ایمز ٹی وی (کراچی )پاکستان پیپلز پارٹی سندھ کے صدر نثار احمد کھوڑو نے کہا ہے کہ پیپلز پارٹی نے ایم کیو ایم پاکستان کو ان کی کانفرنس میں شرکت کی کوئی یقین دہانی نہیں کرائی تھی اور کانفرنس میں شرکت کرنے یا نہ کرنے کے متعلق فیصلہ پارٹی قیادت کی مشاورت سے مشروط کیا تھا اور پیپلز پارٹی کی قیادت کے فیصلے پر ہی ہم نے ایم کیو ایم کی کانفرنس میں شرکت نہیں کی،شاید ایم کیوایم پاکستان کی کثیر الجماعتی کانفرنس وفاقی حکومت کے کراچی کے لیے 25ارب روپے کے پیکج کے لیے لابی بنانا تھی اگر ڈاکٹر فاروق ستار کانفرنس کی آڑ میں کراچی پیکج کے لیے لابی بنا رہے تھے تو پیپلز پارٹی اس کانفرنس کا حصہ کیسے بن سکتی تھی،ہوسکتا ہے ۔ ایم کیو ایم پاکستان نے لندن کے کہنے پر کانفرنس ملتوی کی ہو ،ایم کیو ایم پاکستان کے وفد نے ملاقات کرکے صرف زبانی بات کی،کانفرنس کا دعوت نامہ دیا اورنہ ہی کانفرنس کا موضوع بتایا،ان خیالات کا اظہار انھوں نے بدھ کو سندھ اسمبلی کے کمیٹی روم میں صوبائی وزیر اطلاعات سید ناصر شاہ ،وقار مہدی ، راشد ربانی کے ہمراہ پریس کانفرنس کرتے ہوئے کیا ۔
نثاراحمد کھوڑونے کہا کہ ڈاکٹر فاروق ستار نے ایم کیو ایم پاکستان کی کثیر الجماعتی کانفرنس میں پیپلز پارٹی کی حمایت سے متعلق غلط بیانی کی ہے۔ انھوں نے کہا کہ خواجہ اظہار الحسن کی سربراہی میں وفد نے ملاقات کرکے صرف زبانی بات کی، کانفرنس کا دعوت نامہ نہیں دیا نہ ہی کانفرنس کا موضوع بتایا گیاتھا۔ ایک سوال کے جواب میں
انھو ں نے کہا کہ ایم کیو ایم کے دیرینہ مخالف دھڑے اگر آپس میں مل رہے ہیں تو ہمیں کوئی اعتراض نہیں،انھوں نے کہا کہ ڈاکٹر فاروق ستار وضاحت کریں کہ ان پر انضمام کیلئے کون دبائو ڈال رہا ہے۔ انھوں نے کہا کہ ایم کیو ایم پاکستان جمہوریت کے خلاف سازش کی بات کررہی ہے تو وہ بھی وضاحت کریں کہ سازش کون کررہا ہے۔ انھوں نے کہا کہ پیپلز پارٹی نے ہمیشہ جمہوریت کا ساتھ دیا اورجمہوریت کے خلاف کسی بھی سازش کا حصہ نہیں بنے۔
ایمز ٹی وی (پشاور)جماعت اسلامی نے وفاقی حکومت کو خبر دار کیا ہے کہ اگر اس نے عید الاضحیٰ سے قبل وفاق کے زیر انتظام قبائلی علاقے (فاٹا) کو خیبر پختونخوا میں ضم کرنے اور فرنٹیئر کرائم ریگولیشن (ایف سی آر) کو ختم کرنے کا اعلان نہیں کیا تو عید کے بعد اسلام آباد کی جانب لانگ مارچ کیا جائے گا۔ خیبرپختونخوا میں گورنر ہاؤس کے باہر دھرنے کے دوران خطاب کرتے ہوئے امیرِ جماعت اسلامی سینیٹر سراج الحق نے کارکنان اور قبائلیوں پر زور دیا کہ وہ اسلام آباد میں لانگ مارچ کی تیاری کریں۔
ان کا کہنا تھا کہ اگر وفاقی حکومت مطالبات پورے نہیں کرتی تو وہ خود اس لانگ مارچ کی قیادت کریں گے۔ جماعت اسلامی کے سربراہ کا کہنا تھا کہ فاٹا کے عوام فرسودہ نظام کے خلاف اٹھ کھڑے ہوئے ہیں اور انہوں نے انگریزوں کے دور کے اس نظام کو مسترد کردیا ہے جس میں صرف کرپٹ لوگوں کے مفادات ہیں۔ وزیر اعظم پاکستان شاہد خاقان عباسی کو تنقید کا نشانہ بناتے ہوئے ا
نہوں نے کہا کہ وزیر اعظم کو اب تک یقین نہیں آرہا کہ وہ ملک کے چیف ایگزیکٹو بن چکے ہیں جبکہ انہیں ہی فاٹا کے مستقبل کے لیے نمایاں اقدامات کرنے ہوں گے۔ جماعت اسلامی کے کارکنان نے پشاور میں گورنر ہاؤس کے سامنے دھرنا دیا جہاں انہوں نے فاٹا کو خیبر پختونخوا کا حصہ بنانے اور ایف سی آر کو ختم کرنے کے حوالے سے نعرے بازی بھی کی۔ خیال رہے کہ رواں ماہ 11 اگست کو پاکستان تحریک انصاف (پی ٹی آئی) نے بھی فاٹا اصلاحات کو نافذ کرنے کے حوالے سے حکوت پر دباؤ دینے کے لیے اسی جگہ پر دھرنا دیا تھا۔ امیر جماعت اسلامی نے کہا کہ قومی اسمبلی کو الیکشن بل 2017 پاس کرنے کے بجائے فاٹا اصلاحاتی بل پاس کرنا چاہیے تھا اور 2018 کے عام انتخابات میں خیبر پختونخوا اسمبلی میں فاٹا کو نمائندگی دینے کا اعلان بھی کرنا چاہیے تھا۔ ا
ن کا کہنا تھا کہ وفاقی حکومت فاٹا اصلاحات رپورٹ کو نافذ نہ کرکے آئین کے آرٹیکل 62 اور 63 کی خلاف ورزی کر رہی ہے۔ سینیٹر سراج الحق نے امریکی صدر کی جانب سے پاکستان کو امداد بند کرنے کی دھمکی اور پاکستان پر دہشت گردوں کو پناہ دینے کا الزام لگانے پر کڑی تنقید کا نشانہ بنایا۔ انہوں نے کہا کہ امریکا، پاکستان کے اندرونی معاملات میں مداخلت کر رہا ہے اور دوسری جانب اپنی پالیسی پر سزا دینے کی دھمکی بھی دے رہا ہے۔ ان کا مزید کہنا تھا کہ امریکا اپنی فرسودہ پالیسی کی وجہ سے ہونے والی ناکامی کا ذمہ دار دوسروں کو ٹھہرا رہا ہے۔
ایمز ٹی وی (کراچی)ڈپٹی میئر کراچی ڈاکٹرارشد عبداللہ وہرہ نے کہا ہے کہ اعلان کردہ وفاقی حکومت کے 25 ارب کے پیکیج سے شہر میں ضروری ترقیاتی کام انجام دیئے جائیں گے یہ پیکیج تمام اسٹیک ہولڈرز کی مشاورت سے ہے ۔ پاکستان کے70 ویں جشن آزادی میں بچوں بڑوں سب کی یکساں شرکت اچھی علامت ہے، اتحاد ویکجہتی برقرار رکھنے کیلئے پاکستانی قوم کو اپنا یوم آزادی اسی جوش وخروش سے منانا چاہیئے۔ بلدیہ عظمیٰ کراچی کے زیر انتظام اسپتالوں میں زیر علاج مریضوں کو بھی جشن آزادی کی خوشیوں میں شریک رکھنا چاہتے ہیں ان خیالات کا اظہار انہوں نے اتوار کی صبح سوبھراج میٹرنٹی اسپتال کے دورے کے موقع پر بات چیت کرتے ہوئے کیا سوبھراج اسپتال آمد پراسپتال کے ایم ایس ڈاکٹر محمدعلی نے ڈپٹی میئرکراچی کو خوش آمدید کہا جبکہ ایڈیشنل ایم ایس ڈاکٹر سلیم بھولا والا اور دیگرافسران بھی اس موقع پر موجود تھے ۔
ڈپٹی میئر نے اسپتال کے مختلف حصوں کا دورہ کیا اور اسٹاف سے بات چیت کی جبکہ سٹی کونسلر تحسین عابدی اور دیگر خواتین بلدیاتی نمائندوں نے اسپتال کے گائنی اور دیگر وارڈز میں جاکر وہاں داخل مریضوں کو ڈپٹی میئر کراچی کی طرف سے یوم آزادی کے تحائف اور پھول دیئے ۔ ڈپٹی میئر کراچی نے کہا کہ کراچی کے لئے اعلان کردہ وفاقی حکومت کے 25 ارب کے پیکیج سے شہر میں ضروری ترقیاتی کام انجام دیئے جائیں گے۔
انہوں نے کہا کہ یہ پیکیج تمام اسٹیک ہولڈرز کی مشاورت سے ہے اور ہمارا مطالبہ ہے کہ کراچی میں پہلے سے جاری گرین لائن بی آرٹی بس پروجیکٹ کے فور منصوبہ اور دیگر ترقیاتی منصوبے جلد پایہ تکمیل کو پہنچے جبکہ لیاری ایکسپریس وے کے باقی ماندہ کام کے بھی جلد مکمل ہونے کی توقع ہے ۔ ڈپٹی میئر نے کہا کہ ہم شہر میں بے ہنگم اور خلاف ضابطہ اشتہاری ہورڈنگز لگانے کے خلاف ہیں انہوں نے خاص طورپر کارسازروڈ اور شارع فیصل کا حوالہ دیا جہاں اشتہاری ہورڈنگز کی بھرمار ہے انہوں نے کہا کہ اس سلسلے میں سپریم کورٹ کی ہدایات موجود ہیں اور یہ تمام چیزیں قواعد وضوابط اور ڈسپلین کے تحت لائی جانی چاہئیں۔