ایمزٹی وی(تجارت)پاکستان اسٹیل مل کو دیوالیہ کرنے کے بعد سستے داموں زمین بیچنے کے منصوبے کا انکشاف ہوا ہے۔ تفصیلات کے مطابق ڈاکٹر عذرا افضل کی زیر صدارت پبلک اکاﺅنٹس کمیٹی کی ذیلی کمیٹی کا اجلاس ہوا جس میں سی ای او سٹیل مل نے بتایا کہ 3 ماہ میں نجکاری کا عمل مکمل کر لیا جائے گا۔
اجلاس کے دوران اسٹیل مل کی انتظامیہ نے یہ بھی بتایا کہ پاکستان سٹیل مل کی کل زمین 19 ہزار ایکڑہے اور اس کی مالیت کا تخمینہ بھی لگا یا گیا ہے جس کے مطابق ایک ایکڑ زمین کی قیمت 70 لاکھ روپے ہیں۔ا سٹیل مل انتظامیہ کے اس انکشاف پر عارف علوی نے حیرت کا اظہار کرتے ہوئے کہا کہ پاکستان سٹیل مل کو بند کر کے اب زمین بھی بیچ رہے ہیں؟

اجلاس میں شریک رشید گوڈیل نے کہا کہ آپ قیمتی زمین کو سستے داموں بیچ رہے ہیں، میں ایک ایکڑ زمین کیلئے ایک کروڑ روپے سے بھی زیادہ دینے کو تیار ہیں

ایمز ٹی وی (انٹرٹینمنٹ) فلم اسٹار میرا نے کہا ہے کہ پاکستان کے لوگ جنگ نہیں بلکہ امن اور پیار چاہتے ہیں‘بھارت میں جاکر بھی ہمیشہ پاکستان زندہ باد کا نعرہ ہی بلند کیا ہے اور ہمیشہ کرتی رہوں گی۔

بھارت کے شہر دہلی میں منعقد ہونے والے پانچویں دہلی انٹرنیشنل فلم فیسٹیول میں بطور جج کے فرائض سرانجام دینے کے بعد گفتگو کرتے ہوئے میرا نے کہا کہ بھارت کے انتہا پسند ہندووں کو پیغام دیا ہے کہ پاکستان کے لوگ جنگ نہیں بلکہ امن اور پیار چاہتے ہیں ۔

میری دہلی انٹرنیشنل فلم فیسٹیول میں شرکت اس بات کا منہ بولتا ثبوت ہے پاکستان کے بغیر ہم کچھ بھی نہیں اس لئے ہمیشہ کوشش کی ہے کہ بطور سفیر جہاں بھی جاوں اپنی ارض پاک کا نام روشن کروں اور دنیا بھر میں اس مثبت تصویردوں۔

ایمزٹی وی(گوادر)پاک بحریہ نے گوادر بندرگاہ اور اقتصادی راہداری کیلئے خصوصی سیکیورٹی فورس تشکیل دیدی ہے جو اسپیشل سیکیورٹی ڈویژن کیساتھ مشترکہ طور پر فرائض انجام دیں گے۔ مہمان خصوصی چیئرمین جوائنٹ چیفس آف اسٹاف کمیٹی جنرل زبیر محمود حیات کا کہنا ہے کہ سی پیک منصوبے سے معیشت کا ہر شعبہ ترقی کرے گا۔

تفصیلات کے مطابق پاک بحریہ نے گوادر بندرگاہ اور اقتصادی راہداری کی حفاظت کیلئے خصوصی ٹاسک فورس تشکیل دیدی ہے جسے TF-88 کا نام دیا گیا ہے۔ یہ فورس جاسوس طیاروں، ڈرونز ، جنگی جہازوں، جدید ہتھیاروں اور آلات سے لیس ہو گی اور اقتصادی راہداری اسپیشل سیکیورٹی ڈویژن فرائض مشترکہ انجام دے گی۔

پاک بحریہ کی نئی ٹاسک فورس 88 کے قیام کی تقریب گوادر پورٹ پر ہوئی جس کے مہمان خصوصی چیئرمین جوائنٹ چیفس آف اسٹاف کمیٹی جنرل زبیر محمود حیات تھے جبکہ نیول چیف ایڈمرل ذکاءاور ائیر چیف مارشل سہیل امان بھی شریک ہوئے۔

چیئرمین جوائنٹ چیفس آف اسٹاف کمیٹی جنرل زبیر محمود حیات نے تقریب سے خطاب کرتے ہوئے کہا کہ پاک، چین اقتصادی راہداری منصوبہ معیشت میں بہتری کیلئے اہم ثابت ہو گا اور اس سے معیشت کا ہر شعبہ ترقی کرے گا۔ ان کا کہنا تھا کہ گوادر سی پیک کا تاج ہے اور اس سے پاکستان اور پورے خطے کو فائدہ ہو گا۔

جنرل زبیر محمود حیات نے کہا کہ سی پیک اور اس کی سیکیورٹی میں نیوی کا کردار اہم ہے جبکہ میری ٹائم کو محفوظ بنانے کیلئے پاک بحریہ نے اہم کردار ادا کیا اس لئے میری ٹائم کے محفوظ ماحول کا سہرا پاکستان میری ٹائم کے سر جاتا ہے۔ انہوں نے تقریب میں مدعو کرنے پر سربراہ پاک بحریہ کا شکریہ بھی ادا کیا۔

ایمزٹی وی(کوئٹہ)وزیراعلیٰ بلوچستان نواب ثنااللہ زہری نے کہاہے کہ مستقبل میں گوادر دنیا کا بہترین پورٹ سٹی ہوگا، جبکہ سی پیک میں دنیا کے کم از کم ساٹھ ممالک شامل ہوں گے، گوادر میں پاک چین اقتصادی راہداری سے متعلق میری ٹائم کانفرنس منعقد ہوئی۔

تقریب سے خطاب کرتے ہوئے وزیراعلیٰ بلوچستان نواب ثنااللہ زہری کا کہنا تھا کہ سی پیک کسی زمین کے لئے نہیں بلکہ پورے خطے کے لئے ہے، یہ منصوبہ دنیا بھر کے لئے گیم چینجر ہے، جبکہ سی پیک کا ملکی جی ڈی پی میں سترہ فیصد حصہ ہوگا۔

تقریب سے خطاب کرتے ہوئے سربراہ پاک بحریہ ایڈمرل ذکااللہ کا کہنا تھا کہ سمندر قدرت کا پاکستان کو تحفہ ہے، سی پیک خطے کی معاشی ترقی میں انقلابی کردار ادا کرے گا، جبکہ گوادر بندرگاہ ملکی اور علاقائی استحکام کا باعث بنے گی۔

ایمز ٹی وی (انٹرٹینمنٹ) اداکارمعمررانانے کہاہے کہ پاکستا ن فلم انڈسٹری اپنے عروج کی طرف گامزن ہے ۔

یہ فلم وطن کی مٹی سے اظہار محبت اور 1965 کی جنگ کے سپاہیوں کو خراج تحسین پیش کرنے کے لیے بنائی گئی ہے ۔فلم میں 1965 کی جنگ کے یادگار واقعات اور وطن کی محبت سے سرشار پاک فوج کے شہیدوں اور غازیوں کو خراج تحسین پیش کیا گیا ہے۔

سایہ خدائے ذوالجلال حب الوطنی پر مبنی شاندار فلم ہے جو توقعات پر پورا اُتریگی ۔ان خیالات کااظہارانہوں نے گزشتہ روزپریس کانفرنس کرتے ہوئے کیا انکے ہمراہ فلم کے پروڈیوسر ڈاکٹر توصیف رزاق،ہدایتکار عمیر فاضلی اورسینئر اداکار نیئراعجازبھی موجودتھے ۔

انکا کہنا تھا موضوعاتی فلموں کے ذریعے ہم نوجوان نسل کو حب الوطنی کا درس دے رہے ہیں ، ڈاکٹر توصیف رزاق کاکہناتھا جدیداورمعیاری پاکستانی فلمیں آنے سے سینما گھرو ں کی رونقیں بحال ہو گئی ہیں۔

میری فلم سایہ خدائے ذوالجلال عام موضوعات سے ہٹ کرہے ۔انہوں نے کہا عوام جلسوں اور تحریکوں کیلئے تو باہر نکل آتے ہیں انہیں چاہیے کہ حب الوطنی پربننے والی فلمیں دیکھنے کیلئے بھی نکلیں۔فلم بنانے میں آئی ایس پی آر کا تعاون شامل ہے جن پرمیں انکا بے حد مشکور ہوں۔

ایمزٹی وی(کراچی) چیئرمین پیپلز پارٹی بلاول بھٹو نے کہا ہے کہ موجودہ حکومت ہمارے 4تو کیا ایک بھی مطالبہ مانتی نظر نہیں آرہی تاہم 27دسمبر کے بعد نوازشریف کو لگ پتا جائے گا کہ اپوزیشن کیا ہوتی ہے ۔”ہم آپ سے جواب لیکر رہیں گے “۔

بلاول ہاﺅس میں پریس کانفرنس کرتے ہوئے انہوں نے کہا کہ مسلم لیگ نوا ز کو بہت وقت دیدیا ،حکومت ہمارا نہیں پاکستان کے عوام کا مذاق اڑا رہی ہے ۔ وزیر اعظم نے اسمبلی کے فلور پر پاناما معاملے کی تحقیقات اپنے سے شروع کرنے کی پیشکش کی ۔”ہمارے چار مطالبات نہ مانے گئے تو شدید احتجاج کیا جائے گا “۔

انہوں نے کہا کہ ہم حکومت سے درخواست نہیں کر رہے اپنے مطالبات پر عمل کرائیں گے ۔پنجاب میں امن و امان کی صورت حال سے ڈر ہے کہ حالات مزید خراب نہ ہو جائیں ۔ ”میں اپنے الفاظ سے نہیں مکرتااور نہ ہی وعدے سے پھرتا ہوں “۔تحریک چلانے کا کہا ہے تو تحریک چلے گی ۔نواز شریف جواب دینے پر راضی نہیں تو وہ جمہوری وزیرا عظم نہیں “۔

بلاول بھٹو نے مزید کہا کہ نوازشریف تین بار وزیر اعظم منتخب ہو چکے ہیں ۔ اگر ذوالفقار علی بھٹو ، بینظیر بھٹو ، یوسف رضا گیلانی عدالت میں پیش ہو سکتے ہیں تو نوازشریف کیوں جواب نہیں دے رہے ؟ پاناما کیس کی شفاف تحقیقات ہونی چاہئیں ۔امیر المومنین نوازشریف میرے سوالوں کا جواب کیوں نہیں دیتے ؟

ایک سوال کے جواب میں چیئرمین پیپلز پارٹی نے تسلیم کیا کہ میں سیاست میں نیا ہوں اور مجھے نہیں پتہ کہ لوگ کیسے سیاست کرتے ہیں مگر میں سچ کی سیاست کرتا ہوں ۔سب کے ساتھ ورکنگ ریلشن شپ رکھنا ضرور ی ہیں ۔”میاں صاحب منتخب وزیرا عظم ہیں انہیں جوا ب دینا ہو گا “۔بلاول بھٹو نے مزید کہا کہ سندھ میں احتساب شروع سے ہو رہا ہے مگر میں چاہتا ہوں کہ سب کے احتساب کیلئے مساوی نظام ہو، وزیر اعظم کسی بھی صوبے سے ہو سب کیلئے قانون ایک ہو۔

ایمزٹی وی(لاہور) تحریک انصاف کے ترجمان فواد چودھری نے کہا ہے کہ وزیرا عظم نوازشریف پانامہ لیکس میں پھنس گئے ہیں۔ قانو ن کےساتھ عوام کی عدالت میں بھی مقدمہ لے جائیں گے۔

تفصیلات کے مطابق لاہور میں پریس کانفرنس کرتے ہوئے فواد چودھری نے کہا کہ نیب ،ایف بی آر،اور ایف آئی اے نے تحقیقات کیں اور نہ ہی کمیشن تشکیل دیا گیا۔ عدالت کے لارجر بنچ نے کیس سن لیا ہے،صرف وزیر اعظم کے بچوں کے وکیل کے دلائل باقی تھے،کہ سماعت ملتوی ہوگئی۔

تحریک انصاف کے ترجمان نے دعویٰ کیا کہ عام انتخابات 2017 میں ہوں گے جس کےلئے عدالت میں کیس ہونے کے باوجود تحریک انصاف نے عوام رابطہ مہم کے ذریعے آگاہی مہم جاری رکھنے کے لیے جلسوں کا اعلان کیا ہے۔

پی ٹی آئی پنجاب کے سابق صدرچودھری اعجاز کا کہنا تھا کہ حویلیاں طیارہ حادثے کو بھی عوام آگاہی مہم کا حصہ بنایا جائے گا۔ میاں نواز شریف کو مستعفی ہونا چاہئیے اور طیارے حادثے کے ذمہ داروں کا تعین ہونا چاہئیے۔

ایم ٹی وی (مانیٹرنگ ڈیسک) ہالینڈ کی ایک کمپنی نے سائیکل میں ٹریڈ مل اس طرح سے سمو دی ہے کہ اب آپ ٹریڈ مل پر چہل قدمی کرتے ہوئے اپنے کام پر بھی جاسکتے ہیں۔

یہ موٹاپا اور کیلوریز گھلانے والی ٹریڈ مل ہی نہیں بلکہ منفرد سواری بھی ہے جو دیکھنے میں الیکٹرک بائی سائیکل کی طرح لگتی ہے لیکن درحقیقت یہ ایک سائیکل ہے جس پر ٹریڈ مل کی پٹی نصب ہے۔

اگرچہ اسٹارٹ ہونے کے لیے اسے بیٹری کی طاقت درکار ہوتی ہے لیکن ایک بار چل پڑنے کے بعد یہ اپنے سوار کے پیروں کی حرکت سے بھی توانائی حاصل کرتی ہے اور یوں وہ گویا پیدل چلتے ہوئے اپنے منزل کی طرف گامزن ہوجاتا ہے۔

البتہ پیدل چلنے کے مقابلے میں اس کی رفتار خاصی زیادہ ہے اور یہ ایک گھنٹے میں 25 کلومیٹر تک کا فاصلہ طے کرسکتی ہے۔ اسے بنانے کا اصل مقصد ان لوگوں کو سہولت فراہم کرنا ہے جو بہت مصروف رہتے ہیں اور جن کے پاس چہل قدمی یا جاگنگ کے لیے علیحدہ سے وقت نکالنا بہت مشکل ہوتا ہے۔

ٹریڈ مل بائی سائیکل کی بدولت وہ ٹریڈ مل چلاتے دوران ہی کام پر بھی جاسکتے ہیں۔ اگرچہ یہ بہت مہنگی ہے اور ہالینڈ میں اس کی قیمت ایک ہزار 995 یورو (تقریباً 2 لاکھ 25 ہزار پاکستانی روپوں کے بقدر) ہے لیکن 2014 میں جب یہ ٹریڈ مل بائی سائیکل پہلی بار محدود تعداد میں پیش کی گئی تو کمپنی کو اس کے اتنے آرڈر موصول ہوئے کہ اسے جلد ہی بڑے پیمانے پر اس کی پیداوار شروع کرنا پڑی۔

اس وقت یہ دلچسپ سواری ہالینڈ کے علاوہ دوسرے یورپی ممالک میں بھی تیزی سے مقبول ہورہی ہے اور کمپنی کا منصوبہ دوسرے ملکوں میں بھی اس کے پیداواری یونٹ قائم کرنے کا ہے۔ علاوہ ازیں اس سائیکل کی مقبولیت دیکھتے ہوئے کمپنی نے امریکا میں بھی اس کی باقاعدہ فروخت کا آغاز کردیا ہے۔

فی الحال یہ کسی دکان پر دستیاب نہیں بلکہ اسے صرف کمپنی کی ویب سائٹ سے آن لائن ہی خریدا جاسکتا ہے۔

ایمزٹی وی(لاہور)ہاکستان تحریک انصاف کے رہنماؤں فواد چوہدری اور اعجاز چوہدری نے مشترکہ پریس کانفرنس سے خطاب کرتے ہوئے اے ٹی آر طیارہ حادثے میں متعلقہ وزیر کے استعفیٰ دینے کا مطالبہ کرتے ہوئے کہا ہے کہ پاکستان تحریک انصاف نے پانامہ لیکس کے حوالے سے اپنی پارلیمانی پارٹی کا اجلاس طلب کرلیا ہے۔

انہوں نے کہا کہ پاکستان تحریک انصاف نے پانامہ لیکس کے حوالے سے تمام مقدمہ عدالت کے سامنے رکھ دیا ہے اوراب یہ مقدمہ ملک بھر میں گلی گلی کریہ کریہ عوام کے سامنے رکھاجائے گا۔ اس سلسلے میں حکمت علمی طے کرنے کے لئے پاکستان تحریک انصاف نے پنی جماعیت کی پارلیمانی پارٹی کا اجلاس طلب کرلیا ہے اور پانامہ لیکس کے مقدمہ کے حوالے سے تمام صورتحال لے کر عوام کے پاس جائیں گے۔ انہوں نے کہاکہ اے ٹی آر طیارہ حادثے کا معاملہ لے کر پی ٹی آئی کے چیئرمین اعظم سہگل نے استعفیٰ دے دیا ہے لیکن بات صرف ان کے استفعیٰ تک نہیں ہے ان کے ساتھ ساتھ ایوی ایشن کے متعلقہ وزیر کوبھی استعفیٰ دینا چاہیے۔

انہوں نے کہا کہ گزشتہ 70برسوں میں طیاروں اور ٹرینوں کے کئی حادثات رونما ہوئے ان حادثات میں کبھی کسی ذمہ دار پر حادثات کی ذمہ داری نہیں ڈالی گئی اور نہ ہی ان حادثات کے ذمہ داروں کو سزائیں دی گئیں۔
انہوں نے کہا کہ چیئرمین پی ٹی آئی اعظم سہگل کے استعفیٰ دینے کے اقدام کو سراہنے سے صرف بات ختم نہیں ہوجاتی انہوں نے کہا کہ حادثہ کا شکار ہونے والے طیارے کی کئی مرتبہ مرمت کی گئی جو پرواز کے لئے فٹ ہی نہیں تھا انہوں نے کہا کہ ایسے حادثات میں روایتی انداز اختیار نہیں کرنا چاہیے۔ انہوں نے کہا کہ وزیر ریلوے غائب ہیں جو کبھی کبھار سامنے آئے ہیں اور وہ صرف سیاسی گفتگو کرتے نظر آتے ہیں انہو ں نے بھی کسی ترین حادثہ کے ذمہ دار کو سزائیں دی اور نہ ہی ذمہ داروں کا تعین کیا۔

ایمز ٹی وی ( صحت) صحت کیلئے صفائی ستھرائی کا خاص خیال رکھنا چاہیے اور صاف رہنے کے لیے غسل کرنا انتہائی ضروری ہے ۔ طبی ماہرین کے مطابق سردیوں میں روزانہ غسل کرنا جلد کے لیے انتہائی نقصان دہ ہے لہٰذا موسم سرما میں روزانہ نہانے سےگریز کرناچاہیے۔

لیکن سردیوں میں بعض افراد روز نہانے سے کتراتے ہیں لیکن اب طبی ماہرین نے بھی سردیوں میں روز نہانے کو جلد کے لیے نقصان دہ قرار دیا ہے۔

ڈاکٹر رانیلا ہرش کا کہنا ہے کہ سردیوں میں روز نہانے سے جلد متاثر ہوتی ہے لہٰذا ایسے افراد جو موسم سرما میں بھی روز نہانا پسند کرتے ہیں انہیں چاہیے کہ وہ اس عادت کو فوراً ترک کر دیں۔

ماہرین کے مطابق تحقیق سے یہ بات ثابت ہوئی ہے کہ ہماری جلد میں خود کار نظام موجود ہوتا ہے جو جلد کو خود بخود صاف کرتا ہے اس کے علاوہ روز سردیوں میں نہانے سے جلد نہ صرف خشک ہو جاتی ہے بلکہ اس کی تہہ میں موجود ان مادوں کو بھی ختم کر دیتا ہے جو جلد کو موئسچرائزر اور تحفظ دینے میں مددگار ہوتا ہے۔

جِلد کے ماہرین کا کہنا ہے سردیوں میں روز نہانے سے جلد پر موجود بیکٹیریا کا بھی خاتمہ ہو جاتا ہے جو زہریلے مادوں سے جلد کو بچاتا ہے۔ اس کے علاوہ گرم پانی سے نہانے میں بھی ناخنوں کو نقصان پہنچتا ہے لہٰذا سردیوں میں روز نہانے ۔کی عادت کو ختم کر دینا چاہیے