ایمز ٹی وی (صحت)ویسے تو کون ہے جسے انگور کھانا پسند نہیں ہوگا؟ مگر یہ پھل صرف لذیذ ہی نہیں بلکہ صحت کے لیے انتائی مفید بھی ہے۔اس مزیدار پھل کو کھانا پسند کرنے والوں کے لیے اچھی خبر یہ ہے کہ اس سے دماغ کو الزائمر امراض سے تحفظ ملتا ہے۔یہ بات امریکا میں ہونے والی ایک طبی تحقیق میں سامنے آئی۔ کیلیفورنیا یونیورسٹی کی تحقیق کے مطابق انگور کھانے کی عادت دماغی تنزلی کا خطرہ کم کرنے میں مددگار ثابت ہوتی ہے۔تحقیق میں بتایا گیا کہ انگور کھانے سے ان اثرات سے تحفظ میں مدد ملتی ہے جو کہ الزائمر امراض سے جڑے ہوتے ہیں۔

اسی طرح ایک اور تحقیق میں یہ بات سامنے آئی کہ انگور کو کھانا بھی بینائی کے لیے اچھا ہوتا ہے اور یہ بڑھاپے میں اندھے پن کا خطرہ کم کردیتا ہے۔میامی یونیورسٹی کی تحقیق میں بتایا گیا کہ انگور کھانے سے آنکھوں کے قرینے میں نقصان دہ مالیکیولز کے اخراج کا خطرہ کم ہوجاتا ہے۔ انگور چونکہ اینٹی آکسائیڈنٹس سے بھرپور ہوتے ہیں اسی لیے وہ ڈی این اے کو نقصان سے بچا کر صحت مند خلیات کو تحفظ دیتے ہیں اور اس کے نتیجے میں بینائی کو فائدہ ہوتا ہے۔قرینہ آنکھ کا وہ حصہ ہوتا ہے جہاں موجود خلیات روشنی پر ردعمل ظاہر کرتے ہیں اور عمر بڑھنے کے ساتھ لاحق ہونے والے امراض سے اندھے پن کا خطرہ بڑھتا ہے۔

محققین کے مطابق انگوروں کو غذا میں شامل کرنے سے قرینے کی صحت کو تحفظ ملتا ہے اور وہ مضر صحت مالیکیولز سے ہونے والے نقصان کی بھرپائی کرکے آنکھوں کے افعال کو بحال رکھتے ہیں۔انگور وٹامن سی ، کے اور بیٹا کروٹین سے بھرپور ہوتے ہیں جو جسم کے اندر سے نقصان دہ مالیکیولز کو نکال باہر کرتے ہیں۔

ایمز ٹی وی ( تعلیم /کراچی ) دائود یونیورسٹی آف انجینئرنگ اینڈ ٹیکنالوجی کے وائس چانسلر ڈاکٹر فیض اللہ عباسی نے کہا ہے کہ کامیابی کیلئے سخت محنت کی ضرورت ہے، وقت کو ضائع ہونے سے بچانے اور بہتر فوائد کیلئے طلباء اپنی نصابی اور غیر نصابی سرگرمیوں کو خود مانیٹر کریں اور عزم کریں کہ وہ ہروقت مطالعہ کریں گے اپنے ساتھ ہمیشہ اچھی کتابیں رکھیں ، ہم نے یونیورسٹی میں بہترین تعلیمی کلچر فروغ دے دیا ہے جہاں بنا کسی رکاوٹ کےکلاسز کا انعقاد بڑی کامیابی ہے ۔

ان خیالات کا اظہار انہوں نے داؤد یونیورسٹی میں ’تحقیق کے طریقہ کار‘ کے موضوع پر منعقد ایک سیمینار سے خطاب کرتے ہوئے کیا ۔ سیمینار میں دائود یونیورسٹی پرو وائس چانسلر ڈاکٹر پیر روشن دین شاہ راشدی ، اکیڈمک کورآرڈینٹر ڈاکٹر دوست علی خواجہ ،رجسٹرار کیپٹن (ر) سید وقار حسین شاہ ، تمام شعبوں کے چیئرپرسنز ، اساتذہ ، کلیہ ممبران اور طلباء کی بڑی تعداد نے شرکت کی۔ قبل ازیں شعبہ انڈسٹریل انجینئرنگ کے رانو خان وسان نے ’تحقیق کے طریقہ کار‘ پر معلوماتی لیکچر دیتے ہوئے طلباء کو ریسرچ ماڈلز ، مقامی تجزیات اور رجحانات اور تحقیق کو ضائع ہونے سے بچانے کیلئے پہلے سے متعین قواعد و ضوابط کے حوالے سے معلومات فراہم کیں۔

ایمز ٹی وی (تعلیم /کراچی ) گل رعنا ایجوکیشنل سوسائٹی کے چیئرمین محمد آصف خان اور فائنانس سیکرٹری محمد حسن خان نے اپنے عہدوں سے استعفیٰ دیدیا ہے۔

موجودہ منیجنگ کمیٹی میں چیئرمین محمد اطہر خان، وائس چیئرمین پلوشہ حسن، جنرل سیکرٹری محمد فیضان خان، جوائنٹ سیکرٹری سرمد مسعود، فائنانس سیکرٹری ملیحہ خان، آڈیٹر عارفہ ندیم اور اراکین میں ارم شکیل اور حبیبہ رحمٰن شامل ہیں۔

ایمز ٹی وی (صحت) اگر تو کسی دوست کے ہاتھوں میں موجود بال پین کے بٹن کو بار بار دبانا طبعیت پر گراں گزرتا ہے یا کسی کے پرزور انداز سے کھانا چبانا غصہ دلا دیتا ہے تو آپ اسے تنہا شخص نہیں بلکہ یہ کچھ افراد کا مشترکہ مسئلہ ہے۔مگر اس کی وجہ کیا ہے ؟ اس کا راز آخرکار کھل گیا ہے۔یہ دعویٰ برطانیہ میں ہونے والی ایک طبی تحقیق میں سامنے آیا۔ نیوکیسل یونیورسٹی کی تحقیق کے مطابق کچھ لوگوں کے دماغ آوازوں کی حساسیت کے حوالے سے دیگر افراد سے مختلف ہوتے ہیں اور مخصوص آوازیں ان کے اندر غصہ یا دیگر جذبات کا باعث بنتی ہیں جو کہ ایک ذہنی عارضہ ہے۔

محققین نے اسے مسو فونیا ( misophonia) کا نام دیا یعنی آواز سے نفرت، جن میں لوگوں کو چبانے، بال پین کلک، پیروں کو فرش سے ٹکرانے یا کسی اور طرح کی آواز پر شدید کوفت اور منفی جذبات کا تجربہ ہوتا ہے۔ اس حوالے سے لوگ کافی عرصے سے شکایت کررہے ہیں اور جن لوگوں کو اس کا تجربہ نہیں ہوتا انہیں تو یہ چیز مضحکہ خیز لگتی ہے مگر ڈاکٹروں نے اب اس کا راز تلاش کرلیا ہے۔اس تحقیق کے دوران چالیس سے زائد افراد پر تجربات کیے گئے جن میں سے بیس مسو فونیا کے شکار تھے اور انہیں مختلف آوازیں سنا کر ایم آر آئی ٹیسٹ کیے گئے۔ دونوں گروپس کے نتائج بہت مختلف تھے اور مسوفونیا کے شکار افراد کا آوازوں پر ردعمل ہٹ کر تھا۔

تحقیق کے مطابق ایسے افراد کے دماغ کے ان حصوں میں ابنارمل کنکشنز نظر آئے جو کہ معلومات اور جذبات کا تجزیہ کرتے ہیں، جبکہ ان کے دل کی دھڑکن بھی بڑھی اور پسینہ آنے لگا۔ محققین کا کہنا تھا کہ یہ واقعی ایک مرض ہے جسے پہلے طبی دنیا میں اہمیت نہیں دی جاتی تھی مگر ہماری تحقیق سے ثابت ہوتا ہے کہ یہ آوازیں کچھ افراد کے دماغ کو بدلتی ہیں۔انہوں نے کہا کہ ایک بار جب معلوم ہوجائے کہ دماغ میں کس طرح کی آوازیں تحریک کا باعث بنتی ہیں تو انہیں علاج کے لیے استعمال کیا جاسکتا ہے تاہم اس حوالے سے ابھی مزید کام کرنے کی ضرورت ہے۔

ایمز ٹی وی (تعلیم /حیدرآباد ) شیخ الجامعہ سندھ پروفیسر ڈاکٹر فتح محمد برفت سے کراچی میں جاپانی قونصل جنرل توشی کازو اسومورا نے اپنے پولیٹیکل و کمرشل قونصل مراتا اور عبید انور کے ہمراہ ملاقات کی۔ جس میں جامعہ سندھ کے ایریا اسٹڈی سینٹر میں جاپان زبان سکھانے کے لیے استاد کی تقرری اور جامعہ سندھ کے طلباءکو ایکسچینج پروگرام کے تحت جاپان بھیجنے کے علاوہ تعلیمی و تحقیقی میدان میں جامعہ سندھ اور جاپان کی بڑی جامعات کے مابین تعلیمی معاہدے کرنے کے حوالے سے تبادلہ خیال کیا گیا۔

جاپانی قونصل جنرل توشی کازو اسومورا اپنے دو رکنی وفد کے ساتھ جامعہ سندھ کے ایریا اسٹڈی سینٹر پہنچے جہاں شیخ الجامعہ سندھ پروفیسر ڈاکٹر فتح محمد برفت‘ سینٹر کے ڈائریکٹر حماد اللہ کاکیپوٹو و دیگر نے ان کا استقبال کیا۔ ایریا اسٹڈی سینٹر میںہونے والی ملاقات میں یونیورسٹی آف ملائیشیا پرلس کے دو پروفیسرز ڈاکٹر ہوزلی حسین‘ ڈاکٹر زریدہ محمد و دیگر بھی موجود تھے۔ ملاقات میں ڈاکٹر برفت اور ڈاکٹر حماداللہ کاکیپوٹو نے جاپانی و ملائیشیا کے مہمانوں کو سندھی اجرک کے تحائف پیش کیے۔

ملاقات میں ڈاکٹر برفت نے کہا کہ پاکستان کے صوبہ سندھ اور جاپان کی ثقافت آپس میں بہت مماثلت رکھتی ہیں‘ ثقافتی تعلقات کو مزید فروغ دینے اور جاپان کے تعلیمی مواقع سے فائدہ اٹھانے کے لیے جامعہ سندھ مختلف جاپانی جامعات کے ساتھ معاہدے کرے گی۔

انہوں نے قونصل جنرل کو بتایا کہ جامعہ سندھ میں کی ترقی اور تعلیمی اصلاحات کے لیے کوششیں شروع کی گئی ہیں‘ جلد ہی یہ دنیا کی بہترین جامعات میں سے ایک ہوگی۔ انہوں نے کہا کہ جاپانی قونصلیٹ ایکسچینج پروگرام و دیگر اسکالرشپ کے تحت جامعہ سندھ کے طلباءو اساتذہ کو جاپان بھیجنے میں کردار ادا کرے تاکہ وہ نوجوان جاپانی جامعات سے تربیت حاصل کرکے واپس آکر اپنے ملک کی خدمت کریں۔

انہوں نے کہا قونصل جنرل ایریا اسٹڈی سینٹر میںجاپانی زبان سکھانے کے لیے اساتذہ مقرر کرے تاکہ سندھ کے نوجوانوں کوجاپانی زبان سکھائی جا سکے۔

ایمزٹی وی (تعلیم /کراچی ) فردوس اتحاد کے زیراہتمام محکمہ نوجوانان امور حکومت سندھ کے تعاون سے منعقد ہونے والا دوسرا محترمہ بے نظیر بھٹو شہید انٹر کالجیٹ گرلز تقریری مقابلہ گورنمنٹ کالج شاہراہ لیاقت کی صوبیہ امین نے جیت لیا۔

یہ مقابلہ 42 گرلز کالجوں کے درمیان منعقد ہوااور آخری مقابلے میں 13 کالجوں کی طالبات نے کوالیفائی کیا جس میں صوبیہ امین نے پہلی، گورنمنٹ کالج کورنگی کی ابیہا زیدی نے دوسری اور عبداللہ گرلزکالج کی ماہم عبداللہ نے تیسری پوزیشن حاصل کی۔

اس موقع پر ڈائریکٹر اسپورٹس ونوجوانان امور شہزاد پرویز بھٹی مہمان خصوصی تھے جبکہ ڈپٹی ڈائریکٹر کالجز پروفیسر سکینہ سموں نے صدارت کے فرائض انجام دیئے انہوں نے طالبات میں نقد انعامات، ٹرافیز اور اسناد تقسیم کیں۔