Reporter SS
ایمز ٹی وی (صحت /راولپنڈی) فروری میں موسم کی شدت میں کمی کے باوجود ڈینگی کا مریض ہولی فیملی ہسپتال میں داخل کروا دیا گیا۔ 37سالہ ظہیر نامی شخص کا تعلق ڈھوک کشمیریاں سے ہے جہاں گزشتہ سال سب سے زیادہ مریض ڈینگی میں مبتلا ہوئے تھے۔
ڈاکٹرز کا کہنا ہے کہ اگر راولپنڈی اسلام آباد کی انتظامیہ نے ابھی سے احتیاطی اقدامات نہ کئے تو آنیوالے موسم میں ڈینگی کی وباء میں خطرناک حد تک اضافہ کا امکان ہے۔
داخل کرایا جانیوالا مریض چار دن سے بیمار تھا اور اُسکے پلیٹ لیٹ 84اور ڈبلیو بی سی 4.6تھے جبکہ این ایس ون نیگٹو تھا۔ مریض کی آمد کے ساتھ ہی اسپتال انتظامیہ نے ہنگامی اقدامات شروع کر دیئے ہیں۔
ماہرین کا کہنا ہے کہ ضلعی انتظامیہ کو ڈینگی کے خلاف فوری اقدامات کرنا ہونگے۔
ایمز ٹی وی ( صحت /کراچی ) سول اسپتال کراچی کی انتظامیہ نے 250ملازمین کی تنخواہیں روکنے اور اختیارات سے تجاوز کرنے پر اسپتال کے اے ایم ایس جنرل ڈاکٹر عبدالقادر صدیقی کو عہدے سے ہٹا دیا ۔
اسپتال ذرائع کے مطابق انتظامیہ نے طبی ونیم طبی عملے کو بغیر اطلاع کے چھٹی کرنے پر اظہار وجوہ کے نوٹسز جاری کیے گئے تھے جس پر انہوں نے ایم ایس کے سامنے حاضر ہو کر وجوہات پیش کر دی تھیں جس پر معاملہ ختم ہو گیا تھا لیکن اس کے باوجود ملازمین کی تنخواہیں روک دی گئیں۔ جس پر انہوں نے ایم ایس سے رابطہ کیا تو یہ بات سامنے آئی کہ اے ایم ایس جنرل ڈاکٹر عبدالقادر صدیقی نے ان کی تنخواہیں رکوائی ہیں
جس پر ایم ایس نے انہیں عہدے سے ہٹا دیا۔ اس ضمن میں اسپتال کے ایم ایس ڈاکٹر ذوالفقار علی سیال نے بتایا کہ ملازمین کی تنخواہوں سے اے ایم ایس جنرل کا کوئی تعلق نہیں نہ ہی انہیں تنخواہیں روکنے کا اختیار حاصل ہے اس کے باوجود انہوں نے اپنے اختیارات سے تجاوز کیا۔
ایمز ٹی وی (تعلیم /کراچی)وزیر تعلیم سندھ اور پرو چانسلر جامعہ کراچی جام مہتاب حسین ڈہر نے کہا کہ ترقی یافتہ ممالک جس ٹیکنالوجی کو چھوڑ کراس سے بہتر اور جدید ٹیکنالوجی پر منتقل ہورہے ہیں ،ہم اس متروک شدہ ٹیکنالوجی پر منتقل ہونے کی کاوشوں میں مصروف ہیں جو لمحہ فکریہ ہے۔
دورحاضر مقابلے کا دور ہے جس میں ہمارے طلبہ کو بین الاقوامی معیار کے سہولیات کی فراہمی کو یقینی بنانا ناگزیر حیثیت کا حامل ہے اور اس ضمن میں ہم سب پر یہ ذمہ داری عائد ہوتی ہے کہ اپنے طلبہ کو جدید ٹیکنالوجی اور عصری تقاضوں کے عین مطابق سہولیات فراہم کرنے کے لئے اپنا کلیدی کردار اداکریں۔ان خیالات کا اظہارانہوں نے جامعہ کراچی کی سینٹر ل کیفے ٹیریا کی افتتاحی تقریب سے خطاب کرتے ہوئے کیا ۔
اس موقع پر جامعہ کراچی کے وائس چانسلر پروفیسر ڈاکٹر محمد اجمل خان نے کہا کہ عصر حاضر سائنس کا دور ہے جس میں ہم کافی پیچھے رہ گئے ہیں ، سائنس کے ذریعے ہی ترقی ممکن ہے۔
اس موقع پر رئیس کلیہ سماجی علوم وکنوینر مارکیٹنگ اینڈ اینوویشن کمیٹی جامعہ کراچی پروفیسر ڈاکٹر مونس احمر نے بھی خطاب کی
ایمز ٹی وی (صحت/ کراچی ) بلدیہ عظمیٰ کراچی کا سٹی انسٹیٹیوٹ آف امیج مینجمنٹ سندھ گورنمنٹ،محکمہ میڈیکل اینڈ ہیلتھ سروسز بلدیہ عظمیٰ کراچی، کے ایم سی آفیسرز ویلفیئر ایسوسی ایشن، عیسیٰ لیبارٹری اورسیلانی ویلفیئر آرگنائزیشن کے اشتراک سے بلدیہ عظمیٰ کراچی کے ملازمین کیلئے جمعہ کے روز صبح 10 تاشام 4بجے کے ایم سی بلڈنگ میں مفت میڈیکل کیمپ کا انعقاد کر رہا ہے۔
جس میں بلڈ پریشر، شوگر، کولیسٹرول، ہڈیوںجوڑوں کے امراض، ٹی بی، ہومیو پیتھک اوپی ڈی اور ادویات کی فراہمی، دمہ اور سماعت کے مختلف ٹیسٹس، دانتوں اور آنکھوں کا معائنہ اور موتیا کا مفت آپریشن بھی کیا جائیگا۔