ایمزٹی وی(نیویارک)اقوام متحدہ میں پاکستان کی مستقل مندوب ملیحہ لودھی نے بھارتی وزیر خارجہ سشما سوراج کے جنرل اسمبلی سے خطاب پر ردعمل دیتے ہوئے کہنا ہے کہ مقبوضہ کشمیر بین الاقوامی طور پر تسلیم شدہ متنازع علاقہ ہے۔ دنیا کو آج پتہ چل گیا کہ بھارت مذاکرات کے ذریعے کشمیر کا مسئلہ حل نہیں کرنا چاہتا۔ سشما سوراج کا خطاب جھوٹ کا پلندہ ہے۔ ان کا کہنا تھا کہ بھارت نے پاکستان پر بے بنیاد الزام لگائے ہیں۔ پاکستان اس کا بھرپور جواب دے گا۔ سشما سوراج کا کہنا تھا کہ مقبوضہ کشمیر میں انسانی حقوق کی خلاف ورزیاں نہیں ہو رہیں۔ کشمیر میں جو مظالم ہو رہے ہیں، اس پر بھارت نے جھوٹ بولا۔ سشما سوراج کی تقریر کا سب سے بڑا جھوٹ یہ تھا کہ مقبوضہ کشمیر بھارت کا حصہ ہے حالانکہ مقبوضہ کشمیر بھارت کا حصہ نہیں بلکہ بین الاقوامی طور پر تسلیم شدہ متنازع علاقہ ہے۔

ایمزٹی وی(نیویارک) سشما سوارج نے اقوام متحدہ کی جنرل اسمبلی سے خطاب کرتے ہوئے ایک مرتبہ پھر پاکستان پر الزام لگایا کہ وہ اُڑی اور پٹھان کورٹ حملوں کے ذریعے ہندوستان میں دراندازی کر رہا ہے۔

ان کا کہنا تھا کہ پاکستان کو ہندوستان میں ہونے والی دراندازی کے حوالے سے متعدد مرتبہ ٹھوس ثبوت فراہم کیے گئے ہیں تاہم پاکستان انھیں مسترد کرتا ہے، جس کی وجہ سے ہندوستان یہ سمجھتا ہے کہ ان دراندازیوں کا مقصد ہمارے علاقوں کو حاصل کرنا ہے۔

وزیراعظم نواز شریف کے خطاب کے جواب میں سشما سوراج نے ایک مرتبہ پھر بلوچستان کا حوالہ دیتے ہوئے کہا کہ ہندوستان پر الزامات لگانے کے بجائے پاکستان کو بلوچستان میں جاری کشیدگی کو دیکھنا چاہیے۔

سشما سوراج نے وزیراعظم نواز شریف کے 21 ستمبر کے بیان میں جموں و کشمیر میں ہونے والی انسانی حقوق کی خلاف ورزیوں کی نشاندہی کو بے بنیاد قرار دیتے ہوئے کہا کہ میں صرف یہ کہہ سکتی ہوں کہ دوسروں پر انسانی حقوق کی خلاف ورزیوں کا الزام لگانے والوں کو خود احتسابی بھی کرنا چاہیے۔

انھوں نے کہا کہ شیشے کے مکانات میں رہنے والوں کو دوسروں کے گھروں پر پتھر نہیں پھینکنا چاہیے۔

جنرل اسمبلی سے خطاب کے دوران ہندوستانی وزیر خارجہ کا کہنا تھا کہ ایسی ریاستیں جو عالمی حکمت عملی میں شامل نہیں ہوتا چاہتی انھیں الگ تھلگ کردینا چاہیے۔

سشما سوراج نے نام لیے بغیر کہا کہ دنیا میں کچھ ایسی قومیں ہیں جو دہشت گردی کی زبان میں بات کرتی ہیں اور دہشت گردوں کو اپنے مفادات کیلئے پناہ دیتی ہیں، ہمیں ایسی اقوام کو شناخت کرنا ہوگا اور انھیں ان کے اس اقدام سے روکنا ہوگا۔

انہوں نے ہندوستان کو ایک مرتبہ پھر تمام متنازع ایشوز پر بامعنی مذاکرات کی دعوت دیتے ہوئے کہا کہ پاکستان غیر مشروط طور پر بات چیت کے لیے تیار ہے۔

خیال رہے کہ 21 ستمبر 2016 کو وزیراعظم نواز شریف نے اقوام متحدہ کی جنرل اسمبلی کے 71 ویں اجلاس سے خطاب کرتے ہوئے کہا تھا کہ وزیر اعظم نواز شریف کا کہنا تھا کہ پاکستان پڑوسی ملک ہندوستان کے ساتھ امن اور اچھے تعلقات کا خواہاں ہے لیکن دونوں ممالک کے درمیان امن مسئلہ کشمیر کے حل کے بغیر ممکن نہیں۔

ایمزٹی وی(تعلیم/کراچی)وزیراعلیٰ سندھ سید مراد علی شاہ نے کہا ہے کہ صوبے میں 60لاکھ سے زائد بچے اسکولوں سے باہر ہیں،ہمیں تعلیمی اداروں کو سہولتوں کی فراہمی یقینی بنانا ہوگی ۔

تعلیمی مسائل پر سیمینار سےخطاب وزیراعلیٰ سندھ نے کہا کہ تعلیمی مسائل دیکھتے ہوئے سندھ میں تعلیمی ایمرجنسی نافذ کی ، وزیر تعلیم کو تعلیمی بہتری کیلئے اپنے اختیارات بھی دے چکا ہوں۔

انہوں نے مزید کہا کہ ہربچے کو تعلیم فراہم کرنا ہمارا فرض ہے،صوبائی حکومت نے اسے اولین ترجیح بنارکھا ہے، محکمہ تعلیم کے لیے بجٹ کا بڑا حصہ مختص کیا گیا ہے، ہمیں ہراسکول میں بنیادی سہولتوں کی فراہمی یقینی بنانی ہے

ایمز ٹی وی (کھیل) لاہور قلندرز جاز رائزنگ اسٹارز کرکٹ ٹورنامنٹ میں لاہور ، سرگودھا اور فیصل آباد نے آج کھیلے گئے اپنے اپنے میچز جیت لیے۔

قذافی اسٹیڈیم میں جاری ایونٹ میں لاہور رائزنگ اسٹارز نے بہاولپور رائزنگ اسٹارز کو آؤٹ کلاس کر دیا ، پہلے بولرز نے حریف ٹیم کو 114 رنز پر آؤٹ کیا۔بلال انور نے تین وکٹیں حاصل کیں، ہدف کے تعاقب میں رضوان حسین نے شاندار بیٹنگ کی اور 80 رنز کی ناقابل شکست اننگز کھیل کر اپنی ٹیم کو آٹھ وکٹ سے فاتح بنا دیا ۔

اس سے پہلے ہونے والے میچ میں فیصل آباد کے خلاف ڈی جی خان رائزنگ اسٹارز کے بیٹسمین ناکام رہے ، ٹیم نو وکٹ پر صرف 102 رنز ہی بنا پائی ،، ثاقب اور سکندر نے 19-19 رنز بنائے احمد صافی نے تین وکٹ حاصل کیں۔
جواب میں فیصل آباد رائزنگ اسٹارز نے ہدف چار وکٹ پر حاصل کر لیا۔ علی شان 39 رنز بناکر ناٹ آؤٹ رہے۔

ایک اور میچ میں سرگودھا رائزنگ اسٹارز نے گوجرانوالہ رائزنگ اسٹارز کو 16 رنز سے ہرا دیا، سرگودھا نے سات وکٹ پر 154 رنز بنائے ، کاشف جاوید 43 رنز کے ساتھ ٹاپ اسکورر رہے،جواب میں گوجرانوالہ رائزنگ اسٹارز 138 رنز بنا کر آؤٹ ہو گئے۔ ایونٹ کے تمام میچز جیوسوپر براہ راست نشر کر رہا ہے۔

ایمز ٹی وی(ممبئی)بھارتی حکومت کی جانب سے مقبوضہ کشمیرمیں انسانیت سوزظلم کے بعد دنیا بھی اس کے اوچھے ہتھکنڈوں سے واقف ہوچکی ہے جب کہ ان ہی کہ ہندو انتہا پسند جماعت شیو سینا نے بھی بھارتی وزیراعظم نریندر مودی کو شدید تنقید کا نشانہ بناتے ہوئے کہا ہے کہ بھارت کے دنیا میں تنہا ہونے کا خطرہ ہے۔

بی جے پی کی اتحادی شیوسینا نے جریدے سامانا کے اداریئے میں بھارتی حکومت پرکڑی تنقید کرتے ہوئے کہا کہ مودی نے انتخابی مہم میں کہا تھا 56 انچ سینہ ملک کے مسائل حل کرسکتا ہے جب کہ اب وزیراعظم نوازشریف 56 انچ سینہ دکھا رہے ہیں۔

شیوسینا کی جانب سے کہا گیا کہ اڑی حملے کے معاملے پردنیا کا کوئی ملک بھارت کے ساتھ نہیں ، چین نے حملے کی مذمت کی اورنہ ہی 1971 میں بھارت کا ساتھ دینے والے روس نے پاکستان کے ساتھ جنگی مشقیں منسوخ کیں جس کے بعد بھارت کے دنیا میں تنہا ہونے کا خطرہ ہے اوربھارتی حکومت کی جانب سے پاکستان کوتنہا کرنے کی سازشیں لاحاصل ہورہی ہیں۔
شیوسینا نے کہا کہ مسلم ممالک پاکستان کے ساتھ کھڑے ہیں ، انڈونیشیا کی بھارت کے ساتھ پرانی دوستی اس کے باوجود وہ بھی پاکستان کو دفاعی ہتھیاروں کی پیشکش کررہا ہے جب کہ نیپال بھی پاکستان کے ساتھ اچھے تعلقات چاہتا ہے۔

ایمزٹی وی(امریکا)امریکا میں ڈیموکریٹک صدارتی امیدوار ہلیری کلنٹن اور ریپبلکن امیدوار ڈونلڈ ٹرمپ میں قومی سطح پر مباحثے شروع ہوگئے ہیں۔ ہلیری کلنٹن نے پہلے مباحثے میں ڈونلڈ ٹرمپ کو شکست دے دی۔ نتائج کے مطابق مباحثہ دیکھنے والے 62 فیصد ناظرین نے ہلیری کلنٹن کو ووٹ دیئے جبکہ صرف 27 فیصد ناظرین نے ڈونلڈ ٹرمپ کو سراہا۔
پندرہ پندرہ منٹ کے چھ سیشنز میں دونوں امیدواروں نے ایک دوسرے کو ترکی بہ ترکی جواب دے کر اپنی پالیسیوں کا دفاع کرنے کی کوشش بھرپور کی۔
مباحثے کے دوران ہیلری کلنٹن نے کہا کہ ٹرمپ اپنے آپ میں رہتے ہیں جبکہ ان کے منصوبے غیر منصفانہ اور صرف امیروں کے لئے ہیں۔ ہلیری کلنٹن نے امریکیوں کو یہ ہولناک خبر بھی سنائی کہ ٹرمپ کے مجوزہ پروگرام پر عملدرآمد سے 35 لاکھ نوکریاں ختم ہوجائیں گی۔
انہوں نے یہ سوال بھی اٹھایا کہ ٹرمپ اپنے ٹیکس گوشوارے عوام کے سامنے کیوں نہیں لارہے ہیں؟ البتہ ہلیری کلنٹن نے سرکاری نیٹ ورک کو نجی ای میل کیلئے استعمال کرنے پر اپنی غلطی کا اعتراف بھی کیا۔ ان کا یہ بھی کہنا تھا کہ داعش میں غیرملکی افراد بھی شامل ہورہے ہیں۔ داعش کو شکست دینے کے لئے منصوبہ بنایا جاچکا ہے جبکہ ایران سے جوہری معاہدہ سفارت کاری کی اعلی مثال ہے۔
دوسری طرف ڈونلڈ ٹرمپ نے بھی ہلیری کلنٹن کو آڑے ہاتھوں لیا اور اپنی پالیسیاں واضح کیں۔ ٹرمپ نے بارک اوباما کی ملکی معاشی پالیسیوں کو تنقید کا نشانہ بناتے ہوئے کہا کہ ہزاروں نوکریاں ہمارے ہاتھ سے جارہی ہیں؛ اور اب انہیں (ڈونلڈ ٹرمپ کو) روزگار کے نئے مواقع پیدا کرنے ہوں گے۔ نکتہ چینی کرتے ہوئے ٹرمپ کا کہنا تھا کہ 8 سال میں قرضے دوگنے ہوگئے ہیں اور ’’ہماری منڈیوں پرچین اورمیکسیکو کےاثرات ہیں۔‘‘
ٹرمپ نے جوابی مؤقف اختیار کرتے ہوئے کہا کہ ہلیری ٹیکس تفصیلات سامنے لائیں تو وہ بھی لے آئیں گے، ’’جتنا پیسہ مشرق وسطی میں خرچ کیا گیا، اس سے لگتا ہے کہ ہمیں پیسوں کی ضرورت نہیں ہے۔‘‘ اور تو اور، ڈونلڈ ٹرمپ نے سیاہ فام امریکی صدر بارک اوباما کے بارے میں یہاں تک کہہ دیا کہ وہ امریکہ سے باہر پیدا ہوئے اور امریکہ میں ان کی پیدائش کا جعلی سرٹیفکیٹ بڑی مشکل اور محنت سے حاصل کیا گیا ہے۔ اس اعتراض کو ہلیری کلنٹن نے ’’دل توڑنے والا جھوٹ‘‘ قرار دیا۔
عالمی تپش (گلوبل وارمنگ) کے بارے میں جواب دیتے ہوئے ڈونلڈ ٹرمپ نے کہا کہ دنیا کو گلوبل وارمنگ سے کہیں زیادہ خطرہ ایٹمی ہتھیاروں سے ہے۔

ایمز ٹی وی (کھیل) عالمی چیمپئن ویسٹ انڈیز کی ٹیم پاکستان کے ہاتھوں دو مسلسل ٹی 20 انٹر نیشنل میچوں میں شکست کے بعد منگل کو شیخ زید اسٹیڈیم میں بقا کی جنگ لڑے گی اور سیریز کے آخری میچ کو جیتنے کے لئے سر دھڑ کی بازی لگانے کے لئے پرعزم ہے۔

پاکستان اور ویسٹ انڈیز کے درمیان سیریز کا آخری میچ پاکستانی وقت کے مطابق شب نو بجے شروع ہوگا۔ پاکستان سیریز دو صفر سے جیت چکا ہے۔ اس لئے ٹیم انتظامیہ بولنگ لائن میں تبدیلی کرکے رومان رئیس اور محمد عامر کو موقع دینا چاہتی ہے جبکہ حسن علی اور وہاب ریاض کو ون ڈے سیریز سے قبل آرام دیا جائے گا۔

ذرائع کا کہنا ہے کہ بیٹنگ لائن میں کسی تبدیلی کاکوئی امکان نہیں ہے۔ دوسرے میچ میں حسن علی نے چار اوورز میں49 رنز دے کر تین وکٹ حاصل کئے تھے۔24سالہ رومان کا تعلق کراچی سے ہے۔

سرفراز احمد کی قیادت میں پاکستان ٹیم نے سلو وکٹوں پر اور سخت گرم موسم میں ویسٹ انڈیز کو آئوٹ کلاس کردیا ہے۔ پہلے میچ میں عماد وسیم کی پانچ وکٹوں نے ویسٹ انڈیز کو شکست کے دھانے پر پہنچایا۔ دوسرے میچ میں سرفراز احمد نے ایک بار پھر دھوکا نہیں دیا اور فائٹنگ 46ناقابل شکست رنز بناکر پاکستان کو سیریز میں کامیابی سے ہم کنار کرادیا۔

سرفراز احمد کہتے ہیں کہ جیت کا کریڈٹ کسی ایک کو دینا مشکل ہے۔ دونوں فتوحات ٹیم اسپرٹ کے مرہون منت ہیں۔ پاکستان کا سیریز جیتنے کے باوجود عالمی رینکنگ میں کوئی فرق نہیں پڑا ہے جو اس وقت ساتویں ہے البتہ اس کے اور چھٹے نمبر کی ٹیم انگلینڈ کے درمیان پوائنٹس کا فرق کم رہ جائے گا۔

اگر ویسٹ انڈیز کی ٹیم یہ سیریز جیت جاتی تو وہ عالمی ٹی ٹوئنٹی رینکنگ میں تیسرے سے دوسرے نمبر پر آجاتی۔

ایمز ٹی وی (کراچی)سپلی ریجن کے صدر پروفیسر فیروز الدین صدیقی نے کہا کہ گزشتہ ہفتے محکمہ اینٹی کرپشن کے انویسٹی گیشن آفیسر ویزٹ زون 2کی جانب سے ان تمام سنیئر اساتذہ کو جوکہ مختلف مضامین میں بحیثیت ہیڈ اگز یمز اور ڈ پٹی ہیڈ اگز یمز کے فرائض انجام دے رہے تھے انہیں اینٹی کرپشن کے ڈپارٹمنٹ کے نو ٹسز جاری کر کے اپنے آفس میں طلب کیا جا رہا ہے ۔

لہذٰا ہم سپلی فرسٹ ائیر کے امتحانی پرچوں کے جا نچنے کے عمل کے بائیکا ٹ کا اعلان کرتے ہیں جبکہ نتائج کی تیاری سمیت بورڈ کے کسی بھی عمل کا حصہ نہ بننے کا بھی اعلان کرتے ہیں۔

ایمز ٹی وی (کھیل) پاکستان کے خلاف تین ٹیسٹ پر مشتمل سیریز کےلیے ویسٹ انڈیز کی 15 رکنی ٹیم کا اعلان کر دیا گیا۔ جیسن ہولڈر ٹیم کی قیادت کریں گے۔

پاکستان اور ویسٹ انڈیز کے درمیان ٹیسٹ سیریز کا آغاز 13 اکتوبر سے ہو گا۔ تین میچز کی سیریز کا آخری میچ ڈے اینڈ نائٹ کھیلا جائےگا۔

ویسٹ انڈیز کے ٹیسٹ اسکواڈ کی کپتانی جیسن ہولڈر کریں گے۔ کریگ بریتھ ویٹ وائس کپتان ہوں گے جبکہ دیگر کھلاڑیوں میں دیوندرا بشو، بلیک ووڈ، کارلوس بریتھ ویٹ، ڈیرن براوو، وٹون چیز، میگوئل کمینز، شان ڈورچ، شینن گیبریل ، شائی ہوپ ، لیئون جانسن ، الزاری جوزف ، مارلن سیموئلز اور جومل واریکن شامل ہیں

ایمزٹی وی(اسلام آباد)پاکستان تحریک انصاف نے دس منٹ میں لاہور شہر بند کرنے کی منصوبہ بندی کر لی
ذرائع کے مطابق حکومت کے ساتھ تناو کی صورت میں شہر کو بند کرنے کے لیے فیصل واڈا کی سربراہی میں 200سے زائد کارکنوں کی ٹیم تشکیل دی گئی ہے جو لاہور کے داخلی خارجی راستے اور اہم مارکیٹیں بند کرائیں گے ۔

تفصیلات کے مطابق آج فیصل واڈا کی سربراہی میں اجلاس ہوا جس میں لاہور کو دس منٹ میں بند کرانے کے لیے منصوبہ بندی کی گئی ۔فیصل واڈا نے واضح کیا ہے کہ تحریک انصاف کے کارکنوں کی گرفتاری کی صورت میں لاہور شہر کو 10منٹ میں بند کرنے کی صلاحیت رکھتے ہیں۔
اس سے پہلے عمران خان نے بھی میڈ یا سے گفتگو کرتے ہوئے کہا تھا کہ اگر ن لیگ نے ہمارے کارکنوں کو تشدد کا نشانہ بنایا تو پھر شہر کو بند کرنے کے آپشن پر غور کیا جائے گا ۔