ایمزٹی وی(کراچی) وزیراعلیٰ سندھ سید مراد علی شاہ کا کہنا ہےکہ انہوں نے ایك سسٹم وضع كرنے كا فیصلہ كیا ہے جس كے تحت كاروباری سرگرمیاں بشمول دكانوں پر كام صبح سے شام تك ہوگا اس طرح سے دكانیں اور ماركیٹیں كے كاروباری اوقات كار صبح سے شام تك ہوں گے۔

كراچی چیمبر آف كامرس كی تقریب سے خطاب كرتے ہوئے وزیراعلیٰ سندھ مراد علی شاہ نے كہا كہ انہوں نے پرانی عادتوں اور روایات كو ترك كركے بحیثیت وزیراعلیٰ صبح سویرے كام كرنے كا آغاز كیا اور اس كے بعد ان كی كابینہ كے اراكین اور بیوروكریسی نے اس كی تقلید كی اور اب كاروباری افراد اور تاجر حضرات بھی اس كی پیروی كرتے ہوئے اپنی دكانیں اور ماركیٹیں صبح 9 بجے كھولیں اور شام 6 تا 7 بجے تك بند كردیں۔ انہوں نے كہا كہ اس مقصد كے لیے مجھے آپ كے تعاون كی ضرورت ہے كیونكہ میں جانتا ہوں كہ اس حوالے سے اصل مزاحمت آپ كی طرف سے ہی سامنے آئے گی۔

وزیراعلیٰ سندھ نے شادی ہالز كے لیے مناسب اوقات كار اور ولیمہ، شادی كی تقریب میں ون ڈش كی روایت پالیسی كا بھی اعلان كیا۔ انہوں نے كہا كہ اس كا مقصد غریب لوگوں پر سے مالی بوجھ كو كم كرنا ہے۔ سید مراد علی شاہ نے كہا كہ پروٹوكول میں یقین نہیں ركھتا، میں ایك سادہ طبعیت شخص ہوں اور سادگی كے ساتھ رہنے پر یقین ركھتا ہوں۔

ایمزٹی وی(اسلام آباد)الیکشن کمیشن نے انتخابات2013کی رپورٹ ساڑھے 3 سال بعدجاری کر دی، 2013 کے انتخابات ملکی تاریخ کے مہنگے ترین الیکشن ثابت ہوئے۔
عام انتخابات پرکل4ارب 73کروڑ روپے خرچ ہوئے،رپورٹ میں ایک فیصد کی جگہ8 فیصد سے زائد ایک کروڑ اضافی بیلٹ پیپرزچھاپے جانے کاانکشاف ہوا ہے۔ ووٹوں کے لحاظ سے ن لیگ پہلے، پی ٹی آئی دوسرے، پیپلزپارٹی، تیسرے اور آزاد امیدوار چوتھے نمبر پر رہے۔

دستاویزات کے مطابق 2008کی نسبت2013میں ڈھائی گنا زیادہ اخراجات آئے۔
ان انتخابات میں کل18کروڑ17لاکھ بیلٹ پیپرز کی چھپائی ہوئی جن پرایک ارب37کروڑروپے خرچ ہوئے جبکہ حیران کن طور پر ایک کروڑ سے زائد اضافی بیلٹ پیپر چھاپے گئے۔ یوں الیکشن کمیشن کی بدانتظامی کی وجہ سے ایک بیلٹ پیپر10 روپے کا اورقومی خزانہ کو اضافی چھپائی کی وجہ سے 10کروڑ سے زائدکا نقصان ہوا۔

رپورٹ کے مطابق انتخابات میں571 نشستوں پر10958 امیدواروں اور 148 جماعتوں نے حصہ لیا، 6 لاکھ 44 ہزار 234 انتخابی عملے نے 69 ہزار سے زائد پولنگ سٹیشنوں پر فرائض سرانجام دیئے۔

انتخابات میں ٹرن آؤٹ53.62فیصد رہا، سب سے کم فاٹا میں29اور زیادہ اسلام آباد میں62فیصد رہا، بلوچستان میں39، پنجاب میں 58 اورسندھ میں51فیصد ٹرن آؤٹ رہا۔ رپورٹ کے مطابق ن لیگ نے ایک کروڑ 48لاکھ ووٹ لیے۔ تحریک انصاف نے 75لاکھ 79ہزار جبکہ پیپلزپارٹی نے69 لاکھ 11ہزار ووٹ حاصل کئے۔

ایمزٹی وی (اسلام آباد)وزیراعظم نواز شریف، چیئرمین سینیٹ میاں رضا ربانی، وفاقی وزیر خزانہ اسحٰق ڈار، مولانا فضل الرحمن سمیت 330سے زائد ارکان پارلیمنٹ و اسمبلی نے اثاثوں کی تفصیلات الیکشن کمیشن میں جمع کرا دی ہیں جبکہ چیئرمین تحریک انصاف عمران خان، اپوزیشن لیڈر خورشیدشاہ ، اعتزاز احسن، حمزہ شہباز، جہانگیر ترین سمیت 800سے زائد ارکان پارلیمنٹ واسمبلی نے اپنے اثاثوں کی تفصیلات کمیشن میں جمع نہیں کرائی۔

کمیشن نے 2روز میں اثاثوں کی تفصیلات جمع کرانے کی ہدایت کر دی ہے۔ الیکشن کمیشن کی جانب سے جاری ایک بیان کے مطابق الیکشن کمیشن اراکین پارلیمنٹ و صوبائی اسمبلی کے اثاثوں کی تفصیلات جمع کرانے کے لیے 2 دن ہی باقی بچے ہیں ،اب تک وفاقی وزیر احسن اقبال، شاہ محمود قریشی، راجا ظفرالحق، اعجازالحق، ایازسومرو، آصف حسنین، سفیان یوسف، عبدالوسیم اوراقبال محمدعلی،شیریں مزاری نے اپنے اثاثوں کی تفصیلات جمع کرا دی ہیں۔

اسپیکرقومی اسمبلی سردار ایاز صادق ،وفاقی وزیرداخلہ چوہدری نثار علی خان، خواجہ آصف، سعد رفیق، فاروق ستار، شیخ رشید احمد، شیخ آفتاب ،طلال چوہدری،عابد شیر علی، انجینئر خرم دستگیر، طاہر برجیس، سکندر حیات بوسن ، سائرہ افضل تارڑ،چوہدری پرویز الہیٰ، دانیال عزیز، فریال تالپور،عذراء فضل پیچوہو،سید نوید قمر،فہمیدہ مرزا، سینیٹر پرویز رشید، مشاہداللہ خان، رحمٰن ملک ،چاروں وزرائے اعلیٰ نے تاحال اپنے اثاثوں کی تفصیلات جمع نہیں کرائیں۔
الیکشن کمیشن کے اعلامیے کے مطابق قومی اسمبلی کے 104ارکان کے اثاثوں کی تفصیلات موصول ہو چکی ہیں ۔سینیٹ کے104ممبران میں سے صرف 16 نے اب تک تفصیلات جمع کرائی ہیں۔پنجاب اسمبلی سے 104، سندھ اسمبلی کے 48 ارکان کے اثاثوں کی تفصیلات الیکشن کمیشن کو موصول ہو چکی ہیں۔ خیبر پختونخوا اسمبلی کے 38،بلوچستان اسمبلی کے 21 ارکان کے اثاثوں کی تفصیلات الیکشن کمیشن کوموصول ہو چکی ہیں۔

الیکشن کمیشن کی تمام ارکان پارلیمنٹ اورصوبائی اسمبلیوں کو 30 ستمبر تک اثاثوں کی تفصیلات جمع کرانے کی ہدایت کی ہے ۔ 15اکتوبر تک اثاثوں کی تفصیلات جمع نہ کرانے والے اراکین کی رکنیت معطل کر دی جائے گی اور وہ قانون سازی میں حصہ لینے کے اہل نہیں ہونگے۔

ایمزٹی وی(مظفرآباد) بھارتی فوج نے ایک بار پھر روایتی ہٹ دھرمی کا مظاہرہ کرتے ہوئے لائن آف کنٹرول پر مختلف سیکٹرز میں بلا اشتعال فائرنگ اور گولہ باری کی ہے جس کے نتیجے میں 6 افراد زخمی ہو گئے۔

بھارتی فوج نے ایل او سی پر پونچھ بٹل اور دودھنیال سیکٹرز میں بلا اشتعال فائرنگ اور گولہ باری کی جس کے نتیجے میں ابتدائی طور پر 6 افراد کے زخمی ہونے کی اطلاعات ہیں، اس کے علاوہ بھارتی فوج نے ناطر لچیال کی سول آبادی کو بھی نشانہ بنایا۔ وادی لیپا میں منڈا کنڈی کے مقام پر فائرنگ کی گئی جب کہ وادی نیلم میں برنالہ کے جھپ سیکٹر اور وٹالہ کے مقام پر بھی بھارتی افواج کی جانب سے شدید فائرنگ کی جا رہی ہے جس کے باعث وادی نیلم میں بڑی تعداد میں سیاح محصور ہو کر رہ گئے ہیں۔

پاک فوج کی جانب سے بھی بھارتی جارحیت کا بھرپور جواب دیا جا رہا ہے جب کہ فائرنگ اور گولہ باری کے باعث آبادی شدید خوف و ہراس پھیل گیا ہے۔
واضح رہے کہ اس سے قبل بھی بارہا بھارت لائن آف کنٹرول اور ورکنگ باؤنڈری پر سیز فائر کی خلاف ورزی کرتے ہوئے متعدد پاکستانیوں کو شہید اور املاک کو نقصان پہنچا چکا ہے۔

ایمزٹی وی(اسلام آباد) بھارتی ہٹ دھرمی کی وجہ سے نیپال نے 2016ءسارک سربراہ کانفرنس منسوخ کر دی ہے جس کی تصدیق پاکستان کے مشیر خارجہ سرتاج عزیز نے بھی کردی تاہم پاکستان نے سارک وزارتی کانفرنس شیڈول کے مطابق کرانے پر غور شروع کردیا۔ سارک کی چیئرمین شپ اس وقت نیپال کے پاس ہے اور 2016ءسارک سربراہ کانفرنس کا انعقاد نومبر میں اسلام آباد میں ہونا ہے تاہم اب نیپال نے کانفرنس منسوخ کر دی ہے۔

واضح رہے کہ اس سے قبل بھارتی میڈیا یہ دعویٰ بھی کر چکا ہے کہ بھارتی وزیراعظم نریندر مودی سارک سربراہ کانفرنس 2016ءمیں شریک نہیں ہوں گے جبکہ اطلاعات ہیں کہ بھارت کے دباؤ پر نیپال اور بنگلہ دیش نے بھی تقریبات میں عدم شرکت سے متعلق آگاہ کردیا تھا۔

سارک سربراہ کانفرنس کی منسوخی کی خبر ایک ایسے وقت پر سامنےآئی ہے جب پاکستان اور بھارت کے درمیان کشیدگی عروج پر ہے، منگل کی رات بھارت نے بھی روایتی ہٹ دھرمی کا مظاہرہ کرتے ہوئے حالات خراب ہونے کا بہانہ بنایا اور کانفرنس میں نہ آنے کا فیصلہ سنایااور مودی کے نقش قدم پر چلتے ہوئے بنگلہ دیش میں حسینہ واجد کی حکومت نے بھی عدم شرکت کااعلان کردیا

ایمز ٹی وی ( سعودی عرب )غیر ملکی خبر رساں ادارے کے مطابق سعودی دارالحکومت ریاض میں کابینہ کے اجلاس میں فیصلہ کیا گیا کہ ملک کے وزرا کی تنخواہوں میں 20 فیصد کمی اور شوریٰ کونسل کے ممبران کی تنخواہوں میں 15 فیصد کمی کی جائے گی، شوریٰ کونسل کے ارکان کے گاڑی اورمکان کیلیے ملنے والے الاؤنسز میں بھی 15 فیصد تک کمی کی گئی ہے۔
حکم نامے کے تحت سرکاری ملازمین کوملنے والے اضافی مالیاتی فوائد بھی واپس لے لیے گئے ہیں، بادشاہ نے سینئر سرکاری ملازمین کوآئندہ ایک سال تک سرکاری گاڑی دینے پرپابندی عائد کی ہے، وزرا کو ایک ہزارسعودی ریال تک موبائل اورٹیلیفون مفت استعمال کرنے کی اجازت ہو گی، اس سے زیادہ کا بل وہ خود ادا کریں گے۔
شاہ سلمان نے کہا ہے کہ کفایت شعاری کے ان اقدامات کا اطلاق جنوبی سرحد پرتعینات فوجی دستوں اور بیرون ملک موجود انٹیلی جنس آپریشن میں مصروف افراد پرنہیں ہو گا، کابینہ کے اجلاس میں فیصلہ کیا گیا کہ 1438 ہجری میں تنخواہوں میں سالانہ اضافہ نہیں ہوگا جبکہ کنٹریکٹ کے اجرا اورتوسیع کے موقع پربھی تنخواہیں نہیں بڑھائی جائیں گی۔
وزراء اوران کے عہدوں کے برابرسرکاری ملازمین کو 42 دن کے بجائے 36 دن کی سالانہ چھٹیاں ہوگی اورسرکاری ملازمین کو سالانہ چھٹی کے دوران ماہانہ ٹرانسپورٹ الاؤنس نہیں ملے گا، تمام سرکاری محکموں اور منصوبوں پر آئندہ سال کے آخرتک بھرتیوں پرپابندی لگائی گئی ہے، دوسرے سرکاری دفاترمیں اضافی ملازمین کو ان جگہوں پر تعینات کیا جائے گا جہاں ملازمین کی فوری ضرورت ہے۔
شا ہ سلمان کی جانب سے یہ فیصلہ عالمی مارکیٹ میں تیل کی گرتی ہوئی قیمتوں کے پیش نظرکیا گیا ہے کیونکہ مملکت کو تیل کی برآمدات سے حاصل ہونے والی آمدن میں نمایاں کمی کا سامنا ہے اور بجٹ خسارے سے بچنے کیلیے ایسا فیصلہ کیا گیا ہے۔

ایمزٹی وی(تعلیم/ کراچی)صوبا ئی وزیر برا ئے تعلیم و خوا ندگی جا م مہتا ب حسین ڈہر نے اعلیٰ ثا نوی تعلیمی بورڈ کے آرٹس ریگولر امتحانا ت میں 14ہا ئر سیکنڈر ی اسکو ل اور کا لجز کے نتا ئج صفر فیصد رہنے کا سخت نو ٹس لیتے ہو ئے سیکریٹری تعلیم اور ڈائریکٹر جنر ل کا لجز کو ہدا یت کی ہے کہ وہ مذکورہ تعلیمی ادا رو ں کے سر برا ہا ن کے خلا ف کا رروائی کریں کہ وہ کیو ں بہتر نتا ئج دینے میں نا کا م رہے۔

   انہو ں نے کہا کہ یہ افسو س نا ک امر ہے کہ وسا ئل اور تدریسی عملہ ہو نے کے باوجود مذکو ر ہ تعلیمی ادا رے نتا ئج دینے میں نا کا م رہے انہو ں نے کہا کہ ہا ئیر سیکنڈر ی اسکو لز اور کا لجز میں طلباء وطالبات کی حا ضری کو یقینی بنا یا جا ئے اور تدریسی عمل پر بھر پو ر تو جہ دی جائے ۔  علا وہ ازیں صوبا ئی وزیر تعلیم جا م مہتا ب حسین ڈہر نے ڈہر کی کے ایک نجی اسکو ل میں اسا تذہ کی جا نب سے طالب علم پر تشد د کر کے زخمی کر نے کا بھی سخت نو ٹس لیا ہے اور ڈائریکٹر جنر ل پرا ئیویٹ انسٹی ٹیو شن کو ہدا یت دی ہے کہ وہ نجی تعلیمی ادا رو ں میں جسما نی تشدد کر نے والے اسا تذہ کے خلا ف تا دیبی کا رروائی کریں اور قا نو ن پر سختی سے عملدرآمد کروائیں۔

انہو ں نے کہا کہ تعلیمی ادا رو ں میں جسما نی سزا ئیں قا نو ن کے خلا ف ہیں اور تما م تعلیمی ادارے قا نو ن پر عملدرآمد کرنے کے پا بند ہیں۔

ایمزٹی وی(کراچی/تعلیم) وزیر تعلیم سندھ جام مہتاب ڈہر کی یقین دہانی کے بعد پرائمری ٹیچر ایسوسی ایشن نے احتجاج ختم کر دیا ہے ۔پرائمری ٹیچر ایسوسی ایشن نے پیر کو کراچی پریس کلب کے باہراپنے مطالبات کی منظوری کے لئے احتجاجی مظاہرہ کیا اوروزیر اعلیٰ ہائوس پر دھرنا دینے کا اعلان کیا تھا۔

مظاہرے کی قیادت ایسوسی ایشن کے صدر غلام رسول مہر اور دیگر کر رہے تھے ۔مظاہرین نے مطالبہ کیا کہ ٹائم اسکیل دیا جائے اور روکی گئی تنخواہیں بحال کی جائیں ۔انہوں نے کہا کہ 2010 میں اساتذہ کو مستقل کرنے کا اعلان کیا تھا اس کا نوٹیفکیشن جاری کیا جائے ۔بعد ازاں پرائمری ٹیچر ایسوسی ایشن کے وفد جس میں غلام رسول مہر،سید انار الدین شاہ ،شاہین اختر،محمد اشرف بروہی اور عبدالفتح شامل تھے نے وزیر تعلیم جام مہتاب ڈہر سے ان کے دفتر میں ملاقات کی جس میں انہیں اپنے مطالبات سے آگاہ کیا جس پر وزیر تعلیم نے انہیں یقین دہانی کرائی کے ان کے مطالبات پر سنجیدگی پر غور کیا جائے گا۔

ایمزٹی وی(آزاد کشمیر)وزیر اعظم آزاد کشمیر راجہ فاروق حیدر خان نے کہا ہے کہ بھارت کے انتہا پسند حکمرانوں کی پاکستان کے خلاف آبی جارحیت کے عزائم ناکام ہوں گے ۔بھارت کے انتہا پسند حکمرانوں کے جارحانہ بیانات ،منفی عزائم نے اس ریجن کے امن کو مسلسل خطرات میں رکھا ہوا ہے ۔بین الاقوامی برادری بھارتی حکمرانوں کے عزائم کا سختی سے نوٹس لے اور بھارت کو جارحانہ عزائم سے باز رکھے ۔

وزیراعظم نے کہا کہ بھارت نے مقبوضہ کشمیر سے عالمی توجہ ہٹانے کے لئے لائن آف کنٹرول پر تخریبی کارروائیوں کے ذریعے جنگی کیفیت پیدا کر رکھی ہے ۔قبل ازیں وزیراعظم نے ایمپائر کیپٹل دبئی کی کمپنی کی طرف سے دی گئی بریفنگ کے دوران اجلاس سے خطاب کرتے ہوئے کہا کہ آزاد کشمیر میں ہائیڈل اور ٹورازم میں بین الاقوامی سرمایہ کاری کو فروغ دیں گے جس سے معیشت مستحکم ہو گی اور عوام ترقی و خوشحالی کی منازل طے اور روزگار کے مواقع ملیں گے۔

مسلم لیگ کی حکومت آزادکشمیر کو بین الاقوامی سیاحت کا مرکز بنائے گی ۔آزاد کشمیر کے پہاڑی مقامات پر ٹورازم ہٹس قائم کریں گے ۔ایڈیشنل چیف سیکرٹری ڈویلپمنٹ ڈاکٹر آصف ،وزیراعظم کے پرنسپل سیکرٹری احسان خالد کیانی اور مسلم لیگ پروفیشنل کے چیئرمین ڈاکٹر احسن بھی موجود تھے ۔

اس موقع پر کمپنی کے منیجنگ ڈائریکٹر حیدر نے آزادکشمیر میں سیاحت کے شعبے میں سرمایہ کاری میں گہری دلچسپی کا اظہار کرتے ہوئے کہا کہ ہماری کمپنی نجی سیکٹر میں سرمایہ کاری کرناچاہتی ہے ۔حکومت آزادکشمیر سہولتیں فراہم کرے ۔وزیراعظم آزادکشمیر نے کہا کہ آزادکشمیر میں سرمایہ کاری کے وسیع مواقع موجود ہیں ۔بیرونی سرمایہ کاروں کو بھرپور سہولیات فراہم کی جائیں گی ۔راجہ فاروق حیدر خان نے کہا کہ ن لیگ کی حکومت وزیر اعظم پاکستان کے ویژن کے مطابق آزادکشمیر میں تعمیر و ترقی کا جدید میکانزم اختیار کر کے آزاد کشمیر کو خوشحال معاشرے میں بدل دے گی ۔سابق دور میں عوام کے ساتھ ناانصافیوں کا ازالہ کیا جائے گا۔ -