Reporter SS
ایمز ٹی وی ( تعلیم) اعلیٰ ثانوی تعلیمی بورڈ کراچی کے ناظم امتحانات محمد عمران خان چشتی نے انٹرمیڈیٹ کے تمام گروپس کیلئے ضمنی امتحانات برائے 2016 کے امتحانی فارمز جمع کروانے کی تاریخوں کااعلان کردیا ہے۔
محمد عمران خان چشتی نے بتایا کہ پروگرام کے مطابق سائنس پری میڈیکل،پری انجینئرنگ،سائنس جنرل، کامرس ریگولر،کامرس پرائیویٹ،آرٹس ریگولر،آرٹس پرائیویٹ اور ہوم اکنامکس گروپس سمیت امپروومنٹ آف ڈویژن،بینیفٹ کیسز اورایڈیشنل سبجیکٹس کے ضمنی امتحانات برائے 2016 میں شرکت کے خواہشمند اور اہل ریگولر امیدوار اپنے امتحانی فارم 24 اکتوبر تک اپنے متعلقہ کالجوں میں جمع کرواسکتے ہیں ۔
جبکہ پرائیویٹ امیدوار امتحانی فارم ضروری تصدیق کے بعد انہی تاریخوں میں بورڈ میں واقع بینک برانچ میں جمع کرواسکتے ہیں۔
ایمز ٹی وی ( تعلیم) وفاقی وزارت تعلیم وپیشہ ورانہ تربیت کے ’’پرا جیکٹ مانیٹرنگ اینڈ ایو یلو ایشن سیل ‘‘ میں من پسند افراد کی بھرتیاں ،تیار کردہ میرٹ لسٹ میں نام نہ ہونے اور میرٹ پر پورا نہ اترنے کے باوجود چار افراد کو کنٹریکٹ لیٹر تھما دیا گیا۔
سرکاری رپورٹ کے مطابق وزارت تعلیم و پیشہ ورانہ تربیت کے پرا جیکٹ ما نیٹرنگ اینڈ ایو یلو ایشن سیل اسلام آبادمیں بھرتیوں کے لئے اشتہار جاری کیا گیا جس میں ریسرچ ایسوسی ایٹ (گریڈ 17)، فیلڈ سپر وائزر (گریڈ 16) اور اسسٹنٹ (گریڈ 14) کی خالی اسامیوں کو پر کرنے کے لئے درخواستیں طلب کی گئیں۔
رپورٹ کے مطابق سعدیہ یوسف کو دو مئی 2013کو ریسرچ ایسو سی ایٹ (گریڈ 17) میں تعیناتی کا لیٹر تھما دیا گیا ، اسی طرح محمد ذیشان طارق کو فیلڈ سپر وائزر، راجا شاکر آفتاب جنجوعہ کو فیلڈ سپر وائزراورعفان علی کواسسٹنٹ تعینات کر دیا گیا۔
رپورٹ کے مطابق سعدیہ یوسف کا نام ریسرچ ایسو سی ایٹ کے لئے تیار کردہ حتمی فہرست میں شامل ہی نہ تھا ، اسی طرح محمد ذیشان طارق جسے فیلڈ سپروائزرتعینات کیا گیا حتمی فہرست کے لئے نااہل قرار پایا گیا اوراس کا نام بھی لسٹ میں شامل نہیں تھا، راجا شاکر آفتاب جنجوعہ (فیلڈ سپر وائزر) اور عفان علی (اسسٹنٹ) کے نام بھی حتمی فہرست میں شامل نہ تھے ۔
رپورٹ میں انکشاف کیا گیاہے کہ پرا جیکٹ کے لئے مذکورہ چاروں افراد کی تعیناتی اور تنخواہوں کی ادائیگی غیر قانونی تھی جبکہ متعلقہ ادارے کی جانب سے دیا گیا جواب بھی اطمینان بخش نہ تھا۔ رپورٹ میں بتایا گیا کہ بھرتی کیلئے لیے گئے تحریری امتحان، انٹرویو اور اس کے بعد جو حتمی لسٹ تیار کی گئی ، تمام دستاویز پر ریکرو ٹمنٹ کمیٹی کے ممبران کے دستخط موجود تھے اور حتمی فہرست کو وزارت کے سیکر ٹری نے منظور کیا تھا ۔ رپورٹ میں بے ضا بطگیوں میں ملوث افراد کو بے نقاب کرنے کی بھی سفارش کی گئی تھی۔
ایمز ٹی وی ( تعلیم) فیڈرل میڈیکل اینڈ ڈینٹل کالج میں تین کروڑکی کرپشن کا نیا اسکینڈل سامنے آگیا ہے۔ کالج انتظامیہ نے طلباءسے 2کروڑ 25لاکھ40ہزار روپے وصول کئے۔
رقم سرکاری خزانے میں جمع کرانے کے بجائے ذاتی اکاﺅنٹس میں جمع کرادی گئی ہے۔ رپورٹ کے مطابق فیڈرل میڈیکل اینڈ ڈینٹل کالج انتظامیہ نے طلباءسے وصول کی گئی ایک کروڑ روپے سے زائد کی فیس ہضم کر لی ہے۔ اور اب اس کرپشن اسکینڈل کی اعلیٰ پیمانے پر تحقیقات جاری ہیں ۔
رپورٹ کے مطابق طلباءسے وصول کی گئی ایک کروڑ سے زائد پوسٹل فیس بھی ہضم کر لی گئی ہے۔ کالج انتظامیہ طلباءسے وصول کی گئی داخلہ فیس ذاتی اکا ﺅنٹس میں جمع نہیں کراسکتی لیکن کرپٹ انتظامیہ نے یہ قومی رقم ہضم کر رکھی ہے۔
ایمز ٹی وی (کراچی) سپریم کورٹ میں اورنج ٹرین منصوبےسے متعلق پنجاب حکومت کی اپیل پرسماعت کے دوران چیف جسٹس نے فریقین کو کمیٹی تشکیل دینے کی ہدایت کی جورُوٹ میں آنے والے تاریخی ورثہ کو پہنچنے والے نقصان سے عدالت کو آگاہ کرے گی۔
تفصیلات کے مطابق سپریم کورٹ میں دائر پنجاب حکومت کی درخواست برائے اورینج لائن منصوبے سے متعلق کیس کی سماعت چیف جسٹس کی سربراہی میں 5 رکنی لارجر بینچ نےکی ۔
کیس کی سماعت کے دوران بینچ نے دونوں فریقن سے تین تین تکنیکی ماہرین کے نام طلب کر لیے،جن پر ایک غیر جانب دارکمیٹی تشکیل دی جائے گی،چھ رکنی یہ کمیٹی اورینج لائن منصوبے کی زد میں آنے والے تاریخی ورثے کے حوالے سے رپورٹ مرتب کرکےعدالت میں جمع کرائے گی۔
حکومت پنجاب کے وکیل کی جانب سے دیئے گئے دلائل پر چیف جسٹس نے برہمی کا اظہار کرتے ہوئے کہا کہ ملک میں بادشاہت قائم ہے،عوام کو ووٹ دیتے وقت اختیاط کرنی چاہئیے اور غیر جمہوری رویوں پر عوام کو کھڑا ہونا پڑے گا۔
دوران سماعت چیف جسٹس انور ظہیر جمالی نے ریمارکس دیتے ہوئے کہا کہ گڈ گورننس کے نام پربیڈ گورننس جاری ہے،عوام سے جمہوریت کے نام پر مذاق کیا جارہا ہے،اورینج لائن کوئی کنٹرول لائن نہیں جو تبدیل نہیں کی جا سکتی۔
بینچ کے رکن جسٹس عظمت سعید نے ریمارکس دیتے ہوئے کہا کہ تاریخی عمارتیں ہمارا اور عوام کا قومی ورثہ ہے اور قومی ورثہ تباہ نہیں ہونے دیں گے۔
ایمز ٹی وی ( اسلام آباد )سپریم کورٹ میں مبینہ طور پر توہین رسالت کی مرتکب خاتون آسیہ کی سزائے موت کے خلاف اپیل کی پہلی سماعت کل جمعرات13اکتوبر کو ہوگی۔جسٹس میاں ثاقب نثار کی سربراہی میں جسٹس اقبال حمید الرحمن اور جسٹس منظور احمد ملک پر مشتمل عدالت عظمی کا تین رکنی بینچ کیس کی سماعت کرے گا۔مجرمہ کے وکیل سیف الملوک ابتدائی دلائل دینگے۔
یاد رہے کہ ٹرائل کورٹ نے مبینہ طور پر توہین رسالت کی مرتکب خاتون آسیہ کوسزائے موت سنائی تھی جبکہ لاہور ہائیکورٹ نے ٹرائل کورٹ کی سزا کو برقرار رکھا۔ملزمہ آسیہ سے ملاقات کے بعد بیان دینے پر سابق گورنر پنجاب سلمان تاثیر کو قتل کردیا گیا تھا۔
ایمز ٹی وی (کوئٹہ) وزیراعلیٰ بلوچستان نواب ثناءاللہ خان زہری اور گورنر بلوچستان محمد خان اچکزئی نے10محرم یوم عاشور پر اپنے پییغام میں کہا ہے کہ میدان کربلا میں نوارسہ رسول حضرت امام حسین نے اپنے جان نثار ساتھیوں اور اہل بیت کے ہمراہ یزیدی لشکر کے خلاف داد شجاعت دیتے ہوئے جام شہادت نوش کرکے تاقیامت دین اسلام کوزندہ جاوید کردیا۔وزیراعلیٰ نے پیغام میں کہا کہ واقعہ کربلا ہمیشہ کیلئے حق و باطل کے درمیان فرق کا ایک استعارہ بن گیا۔جس سے ہمیں طاغوتی قوتوں کے خلاف کلمہ حق کیلئے تاقیامت رہنمائی ملتی رہے گی۔
انہوں نے کہا کہ محرم الحرام تمام عالم اسلام کیلئے ایک مقدس مہینہ ہے اس دوران ہمیں اپنے اندر صبرو ضبط برقرار رکھتے ہوئے مذہبی رواداری اور بھائی چارے کو فروغ دینے کیلئے اپنا کردار ادا کرنا چاہیے۔انہوں نے تمام اہل وطن خصوصاً مختلف مکاتب فکر کے علماءکرام سے محرم احرام کے دوران کسی بھی قسم کی تفرقہ بازی یا تلخ گوئی جس سے اتحاد بین المسلمین میں اختلاف یا دراڑ پیدا ہوتی ہو سے اجتناب برتنے اور صبر و تحمل کا مظاہرہ کرتے ہوئے باہمی اتحاد و اتفاق کا ما حول قائم رکھنے کی اپیل کی ہے۔
ایمز ٹی وی ( تعلیم) سندھ حکومت کے محکمہ صحت کی جانب سے سندھ بھر کے میڈیکل کالجوں اور جامعات میں داخلوں کے لیے ہونے والے انٹری ٹیسٹ کی تاریخ میں توسیع کردی گئی ہے۔
کراچی سمیت سندھ بھر میں میڈیکل داخلوں کے انٹری ٹیسٹ اب30اکتوبرکے بجائے 6 نومبر کو ہوں گے ۔
محکمہ صحت سندھ کی جانب سے جاری نوٹیفکیشن کے مطابق ہندو برادری کا تہوار دیوالی بھی اسی روز ہے لہٰذا اب انٹری ٹیسٹ 6 نومبرکو ہونگے تاہم پیپلز میڈیکل اینڈ ہیلتھ سائنسز نواب شاہ میں داخلوں کے ٹیسٹ 13 نومبر جبکہ شہید بے نظیر بھٹو میڈیکل کالج لیاری میں داخلوں کے لیے ٹیسٹ 20نومبر کو ہوں گے۔
ایمزٹی وی(اسلام آباد)وزیراعظم نوازشریف ، جنرل راحیل شریف ، ملالہ یوسفزئی ، عابدہ پروین اور بلقیس ایدھی دنیا کے 500بااثر مسلمان رہنماﺅں میں شامل ہیں ۔
رائل اسلامک اسٹریٹجک اسٹڈیز سنٹر کی فہرست 2017ءمیں آزادنہ تحقیق کے بعد عبدالستار ایدھی کی اہلیہ بلقیس ایدھی کو ان کی خدمت خلق اور فلاحی کام کی وجہ سے شامل کیاگیا۔
اس فہرست میں تحریک انصاف کے چیئرمین عمران خان ، جمعیت علمائے اسلام ف کے سربراہ مولانا فضل الرحمان ، جماعت اسلامی کے امیر سراج الحق ، انسانی حقو ق کیلئے سرگرم وکیل رہنماءعاصمہ جہانگیر اور مولانا طارق جمیل سمیت 33پاکستانی شامل ہیں۔
پہلے 50مسلمانوں میں شیخ تمیم بن حمادالتھانی 28ویں،اردن کی ملکہ رانیہ العبداللہ 32ویں اور شاہ کریم الحسینی بھی شامل ہیں۔اسی فہرست میں تبلیغی جماعت پاکستان کے امیر حاجی محمد عبدالوہاب بھی شامل ہیں۔
اس فہرست میں شامل افراد کو ان کی خدمت خلق ، آرٹ اینڈ کلچر، سائنس ، ٹیکنالوجی ، سیاست اور مذہبی معاملات میں انتظامی صلاحیتوں سمیت مختلف 13کیٹگریز کا جائزہ لیاگیا۔
ایمز ٹی وی ( پشاور) صوبائی اسمبلی کی جانب سے جمعہ کو سی پیک کے حوالے سی منظور کردہ قرارداد پیر کو مرکزکو ارسال کردی جائیگی جسکے ساتھ صوبائی اسمبلی میں ارکان کی جانب سے کی گئی تقریرکی ریکارڈنگ پر مشتمل مواد بھی مرکزکو
ار سال کیا جا رہا ہے تاکہ مرکزصوبہ کے نمائندوں کے جزبات کا اندازہ لگاسکے۔
صوبائی اسمبلی نے جمعہ 6اکتوبر کو سی پیک کے حوالے سے قرارداد کی منظوری دیتے ہوئے اس میں مغربی روٹ کو نظر انداز کئے جانے کے حوالے سے تحفظات کا اظہار کیا کہ خیبر پختونخوا،سندھ اور بلوچستان کے تحفظات کو دور اور مغربی روٹ کو ترجیح طور پر تمام تر سہولیات سے آراستہ فوری طور پر تعمیر کیا جائے ۔