ایمزٹی وی(پشاور)نادرا نے پشاور سمیت صوبے بھر میں 96ہزار سے زائد شناختی کارڈ کو مشکوک قرار دیاہے۔صوبائی دارلحکومت پشاور میں بیس ہزار شناختی کارڈز کو مشکوک قراردیاگیا ہے جبکہ پہلے سے بلاک ہونے والے چالیس ہزار شناختی کارڈ میں سے بیس ہزار شناختی کارڈ کی کلیرنس کاکام کے لئے قانون نافذکرنے والے اداروں کو تفصیلات ارسال کی ہے اور ان اداروں کی کلیرنس کے بعد ان شناختی کارڈز کو جاری کردیا جائے گا ۔

جبکہ فاٹا کے گیارہ ہزار سات سو تین شناختی کارڈز کو بھی غیر تصدیق شدہ قرار دیکر مشکو ک شناختی کارڈز کی فہرست میں شامل کردیاگیا ہے ۔ خیبر ایجنسی ،مہمند ایجنسی ، باجوڑ ایجنسی میں سب سے زیادہ شناختی کارڈ مشکوک قراردیئے گئے ہیں ۔

نادرا ذرائع کے مطابق طالبان رہنماء ملا منصور کا شناختی کارڈ ملنے کے بعد دوبارہ انکوائری سے مجموعی طور پرتین لاکھ 88ہزار شناختی کارڈ ز کومشکوک قراردیاہے اور ایک لاکھ 6ہزار شناختی کارڈز کی انکوائری مکمل کی جاچکی ہے ۔ اور دو لاکھ تیس ہزارکارڈ کی جانچ پڑتال جاری ہے ۔

ایمز ٹی وی ( تعلیم /کراچی) کراچی میں طلبہ کے اغوا اور غائب ہونے کے بڑھتے ہوئے واقعات کے پیش نظر ڈائریکٹر پرائیویٹ انسٹی ٹیوشنز ڈاکٹر منسوب حسین صدیقی نے گشتی مراسلہ (سرکلر) جاری کر دیا ہے۔

جس میں نجی اسکولوں اور کالجوں کے سربراہوں سے کہا گیا ہے کہ وہ اپنے اداروں میں زیر تعلیم طلبہ کے تحفظ کے لئے لاپرواہی کا مظاہرہ کر رہے ہیں جس مراسلے میں تمام نجی اداروں کو سختی سے پابند کیا گیا ہے کہ وہ اس طرح کے واقعات سے بچنے کے عملی اقدامات کریں اور والدین سے رابطے میں رہیں۔کی وجہ سے طلبہ کے اغوا اور غائب ہونے کے واقعات میں اضافہ ہو رہا ہے۔

گشتی مراسلے میں یہ بھی کہا گیا ہے کہ اگر کوئی نجی ادارہ ہدایت پر عمل کرنے سے قاصر رہا تو اس کے خلاف رجسٹریشن ایکٹ کے تحت سخت کارروائی کی جائے گی اور اس کا سرٹیفکیٹ معطل کر دیا جائے گا۔

ایمزٹی وی(اسلام آباد)اسلام آباد ہائی کورٹ نے چیف آف آرمی اسٹاف جنر ل راحیل شریف کوفیلڈ مارشل بنانے سے متعلق درخواست کے قابل سماعت ہونے پر فیصلہ محفوظ کر لیا ہے

ذرائع کے مطابق عدالت عالیہ کے جسٹس عامر فاروق نے شہری عدنان سلیم کی جانب سے دائر درخواست پر سماعت کی ۔درخواست گزار نے موقف اختیار کیا کہ آرمی چیف کو فیلڈ مارشل بنا یا جائے ۔

عدالت نے درخواست گزار سے استفسار کیا کہ کیا آئین میں فیلڈ مارشل بنائے جانے کی گنجائش ہے جس پر عدنان سلیم عدالت کو آگاہ کیا کہ آئین میں گنجائش موجود نہیں تاہم جنرل ایوب کی مثال موجود ہے ،عدالت نے درخواست کے قابل سماعت ہونے سے متعلق فیصلہ محفوظ کر لیا ۔

ایمز ٹی وی ( تعلیم/کراچی) وفاقی اردو یونیورسٹی کے ناظم امتحانات غیاث الدین احمد کے مطابق کراچی، اسلام آباد اورراولا کوٹ میں ایم اے (پرائیویٹ) سال اول و دوم کے امتحانات کا آغازہو چکا ہے۔

تاہم تفصیلات کے مطابق امتحانات کا آغاز22اکتوبر2016 سے ہوگا۔ انتظامیہ کا کہنا ہے کہ طلبہ و طالبات کوایڈمٹ کارڈ اورامتحانی شیڈول ان کے پتوں پر ارسال کردیئے گئے ہیں۔

ایڈمٹ کارڈ موصول نہ ہونے کی صورت میں ایم ایس سی بلاک میں قائم امتحانی کائونٹر سے رابطہ کریں۔ایم اے سال اول کے امتحانات صبح ساڑھے نو سے دوپہر ساڑھے بارہ بجے تک جبکہ سال دوم کے امتحانات دوپہرڈھائی بجے سے شام ساڑھے پانچ بجے تک ہونگے ۔

طلباء کیلئے امتحانی مرکز بی ایس سی بلاک اور طالبات کا امتحانی مرکز ایم ایس سی بلاک گلشن اقبال کیمپس بنایا گیا ہے۔ دوران امتحانات طلبہ و طالبات اپنے ہمراہ اصل کمپیوٹرائزڈشناختی کارڈ، رجسٹریشن کارڈ اور ایڈمٹ کارڈ لازمی لائیں۔

ایمز ٹی وی (تعلیم /کراچی)ملیر میں بس اسکول وین پر الٹ گئی، جس کے نتیجے میں ڈرائیور جاں بحق جبکہ متعدد بچے زخمی ہوگئے۔

تفصیلات کے مطابق کراچی کے علاقے ملیر 15 میں بس اوراسکول وین کے درمیان تصادم ہوا، جس کے نتیجے میں اسکول وین کا ڈرائیور جاں بحق جبکہ متعدد بچے زخمی ہوئے۔

حادثے کے فوری بعد امدادی ٹیمیں جائے وقوعہ پر پہنچ گئی اور زخمی بچوں کو اسپتال منتقل کیا،جاں بحق شخص کی شناخت غلام طاہرکےنام سے ہوئی جبکہ آدم، علی عباس، سرور، جمیل اور فرید نامی افراد زخمی ہوئے۔

پولیس ذرائع کا کہنا ہے کہ حادثہ ملیر سعود آباد پل کے قریب پیش آیا، حادثہ کے وقت گاڑی کی رفتار تیز تھی۔

ایمز ٹی وی ( تعلیم/ٹھٹھہ) ٹھٹھہ کے نواحی علاقے موری کے مقام پر واقع اسکول کی چھت دھماکے سے گر گئی۔

تفصیلات کے مطابق ٹھٹھہ کے نواحی علاقے 103 موری کے مقام پر واقع گورنمنٹ بوائز پرائمری اسکول 103 موری کی چھت ہاف ٹائم کے دوران دھماکے سے گری۔

تاہم معجزانہ طور پر طلباء اور اساتذہ مکمل طور پر محفوظ رہے۔ اسکول کے ہیڈ ماسٹر رشید احمد میمن کے مطابق واقعہ ہاف ٹائم کے دوران پیش آیا اس لیے اساتذہ اور طلباء معجزانہ طور پر محفوظ رہے۔

علاوہ ازیں انہوں نے اعلیٰ حکام سے مطالبہ کیا کہ معاملے کا نوٹس لیتے ہوئے اسکول کے چھت کی مرمت کی جائے۔

ایمزٹی وی(اسلام آباد) بنی گالہ میں صحافیوں سے بات کرتے ہوئے عمران خان کا کہنا تھا کہ مسلم لیگ (ن) کے انٹرا پارٹی الیکشن سے بڑا مذاق نہیں ہو سکتا لیکن ان کی پارٹی میں تو جمہوریت نام کی کوئی چیز ہے نہیں ہی اور بادشاہت میں ایسا ہی ہوتا ہے، نواز شریف نے انٹرا پارٹی الیکشن سے خطاب کے دوران ساری باتیں کیں صرف اپنی کرپشن کے بارے میں نہیں بتایا، جمہوریت میں وزیراعظم عوام کو جوابدہ ہوتا ہے۔

ان کا کہنا تھا کہ میں 13 سال کرکٹ کھیلنے کے بعد نمبر ون آل راؤنڈر بنا اور صرف ایک کروڑ روپے کا فلیٹ خرید سکا جب کہ حسن نواز شریف نے ایسا کونسا پیتل سے سونا بنانے کا فارمولا ڈھونڈا تھا جو ایک طالب علم ہوتے ہوئے ساڑھے 6 سو کروڑ روپے کا فلیٹ خرید لیا، یہ سب وزیراعظم نواز شریف کی چوری کی ہوئی رقم ہے۔
ان کا مزید کہنا تھا کہ پاکستان تحریک انصاف کے چیرمین عمران خان کا کہنا ہے کہ وزیراعظم نواز شریف کرپٹ مافیا کے سردار ہیں اور اقتدار میں آکر حسنی مبارک بن جاتے ہیں۔
عمران خان کا کہنا تھا کہ ملک کو بچانا ہے تو کرپشن پر قابو پانا ہوگا، نواز شریف کرپٹ مافیا کے سردار ہیں اور اگر وہ اقتدار میں رہے تو ملک مزید قرضوں کے بوجھ تلے دب جائے گا۔

انہوں نے وزیراعظم کو ’’پاناما شریف‘‘ پکارتے ہوئے کہا کہ اگر انہوں نے کوئی چوری نہیں کی تو پھر تلاشی دینے میں کیا حرج ہے لیکن وزیراعظم اپنی کرپشن بچانے کے لئے ہم پر فوج بلانے اور سی پیک کی راہ میں رکاوٹ ڈالنے کا الزام لگا رہے ہیں، سی پیک منصوبے پر کوئی اعتراض نہیں، صرف اعتراض اس بات پر ہے کہ سی پیک کے ایم او یو پر 2013 میں دستخط ہوئے لیکن حکومت نے اسے چھپا کر رکھا اور اس منصوبے کے حوالے سے عوام کو 2016 میں بتانا شروع کیا۔
چیرمین تحریک انصاف کا کہنا تھا کہ 2 نومبر کو اسلام آباد میں عوام کا سمندر ہوگا اور جب تک عوام ساتھ ہیں تو اکیلے نہیں ہو سکتے، اب لوگ جان چکے ہیں کہ ملک کو کرپشن سے پاک کرنے کے لئے وزیراعظم نواز شریف کا احتساب ضروری ہے، 2 نومبر کو عوام دل سے تحریک انصاف کے ساتھ ہوگی۔

ایمزٹی وی(اسلام آباد) الیکشن کمیشن آف پاکستان نے ملکی تاریخ میں پہلی بار اراکین پارلیمنٹ اور صوبائی اسمبلی کے اثاثوں کی تفصیلات کی چھان بین کرنے کا فیصلہ کر لیا ہے۔

کمیشن کا پولیٹیکل فنانس ونگ ارکان کی جانب سے جمع کرائے گئے گوشواروں کی چھان بین کا کام کرے گا۔ چیف الیکشن کمشنر نے سیکریٹری الیکشن کمیشن کو ایک ہفتے میں طریقہ کار وضع کرنے کی ہدایت کر دی ہے۔

ذرائع کے مطابق پہلے مرحلے میں وزیر اعظم نوازشریف، عمران خان، خورشید شاہ اور دیگرجماعتوں کے پارلیمانی قائدین کے گوشواروں کی جانچ پڑتال ہوگی۔

ذرائع کا کہنا ہے کہ الیکشن کمیشن پہلے مرحلے میں امیر جے یو آئی ف مولانا فضل الرحمٰن، امیر جماعت اسلامی سراج الحق، محمود خان اچکزئی، آفتاب شیرپاؤ،شیخ رشید اور دیگر جماعتوں کے پارلیمانی قائدین کے جمع کرائے گوشواروں کی جانچ پڑتال کریگا۔

دریں اثناء الیکشن کمیشن نے اثاثوں کی تفصیلات جمع کرانے پرقومی اسمبلی میں قائد حزب اختلاف سید خورشید شاہ، وزیر مملکت عابد شیر علی اور سائرہ افضل تارڑ سمیت 20اراکین پارلیمنٹ و صوبائی اسمبلی کی رکنیت بحال کر دی ہے۔ان میں قومی اسمبلی کے 8، پنجاب اسمبلی کے6اور خیبرپختونخوا اسمبلی کے 4اراکین اور دو سینیٹرز شامل ہیں۔

ایمزٹی وی(اسلام آباد)وفاقی حکومت نے پاناما، بہاماس سمیت دیگر ٹیکس ہیون ممالک میں آف شورکمپنیاں بنانیوالے پاکستانیوں کیخلاف کارروائی تیز کرنیکا فیصلہ کیا ہے۔
وفاقی حکومت نے ان پاکستانیوں کے بارے میں معلومات حاصل کرنے کیلیے پاناما، بہاماس اوربرطانوی جزائر(British Virgin Islands) سمیت مجموعی طور پر9 ٹیکس ہیون ممالک کو وزارت خارجہ کے ذریعے خطوط لکھنے کی منظوری دیدی۔

تفصیلات کے مطابق ۔وزیرخزانہ اسحاق ڈارکی زیر صدارت اعلیٰ سطح کااجلاس ہوا، جس میں اسٹیٹ بینک، ایس ای سی پی اورایف بی آرسمیت دیگر متعلقہ اداروں کے حکام نے شرکت کی۔

ذرائع کے مطابق اجلاس میں فیصلہ کیاگیاکہ 9ٹیکس ہیون ممالک میں سے جہاں جہاں پاکستان کے سفیر تعینات نہیں ہیں وہاں اس ریجن کے دوسرے پاکستانی سفارتخانے کے ذریعے رابطے کیے جائینگے۔ ذرائع کا کہنا ہے کہ پانامااور بہاماس میں پاکستانی سفیر تعینات نہیں اس لیے پاناما حکام کیساتھ میکسیکو میں قائم پاکستانی سفارتخانے کے ذریعے رابطہ کیا جائیگا اور بہاماس اتھارٹیزکیساتھ برطانیہ میں قائم پاکستانی سفارتخانے کے ذریعے رابطہ کیاجائیگا۔

پاناما اوربہاماس سمیت جن ممالک کے ساتھ پاکستان کے ٹیکس معاہدے نہیں ہیں انھیں درخواست کی جائیگی کہ وہ پاناما و بہاماس میںقائم پاکستانیوں کی آف شور کمپنیوں کے ڈائریکٹرز و شیئر ہولڈرزکے بارے میں تفصیلات فراہم کریں۔ ذرائع نے مزید بتایا کہ ایف بی آرکے ذریعے پاناما اور بہاماس سمیت دیگر ممالک کی ٹیکس اتھارٹیز کو معلومات کے تبادلے کے معاہدوں وایم او یوزکیلیے مذاکرات شروع کرنے کیلیے خطوط لکھنے کااصولی فیصلہ کیا ہے۔

ذرائع کا کہنا ہے کہ مذکورہ ممالک کیساتھ ایم او یو اور معاہدوں کیلئے خطوط کے ابتدائی مسودے بھی تیار کرلیے گئے اور توقع ہے کہ رواں ماہ کے دوران ہی یہ خطوط ارسال کردییے جائیں گے۔چیئرمین ایف بی آرنثارنے اجلاس کوبریفنگ دیتے ہوئے بتایاکہ پاناما پیپرز میں شامل لوگوں کوجاری کردہ نوٹسزمیں سے 133 نے ایف بی آر کو جواب بھجوادیے جبکہ نوٹس کا جواب نہ دینے والوں کو جرمانے کرنے کا فیصلہ کیا گیا ہے۔

پاناما لیکس میں 270کمپنیاں اور444 انفرادی لوگ شامل ہیں، اسی طرح بہاماس لیکس میں 150انفرادی لوگوں کے نام شامل ہیں جن میں سے110 لوگوں کے بارے میں ایف بی آرنے معلومات حاصل کرلی ہیں جبکہ40کیسوں میں پتے معلوم کیے جارہے ہیں۔
ذرائع کے مطابق اسحاق ڈارنے امریکی حکومت پر زور دیا کہ وہ امریکہ کے نجی سرمایہ کاروں کو پاکستان میں سرمایہ کاری کیلیے سہولتیں دی جائیں، پاکستان کے امریکی کمپنیوں کی سرمایہ کاری کیلئے دروازے کھلے ہیں۔