Reporter SS

اردو ادب کی معروف مصنفہ بانو قدسیہ کایوم پیدائش

اردوکی معروف مصنفہ اور افسانہ نگار بانوقدسیہ 28 نومبر، 1928ء کو فیروزپور میں زمیندار گھرانے میں پیدا ہوئیں۔ `اقتصادیات میں گریجویشن کیا اسکے بعد گورنمنٹ کالج لاہور سے ایم اے اردو کی ڈگری حاصل کی دوران تعلیم آپ نے کالج کے میگزین کے ساتھ ساتھ دوسرے رسائل کے لئیے بھی مضامین اور افسانے لکھے بانو قدسیہ نے اپنے ہم جماعت مشہور ناول اور افسانہ نگار اشفاق احمد سے شادی کی –

بانو قدسیہ نے اردو اور پنجابی زبانوں میں بھی ریڈیو اور ٹیلی ویژن کے لیے ڈرامے لکھےان کے لکھےایک ڈرامے "آدھی بات "کو کلاسک کا درجہ حاصل ہے

1983 میں حکومت پاکستان کی طرف سےبانو قدسیہ کو ستارہ امتیاز اور 2010 میں ہلال امتیاز سے نوازا گیا

جبکہ 2012 میں کمال ِ فن ایوارڈ کا اعزاز بھی دیا گیا اور پھر 2016 میں بانو قدسیہ کی ادبی خدمات کو سراہتے ہوئے حکومتِ پاکستان کی طرف سےانہیں لائف ٹائم اچیومنٹ ایوارڈ دیا گیا

آپ کی مشہور تصانیف میں "راجہ گدھ، پیا نام کا دیا، بازگشت اور موم کی گلیاں قابل ذکر ہیں

بانو قدسیہ بروز ہفتہ 4 فروری 2017 کو لاہور کے ایک اسپتال میں دمے کے عارضے کے سبب انتقال کر گئیں انتقال کے وقت ان کی عمر 88 برس تھی ۔ان کی تدفین ماڈل ٹاون قبرستان لاہور میں کی گئی

واٹس ایپ کاڈیلیٹ میسیجز کا نیا فیچرمتعارف

سلیکان ویلی: مشہورِ زمانہ میسیجنگ، کالنگ اور سوشل پلیٹ فارم ’’واٹس ایپ‘‘ نے ایک بار پھر سے ازخود ختم ہوجانے والے پیغامات کا آپشن متعارف کروانے کی تیاری شروع کردی ہے۔ تاہم یہ سہولت ابھی صرف اس کے نئے بی ٹا ورژن ہی میں دستیاب ہے جسے ’’گوگل پلے بی ٹا پروگرام‘‘ سے رجسٹرڈ صارفین ہی ڈاؤن لوڈ کرسکتے ہیں۔

واٹس ایپ کی بی ٹا ریلیز پر نظر رکھنے والی ویب سائٹ ’’ڈبلیو اے بی ٹا انفو ڈاٹ کام‘‘ کے مطابق، واٹس ایپ کی اس نئی بی ٹا اپ ڈیٹ کا نمبر 2.19.348 ہے جس میں گزشتہ ماہ ’’غائب ہوتے پیغامات‘‘ (Disappearing Messages) کا تجرباتی فیچر کچھ تبدیلیوں کے بعد ’’ڈیلیٹ میسیجز‘‘ کے نئے نام سے شامل کیا گیا ہے

واضح رہے کہ واٹس ایپ نے گزشتہ ماہ 7 اکتوبر 2019 کو اپنے بی ٹا ورژن 2.19.282 میں ’’غائب ہوتے پیغامات‘‘ کا فیچر شامل کیا تھا لیکن بعد کی ریلیزز میں یہ موجود نہ تھا۔ اس طرح تقریباً ڈیڑھ ماہ غائب رہنے کے بعد یہ فیچر ایک بار پھر نمودار ہوا ہے۔

نئی بی ٹا اپ ڈیٹ سے پتا چلتا ہے کہ واٹس ایپ پر بھیجے گئے پیغامات کو صارفین اپنی سہولت کے مطابق ایک گھنٹے، ایک دن، ایک ہفتے، ایک مہینے اور ایک سال بعد تک خودبخود ڈیلیٹ ہوجانے کے قابل بنا سکتے ہیں۔ یہی فیچر واٹس ایپ کے ’’ڈارک موڈ‘‘ میں بھی دستیاب ہوگا جبکہ اس کا اطلاق انفرادی روابط (contacts) کے علاوہ واٹس ایپ گروپس میں بھی کیا جاسکے گا، البتہ یہ کام صرف گروپ ایڈمن ہی کرسکے گا۔

ڈیلیٹ میسیجز کا نیا فیچر عام صارفین کےلیے کب تک دستیاب ہوگا؟ اس بارے میں فی الحال کچھ نہیں کہا جاسکتا، لیکن اتنا ضرور یقینی ہے کہ شاید اب اس کے عوامی سطح پر متعارف ہونے میں زیادہ دن نہیں لگیں گے۔

واضح رہے کہ کسی بھی سافٹ ویئر یا ایپ کا ’’بی ٹا ورژن‘‘ صرف مخصوص صارفین کو آزمائشی طور پر فراہم کیا جاتا ہے تاکہ وہ اسے ہر طرح سے استعمال کرنے کے بعد اس کی خوبیوں اور خامیوں کے بارے میں ڈیویلپرز کو آگاہ کریں؛ اور یوں وہ سافٹ ویئر/ ایپ جب عام صارفین تک پہنچے تو اسے تمام خامیوں سے پاک کیا جاچکا ہو۔

سپریم کورٹ نےآرمی چیف کی مدت ملازمت میں توسیع دےدی

اسلام آباد: سپریم کورٹ نے آرمی چیف کی مدتِ ملازمت میں 6 ماہ کی مشروط توسیع کی منظوری دے دی۔

عدالتی فیصلہ

سپریم کورٹ نے آرمی چیف کی مدت ملازمت میں توسیع سے متعلق درخواست پر فیصلہ سناتے ہوئے کہا حکومت نے ایک موقف سے دوسرا موقف اختیار کیا، حکومت عدالت میں آرٹیکل 243 ون بی انحصار کررہی ہے اور عدالت نے آرٹیکل 243 بی کا جائزہ لیا، حکومت آرمی چیف کو 28 نومبر سے توسیع دے رہی ہے۔

عدالت نے اپنے فیصلے میں کہا کہ آرمی چیف کی موجودہ تقرری 6 ماہ کے لیے ہوگی، وفاقی حکومت نے یقین دلایا کہ 6 ماہ میں قانون سازی کی جائے گی جب کہ آرمی چیف کی مدت اور مراعات سے متعلق 6 ماہ میں قانون سازی کی جائے گی۔

عدالت نے اپنے فیصلے میں مزید کہا کہ تحمل کا مظاہرہ کرتے ہوئے یہ معاملہ پارلیمنٹ پر چھوڑتے ہیں، پارلیمنٹ آئین کے آرٹیکل 243 کے تحت آرمی چیف کی تقرری سے متعلق قانون سازی کرے۔

عدالتی فیصلے میں کہا گیا ہےکہ عدالت نے قانون سازی کے کیے چھ ماہ کا وقت دیا ہے،آرمی چیف جنرل قمر جاوید باجوہ نئی قانون سازی تک اپنے عہدے پر فرائض انجام دیں گے اور آج عدالت میں پیش کیا جانے والا نوٹی فکیشن 6 ماہ کیلئے ہوگا۔

آج کی کارروائی

چیف جسٹس پاکستان جسٹس آصف سعید کھوسہ کی سربراہی میں جسٹس منصور علی شاہ اور جسٹس مظہر میاں خیل پر مشتمل تین رکنی بینچ نے سماعت کی جب کہ اٹارنی جنرل پاکستان انور منصور خان اور آرمی چیف کے وکیل فروغ نسیم نے عدالت میں دلائل دیے۔

پچاس ہزارروپےکی خریداری پرشناختی کارڈ کی شرط موخرنہیں کی

کراچی: چیئرمین ایف بی آر شبر زیدی نے کہا ہے کہ حکومت نے کالا دھن سفید کرنے کے راستے بند کیے تو پورے ملک میں شور مچ گیا۔

شبر زیدی نے کہا ہے کہ پراپرٹی ویلیو ایشن بڑھانے سے عام آدمی کا فائدہ ہوا لیکن کالا دھن رکھنے والوں کے لیے مشکلات ہوگئیں، پانچ بڑی برآمدی صنعتوں کو اب بھی سیلز ٹیکس کی چھوٹ حاصل ہے، ان کی مقامی فروخت کو ٹیکس کے دائرے میں لایا گیا تو واویلہ مچ گیا ، پچاس ہزار روپے کی خریداری پر شناختی کارڈ کی شرط موخر نہیں کی بلکہ تادیبی کارروائیاں موخر کی گئی ہیں۔

انہوں نے کہا کہ ملک میں زراعت ، خدمات ، ہول سیل اور ریٹیل سیکٹر سے ٹیکس نہیں مل رہا مینوفیکچرنگ کا شعبہ ٹیکسوں کا بوجھ اٹھارہا ہے، عوام اور ایف بی آر کے درمیان اعتماد کا فقدان ہے جسے دور کرنے کے لیے ایف بی آر کو ٹیکنالوجی اور آٹو میشن کے ذریعے بے چہرہ’’فیس لیس ‘‘ بنایا جارہا ہے۔

چیئرمین ایف بی آر کا کہنا تھا کہ حکومت پر کیا جانے والا یہ اعتراض غلط ہے کہ ہم نے مالیاتی نظام میں ایک ساتھ بہت سی تبدیلیاں کی ہیں، وفاقی بجٹ کے ذریعے صرف دو بنیادی کام کیے، پانچ بڑی برآمدی صنعتوں کی مقامی فروخت کو ٹیکس کے دائرے میں لانے کے لیے ایس آر او 1125پر نظر ثانی کی گئی۔ اس اقدام نے پاکستان میں کاروبار کی شکل تبدیل کرکے رکھ دی اسی طرح پچاس ہزار روپے کی خریداری پر شناختی کارڈ کی شرط عائد کردی۔

طالبا یونین بحالی ودیگرمطالبات کےلیےملک بھرمیں سڑکوں پرنکلیں گے

لاہور: طلبہ یونینوں کی بحالی سمیت دیگر مطالبات کا چارٹر پیش کرنے کے لئے اسٹوڈنٹ ایکشن کمیٹی (ساک) جمعے کو ملک کے 50 شہروں میں بیک وقت “اسٹوڈنٹ یکجہتی مارچ” کی قیادت کرے گی۔

بنیادی مطالبہ طلبہ یونینوں کی بحالی ہے تاکہ طلبہ کی تنظیم کیمپس میں اپنی نمائندگی کرسکے۔ دیگر مطالبات میں ہائیر ایجوکیشن کمیشن (ایچ ای سی) کے بجٹ میں کٹوتیوں میں ردوبدل ، جنسی طور پر ہراساں کرنے کی مؤثر کمیٹیاں تشکیل دینا اور نسل ، جنس اور مذہب پر مبنی ہر طرح کے امتیازی سلوک کو ختمکرنا شامل ہیں۔

گذشتہ 5 نومبر کو ، ملک بھر سے ترقی پسند طلباء کلیکٹو (پی ایس سی) اور دیگر تنظیموں نے طلبہ یونینوں کی بحالی اور دیگر امور کے مطالبے کے لئے قومی سطح پر کمیٹی تشکیل دی تھی۔ سندھ ، بلوچستان ، گلگت بلتستان ، خیبرپختونخوا ، آزاد جموں و کشمیر اور پنجاب کی طلبہ تنظیموں کے نمائندے ایس اے سی کا حصہ ہیں۔

ایس اے سی کے عہدیداروں کا کہنا تھا کہ حکومت نے اعلیٰ تعلیم کے بجٹ کو کم کرکے نصف کردیا ہے ، جس سے پاکستان ان ممالک کی فہرست میں شامل ہوگیا ہے جو تعلیم پر بہت کم خرچ کرتے ہیں۔انہوں نے کہا کہ فاٹا اور گلگت بلتستان میں سرکاری شعبے کا کوئی تعلیمی انفراسٹرکچر نہیں ہے اور تمام تعلیمی اداروں نے پورے پاکستان میں ٹیوشن فیس میں 100 فیصد اضافہ کیا ہے۔

پی اے سی کے ممبر حیدر کلیم نے بتایا کہ کشمیر اور گلگت بلتستان سمیت ملک کے 50 کے قریب شہروں کی ترقی پسند اور قوم پرست طلبہ تنظیمیں ریلیوں کا انعقاد کریں گی تاکہ طلبا یونینوں کی بحالی کے لئے حکومت پر دباؤ ڈالیں۔ انہوں نے کہا کہ طلباء اطلاع دے رہے ہیں کہ ان کے تعلیمی اداروں کی انتظامیہ انہیں دھمکیاں دے رہی ہے اور انہیں مارچ میں حصہ نہ لینے کا کہہ رہی ہے۔

اے جی ایچ ایس نے یہ بھی تشویش ظاہر کی کہ حکومت اور یونیورسٹیوں کی انتظامیہ نے طلبا کے خلاف صرف ان کے آئینی طور پر 'انجمن سے متعلق حق' کے مطالبے اور اپنے متعلقہ اداروں میں طلبا یونین تشکیل دینے کے لئے طلباء کے خلاف تعزیری اقدامات کرنا شروع کردیئے ہیں۔

کراچی میں ٹیسٹ سیریز، پی سی بی نےتیاریاں مکمل کرلی

لاہور: پاکستان اور سری لنکا کے خلاف دو ٹیسٹ میچوں کی سیریز کے لیے پی سی بی کی تیاریاں حتمی مراحل میں داخل ہوگئی ہیں۔

پی سی بی ذرائع کے مطابق پاکستان اور سری لنکا کے درمیان ٹیسٹ سیریز میں زیادہ سے زیادہ شائقین کی آمد کو یقینی بنانے کے لیے تیاریاں حتمی مراحل میں داخل ہوگئی ہیں۔ مہنگا ترین ٹکٹ 500 روپے سے بھی کم رکھنے کی تجویز سامنے آئی ہے۔ وی آئی پی انکلوژر کے لیے 400 یا 300 روپے کا ٹکٹ رکھے جانے کا امکان ہے، جبکہ دوسرے انکلوژر کی قیمت 200 اور 100 روپے ہوسکتی ہے۔ کم سے کم ٹکٹ 100 روپے رکھے جانے کا امکان ہے جب کہ تعلیمی اداروں کے گروپس کا داخلہ مفت رکھنے کی بھی تجویز پیش کی گئی ہے۔

پی سی بی کی جانب سے پاک سیری لنکا ٹیسٹ سیریز کے ٹکٹ کے مختلف ڈیزائن تیار کیے گئے ہیں، آئندہ ہفتے اعلی حکام کی منظوری کے بعد قیمت اور ٹکٹ ڈیزائن کو فائنل کیے جانے کے بعد پرنٹنگ کے لیے بھجوا دیا جائے گا۔

واضح رہے کہ پاکستان کے ساتھ 2 ٹیسٹ میچز پر مشتمل سیریز کھیلنے کے لیے سری لنکا کی ٹیم 9 دسمبر کو اسلام آباد پہنچ رہی ہے، 11 دسمبر سے پاکستان اور سری لنکا کے مابین پہلا ٹیسٹ راولپنڈی میں شیڈول ہے۔ دونوں ٹیموں کے درمیان دوسرا ٹیسٹ 19 دسمبر سے نیشنل اسٹیڈیم کراچی میں کھیلا جانا ہے۔

رانا تنویر حسین پبلک اکاؤنٹس کمیٹی کے نئےچیئرمین

اسلام آباد: مسلم لیگ (ن) کے رانا تنویر حسین پبلک اکاؤنٹس کمیٹی کے متفقہ چیئرمین منتخب ہوگئے۔

پارلیمنٹ ہاؤس اسلام آباد میں پبلک اکاؤنٹس کمیٹی کا اجلاس ہوا، جس میں نئے چیئرمین کا انتخاب عمل میں آیا۔ کمیٹی نے مسلم لیگ (ن) کے رانا تنویر کو متفقہ طور پر چیئرمین منتخب کرلیا۔رانا تنویر کا نام سردار نصر اللہ دریشک نے تجویز کیا جبکہ مشاہد حسین نے اس کی توثیق کی۔

چیئر مین منتخب ہونے کے بعد رانا تنویر حسین نے سب کو ساتھ لے کر چلنے کے عزم کا اظہار کرتے ہوئے کہا کہ پی اے سی کو فعال بنایا جائے گا ،ماضی میں جو کمیٹیاں بنیں سات سال سے ان کی رپورٹس ہی نہیں آئیں اراکین کی مشاورت سے شیڈول بنا کر چلیں گے اور آڈٹ اعتراضات بروقت نمٹائیں گے۔

واضح رہے کہ اپوزیشن کے انتہائی اصرار اور احتجاج کے بعد مسلم لیگ (ن) کے صدر اور قومی اسمبلی میں قائد حزب اختلاف شہباز شریف کو پبلک اکاؤنٹس کمیٹی کا چیئرمین منتخب کیا گیا تھا تاہم انہوں نے چند ماہ قبل استعفیٰ دے دیا تھا

قبضہ مافیا کےخلاف کارروائی کرکےبےشمارناجائزتجاوزات کوہٹادیا

کراچی: روشنیوں کے شہر کراچی میں کے ایم سی کی انتظامیہ نے قبضہ مافیا کے خلاف کارروائی کر کے بے شمار ناجائز تجاوزات کو ہٹا دیا ۔

اب تک کی تازہ ترین اطلاعات کے مطابق شہرِ قائد میں کورنگی کے علاقے بلال کالونی اور شہیدِ ملت روڈ اور طارق روڈ کے اطراف کے علاقوں میں ناجائز تجاوزات اور پتھارے داروں کے خلاف سخت کاروائی کی اور جگہیں خالی کروادیں علاقہ مکینوں کے مطابق ان تجاوزات کی وجہ سے آنے جانے والوں اور ٹریفک کے مسائل میں کافی اضافہ ہو رہا تھا اور گندگی کے باعث کئی بیماریاں جنم لے رہی تھیں ۔

دورانِ آپریشن مزاحمت کرنے والوں کو مختلف علاقوں سے گرفتار کر کے متعلقہ تھانوں کے حوالے بھی کیا گیا

موجودہ حکومت نےمشکل ترین معاشی صورتحال میں حکومت کی باگ ڈورسنبھالی،

اسلام آباد: وزیرِاعظم عمران خان نے کہا ہے کہ پاکستان کی نوجوان آبادی ملک کے بیش قیمت اثاثہ ہے، ضرورت اس امرکی ہے کہ نوجوانوں کے اس ٹیلنٹ کو مثبت طریقے سے برؤے کار لایا جائے لہٰذا حکومت کی اولین ترجیح نوجوانوں کے لئے نوکریوں کے مواقع پیدا کرنا اور معاشی عمل کو تیز کرنا ہے۔

وزیراعظم عمران خان کی زیر صدارت ملک میں معاشی عمل کوتیزکرنے اورپبلک پرائیویٹ پارٹنر شپ و نجی شعبے کی شراکت داری سے مختلف شعبوں میں ترقیاتی منصوبے شروع کرنے کے حوالے سے اعلیٰ سطحی اجلاس ہوا۔

اجلاس میں پبلک پرائیویٹ پارٹنرشپ اور نجی شعبے کے تعاون سے مختلف حکمت عملی اور رائج طریقہ کار سے ترقیاتی منصوبوں کے اجراء کے حوالے سے تفصیلی گفتگو ہوئی۔ اجلاس کو بتایاگیاکہ حکومت کی جانب سے ترقیاتی منصوبوں سے جہاں معاشی عمل تیز ہوتا ہے وہاں نوکریوں کے مواقع پیدا ہوتے ہیں تاہم حکومت کے محدود وسائل کی وجہ سے بعض اہم ترقیاتی منصوبوں پر عملدرآمد نہیں کیا جا سکتا۔

اس امرکو مدنظر رکھتے ہوئے حکومت کی یہ کوشش ہے کہ ترقیاتی منصوبوں میں پبلک پرائیویٹ پارٹنرشپ کو فروغ دیا جائے اور نجی شعبے کی شراکت داری میں ہر ممکنہ سہولت فراہم کی جائے ،وزیرِ اعظم نے وزرا اورصوبائی چیف سیکریٹری کو ہدایت کی کہ وہ اپنے اپنے متعلقہ محکموں میں ایسے ترقیاتی منصوبوں کی نشاندہی کریں۔ جہاں محض سہولت کاری، قوانین کو آسان بنا کریاکم مالی وسائل لگا کر ترقیاتی منصوبوں پرکام شروع کیا جا سکتا ہے۔

وزیرِاعظم نے وزارتوں کو ہدایت کی کہ ترقیاتی منصوبوں میں نجی شعبے کی شراکت داری کو یقینی بنانے اوران کو ہرممکن سہولت فراہم کرنے کے ضمن میں موجود قوانین اور عوامل کا جائزہ لیا جائے تاکہ نجی شعبے کی بھرپور شرکت میں حائل رکاوٹوں کو ترجیحی بنیادوں پر دور کیا جا سکے۔

بعدازاں معاشی ٹیم کے اجلاس میں گفتگوکرتے ہوئے وزیرِاعظم نے کہا کہ موجودہ حکومت نے مشکل ترین معاشی صورتحال میں حکومت کی باگ ڈور سنبھالی، حکومتی کوششوں کی وجہ سے آج ملک میں معاشی استحکام ہے اور سرمایہ کاروں اور کاروباری برادری کا اعتماد بحال ہوا ہے اور مثبت رجحان سامنے آیا ہے۔ موجودہ معاشی استحکام اور اقتصادی اعشاریوں میں بہتری کے عمل کو آگے بڑھانا ہے اور کاروباری طبقے کے لئے موزوں فضا کو مزید بہتر بنانا ہے تاکہ معاشی ترقی کا عمل تیزکیا جا سکے۔

اجلاس میں بیرون ملک مقیم پاکستانیوں کی جانب سے قانونی طریقوں سے ملک میں ترسیلات زر بھیجنے کے حوالے سے حکومت کی جانب سے مجوزہ مراعاتی پیکج وزیرِاعظم کو پیش کر دیاگیا۔ مراعاتی پیکیج میں ترسیلات زرکے فروغ کے حوالے سے بنکوں اور ایکسچینج کمپنیوںکو خصوصی مراعات دیے جانے کی تجویزدی گئی۔

علاوہ ازیں وزیر اعظم نے اپنے ایک ٹویٹ میں کہاکہ بھارتی حکومت آرایس ایس کے فاشسٹ نظریات پرعمل پیرا ہے اور مقبوضہ جموںوکشمیر کو 100روز سے زائدسے یرغمال بنا رکھا ہے۔ بھارتی حکومت کشمیریوں کے بنیادی حقوق کی بدترین پامالی کررہی ہے جبکہ بااثرممالک اپنے تجارتی مفادات کے لئے مقبوضہ کشمیر میں بھارتی ظلم اور جبر پرخاموش ہیں۔

وزیراعظم عمران خان کی زیر صدارت پارلیمانی کمیٹی کااجلاس آج ہوگا

اسلام آباد: پاکستان تحریک انصاف کی پارلیمانی پارٹی کا اجلاس آج ہوگا۔

ذرائع کے مطابق وزیراعظم عمران خان کی زیر صدارت تحریک انصاف کی پارلیمانی کمیٹی کا اجلاس آج ہوگا، اجلاس میں پارٹی کے تمام اراکین اسمبلی کو حاضری یقینی بنانے کی ہدایت کی گئی ہے۔

ذرائع کا کہنا ہے کہ اجلاس آج شام 6 بجے پارلیمنٹ ہاؤس میں ہوگا، جس میں موجودہ سیاسی ،معاشی اور سیکیورٹی صورتحال پر تبادلہ خیال کیا جائے گا۔

Page 601 of 2387