ایمز ٹی وی (کھیل) شعیب اختر کا کہنا ہے پاکستانی بیٹسمینوں نے اچھی کارکردگی دکھائی ،مگر اس سے اچھا کھیل بھی پیش کیا جا سکتا تھا۔ محمد یوسف کہتے ہیں سب بلے بازوں خصوصاً سرفراز نے زبردست بیٹنگ کی۔ شعیب اختر کہتے ہیں سیریز جیت کر دکھانا تھی جیت کر دکھادی۔سکندر بخت کہتے ہیں وہاب ریاض کو بولنگ بہتر بنانا ہوگی۔

محمد یوسف کا کہنا تھا کہ ٹیم نے اچھی بیٹنگ پرفامنس دی مگر اس سے اچھی ہوسکتی تھی۔بیٹنگ بہتر کرنی پڑے گی کیونکہ اچھی ٹیمیں ٹف ٹائم دیں گی شعیب اختر نے کہا اصل ہدف سیریز جیتنا تھااورپاکستانی بالرز نے بہتر بالنگ کی۔

ایمز ٹی وی (کھیل) انڈر 18 ایشیا ہاکی کپ میں قومی ٹیم کی فتوحات کا سلسلہ جاری رہا، گرین شرٹس نے چین کو بھی یکطرفہ مقابلے میں6-0 سے شکست دیدی، قومی ٹیم کی طرف سے امجد علی اور افراز نے2، 2 بار گیند کو جال میں پہنچایا، خیراللہ اور علی عزیز نے ایک، ایک گول کیا، پاکستانی ٹیم ایک دن آرام کے بعدمنگل 27 ستمبر کو ہانگ کانگ کیخلاف فتوحات کی ہیٹ ٹرک کرنے کا عزم لیے میدان میں اتریگی۔
ادھر پاکستانی ٹیم کے منیجر کامران اشرف کھلاڑیوں کی کارکردگی سے خاصے مطمئن ہیں اور امید کرتے ہیں کہ گرین شرٹس عمدہ پرفارمنس کا سلسلہ ایونٹ کے اگلے میچوں میں بھی جاری رکھیں گے۔ تفصیلات کے مطابق انڈر 18ایشیا ہاکی کپ میں پاکستانی ٹیم کی فتوحات کا سلسلہ جاری ہے۔
گذشتہ روز شیڈول مقابلے میں چین کو بھی صفر کے مقابلے میں 6گول سے زیرکرکے ایونٹ میں ناقابل شکست رہنے کا اعزاز برقرار رکھا، یاد رہے کہ گرین شرٹس نے ایشیا کپ کے افتتاحی میچ میں چائینز تائپے کو ایک کے مقابلے میں 6 گول سے زیر کیا تھا۔ بنگلہ دیش کے دارالحکومت ڈھاکا کے مولانا بھاشانی ہاکی اسٹیڈیم میں ہونیوالے میچ کے دوران پاکستانی ٹیم نے عمدہ کارکردگی کا سلسلہ چین کیخلاف بھی جاری رکھا اور حریف سائیڈ کو تمام شعبوں میں آؤٹ کلاس کرتے ہوئے بازی اپنے نام کی۔
کھیل کے آغاز میں دونوں ٹیموں نے مایوس کن کھیل کا مظاہرہ کیا اور فاروڈز نے گول کرنے کے متعدد مواقع ضائع بھی کیے تاہم پہلے ہاف کے اختتامی لمحات میں پاکستانی ٹیم نے گیند کو جال کا راستہ دکھا کر اسکور 1-0 کر دیا۔ دوسرے ہاف میں پاکستانی کھلاڑی خطرناک موڈ میں نظر آئے اور انھوں نے حریف ٹیم کو تمام شعبوں میں بے بس کرتے ہوئے35 منٹ کے کھیل میں5گول کر کے میچ کا نتیجہ اپنے نام کیا، پاکستان کی طرف سے امجد علی اور افراز سب سے کامیاب کھلاڑی رہے ، دونوں نے 2، 2 بار گیند کو جال میں پھینک کر قومی ٹیم کی فتح آسان بنا دی۔
خیر اللہ اور علی عزیز ایک ایک گول کرنے میں کامیاب رہے۔ ایک دن کے آرام کے بعد27 ستمبر کو ایشیا کپ کے مزید تین میچز ہوں گے، پاکستانی ٹیم پہلے راؤنڈ کا آخری میچ 27 ستمبر کو ہانگ کانگ کیخلاف کھیلے گی۔ چائینز تائپے کی ٹیم چین کیخلاف ایکشن میں دکھائی دیگی جبکہ بنگلہ دیش کا مقابلہ اومان سے ہوگا، ادھر پاکستانی ٹیم کے منیجر کامران اشرف کھلاڑیوں کی کارکردگی سے خاصے مطمئن ہیں اور امید کرتے ہیں کہ گرین شرٹس عمدہ پرفارمنس کا سلسلہ ایونٹ کے اگلے میچوں میں بھی جاری رکھیں گے۔
میڈیا سے بات چیت میں ان کا کہنا تھا کہ پی ایچ ایف کی کاوشوں سے اومان کی ٹیم کے پاکستان آنے سے نہ صرف ملک میں ہاکی کی رونقیں بحال ہوئیں بلکہ ہمارے کھلاڑیوں کو بھی پریکٹس کا بھر پور موقع ملا،ان کا کہنا تھا کہ دو میچوں کے دوران ہم نے مجموعی طور پر بارہ گول کیے جبکہ ہمارے خلاف صرف ایک گول ہوا، اس نتائج سے بخوبی اندازہ لگایا جا سکتا ہے کہ ہم درست سمت کی جانب گامزن ہیں۔کامران اشرف نے امید ظاہر کی کہ کھلاڑی عمدہ کارکردگی کا سلسلہ نہ صرف ہانگ کانگ کیخلاف جاری رکھیں گے بلکہ ایونٹ کے فیصلہ کن راؤنڈ میں بھی شاندارکھیل کے ذریعے فتوحات حاصل کرنے میں کامیاب رہیں گے۔

ایمز ٹی وی (کھیل) نوجوان بولر اسد رضا نے ڈومیسٹک کرکٹ کی ایک اننگز میں 10 وکٹیں لے کر نئی تاریخ رقم کردی۔

تفصیلات کے مطابق پی سی بی کے زیراہتمام انٹرریجن انڈر 19تین روزہ میچز کے ٹورنامنٹ میں نیازاسٹیڈیم میں کھیلے جانے والے میچ میں میزبان ٹیم نے ٹاس جیت کر پہلے بولنگ کا فیصلہ کیا، فیصل آباد نے عبدالصمد اور محمد شاہدکی سنچریزکی بدولت 346 کا مجموعہ حاصل کیا،حیدرآبادکی جوابی اننگزمیں اسدرضا نے ابتدا میں ہی تباہی پھیلاتے ہوئے پہلے اوور میں ہیٹ ٹرک مکمل کرلی۔

اس کے بعد بھی دائیں ہاتھ کے میڈیم فاسٹ بولر نے کسی اورکوشکارکرنے کا موقع نہ دیتے ہوئے تمام وکٹوں پر ہاتھ صاف کیا، انھوں نے 10وکٹیں حاصل کرتے ہوئے میزبان ٹیم کو 81پر ڈھیر کردیا۔ فالوآن کے بعد حیدرآباد کی دوسری اننگز میں بھی اسد رضا نے 4پلیئرز کو پویلین کی راہ دکھائی،یوں پیسر نے میچ میں عوض 14شکار کیے، حیدرآباد کی ٹیم 156تک محدود رہی، فیصل آباد نے اننگز اور 109رنز سے فتح سمیٹی۔

ایمز ٹی وی (کھیل) پاکستان کی ٹیسٹ کرکٹ ٹیم کے کپتان مصباح الحق کا کہنا ہے کہ ہم بھارت کے ساتھ کھیلنے کے لیے تیارہیں، بھارت اگر نہیں کھیلنا چاہتا تو اس کی مرضی لیکن کھیل کو سیاست سے الگ رکھنا چاہیے۔

مصباح الحق نے مزید کہا کہ کھلاڑیوں اوربورڈ کے درمیان ہم آہنگی ہونی چاہیے، سینئر کھلاڑی اچھے اندازمیں کرکٹ کوخیر باد کہیں تو اچھا پیغام جاتا ہے۔

ان کا کہنا تھا کہ ٹیسٹ کرکٹ کا مستقبل اب نائٹ کرکٹ ہی ہے ، نائٹ کرکٹ کے لیے خود کو زیادہ سے زیادہ تیار کرنا چاہیے

ایمز ٹی وی (کوئٹہ)بلوچستان اینڈ ٹیچرز ایسو سی ایشن کے مرکزی صدر پروفیسر سعید مندو خیل نے بی اے/ بی ایس سی کے سالانہ امتحانات کے بائیکاٹ کا فیصلہ وآپس لے لیا انہوں نے کہا کہ بی پی ایل اے کے لیئے جائز مطالبات کے لیئے بائیکاٹ کا اعلان کیا تھا جبکہ وائس چانسلر بلو چستان یو نیورسٹی نے بی پی ایل اے کی قیادت کے ساتھ کامیاب مذاکرات کرتے ہوئے ایک کمیٹی تشکیل دی جو امتحانی پریکٹیکل پیپر مارکنگ معاوضہ کے نئے ریٹس کا نو ٹیفکیشن جاری کرے گی لہذٰا بی پی ایل اے وائس چانسلر کے احسن اقدام کو سرا ہتی ہے اور امید کرتی ہے کہ تعلیم کی بہتری اور ہمارے اساتذہ کے مسائل کے حل میں مددگار ثابت ہوںگے۔

ایمز ٹی وی (کھیل) لاہور قلندرز نے قذافی اسٹیدیم کا ایک اسٹینڈ طالب علموں کےلیے مخصوص کر دیا ہے جبکہ چیئرمین رانافواد نے اعلان کیا ہے کہ روزانہ قرعہ اندازی کےذریعے ایک طالب علم کے ایک سیمسٹر کی فیس لاہور قلندرز ادا کرے گا۔

لاہور قلندرز کےچیئرمین رانافواد نے اعلان کیا ہے کہ جاز رائزنگ اسٹارز ٹورنامنٹ کے دوران قذافی اسٹیڈیم کا ایک اسٹینڈ طالب علموں کےلیے مخصوص ہوگا جہاں آنے والے اسٹوڈنٹس میں سے ایک طالب علم کے پورے سیمسٹر کی فیس لاہور قلندرز ادا کرے گا۔

ایمز ٹی وی ( لاہور ) وزیر اعلیٰ پنجاب محمد شہباز شریف کے دورہ سری لنکا اور پاکستان میں طے ہونے والے باہمی معاہدوں پر غوروخوض کے لیئے ورکنگ گروپ کا پہلا اجلا س ایڈیشنل چیف سیکرٹری شمائل احمد خواجہ کی صدارت میں گزشتہ روز سول سیکرٹریٹ لاہور میں منعقد ہوا۔ شمائل احمد خواجہ نے اس موقع پر حکومت پنجاب کی گروتھ سڑیٹجی کے مختلف اہم پہلوووں سے متعلق تیار کی گئی تفصیلی رپورٹ کا بھی جائزہ لیا۔

ایمز ٹی وی (کھیل) پاکستان کرکٹ بورڈ نے قومی ٹیم کے باؤلنگ کوچ کے لیے ایک بار پھر سابق آل راؤنڈر اظہر محمود پر نظریں جما لیں۔

ایسا لگتا کہ پی سی بی کو اظہر محمود کےسوا کوئی اور باؤلنگ کوچ پسند نہیں یا بورڈ کوئی نیا کوچ تلاش نہیں کرنا چاہتا۔ شاید اسی لیےاب پھر بورڈ حکام نے اظہر محمود پر نظریں جما لی ہیں۔

اظہر محمود ایشیا کپ ٹی ٹوئنٹی اور ورلڈ ٹی ٹوئنٹی میں باؤلنگ کوچ کی ذمہ داریاں نبھا چکے ہیں ۔انگلینڈ میں بھی ون ڈے سیریز اور ٹی ٹوئنٹی کے لیے انہی کی خدمات حاصل کی گئی ۔

ذرائع کہتے ہیں کہ اظہر محمود سے معاہدے میں کوچنگ کی مدت اور مالی معاملات طے ہونے پر جلد اعلان کر دیا جائے گا ۔

ایمزٹی وی(کوئٹہ)کوئٹہ میں جمہوری وطن پارٹی کے سالانہ کنونشن کے حوالے سے پریس کانفرنس میں جمہوری وطن پارٹی کے رہنما اور نواب اکبر بگٹی کے پوتےشاہ زین بگٹی کا کہنا تھا کہ براہمدغ بگٹی بھارت میں رہے یا جینوا میں یہ ان کا اپنا فیصلہ ہے۔

نواب اکبر بگٹی نے بلوچستان کے الحاق کے سلسلے میں پاکستان کے حق میں فیصلہ دیا تھا، نواب اکبر بگٹی کے نظریئے کے مطابق ہم مکمل طور پر پاکستان کے ساتھ ہیں اور ضرورت پڑی تو ملک کے دفاع کے لیے ہم اور ہمارے قبائل حاضر ہیں، ماضی میں ملک کا دفاع افواج کے ساتھ قبائلیوں نے بھی کیا تھا لہذا اگر جنگ ہوئی تو پاک فوج سے پہلے ہم بھارت سے لڑیں گے جب کہ اس وقت بیان بازی کی نہیں یکجہتی کی ضرورت ہے۔

شاہ زین بگٹی نے کہا کہ سونامی کا دعوی کرنے والے اپنی طاقت بھی ظاہر نہ کر سکے اور عمران خان کا پہلا دھرنا قادری کی وجہ سے ہوا۔ ان کا کہنا تھا کہ وزیراعظم نواز شریف نے اب تک اپنے وعدے پورے نہیں کیے اور ہمارے آئی ڈی پیز کو تاحال آبائی علاقوں کو نہیں بھجوایا گیا۔