ایمزٹی وی:(کراچی) سرجانی ٹاؤن میں فائرنگ سے متحدہ کا کارکن زخمی ہوگیا پیرآباد تھانے کے علاقے کواری کالونی میں واقعے مدینہ مسجد کے قریب نامعلوم ملزمان نے فائرنگ کر کے موٹر سائیکل سوارکو زخمی کردیا اور فرار ہو گیا، زخمی کو عباسی شہید اسپتال منتقل کیا جا رہا تھا کہ وہ زخموں کی تاب نہ لاتے ہوئے دم توڑ گیا، پیر آباد پولیس کے مطابق ہلاک ہونے والے شخص کی شناخت35 سالہ شفیع اﷲ کے نام سے کر لی گئی اور مقتولMPR کالونی کا رہائشی تھا اور علاقے میں قائم البدر مدرسے میں بچوں کو دینی تعلیم دیتا تھا۔ 

سرجانی ٹاؤن کے علاقے اﷲ والی مسجد نیو کراچی کے قریب نامعلوم ملزمان نے موٹر سائیکل سوار شخص پر فائرنگ کردی اور فرار ہو گئے، موٹر سائیکل سوار شدید زخمی ہو گیا جسے تشویشناک حالت میں عباسی شہید اسپتال منتقل کردیا گیا، ایس ایچ او سر جانی ٹاون بشیر وٹو نے ایکسپریس کو بتایا کہ زخمی کی شناخت 30 سالہ محمد ناصر کے نام سے ہوئی ہے، وہ لائنز ایریا کا رہائشی اور متحدہ قومی موومنٹ کا رکن ہے، فائرنگ سے بچنے کیلیے محمد ناصر اپنی موٹر سائیکل سڑک پر چھوڑکر بھاگ رہا تھاکہ ملزمان نے تعاقب کیااور مزید فائرنگ کی۔

قائد آباد کے علاقے لانڈھی دائود چورنگی کے قریب مسافر کوچ میں ڈکیتی میں مزاحمت پر مسلح ملزم کی فائرنگ سے بس کنڈیکٹر30 سالہ عدنان زخمی ہو گیا۔رات گئے گارڈن کے علاقے رامسوامی بند پیٹرول پمپ والی گلی میں واقع عمارت کے باہر بیٹھے ہوئے نوجوان کو موٹر سائیکل پر سوار 2 ملزمان نے فائرنگ کر کے ہلاک کر دیا۔ پولیس کا کہنا ہے کہ مقتول کی عمر 25 سال کے قریب ہے جبکہ فوری طور پر اس کی شناخت نہیں ہو سکی۔

ایمز ٹی وی انٹرٹینمنٹ ڈیسک

برازیل کے جوئی کروالہو  نامی 15 سالہ طالبعلم کے ہاتھ میں وہ جادو ہے کہ وہ کاغذ پر صرف پینسل کی مدد سے ایسے فن پارے بناتا ہے جس کو دیکھ کر حقیقت کا گمان ہوتا ہے،،،، اس کم عمر آرٹسٹ کی تصویروں میں ایسا تھری ڈی ایفیکٹ ہوتا ہے کہ لگتا ہے تصویر نہیں بلکہ اصل میں کوئی کارٹون کریکٹر کھڑا ہے،،، جوئی کا کہنا ہے کہ اس نے ایسی تصاویر بنانے کا ایک تجربہ کیا اور کورے سفید کاغذ پر نیلی لکیروں کی مدد سے پہلا تھری ڈی فن پارا بنایا جو دیکھتے ہی دیکھتے لوگوں میں مقبول ہوگیا،،،

ایمز ٹی وی (فارن ڈیسک) سابق صدر مملکت اور پاکستان پیپلز پارٹی کے شریک چیئرمین آصف علی زرداری نے کہا ہے کہ  ایم کیو ایم کی قیادت کے پاس میرا لندن کا پتہ موجود ہے، ان کی لندن قیادت جب چاہے مجھ سے ملاقات کر سکتی ہے، انکا کہنا تھا کہ ہم ہمیشہ سے ہی گورنر سندھ ڈاکٹر عشرت العباد خان کے ذریعے متحدہ قومی موومنٹ سے رابطے میں تھے، افسوس کی بات ہے کہ ایم کیو ایم اور پیپلز پارٹی ایک دوسرے کو مطمئن نہ کر سکے مگر ہمارے دروازے ہر وقت متحدہ کے دوستوں کے لئے کھلے ہیں۔ میڈیا سے خصوصی بات چیت میں انہوں نے کہا کہ جلسوں سے خطاب میں بلاول بھٹو زرداری اپنی باتیں کرتے ہیں، ایم کیو ایم کو ان کی باتوں سے پریشان نہیں ہونا چاہئے اور سیاسی پختگی کا مظاہرہ کرنا چاہئے۔

ایمز ٹی وی (فارن ڈیسک) شاہ پور میں منعقدہ ایک تعلیمی سیمینار سے ٹیلیفونک خطاب کے دوران نوبیل انعام یافتہ اور لڑکیوں کی تعلیم کیلئے آواز اٹھانے والی، ملالہ یوسف زئی نے پاکستان کے شہر شانگلہ میں لڑکیوں کیلئے اسکول اور کالج تعمیر کرنے کا اعلان کیا ہے۔ انہوں نے کہا کہ شانگلہ میرا شہر ہے ۔ میرا بچپن اسی شہر میں گزرا ہے ۔ ملالہ کا کہنا ہے کہ میں شانگلہ میں تعلیم سے محروم بچوں کیلئے اسکول اور کالج تعمیر کراوٴں گی، ان کا کہنا تھا کہ افسوس ہے کہ میرے شہر کے بچے تعلیمی سہولتوں سے محروم ہیں۔ ملالہ یوسفزئی کا مزید کہنا تھا کہ شانگلہ میں لڑکیوں کےاسکول کی کمی ہے اور تعلیم کی مناسب سہولتیں موجود نہیں۔

ملالہ شانگلہ شہر میں پیدا ہوئیں جہاں اُن کا بچپن گزرا۔ بعدازاں، ان کے والدین سوات شہر منتقل ہوگئے تھے ۔