ایمز ٹی وی (فارن ڈیسک)

دنیا کا سب سے بڑا اور سب سے مہنگا ڈیجیٹل اشتہاری بورڈ امریکی شہر نیویارک کے مشہور ٹائمز سکوائر میں نصب کرلیاگیا-

اس آٹھ منزلہ عمارت کی اونچائی والا یہ بل بورڈ ایک فٹبال کے میدان جتنا بڑا ہے اور اسے میریئٹ مارکویس ہوٹل پر نصب کیا گیا ہے۔

 گوگل نے جنوری 2015 تک اس بورڈ پر اپنا اشتہار چلانے کا معاہدہ کیا ہے۔

جبکہ گوگل کے اشتہار چلنے تک اس پر قدرتی مناظر سے متاثر ہو کر بنائے گئے فن پارے ایک ہفتے تک دکھائے جائیں گے۔

بل بورڈ کے افتتاح کے موقع پر ہزاروں سیاح اور شائقین ٹائمزاسکوائر میں جمع ہوئے ہیں

  اس بورڈ پر اشتہار چلانے کا معاوضہ اندازاً 25 لاکھ ڈالر ہے- تاہم ٹیکنالوجی کمپنی گوگل اس بورڈ پر اشتہار چلوانے والی دنیا کی پہلی کمپنی بن گئی ہے۔

ایمز ٹی وی (نیوز ڈیسک)

 کراچی کے علاقے گلستان جوہر بلاک 16 میں واقع جھونپڑیوں میں سے ایک میں کھانا پکانے کے دوران آگ لگ گئی جس نے دیکھتے ہی دیکھتے اطراف میں واقع مزید جھونپڑیوں کو بھی اپنی لپیٹ میں لے لیا، واقعے کی اطلاع ملتے ہیں فائر بریگیڈ کی ایک گاڑی  نے موقع پر پہنچ کر آگ پر قابو پانے کی کوشش کی تاہم صورتحال کی سنگینی کو دیکھتے ہوئے مزید 5 گاڑیاں اور ایک واٹر براؤزر بلایا گیا جس نے چند ہی دیر میں  آگ پر قابو پالیا۔

آتشزدگی کے واقعے میں ایک خاتون جھلس کر جاں بحق جبکہ 5 بچوں سمیت 6 افراد زخمی ہوئے-

ایمز ٹی وی( نیوز ڈیسک) لاہورمیں انسداد دہشتگردی کی خصوصی عدالت کے جج ہارون لطیف نے رواں سال مئی کے مہینے میں عدالتی احاطے میں اینٹیں مار کر قتل ہونے والی خاتون فرزانہ پروین کے کیس کا فیصلہ سناتے ہوئے مقتولہ کے والد عظیم ، بھائی زاہد اقبال، سابق شوہر مظہر اقبال اور کزن جہان خان کو 3،3  بار سزائے موت اور ایک ایک لاکھ روپے جرمانے کی سزا سنائی۔ عدالت نے مقتولہ کے ایک اور شریک مجرم  بھائی غلام علی کو 10 سال قید اورایک لاکھ روپے جرمانے کی بھی سزا سنائی۔

یاد  رہے کہ رواں سال 27 مئی کو پسند کی شادی کرنے والی فرزانہ پروین کو اس کے اپنے سگے باپ، بھائی، سابق شوہر اور رشتہ داروں نے لاہور ہائیکورٹ کے باہر اینٹیں مار کر قتل کردیا تھا -

ایمز ٹی وی (نیوز ڈیسک)

کراچی: اسپیکر سندھ اسمبلی آغا سراج درانی نے کہا کہ سیاسی جماعتوں کے درمیان مقابلے جلسوں میں نہیں انتخابات میں ہوتے ہیں، جمہوریت میں کسی کو جلسہ کرنے سے نہ روک سکتے  ہیں اور نہ ہی ہم ایسا کریں گے، عمران خان کو لاڑکانہ میں نہیں سندھ کے کسی چھوٹے گاؤں میں جلسہ کرنا چاہیئے، ان کے جلسے میں پیپلز پارٹی کے تھوڑے بہت مخالفین شرکت کریں گے

آغا سراج درانی کا کہنا تھا کہ تھر کے معاملے پر انہیں جب ناموں کی فہرست ملے گی تو کمیٹی بھی بن جائے گی، ارباب غلام رحیم نااہل آدمی ہیں،اسمبلی میں نہیں آتے،  انھیں اسمبلی میں بھی رہنے نہیں دینا چاہیے۔