے تھا۔پولیس حکام کا دعویٰ ہے کہ ملزم نے 60 افراد کو قتل کیا تھا اور وہ جھٹ پٹ مارکیٹ دھماکے میں بھی ملوث تھا جس میں 12 بچوں اور خواتین سمیت 16 افراد جاں بحق ہوئے تھے۔لیاری آٹھ چوک کے قریب رینجرز کے ساتھ مبینہ مقابلے میں بابا لاڈلہ گروپ سے تعلق رکھنے والے دو ملزمان فیض محمد عرف لالہ اورنگی اور محمد نعیم عرف نعیم کالو مارے گئے۔ رینجرز حکام کے مطابق ملزم لالہ اورنگی ٹارگٹ کلنگ کی 59وارداتوں میں مطلوب ہونے کے علاوہ دہشتگردی سمیت دیگر سنگین جرائم میں بھی ملوث تھا،، جبکہ محمد نعیم عرف نعیم کالو پیپلز پارٹی کے سابق کونسلر جمیل کے قتل سمیت ٹارگٹ کلنگ کی 42 وارداتوں میں ملوث تھا۔ تیسرا مبینہ مقابلہ سنگولین میں ہوا، ترجمان رینجرز کے مطابق مقابلے میں گینگسٹر یونس عرف مادی مارا گیا۔ رینجرز ترجمان کا دعوی ہے کہ ہلاک ملزم پولیس کے اے ایس آئی ریاض تنولی اور ایک سیاسی جماعت کے 5 کارکنوں کے قتل سمیت ٹارگٹ کلنگ کی 10 وارداتوں میں مطلوب تھا۔

ایمز ٹی وی (فارن ڈیسک)ٹوکیو......معاشی پالیسیوں پر تنقید کے بعد جاپان کی اسمبلی تحلیل کردی گئی۔دسمبر میں ملک میں قبل از وقت انتخابات کا امکان ہے ۔جاپان کی اسمبلی کے اسپیکر نے بتایا کہ آرٹیکل سات کے تحت اسمبلی کے تحلیل کردی گئی ہے۔ انتخابات آئندہ ماہ ہو نے کا امکان ہے۔وزیر اعظم شینزوایبے کی معاشی پالیسیوں پر تنقید کےبعد اسمبلی میں اسنیپ پولنگ ہوئی ، 18 اور 19نومبر کوہونے والی پولنگ میں شینزوایبے کو 39 فیصد ووٹ ملے ۔ اور وہ اعتماد حاصل نہیں کرسکے۔جاپانی وزیراعظم نےآج دوپہر کابینہ کا ہنگامی اجلاس طلب کرنے کا فیصلہ کیا ہے-