Reporter SS
کراچی: بین الاقوامی مرکز برائے کیمیائی و حیاتیاتی علوم (آئی سی سی بی ایس) جامعہ کراچی کے سربراہ پروفیسر ڈاکٹر محمد اقبال چوہدری نےنیشنل انسٹی ٹیوٹ آف وائرولوجی میں منگل کو ایک اجلاس سے خطاب کے دوران کہا کہ کرونا وائرس انتہائی ہلاکت خیز ہے، صرف احتیاطی تدابیر سے ہی اس کا مقابلہ ممکن ہے،نیشنل انسٹی ٹیوٹ آف وائرولوجی ایک جدیدتحقیقی ادارہ ہے جو ڈاکٹر پنجوانی سینٹر برائے مالیکیور میڈیسن اور ڈرگ ریسرچ، جامعہ کراچی کے زیر انتظام کام کرتا ہے، پاکستان میں کرونا وائرس کی موجودگی کی خبریں خطرناک ہیں ، کرونا وائرس کی ہلاکت خیز ی کو چین میں دیکھا جاسکتا ہے جہاں سو سے زیادہ افراد اس وائرس کا شکار ہوکر لقمہ اجل بن گئے.
ان کا مزید کہنا تھا کہ پاکستان میں انسانی آمد و رفت، حیوانوں اور اشیاء کے داخلوں کے مراکز پر شدید نگرانی کرنے کی ضرورت ہے۔ اس اجلاس میں نیشنل انسٹی ٹیوٹ آف وائرولوجی کے سینئر ریسرچ آفیسر ڈاکٹر محمد راشد سمیت دیگر سائینسدانوں نے شرکت کی۔
دوسری جانب ڈاکٹر راشد نے کہا کرونا وائرس میں سات ایسی اقسام ہیں جو انسان کو نقصان پہنچاسکتے ہیں جن میں ایس اے آر ایس(SARS) اور ایم ای آر ایس(MERS) زیادہ مشہور ہیں جواپنے وقتوں میں انسانی ہلاکتوں کا سبب بن چکے ہیں، ان میں پہلا وائرس2002-3ء میں چین میں 774ہلاکتوں کا سبب بنا، اور دوسرا2012ء میں سعودی عرب میں 858ہلاکتوں کا سبب بنا، اس مرتبہ چین میں نویل کرونا وائرس سے سو سے زیادہ افراد ہلاک ہوچکے ہیں.
انہوں نے کہا اس کے علامات میں جسمانی درد، بخار، دردِ سر اور خشک کھانسی شامل ہیں۔اس کی احتیاط میں ان علامات میں مبتلا افراد سے فاصلہ رکھنا اور سرجیکل ماسک استعمال کرنا ضروری ہے، اس مرض کی نہ کوئی ویکسین ہے اور نہ کوئی علاج دریافت ہوا ہے۔
کراچی :ثانوی تعلیمی بورڈ کےریسرچ سیکشن کے تحت پروگرام میں نمایاں پوزیشنز حاصل کرنے والے طالبعلموں کے اعزاز میں"تقریب تقسیم انعامات"کی تقریب منعقد کی گئی، جس کی صدارت بورڈ کے چیئرمین پروفیسر ڈاکٹر سعید الدین نے کی ۔
ا س تقریب میںڈی ای او مرزا ارشد بیگ، عبدالمجیدابدانی،سیکرٹری بورڈ محمد علی شائق، ناظم امتحانات عبدالرزاق ڈپر، ڈائریکٹر ریسرچ حور مظہر سمیت دیگر اساتذہ کرام اور والدین کی بڑی تعدادمیں شرکت کی۔
کراچی : بلدیہ وسطی کے تحت اسپورٹس گالا 2020 کےریسلنگ اور سلنگ شاٹ کے مقابلوں کا اہتمام کیا گیا ہے۔اس اسپورٹس گالا کے آٹھویں روز نارتھ کراچی جیم خانہ سرسید ٹاؤن 11-C/1 میں ریسلنگ اور سلنگ شاٹ کے مقابلوں کا انعقاد کیا گیاہے۔
جس میں مہمان خصوصی رکن صوبائی اسمبلی وسیم قریشی کی آمد پر کھلاڑیوں نے چیئرمین ریحان ہاشمی کے ہمراہ ان کا استقبال کیا اور انہیں گلدستہ بھی پیش کیا۔
ریسلنگ کے مقابلوں میں 102 ریسلرز نے حصہ لیا، جبکہ گرلز کی 12 کیٹیگریز میں 60 گرلز ریسلرز نے حصہ لیا۔ سلنگ شاٹ میں 3 کیٹیگریز، جونیئر، مڈلرز، سینئر کیٹیگریز میں 60 لڑکوں اور 40 لڑکیوں نے حصہ لیا ۔ اسپورٹس گالا کےمقابلوں میں کھلاڑی لڑکے اور لڑکیوں نے اپنی مہارت کا بھرپورمظاہرہ پیش کیا۔
کراچی: جامعہ کراچی میں مٹسوبیشی یو ایف جے فاؤنڈیشن کی جانب سے میرٹ پر آنے والے 12 طلباء و طالبات میں 3600 امریکی ڈالرز کی اسکالرشپ کے سرٹیفکیٹ کی تقسیم کے لیے تقریب کا انعقاد کیا گیا۔
اس اسکالرشپ کے تحت تمام طالبعلم کو تین سو امریکی ڈالر دیے جائیں گے۔
انچارج اسٹوڈینٹس فائی نیشنل ایڈ آفس جامعہ کراچی ڈاکٹر غزل خواجہ ہمایوں نے اس موقع پر کہا ہے کہ جاپان اور پاکستان کے درمیان دوستی اور محبت کا لازوال رشتہ قائم ہے، حالات کچھ بھی ہوں مگر جاپان اور پاکستان کی دوستی متاثر نہیں ہوئی،جاپان کاکردار ترقی پذیر ممالک میں قابل ستائش ہے۔
کراچی: ہائر ایجوکیشن کمیشن کی جانب سے "یو-ایس پاکستان نالج کاریڈور" پروجیکٹ 2020 کا نوٹیفیکیشن جاری کیا گیا ہے کہ جس کے ذریعے پاکستان کے طلبہ و طالبات کو اسکالرشپ پروگرام کے لیے منتخب کیا جائے گا، جو ناموار امریکی یونیورسٹیز میں اپنی پی ایچ ڈی تعلیم حاصل کرنا چاہتے ہیں۔
اس اسکالرشپ میں درخواست دنیے والے امیدواروں کے لئے اہلیت کا معیار تقویض کیا گیا ہے جسکے مطابق امیدوار کی شہریت پاکستانی ، تعلیم چار سالہ بی ایس یا ایم ایس اور ایم فل یا اس کے برابر ہونی چاہیے جن میں کم ازکم 2 ڈویژن ہواور کل ملا کر تعلیمی کیریئرمیں 3ڈویژن ہونا ضروری ہے، امیدوار کی عمر 35 سال ہونی چاہیے، اور امریکی یونیورسٹی میں ایڈمیشن کے لیے درکار ٹو فل اسکورز ہونا لازمی ہے۔اس اسکالرشپ پروگرام میں صحت کا بیمہ، ہوائی جہاز کا خرچہ، تصفیہ الائنس شامل ہیں۔
اسکالرشپ پروگرام حاصل کرنے کے لئے درخواست دینے کی آخری تاریخ 20 فروری 2020 ہے۔ اہل طلباء و طالبات اپنی درخواست آن لائن eportal.hec.gov.pk/US-PakCorridor پر جمع کروا سکتے ہیں۔