ایریزونا: امریکا میں مصنوعی ذہانت (آرٹی فیشل انٹیلی جنس) کے ایک حالیہ تجربے سے معلوم ہوا ہے کہ اگر آپ واقعی کچھ نیا سیکھنا چاہتے ہیں تو آپ کو ’’مکمل کامیابی‘‘ کے بجائے 15 فیصد ناکامی کے فارمولے پر عمل کرنا ہوگا۔ یعنی یہ کہ اگر کچھ کرنے یا سیکھنے میں آپ کی 15 فیصد کوششیں ناکام ہوتی ہیں تو آپ میں سیکھنے کا عمل (اکتساب) بہترین نتائج دیتا ہے۔

اگرچہ یہ تحقیق ایک کمپیوٹر پروگرام کے ذریعے کی گئی تھی جسے خودبخود سیکھنے کی خصوصی تربیت دی گئی تھی لیکن کمپیوٹر ماہرین نے اسے غلطیاں کرنے کی آزادی بھی دے رکھی تھی۔ اس تجربے سے معلوم ہوا کہ سیکھتے دوران 15.87 فیصد غلطیاں کرنے پر کمپیوٹر نے بہتر طور پر سیکھا جبکہ 100 فیصد درست کارکردگی پر اس میں نیا سیکھنے کا عمل سست پڑ گیا۔

ماضی میں اسی طرح کے تجربات جانوروں پر بھی کیے جاچکے ہیں جن کے نتائج کم و بیش ایسے ہی تھے: جانوروں نے بھی 15 فیصد کے لگ بھگ غلطیوں پر بہتر انداز میں سیکھا۔

مطلب یہ ہے کہ، مذکورہ تحقیق کی روشنی میں، بہتر ہوگا کہ تعلیم و تدریس اور ٹریننگ کورسز وغیرہ میں بھی کچھ اس طرح تبدیلیاں کی جائیں کہ پڑھنے/ سیکھنے والوں سے غلطیاں ہوں اور، اپنی غلطیوں کو مدنظر رکھتے ہوئے، وہ اپنا اکتسابی عمل زیادہ مؤثر طور پر آگے بڑھا سکیں۔

یہ تحقیق مختلف امریکی جامعات کے کمپیوٹر ماہرین نے مشترکہ طور پر کی ہے جس کے نتائج ’’نیچر کمیونی کیشنز‘‘ نامی تحقیق مجلے کے تازہ شمارے میں شائع ہوئے ہیں

 کراچی:پاکستان سمیت دنیا بھر میں نمونیا سے بچاؤ کا عالمی دن آج 12نومبر کو منایا جا رہا ہے۔۔

پاکستان کا تعلق بھی ان 5ممالک میں سے ہے جہاں سب سے زیادہ نمونیا سے بچوں کی ہلاکتیں ہورہی ہیں، نمونیا سے بچاؤکیلیے بچوں کوحفاظتی ویکیسن نیموکوکل کنجوگیٹ ویکسین پاکستان کے ای پی آئی پروگرام میں 2012سے شامل ہے۔

کراچی: دوسری عالمی کنزیومر مصنوعات 2019 کا 3 روزہ میلہ کراچی ایکسپو سینٹر میں 22سے 24نومبرتک سجے گا۔

عالمی کنزیومر مصنوعات 2019 نمائش کا باقاعدہ افتتاح میئر کراچی وسیم اخترکریں گے جبکہ نمائش میں چین، ایران ، یورپی ممالک سمیت 17 ممالک کے 500سے زائدبرانڈڈ مصنوعات رکھے جائیں گے۔

نمائش میں 65 ہزار مندوبین شرکت کر رہے ہیں، 500سے زائدبرانڈزکی حامل مصنوعات میں صحت، فٹنس، گھریلومصنوعات ، کھلونے ،بچوں کی مصنوعات جیولری ،فیشن ،دفتری سامان ،فرنیچر،فوڈ،بیگز شامل ہیں۔

اسلام آباد: سندھ ،خیبر پختونخوااور بلوچستان میں آٹے کی قیمتوں میں اضافے پر قابو پانے کیلیے پاسکو کی جانب سے تینوں صوبوں کو آٹے کی سپلائی شروع کر دی گئی ہے۔

وزارت غذائی تحفظ کے ذرائع کے مطابق اقتصادی رابطہ کمیٹی کی منظوری کے بعد پاسکو سے گندم کی خیبر پختون خواہ اور سندھ ترسیل شروع کر دی گئی ، پاسکو نو لاکھ ٹن گندم خیبر پختون خواہ، سندھ اور بلوچستان کو جاری کرے گا،اس فیصلے کی منظوری کے پی کے اور سندھ میں گندم اور آٹے کی قیمتوں میں اضافے کے پیش نظر دی گئی۔

اسلام آباد: وزیر قانون بیرسٹر فروغ نسیم کی سربراہی میں وفاقی کابینہ کا اجلاس جاری ہے جس میں ‏نواز شریف کا نام ای سی ایل سے نکالنے کے معاملے پر غور کیا جارہا ہے۔

وزیر قانون کی سربراہی میں اسلام آباد میں وفاقی کابینہ کے ذیلی اجلاس کی ان کیمرہ کارروائی جاری ہے، جس میں معاون خصوصی احتساب شہزاد اکبر، نواز شریف کے ذاتی معالج ڈاکٹرعدنان اور نمائندہ شہباز شریف عطا تارڑ بھی شریک ہیں۔ ذیلی کمیٹی کو ‏سیکرٹری صحت اور سربراہ میڈیکل بورڈ  نوازشریف کی صحت پر تفصیلی بریفنگ دے رہے ہیں۔

اجلاس میں ‏کابینہ کی ذیلی کمیٹی نواز شریف کا نام ای سی ایل سے نکالنے کے حوالے سے اپنی سفارشات مرتب کرے گی، سفارشات پر فیصلہ ‏وزیراعظم عمران خان کی زیر صدارت وفاقی کابینہ آج ہی کرے گی۔

  ڈینگی اس وقت دنیا میں مچھروں کے زریعے پھیلنے والی سب سے خطرناک بیماری ہے اور اس وقت 100 سے زائد گرم اور نیم گرم علاقوں میں پائ جاتی ہے- ڈینگی پھیلانے والےمچھر گھروں میں استعمال ہونے والے صاف پانی کے ذخیرے میں پرورش پاتا ہے سالانہ 50 کڑوڑ لوگ اس سے متاثر ہوتے ہیں جن میں سے 25-30 ہزار افراد لقمہّ اجل بن جاتے ہیں تاہم بر وقت علاج سے اس سے مکمل نجات مل جاسکتی یے- 99 فی صد افراد اس سے مکمل صحت یاب ہو جاتے ہیں اور انھیں صرف پیراسیٹامول کی ضرورت پڑتی ہے- چونکہ ڈینگی چھوت کی بیماری نہیں ہے اس لیے مریض کو علیحدہ رکھنے کی ضرورت نہیں ہوتی-ڈینگی کی بیماری 1994 میں کراچی میں پہلی دفعہ ظاہر ہوئی 1995 میں یہ حب (بلوچستان) میں ریکارڈ ہوئی- 2003 میں یہ ہری پور میں ریکارڈ ہوئی- 2005-2006 میں اس بیماری میں مزید شدت آگئی-2011 میں ڈینگی پورے پنجاب میں پھیل چکی ہے-خصوصا ًلاہور بھر میں اس کےہزاروں کیسز سامنے آچکے ہیں اور اب تک درجنوں اموات ہوچکی ہیں

ڈینگی بخار کیا ہے؟

ڈینگی دراصل ایک مہلک انفیکشن ہے جو مادہ مچھر کے کاٹنے سے پھیلتی ہے جس کی ٹانگیں عام مچھروں کی نسبت زرا لمبی ہوتی ہیں اس بخار کا سبب بننے والی مادہ مچھر کے جسم پر سیاہ رنگ کی دھاریاں موجود ہوتی ہیں- یہ مادہ مچھر نکاسی آب کے راستوں، نلکوں ، بارش کے پانی، جھیل کے ساکن پانی  اور صاف پانی کے بھرے ہوئے برتنوں میں انڈے دیتی ہے- اگست سے دسمبر تک ان مچھروں کے انڈوں کی تیزی سے افزائش ہوتی ہے

ڈینگی وائرس ایک فرد سے دوسرے فرد میں منتقل نہیں ہوسکتا-جب مچھر وائرس کے ساتھ انسان کو کاٹتا ہے اور وائرس کو خون میں منتقل کر دیتا ہے   جس سے وہ انسان ڈینگی میں مبتلا ہوجاتا ہےپھر جب وہ مچھر کسی صحتمند انسان کو کاٹتا ہے تو وائرس اس فرد میں بھی منتقل ہوجاتا ہے اس لیے ضروری ہے کے مریض کو مچھر دانی کے اندر راکھا جاے تا کہ صحت مند انسان اس مچھر کے کاٹنے سے محفوظ رہ سکیں

ڈینگی بخار کا دوسرا نام بریک بون فیور بھی ہے اسے یہ نام اس لیے دیا جاتا ہے کے اس بخار کے دوران ہڈیوں اور پٹھوں میں اتنا شدید درد ہوتا ہے کے ہڈیاں ٹوٹتی ہوئ محسوس ہوتی ہیں یہ مچھر انسان کو صبح 6 بجے سے لے کر9 بجے اور شام  4 سے رات 10 بجے کے دوران کاٹنے کے امکانات زیادہ ہوتے ہیں یاد رہے اس مرض کی کوئ ویکسین نہیں ہےاس لیے اگر ابتدا میں ہی اس بیماری کو کنٹرول نہ کیا جاےّ تو یہ جان لیوا ثابت ہوسکتی ہے

ڈینگی کی کیا علاماتیں ہیوں؟

ڈینگی کی کیا علامات ہیں(بخار کے ساتھ)اگر کسی بھی شخص کو مندوجہ ذیل علامات ظاہر ہوں تو اس کو فی الفور قریبی ہسپتال میں دکھایئں۔

کمر جسم اور جوڑوں میں درد

شدید الٹیاں یا پیٹ میں درد

غنودگی یا کثرت سے نیند آنا

کھانے پینے کو دل نہ کرنا / نہ کھا نا

ہاتھ پاوّں ٹھنڈے ہونا

بے چینی / چڑچرا پن

بے ربط / بہکی بہکی باتیں کرنا

خون میں سفید خلیات کی کمی

شدید سر درد ، نزلہ اور زکام

شدید بیماری کی صورت میں جسم کے مختلف حصوں مثلا منہ اور ناک سے خون کا جاری ہونا

ڈینگی سے بچاوّ کی احتیاطی تدابیر

ڈینگی کے مچھر کی افزائش نسل صاف پانی میں ہوتی ہے لہٰذا مندرجہ ذیل احتیاطی تدابیر اختیار کی جا سکتی ہیں

پانی کی ٹنکی بالٹی ڈرم کنستر وغیرہ جن میں صاف پانی ہے اور پھولدان، گملے کے نیچے رکھے ہوے برتن ، بوتلوں میں رکھے ہوے پودوں کو اچھی طرح ڈھانپ کے رکھیں تا کہ مچھر ان میں داخل نہ ہوسکیں-

مچھروں سے بچاوّ کے لیے دروازوں اور کھڑکیوں پہ جالے لگوایّیں تا کہ مچھر ان میں داخل نہ ہو سکیں

سونے کے وقت مچھر دانی کا استعمال کریں

طلوع اور غروب آفتاب کے اوقات میں جسم کے کھلے حصوں کو اچھی طرح ڈھانپ کے رکھیں اور ہاتھ پیروں پہ مچھربھگا  لگایئں(Repellent)لوشن

گھروں میں مچھر مار اسپرے یا مچھر بھگانے کے لیے کوایّل  کا استعمال بھی بہت مفید ہے-

کیاریوں اور گملوں میں ایک دن چھوڑ کر صبح کے اوقات میں پانی دیں

اپنے گھر اور محلے کی صفایئ کا خاص خیال رکھیں

ڈینگی بخار کے متعلق کچھ ضروری حقایق

ڈینگی کی بیماری میں اگر بر وقت علاج نہ کیا جائے تو ہی یہ جان لیوا ثابت ہوتی ہے ورنہ اگر درست طریقہ اختیار کیا جائے تو اس کے مریض ۹۹ فی صد تک صحت یاب ہو جاتے ہیں

ڈینگے بخار کی تین درجے ہوتے ہیں

درجہ اول

پہلے مرحلے میں ڈینگی وائرس جسم پر حملہ آور ہوتا ہے اس میں تیز بخار ہوتا ہے- پلیٹ لیٹس  تیزی سے کم ہوجاتے ہیں  اس کے لیے پینا ڈول بھی دی جا سکتی ہے-بر وقت علاج سے مریض پہلے مرحلے میں ہی صحت یاب ہو جاتا ہے-

درجہ دوم

دوسرے مرحلے میں ہیمرہیجک بخار ہونے لگتا ہے- پلیٹس لیٹس تیزی سے کم ہوجاتے ہیں- اور جسم کے مختلف حصوں سے خون خارج ہونے لگتا ہے-

درجہ سوم

اس میں ڈینگی کے ساتھ ساتھ دوسری بیماریاں بھی لاحق ہر جاتی ہیں -جس سے بیماری اور پیچیدہ ہو جاتی ہے اور علاج مشکل ہوجاتا ہے 

ڈینگی بخار کے بعد کی جانے والی احتیاط

پانی اور نمکول کا زیادہ سے زیادہ استعمال

ہر 24 گھنٹے بعد سی بی سی بلڈ ٹیسٹ پلیٹی لیٹس کی تعداد کے متعلق کروایا جائے-

نلکے کے پانی کی پٹیاں رکھیں

 اور درد کی دیگر ادویات سے پرہیز کریںIbuprofen, Disprin

بخار کی صورت میں پعراسیٹامول کی ایک یا دو گولیاں چھار گھنٹے بعد (حسب ضروت) 24 گھنٹے میں چھ سے زیادہ گولیاں نہ لیں۔

لال رنگ کے مشروبات سے پرہیز کریں

فل آستینوں والے کپڑے استعمال کریں-

ڈینگی بخار میں مریض کو ایسی غذا کھلائ جاے جس سے قوت مدافعت میں اضافہ ہو سکے- زود ہضم اور ہلکی غذا ہو-اور مرچ مصالحے کا استعمال کم سے کم ہو

پارک میں چہل قدمی  کے دوران جاگرز اور جرابیں استعمال کریں-

پاکستان اسٹاک مارکیٹ میں سیاسی غیر یقینی کے خاتمے کے بعد ملک میں رواں ہفتے کے پہلے روز بھی زبردست تیزی دیکھنے کو ملی، حصص مارکیٹ کا 100 انڈیکس مزید 824.94 پوائنٹس بڑھ گیا۔ مارکیٹ 6 ماہ کی بلند ترین سطح پر بند ہوئی۔

کراچی: شہر قائد میں ڈینگی سے  متاثرہ مریضوں کی تعداد 10 ہزار سے تجاوز کرگئی۔

ترجمان انسداد ڈینگی کنٹرول پروگرام کے مطابق کراچی میں 24 گھنٹوں کے دوران ڈینگی سے 252 افراد متاثر  ہوئے جس کے بعد شہر میں اب تک ڈینگی سے متاثرہ افراد کی تعداد 10 ہزار 999 ہوگئی ہے۔

ترجمان نے بتایا کہ سندھ کے دیگر اضلاع میں ڈینگی سے متاثرہ افراد کی تعداد 785 تک جا پہنچی ہے۔

ترجمان کا کہنا تھا کہ رواں سال سندھ میں ڈینگی سے انتقال ہونے والوں کی تعداد 32 ہوگئی ہے