Reporter SS
جامعہ کراچی میں ایم اے ،ڈبل ایم اے اور امپرومنٹ آف ڈویژن کے لئے رجسٹریشن فارم جمع کرانے کی تاریخ میں20 جون2019 ءتک توسیع کرد ی گئی ہے۔ ناظم امتحانات کے مطابق طلباوطالبات اپنے رجسٹریشن فارم 3800 روپے فیس کے ساتھ جمع کراسکتے ہیں۔
واضح رہے کہ مضمون کی تبدیلی کے لئے 1000 روپے فیس کے ساتھ انہی تاریخوں میں فارم جمع کرائے جاسکتے ہیں۔ طلبہ اپنی فیس ایچ بی ایل،یوبی ایل،نیشنل بینک آف پاکستان ،ایم سی بی اور سندھ بینک کی کسی بھی برانچ میں جمع کراسکتے ہیں۔رجسٹریشن فارم اور بینک واﺅچر جامعہ کراچی کی ویب سائٹ سے حاصل کئے جاسکتے ہیں۔
جامعہ کراچی نےایم اے / ڈبل ایم اے پرائیوٹ اور ریگولرکے امتحانی فارم جمع کرانے کی تاریخ میں توسیع کردی
ایم اے ریگولر وپرائیوٹ کے سالانہ امتحانات 02 جولائی سے شروع ہوں گے
جامعہ کراچی کے ناظم امتحانات پروفیسر ڈاکٹر ارشد اعظمی کے مطابق ایم اے / ڈبل ایم اے پرائیوٹ اور امپرومنٹ آف ڈویژن کے لئے سالانہ امتحانی فارم جمع کرانے کی تاریخ میں21 جون جبکہ ایم اے ریگولر سال اول وآخر کے امتحانی فارم جمع کرانے کی تاریخ میں20 جون2019 ءتک توسیع کردی گئی ہے۔
ایم اے پرائیوٹ کے طلبہ اپنے امتحانی فارم 4400 روپے فیس کے ساتھ جبکہ ایم اے ریگولر کے طلبہ اپنے امتحانی فارم6000 روپے فیس کے ساتھ جمع کراسکتے ہیں ۔طلبہ اپنی امتحانی فیس ایچ بی ایل،یوبی ایل،نیشنل بینک آف پاکستان ،ایم سی بی اور سندھ بینک کی کسی بھی برانچ میں جمع کراسکتے ہیں۔امتحانی فارم اور بینک واﺅچر جامعہ کراچی کی ویب سائٹ سے حاصل کئے جاسکتے ہیں۔
واضح رہے کہ ایسے طلباوطالبات جو 2012 ءیا اس سے قبل کی رجسٹریشن/ انرولمنٹ کے حامل ہیں انہیں امتحانی فیس کے علاوہ 5000 روپے اضافی چارجز بھی جمع کرانے ہوں گے۔ ایم اے ریگولر وپرائیوٹ کے سالانہ امتحانات 02 جولائی 2019 ءسے شروع ہوں گے۔واضح رہے کہ امتحانی فارم جمع کرانے کی تاریخ میں مزید توسیع نہیں کی جائے گی۔
مانچسٹر: پاکستان سے میچ میں بھارتی کپتان ویرات کوہلی کی وکٹ موضوع بحث بن گئی۔
ورلڈ کپ کے اہم میچ میں ویرات کوہلی 77 رنز بناکرمحمد عامر کی گیند پر سرفراز احمد کا کیچ بنے،امپائر کی جانب سے آؤٹ قرار دیے جانے سے پہلے ہی کوہلی خود پویلین لوٹ گئے، بعد میں ری پلیزسے ثابت ہوا کہ کوہلی توآؤٹ ہی نہیں تھے، الٹرا ایج سے بھی گیند بیٹ کوچھونے کی نشاندہی نہیں ہوئی، سوشل میڈیا پر اس پر خاصی بحث ہوتی رہی۔
باپ دنیا کی وہ عظیم ہستی ہے جو اپنے بچوں کی پرورش کے لیے زمانے کی ہر سختی برداشت کرتاہے۔ باپ کا رشتہ بہت انمول اور شفیق ہوتا ہے جو اپنے بچوں کا ہر خواب پورے کرنے کے لیے دن رات مشقت کرکے اپنے بچوں کو اعلیٰ معیار زندگی فراہم کرتاہے۔
والد کی انہی کاوشوں کو خراج تحسین پیش کرنے کے لیے ہر سال 16 جون کو پاکستان سمیت دنیا بھر میں فادرز ڈے منایا جاتا ہے۔
امریکا میں بیسویں صدی کے اوائل میں ماؤں کے عالمی دن کی کامیابی کے بعد والد کی عظمت کو خراج تحسین پیش کرنے کے لیے فادرز ڈے منانے کا سلسلہ شروع ہوا اس دن بچے اپنے والد کی عظمت کو سراہتے ہوئے ان سے اپنی محبت اوراحترام کا اظہار کرتے ہیں۔
لاہور : پاکستان کرکٹ بورڈ کے چیئرمین احسان مانی کا کہنا ہے کہ پاکستان ٹیم کے کھلاڑیوں میں بھارت کو ہرانے کی صلاحیت موجود ہے۔
ورلڈکپ 2019 کے سب سے بڑے ٹاکرے کا سبھی کو انتظار ہے اور چیئرمین پی سی بی احسان مانی بھی پاک بھارت میچ دیکھنے کو بے تاب ہیں۔
ورلڈکپ کے سب سے بڑے ٹاکرے سے متعلق احسان مانی کا کہنا ہے کہ امید ہے پاکستان ٹیم بھارت کو ہرا سکتی ہے، چیمپئینز ٹرافی کے فائنل میں بھارت کو ہرا چکے ہیں۔
چیئرمین پی سی بی نے مزید کہا کہ گرین شرٹس پر اعتماد ہے کہ وہ صلاحیتوں کے مطابق کھیلیں گے اور بھارت کو شکست دیں گے۔
اولڈ ٹریفورڈ: کرکٹ ورلڈکپ کے اہم میچ میں روایتی حریف پاکستان اور بھارت کا مقابلہ آج اولڈ ٹریفورڈ اسٹیڈیم میں ہوگا۔
کرکٹ ورلڈکپ کے سنسنی خیز میچز کا سلسلہ جاری ہے تاہم بارش کے باعث میچز منسوخ ہونے سے شائقین کرکٹ کو مایوسی کا سامنا کرنا پڑا تھا تاہم آج کرکٹ ورلڈ کپ کا سب سے بڑا مقابلہ پاکستان اور بھارت کے درمیان ہونے جارہا ہے۔
کرکٹ ورلڈکپ کے اہم میچ میں روایتی حریف پاکستان اور بھارت کا مقابلہ آج اولڈ ٹریفورڈ اسٹیڈیم میں ہوگا، دونوں ٹیموں نے مقابلے کے لیے کمر کس لی ہے جب کہ شائقین کرکٹ بھی میچ کا بڑی بے صبری سے انتظار کررہے ہیں۔ میچ پاکستانی وقت کے مطابق دوپہر 2:30 بجے کھیلا جائے گا جب کہ میچ کے دوران بارش کی بھی پیش گوئی کی گئی ہے۔
کرکٹ ورلڈ کپ میں پاکستان اب تک 4 میچز کھیل چکا ہے، پہلے میچ میں قومی ٹیم کو ویسٹ انڈیز کے ہاتھوں شکست کا سامنا کرنا پڑا تھا جب کہ دوسرے میچ میں شاہینوں نے زبردست کھیل کا مظاہرہ کرتے ہوئے انگلینڈ کو شکست سے دوچار کیا، سری لنکا سے تیسرا مقابلہ بارش کی نذر ہوگا جب کہ آخری میچ میں آسٹریلیا نے فتح حاصل کی تھی۔
بھارتی ٹیم اب تک ایونٹ میں 3 میچز کھیل کر ناقابل شکست رہی ہے، پہلے میچ میں بھارت نے جنوبی افریقا اور دوسرے میں آسٹریلیا کو شکست دی تھی جب کہ نیوزی لینڈ سے مقابلہ بارش کی نذر ہوگیا تھا۔
ورلڈکپ مقابلوں میں پاکستان بھارت کے خلاف اب تک ایک بھی کامیابی حاصل نہیں کرسکا ہے، انگلینڈ میں کھیلے جانے والے ون ڈے میچز میں بھارت نے 3 اور گرین شرٹس نے 2 جیتے ہیں جن میں سے آخری چیمپئنز ٹرافی کا فائنل تھا، پاکستان اور بھارت کی ٹیمیں اولڈ ٹریفورڈ میں پہلی اور آخری بار 20سال قبل ورلڈکپ 1999میں مد مقابل ہوئی تھیں، اس میچ میں بھارت نے کامیابی حاصل کی تھی
