Reporter SS
ایمز ٹی وی(کراچی) نامزد گورنر محمد زبیر عمر نے عہدے کا حلف لینے سے پہلے ملازمین کیلئے ایک نئے تحفے کا فیصلہ کرلیا ، سندھ حکومت نے گورنر سیکریٹریٹ کے 553ملازمین کا ہاؤس رینٹ الاؤنس بڑھا دیا۔
تفصیلات کے مطابق محمد زبیرعمر آج گورنرسندھ کےعہدے کا حلف اٹھائیں گے، عہدے کا حلف لینے سے پہلے نامزد گورنر محمد زبیر عمر نے گورنر سیکریٹریٹ کے ملازمین کا ہاؤس رینٹ الاؤنس بڑھا دیا اور اب ہر ملازم کا الاؤنس 3ہزار سے بڑھا کر ہزاروں اور لاکھوں میں کردیا گیا ہے۔
وزیراعلیٰ سندھ مراد علی شاہ کی منظوری کے بعد نوٹیفکیشن جاری کیا جائے گا، نوٹیفکیشن کے مطابق ایک سے3 گریڈ کے ملازم کو 4ہزار روپے ہاؤس رینٹ کی مد میں ملیں گے ، 4 سے7 گریڈ کے ملازم کو 6ہزار ہاؤس رینٹ ملے گا۔
گورنرہاؤس سیکریٹریٹ کے 8 سے 10گریڈ کے ملازمین کو 10ہزار ، 11 سے 15 گریڈ کے ملازم کو 15ہزار، 16 سے17گریڈ کے افسر کو 20ہزار ہاؤس رینٹ الاؤنس ملے گا۔
جبکہ 18گریڈ کے افسرکو ایک لاکھ، 19گریڈ کے افسر کو 2لاکھ ، 20گریڈ کے افسر کو ڈھائی لاکھ جبکہ 21 گریڈ کے پرنسپل سیکریٹری کو 3لاکھ ہاؤس رینٹ الاؤنس ملے گا۔
خیال رہے کہ سندھ کےنامزد گورنرمحمود زبیر عمر آج صوبے کے 32ویں گورنرکی حیثیت سےعہدے کا حلف اٹھائیں گے۔
ایمز ٹی وی(اسپورٹس) قومی کرکٹ ٹیم کے سابق کپتان رمیز راجہ نے فلم سازی کی دنیا میں آنے کا اعلان کردیا ۔رمیز راجہ کا کہنا ہے کہ کرکٹ کی مدد سے دہشت گردی ختم کرنے کے موضوع پر فلم بنا رہے ہیں ۔
نجی نیوز چینل کے مطابق رمیز راجہ نے کہا ہے کہ دہشت گردی ختم کرنے کے موضوع پر فلم بنا رہے ہیں جس میں بھارت کے معروف اداکار سنجے دت کو ہیرو کاسٹ کیا گیا ہے ۔انہوں نے بتا یا کہ خواہش ہے ماہرہ خان اور کترینہ کیف کوبھی فلم میں شامل کروں ،ان دونوں ہیروئنز میں بہت ٹیلنٹ ہے ۔رمیز راجہ نے مزید کہا کہ ہیروئن کون ہو گی یہ ابھی سسپنس ہے ۔
ایمز ٹی وی(اسپورٹس) بھارت نےٹیسٹ اور ون ڈے کے بعد ٹی ٹوئنٹی سیریز بھی جیت کر انگلینڈ کیخلاف سیریز سوئپ کیا، انگلینڈ کو تیسرے اور فیصلہ کن ٹی 20 میں 75 رنز سے ہراکر سیریز 2-1 سے جیت لی۔
میزبان ٹیم کیلئے چاہل نے تباہ کن بالنگ کرتے ہوئے چھ شکار کیے، دھونی نے کیریئر کی پہلی ففٹی اسکور کی، سریش رائنا نے 63 رنز بنا ئے۔
ہوم سائیڈ نے پہلے کھیلتے ہوئے202 رنز بنائے۔ مہمان ٹیم جواب میں127 رنز پر ڈھیر ہوگئی۔ چاہل نے 25 رنز کے عوض 6 وکٹیں حاصل کیں۔
ایمز ٹی وی(اسپورٹس) ایشین جونئیراسکواش ٹیم چیمپئن شپ میں قومی ٹیم نے آج جنوبی کوریا کوتین صفر سے شکست دے دی ۔
ہانگ کانگ میں جاری ایشین جونئیراسکواش ٹیم چیمپئن شپ میں پاکستان کی کامیابیوں کا سلسلہ جاری ہے ، دوسرے دن صبح کے سیشن میں پاکستان نے جنوبی کوریا کو تین صفر سے شکست دیکر ایونٹ میں مسلسل تیسری کامیابی حاصل کر لی ۔
پاکستان کے عباس زیب، منصور زمان اور مہران جاوید نے ٹیم کو فتح سے ہمکنار کرایا، ٹیم آج شام کو اپنا چوتھا میچ روایتی حریف بھارت کے خلاف کھیلے گی۔
ایمز ٹی وی(اسپورٹس) چیئرمین پاکستان کرکٹ بورڈ(پی ایس ایل) نے قومی ٹیم کی ناقص کارکردگی اور درپیش مسائل کے حل کیلئے سابق کرکٹرز اور ماہرین کی مدد طلب کرتے ہوئے چھ اور سات مارچ کو لاہور میں گول میز کانفرنس طلب کر لی ہے۔
چیئرمین پی سی بی نے کئی نامور کھلاڑیوں مدعو کیا ہے جن کے ساتھ بیٹھ کر وہ دنیائے کرکٹ میں پاکستان کی کارکردگی میں ابتری اور بتدریج زوال کا حل تلاش کرنے کی کوشش کریں گے۔
ان کھلاڑیوں میں عظیم کپتان عمران خان، جاوید میانداد، ظہیر عباس، وسیم باری، وقار یونس، وسیم اکرم، شعیب اختر، عامر سہیل، راشد لطیف، رمیز راجہ، معین خان، عبدالقادر، انضمام الحق، اقبال قاسم، بازید خان، عاقب جاوید، سعید اجمل اور دیگر شامل ہیں۔
دلچسپ و حیران کن امر یہ ہے کہ اس کانفرنس میں کوچ مکی آرتھر، گرانٹ فلاور، اظہر محمود سمیت قومی ٹیم کے کوچنگ اسٹاف میں سے کسی کو بھی نہیں بلایا گیا جس سے ظاہر ہوتا ہے کہ اجلاس میں غیرملکی اور مقامی کوچز کے حوالے سے اہم موضوع پر بھی گفتگو کی جائے گی۔
تاہم ماہرین کا ماننا ہے کہ اس طرح کا اجلاس بلا کر ایک مرتبہ پھر انہی پرانے و ناکام طریقوں پر دوبارہ عمل درآمد کا فیصلہ کیا جائے گا جن سے آج تک کوئی نتیجہ برآمد نہیں ہوا۔
گزشتہ کئی دہائیوں پاکستان میں یہ روایت رہی ہے کہ جب کبھی بھی پاکستانی ٹیم ورلڈ کپ جیسے کسی بدترین دورے یا شکستوں کے سلسلے سے دوچار ہوتی تو بورڈ فوری طور پر شکست کے اسباب جاننے کیلئے اس طرح کے اجلاس بلا لیا کرتے یا سابق کرکٹرز پر مشتمل کمیٹیاں قائم کر دیتے لیکن ان کی جانب سے دی گئی تجاویز پر آج تک عملدرآمد نہ کیا گیا۔
پی سی بی کی جانب سے جاری پریس ریلیز کے مطابق چیئرمین پی سی بی شہریار محمد خان چھ اور سات مارچ کو موجودہ اور سابق ٹیسٹ کرکٹرز کے ساتھ گول میز کانفرنس منعقد کریں گے تاکہ قومی اور جونیئر ٹیم کی کارکردگی میں بہتری کیلئے ان کی رائے معلوم کی جا سکے۔
پریس ریلیز میں کہا گیا کہ ٹیسٹ کرکٹر کو بھی کانفرنس میں منعقد کیا جائے گا جہاں چیف سلیکٹر انضمام الحق اور ڈائریکٹر اکیڈمیز مدثر نذر اس کی مشترکہ طور پر سربراہی کریں گے جبکہ نیشنل کرکٹ اکیڈمی کے ہیڈ کوچ مشتاق احمد کانفرنس کے کوآرڈینیٹر ہوں گے۔
تاہم اجلاس کا ایجنڈا وہی پرانے و دقیانوسی ہونے کی توقع ہے کہ پاکستان ٹیم کی کارکردگی، ڈومیسٹک کرکٹ کے ڈھانچے، وکٹوں کی بہتری، نیشنل و جونیئر ٹیم کی کوچنگ کیست بہتر بنائی جائے اور غیر ملکی ٹیموں کو پاکستان کے دورے کیلئے کس طرح راضی کیا جائے۔
یاد رہے کہ بنگلہ دیش میں 2014 میں منعقدہ ورلڈ ٹی20 میں قومی ٹیم کے سیمی فائنل سے قبل اخراج کے بعد پی سی بی نے اعلان کیا تھا کہ ڈومیسٹک کرکٹ میں بہتر وکٹیں بنانے کیلئے غیرملکی کیوریٹرز کی خدمات حاصل کرنے کا اعلان کیا تھا لیکن آج تک کسی غیرملکی کیوریٹر کی خدمات حاصل نہ کی گئیں۔
2015 کے ورلڈ کپ اور 2016 کے ورلڈ ٹی ٹوئنٹی کے بعد بھی یہی مسئلہ اٹھایا گیا تھا لیکن بہتر وکٹیں بنانے کیلئے کسی قسم کے مثبت اقدامات نہ کیے جو بیرون ملک ٹیم کی ابتر کارکردگی کی سب سے بڑی وجہ ہے۔
ایمز ٹی وی(کراچی) شہر قائد کی پولیس نے شہری كو سیكیورٹی فراہم كرنے پر 92 لاكھ روپے سے زائد كا بل بھیج دیا جب کہ شہری كے خاندان كے 7 افراد كو پہلے ہی ٹارگٹ كلنگ كا نشانہ بھی بنایا جاچكا ہے۔
سندھ پولیس كے محكمہ سیكیورٹی زون (ii) كے پولیس حكام نے بہادرآباد كے رہائشی شہری صابرعلی بنگش كو سیكیورٹی فراہم كرنے پر 92 لاكھ 56 ہزار 529 روپے سے زائد كا بل بھیج دیا ہے، رابطہ كرنے پرشہری صابرعلی بنگش نے بتایا كہ 1998 میں ان كے والد سفرعلی بنگش اوربھائی رجب علی بنگش، 2001 میں ان كے بہنوئی الطاف حسین بنگش اور 2011 میں ان كے تین كزن بشارت حسین ، شاہ سوارحسین اور طاہر حسین كو عزیز بھٹی تھانے كی حدود میں ٹارگٹ كلنگ كا نشانہ بنایا گیا تھا جس میں سے 2 كیسز میں وہ مدعی اور گواہ بھی ہیں۔
شہری کا کہنا ہے کہ سال 2012 اور سال 2014 میں سندھ ہائی كورٹ كے فیصلے كی روشنی كے مطابق انہیں 6 پولیس گارڈ فراہم كیے گئے تھے تاہم 26 نومبر2016 كو سیكیورٹی زون (ii) كے عمران ریاض كی جانب سے انہیں سیكیورٹی كے عوض 92 لاكھ روپے سے زائد كا بل بھیج دیا گیا اور بل ادا نہ كرنے كی صورت میں ان كے 2 گارڈ واپس لے لیے گئے۔
شہری كا كہنا ہے كہ وہ لكڑی كے كاروبار سے وابستہ ہیں، وہ پہلے ہی ایک اہم مقدمے میں مدعی اور ایک میں گواہ ہیں، ان كی جان كو سنگین خطرات لاحق ہیں جب کہ ان پر2014 میں قاتلانہ حملہ بھی ہوچكا ہے جس میں وہ خوش قسمتی سے محفوظ رہے ایسے حالات میں ان سے سیكیورٹی واپس لینا كسی طرح بھی درست عمل نہیں ہے۔
شہری نے اعلیٰ حكام سے مطالبہ كیا ہے كہ ان كی سیكیورٹی بحال ركھی جائے اور9 لاكھ روپے كا بل فی الفور منسوخ كیا جائے۔ دوسری جانب ایس ایس پی سیكیورٹی عمران ریاض كا كہنا ہے كہ پولیس رول 2:11 كے تحت پرائیویٹ آدمی اور تاجر حضرات كو پولیس سیكیورٹی فراہم كی جاتی ہے اور قانون كے مطابق پولیس سیكیورٹی لینے والا شخص اس كا بل ادا كرنے كا ذمہ دار ہوتا ہے اور جتنے پولیس اہلكار سیكیورٹی پر مامور ہوں گے ان كی تنخواہ كے حساب سے رقم وصول كی جاتی ہے۔
ایمز ٹی وی(اسپورٹس) ورلڈ بلائنڈ ٹی 20 میں سری لنکا نے پاکستان کو جیت کیلئے 165 رنز کا ہدف دیدیا ہے۔
تفصیلات کے مطابق سری لنکا نے پاکستان کے خلاف پہلے کھیلتے ہوئے مقررہ 20 اوورز میں7 وکٹوں کے نقصان پر 164 رنز بنائے۔پاکستان کی ہدف کے تعاقب میں بیٹنگ جاری ہے۔
قبل ازیں پاکستان نے اپنے تینوں میچ جیتے تھے پہلے میچ میں نیوزی لینڈ،دوسرے میچ میں انگلینڈ جبکہ تیسرے میچ میں بھارت کو شکست دی تھی۔
ایمز ٹی وی(کراچی) وزیراعلیٰ سندھ مراد علی شاہ نے کل کراچی چڑیا گھر کا دورہ کرنے کے بعد آج اسکے متعلق اجلاس طلب کیا جس میں چڑیا گھر کی مرمت کرکے اسے سنگاپور سے اچھا چڑیا گھر بنانے کے احکامات جاری کردئیے۔
وزیراعلیٰ سندھ مراد علی شاہ کی زیر صدارت چڑیا گھرسے متعلق اجلا س ہوا۔وزیر اعلیٰ سندھ کا کہنا تھا کہ کراچی چڑیا گھر ماڈل چڑیا گھر ہونا چاہیے۔
وزیر اعلی نے چڑیا گھر کی مرمت کرنے کے احکامات جاری کرتے ہوئے اس کا سروے کرنے کا حکم جاری کردیا۔
ان کا کہنا تھا کہ مئیر کراچی سروے کرنے میں ٹیم کی مدد کریں۔ سروے جلد مکمل کیا جائے۔سنگاپور سے کوئی ماہر بلانا پڑے تو بلالیں۔
انہوں نے کہا کہ چڑیا گھر کو بہتر بنانے کے لیےتمام وسائل دیں گے، اسے سنگاپور سے اچھا بنانا ہے۔اس کے پنجرے خراب ہونے کے باعث جانور پریشان نظر آتے ہیں۔اگلے جمعے کو اس کام کی پیش رفت کے حوالے سے رپورٹ جمع کرائیں۔
ایمز ٹی وی (انٹر ٹینمیٹ)عالمی شہرت یافتہ کولمبین سنگر شکیرا40 برس کی ہوگئیں،شکیرا ازابیل 2فروری 1977کو کولمبیامیں پیدا ہوئیں۔ان کے ہسپانوی اور انگریزی زبان میں گائے ہوئے گانوں اور منفرد اسٹائل کی ڈانسنگ نے لوگوں کو ان کی طرف متوجہ ہونے پرمجبور کر دیا۔ فیفاورلڈ کپ 2010کے گانے”واکا واکا“نے انھیں شہرت کے آسمان پر پہنچا دیا۔کولمبین سنگر شکیرا کو ہالی ووڈ واک آف فیم میں بھی شامل کیا جاچکاہے،جبکہ انھیں گریمی اورایم ٹی وی میوزک سمیت کئی ایوارڈز بھی مل چکے ہیں۔
ایمز ٹی وی(اسپورٹس) کرکٹ کی دنیا سے تعلق رکھنے والے تمام کھلاڑی شاید یہ بات جانتے ہیں کہ پاکستانیوں کو دو چیزوں کا جنون ہے، ایک کھانا اور دوسرا کپڑے! اور یہی وجہ ہے کہ وہ اس کھیل سے ریٹائر ہونے کے بعد اپنے کیریئر کا رُخ ان شعبوں کی طرف موڑ دیتے ہیں۔
اگر معروف پاکستانی کھلاڑی انضمام الحق کی بات کی جائے تو انہوں نے بھی کرکٹ کے بعد پاکستانیوں کے لیے کھانے اور اب ملبوسات دونوں کا کام شروع کردیا ہے۔
'میٹ ون' شاپ کھولنے کے بعد انضمام الحق نے اب لاہور میں اپنے ملبوسات کا اسٹور 'لیجنڈ آف انضمام الحق' بھی لانچ کردیا۔
لاہور کے ایم ایم عالم روڈ پر واقع اس اسٹور میں مردوں اور خواتین دونوں کے ملبوسات موجود ہیں۔
اس اسٹور کے افتتاح کے موقع پر کرکٹ کی دنیا سے تعلق رکھنے والے متعدد کھلاڑی جمع ہوئے اور انضمام الحق کے اس اقدام کو سراہا۔
مصباح الحق اس تقریب میں اپنی اہلیہ کے ساتھ شریک ہوئے، جبکہ محمد یوسف بھی ایونٹ میں پرجوش نظر آئے۔
احمد شہزاد ہمیشہ کی طرح تصاویر کے لیے تیار رہے، دوسری جانب کامران اکمل بھی میڈیا نمائندوں کے ساتھ بات چیت میں مصروف رہے۔
اس موقع پر کرکٹرز کے علاوہ شوبز شخصیات نتاشا حسین اور ڈیزائنر سیم علی بھی موجود تھے۔
کھلاڑی محمد عرفان اور سلمان بٹ بھی نہایت بہترین انداز میں جلوہ گر ہوئے۔
