کراچی: سندھ ایمپلائز  ایجوکیشن ایمپلائز ( ریکروٹمنٹ)  رولز 2014 کے قوانین میں ترمیم کے بعد تعلیم کے حوالے سے سول سرونٹس بھی تعینات کرنے کی اُصولی منظوری دےدی گئی ۔ 

یونیورسٹی اور بورڈز کو بھرتیوں کے گریڈز اور پوزیشنز کو بھی واضح کرکے آئندہ کابینہ میں لانے کی ہدایت کی گئی ہے۔

کراچی ؛  گرینچ یونیورسٹی کا کانووکیشن  2019مورخہ 30 نومبر بروز ہفتہ کو کراچی کیمپس میں منعقد ہوگا۔

ماریشیس کیمپس سے فارغ التحصیل ہو نے وا لے طلباءکو  بھی اسناد   تفویض کی جائیں گی۔ کنووکیشن میں 349 طلباء کو انڈر گریجویٹس ، گریجویٹس، ایم فل اور پی ایچ ڈی کی اسناد دی جائیں گی۔ پوزیشن حاصل کرنے والے 15 طلباء  کو گولڈ میڈلز بھی دیئے جائیں گے۔ اسناد حاصل کرنے والوں میں 212 طلباء  اور 137 طالبات شامل ہیں ۔ 

  گولڈ میڈلز کو کارپوریٹ سیکٹر ، کاروباری اداروں اور  میڈیا اداروں نے اسپانسر کیا ہے۔ تقریب میں اسکالرز،سفارتکار،شعبہ تعلیم کی اعلیٰ شخصیات ، خواتین ، بزنس مین، صنعتکاروں اور شہر کی نمایاں شخصیات سرکت کریں گی۔

کراچی: اداکارہ کبریٰ خان نے شوبز چھوڑنے سے متعلق خبروں کی تردید کرتے ہوئے کہا ہے کہ فی الحال کچھ برس تک انڈسٹری نہیں چھوڑ رہی اگر مجھے یہ محسوس ہوا کہ میں اپنی سوچ کے مطابق کام نہیں کر پا رہی تو میں اپنا راستہ بدل لوں گی۔

گلیکسی لالی ووڈ نامی ویب سائٹ سے گفتگو کرتے ہوئے کبریٰ خان نے کہا کہ حال ہی میں جاری کردہ انٹرویو میں میری باتوں کو توڑ مروڑ کر پیش کیا گیا، میں آج بھی اپنے فن سے محبت کرتی ہوں اور میں نے جو کام آج تک کیا ہے اس سے مطمئن ہوں اور خدا نخواستہ اگر میں نہیں کر پاتی تو میں یہ انڈسٹری چھوڑ دوں گی۔

واضح رہے کہ کبریٰ خان نے حالیہ انٹرویو میں اپنی ذاتی زندگی سے متعلق کئی راز افشا کیے تھے اور کہا کہ تھا کہ میں آج 50 ایوارڈز حاصل کرسکتی ہوں لیکن ان ایوارڈز کی خدا کے سامنے کوئی اہمیت نہیں اور شاید اسی سوچ کی وجہ سے مجھے احساس ہوا کہ بستر مرگ پر میں اپنے رب کے سامنے جاتے ہوئے خوف زدہ  نہیں ہونا چاہتی۔

دبئی: پاکستان کے پہلے انٹرنیشنل اسکرین ایوارڈز دبئی میں منعقد ہوں گے جن میں ماہرہ خان، صباقمر اور فواد خان سمیت متعدد ستارے شرکت کریں گے۔

گلف نیوز کے مطابق دبئی پاکستان کے پہلے انٹرنیشنل اسکرین ایوارڈز کی میزبانی کے لیے تیار ہے۔ ایوارڈز کا اعلان حال ہی میں دبئی سے تعلق رکھنے والے ایوارڈز تقریب کے ایگریکٹیو پروڈیوسر فیصل خان نے کیا۔ انہوں نے کہا کہ پاکستان میں ٹیلنٹ کی کمی نہیں جسے عالمی پلیٹ فارم پر دکھایا جانا چاہیئے۔

فیصل خان نے مزید کہا کہ تقریب کے دوران الیکٹرانک اور سوشل میڈیا میں نمایاں کارکردگی دکھانے والی شخصیات کو ایوارڈ سے نوازا جائے گا۔

 اسلام آباد:ہائی کورٹ نے مشرف غداری کیس کا فیصلہ سنانے سے روکنے کی حکومت کی درخواست منظور کرتے ہوئے خصوصی عدالت کو سابق صدر کے خلاف کیس کا فیصلہ سنانے سے روک دیا۔

اسلام آباد ہائی کورٹ میں سابق صدر و آرمی چیف پرویز مشرف کے خلاف غداری کیس کا فیصلہ روکنے کے حوالے سے وزارت داخلہ کی درخواست پر سماعت ہوئی۔ اس موقع پر چیف جسٹس اطہر من اللہ نے پرویز مشرف کے وکیل کو روسٹرم سے ہٹاتے ہوئے کہا کہ آپ ابھی پیچھے کرسی پر بیٹھ جائیں، ہمیں پہلے وزارت داخلہ کو سننے دیں۔

دوران سماعت جسٹس اطہر من اللہ نے استفسار کیا کہ کیا وزارت داخلہ اس کیس میں نئی شکایت درج کر سکتی ہے، اکتوبر 1999 کے اقدامات کو بھی غیر آئینی قرار دیا گیا، وزارت داخلہ اکتوبر 1999 سے متعلق الگ شکایت کیوں درج نہیں کرتی، اس کیس میں بھاری ذمہ داری ہمارے کندھوں پر ہے، وفاق ہی اب ہمارے پاس آگیا کہ اس کیس میں فیئر ٹرائل کے تقاضے پورے نہیں ہوئے جب کہ 1999 کے اقدامات کو بھی غیر آئینی قرار دے دیا گیا۔

 پشاور:پشتخرہ میں چھٹی جماعت کے طالبعلم کے ساتھ زیادتی کے بعد ویڈیوسوشل میڈیا پرڈالنے کا بھی انکشاف کیا گیا ہے۔

ذرائع کے مطابق پشاورمیں لخکرآباد کینال روڈ پرٹیوشن ٹیچرنے چھٹی جماعت کے طالب علم سے زیادتی کرنے کے بعد اس کی ویڈیو بناکر سوشل میڈیا پر ڈال دی۔

تھانہ پشتخرہ میں والد کی درخواست پر ٹیچر کے خلاف طالب علم کے ساتھ زیادتی کا مقدمہ درج کرلیا گیا اور ملزم کے خلاف دفعہ 377 کے تحت کارروائی کی جائے گی۔

کراچی: اعلیٰ ثانوی تعلیمی بورڈ کراچی نے انٹر سال اول پری انجینئرنگ گروپ کےسالانہ امتحانات برائے2019 کے نتائج کااعلان کردیا۔

اعلٰی ثانوی تعلیمی بورڈ کےچیئرمین پروفیسرانعام احمد کے مطابق امتحانات میں 29369 امیدواروں نے رجسٹریشن کرائی، امتحانات میں  28951امیدوار شریک ہوئے۔

نتائج بورڈ کی ویب سائٹ www.biek.edu.pk پربھی دیکھے جاسکتے ہیں یا طلبا و طالبات بورڈ کی آفیشل اینڈرائیڈ ایپ BIEK کےذریعے بھی معلوم کرسکتے ہیں۔