K2 - Results from #15806

پاکستان پیپلز پارٹی کی انتخابات کی تیاریاں

ایمزٹی وی (نوڈیرو)چیئرمین پیپلزپارٹی بلاول بھٹو زرداری نے پارٹی عہدیداروں اور کارکنوں کو انتخابات کی تیاری کی ہدایت کردی۔

بلاول بھٹو زرداری سے نوڈیرو ہاؤس میں پارٹی کارکنوں اور عہدیداران نے ملاقات کی، اس موقع پررکن قومی اسمبلی فریال تالپور اور میر نادر مگسی بھی موجود تھے۔بلاول بھٹو زرداری نے وفود میں شامل کارکنوں کے مسائل سنے اور متعلقہ حکام کو مسائل حل کرنے کی ہدایات جاری کیں-

پرویز مشرف کی گرفتاری کیلئے وفاق سے درخواست کا فیصلہ

ایمزٹی وی (سکھر)سندھ حکومت نے پرویز مشرف کی گرفتاری کیلئے وفاق سے درخواست کا فیصلہ کیا ہے۔سندھ کے وزیر اطلاعات سید ناصر حسین شاہ نے کہا ہے کہ سندھ حکومت بینظیر کے قتل کیس میں اشتہاری قرار دیے گئے پرویز مشرف کی انٹرپول سے گرفتاری کے لیے وفاقی حکومت سے درخواست کرے گی، معاملے پر پیش رفت وزیراعلیٰ سندھ کی حج سے وطن واپسی پر ہوگی۔

روہڑی میں صحافیوں سے گفتگو میں ناصر شاہ کا کہنا تھا کہ بے نظیر بھٹو کی شہادت کے بعد ثبوت مٹانے کی کوشش کی گئی اور جس طرح عدالت نے پولیس والوں کو سزائیں دی ہیں، اس سے تو پرویز مشرف مجرم بنتے ہیں۔ان کا کہنا تھا کہ پکڑے گئے دہشت گردوں کو عدالت نے بری کیا جس کی مذمت کرتے ہیں، پرویز مشرف کی انٹرپول کے ذریعے گرفتاری کے لیے وفاق سے درخواست کریں گے

بالی ووڈ کی سپراسٹارز کے گھر عید کی تقریبات

ایمزٹی وی (انٹرٹینمنٹ)بالی وڈ کنگ شاہ رخ خان، عامر خان اور سنجے دت نے عید قرباں پر تقریبات کا انعقاد کیا جس میں فلمی شخصیات، دوستوں اور خاندان کے افراد نے بھرپور شرکت کی۔

میڈیا رپورٹ کے مطابق فلمی دنیا کے ستاروں نے عید قربان کے پہلے روز اپنے اپنے گھروں میں تقریبات کا انعقاد کیا جس میں فلمی شوبز کی شخصیات نے شرکت کی۔عید کے پہلے روز بالی وڈ کنگ شاہ رخ خان، عامر خان اور سنجے دت کے گھر تقریبات کا انعقاد کیا گیا جس میں نامور ستاروں نے شرکت کی۔شاہ رخ خان نے اپنے گھر منت میں ہی تقریب رکھی جس میں فلمی دنیا کے ساتھ ساتھ کاروباری شخصیات نے شرکت کی جب کہ کنگ خان نے چھوٹے بیٹے ابراہم کے ساتھ گھر کے باہر جمع مداحوں کو عید کی مبارک باد دی۔

مسٹر پرفیکشنسٹ عامر خان نے بھی عید اپنی والدہ، خاندان اور دوستوں کے ساتھ عید گزاری جب کہ انہوں نے اس موقع پر سفید شلوار قمیض زیب تن کیا۔مسٹر پرفیکشنسٹ نے پہلے روز گھر میں تقریب کا انعقاد کیا جس میں ان کی بیٹی ایرا خان، اداکارہ فاطمہ ثنا شیخ اور دیگر شخصیات شریک تھیں۔

سنجے دت بھی عید کا تہوار منانے میں کسی سے پیچھے نہیں۔انہوں نے بھی اس تہوار کو جوش و خروش سے منایا جب کہ عید کے موقع پر سنجو بابا کالے سوٹ میں ملبوس تھے۔سنجو بابا نے گھر میں تقریب منعقد کی جس میں فیملی، فلمی شخصیات اور قریبی دوستوں نے شرکت جب کہ تقریب میں اداکارہ آدتیہ رائے حیدری، شرد کیکر، انو ملک اور کرکٹر ہربھجن سنگھ نے شرکت کی۔

امریکی صدر کے خلاف پوری کابینہ متحد

ایمز ٹی وی ( اسلام آباد) قومی اسمبلی نے امریکی صدر ڈونلڈ ٹرمپ کے پاکستان مخالف دھمکی آمیز بیان کے خلاف مشترکہ قرارداد منظور کرلی۔ قومی اسمبلی کے اجلاس کے دوران وزیر خزانہ خواجہ آصف نے امریکی صدر ڈونلڈ ٹرمپ کے بیان اور جنوبی ایشیا سے متعلق نئی پالیسی پر مذمتی قرارداد پیش کی جسے ایوان نے متفقہ طور پر منظور کرلیا۔ قرارداد میں کہا گیا ہے کہ پاکستان کی افواج نے دہشتگردی کو جڑ سے ختم کرنے کا ارادہ کیا اور قربانیاں دیں، حکومت کے موثر اقدامات کی وجہ سے ملک میں دہشتگردی کم ہوئی،امریکی جنگ سے پاکستان کی معیشت کو اربوں ڈالر کا نقصان پہنچا ، امریکی صدر ٹرمپ اور جنرل نکلسن کے بیان دھمکی آمیز ہیں، قومی اسمبلی 21 اگست کی امریکی صدر ٹرمپ کی پالیسی مسترد کرتی ہے، ایوان کوئٹہ اور پشاور میں طالبان کی موجودگی کادعوی بھی مسترد کرتا ہے۔ جنوبی ایشیاپر نئی امریکی پالیسی کو مسترد کرتے ہیں۔ پوری قوم اس وقت ایک پیج پر ہے۔ ایوان نے ٹرمپ انتظامیہ کی طرف سے انڈیا کو افغانستان میں مزید کردار دینے کی مذمت کرتے ہوئے کہا کہ پوری پاکستانی قوم ٹرمپ پالیسی کے خلاف متحد ہے۔ قومی اسمبلی نے افغانستان میں داعش کی بڑھتی ہوئی موجودگی پر تشویش کا اظہار کرتے ہوئے کہا کہ ایوان دہشتگردی کے خلاف پاکستانی افواج کی قربانیوں کا اعتراف کرتا ہے۔ قرارداد میں کہا گیا کہ پاکستان ذمے دار ایٹمی قوت ہے جو مؤثر کمانڈ اینڈ کنٹرول نظام رکھتا ہے، دہشت گردی کیخلاف جنگ میں 70 ہزار افراد شہید ہوئے ، پاکستان کو 123 ارب ڈالر کا نقصان ہوا، یہ قربانیاں نظر انداز کی گئیں، مسلح افواج نے جو قربانیاں دیں، جوجنگ کر رہے ہیں امریکا نے اسے بھی نظر اندازکیا۔ ایوان نے کشمیریوں کی اخلاقی اور سفارتی حمایت جاری رکھنے کا عزم کرتے ہوئے کہا کہ امریکا کی طرف سے بھارت کو بالادست قوت بنانے سے خطہ عدم استحکام سے دوچارہوگا۔

شہدا ءکا لہو فتح کا استعارہ !

تحریر: فرواحسن

کامیابی کا بگل تب بجتا ہے جب نظریے کی جیت ہو

شہادت کی ولولہ انگیزی کو کتاب ”فلسفہ شہادت“ میں یوں بیان کیا گیا ہے کہ شہید کی سب سے بڑی خصوصیت یہ ہے کہ وہ قوم میں ہمت اور ولولہ پیدا کرتا ہے۔ جن قوموں میںجوش بالخصوص الہی جذبے کی روح مر جاتی ہے، ”شہید “ اُن میں دلاوری، صبر، ہمت اور جوش پیدا کرتا ہے۔ملک و قوم کے نصیب میں کچھ دن ایسے لکھے جاتے ہیں جو قربانیوں کے متقاضی ہوتے ہیں، لیکن فتح کا بگل تب بجتا ہے جب نظریے کی جیت ہو۔ بحیثیت پاکستانی قوم ایسا ہی ایک دن 6 ستمبر 1965 کا تھا جو فرزندانِ وطن سے حفاظت کا تقاضہ کر رہا تھا، جس دن نے ماﺅں سے ان کے بیٹے اپنی ناموس پر قربان کرنے کا سوال کیا۔ 6 ستمبر پاکستانی تاریخ میں یومِ دفاع کے نام سے یاد کیا جاتا ہے، سترہ روزہ جنگ میں چشمِ فلک نے نوزائیدہ ریاست کے باشندوں کو ایک ایسے سانچے میں ڈھلتے دیکھا جہاں ہمدردی، خیرخواہی، اپنے شاہین صفت فوجی بھائیوں کے ساتھ وارفتگی، ملک و ملّت سے دیانت داری گویا ایمان کی اساس ہو۔ اس دن ”لا الہ الا اللہ“ کا اظہار بھی ہوا اور راہِ حق کے شہیدوں نے اس کا عملی نمونہ بھی پیش کیا۔ قربانی کی لازوال داستانیں اس دن سے منسوب ہوئیں، سروں پر کفن باندھ کر سرفروشانِ وطن رزم گاہ حق و باطل کا رُخ کرتے، کچھ شہادت سے سرفراز ہوئے اور کچھ غازی بن کر سرخرو رہے ہیں لیکن اسلام دشمن اور ملک دشمن ریاست کو لوہے کے چنے چبوا دیئے۔ یہ دن ہمارے نظریے کی فتح کا دن ہے جس دن ہم نے دیکھا کہ ہم سے بڑی طاقت ہمارے جذبہ ایمانی کے آگے زیر ہوگئی۔ سوچیے کیسا لاثانی دن ہوگا جب ماو¿ں کی ممتا اپنے جگر گوشوں کو مادرِ وطن پر قربان کرنے سے گریزاں نہ ہو یقیناً یہ دن اور اس دن کے شہدا سُرخ سلام کے حق دار ہیں۔

6 ستمبر کو ازلی ستمگر بھارت نے روایتی دشمنی نبھاتے ہوئے حملہ کیا لیکن خدائے بزرگ و برتر نے اس کے پاسبانوں کو اتنی ہمت و جرات بخشی کہ انہوں نے نا صرف اپنے عزیز وطن کی آزاد حیثیت پر حرف نہ آنے دیا بلکہ افواج پاکستان کا لوہا پوری دنیا میں منوایا۔ ہمارے فوجی جوانوں نے بہادری اور جانثاری کی ایسی تاریخ رقم کی جو بھارت چاہتے ہوئے بھی کبھی اپنے ذہن سے کھرچ نہیں سکتا۔ جہاں ایک طرف راہِ حق کے شہدا نے اپنا لہو پیش کیا وہیں اس معرکے میں عوام و افواج کے مابین وہ جذبہ و عزم نظر آیا جو قابل داد و تحسین ہے۔ 1965 کی جنگ نوزائیدہ ریاست کے لیے نہایت پریشان کُن ہوتی مگر جہاں افواج و عوام دشمن کے مقابلے پر سیسہ پلائی دیوار کی طرح کھڑے ہوجائیں تو ایسی قوم کو مغلوب کرنا ناممکن ہو جاتا ہے اور یہی ہوا۔ کشمیریوں کے حقِ خود ارادیت کی حمایت کرنے پر بھارت نے ٹھانی کہ پاکستان کو سزا دی جائے اور اسی خیال سے 6 ستمبر کو دشمنِ ازلی نے پاکستان کی بین الاقوامی سرحد کراس کی۔ ریڈیو پاکستان سے پیغام نشر ہوا کہ دشمن نے 10کروڑ ”لا الہ الا اللہ“ پڑھنے والوں کو للکارا ہے، ہم دشمن کو عبرت ناک شکست دیں گے۔ پھر کیا تھا ساری قوم یک جان ہو کر دشمن کے عزائم کی راہ میں حائل ہو گئی۔ حملے کے وقت بھارت کے فوجی سربراہ نے کہا تھا کہ ہم صبح کا ناشتہ لاہور میں کریں گے لیکن شہدا کے جذبوں کے آگے ہم سے بڑی طاقت کو سر جھکانا پڑا۔ ہماری بہادر فوج نے بھارتی فوجیوں کو لاہور کے باہر ہی روک دیا اور ان کے لاہور میں ناشتہ کرنے کی خواہش کو منوں مٹی تلے دبا دیا۔

ہماری بری فوج نے اپنی مرضی کا محاذ کھول کر کھیم کرن کو فتح کر کے ریلوے اسٹیشن پر پاکستانی پرچم لہرا دیا۔ اس سے قبل چھمب اور دلوا کی چوکیوں پر پاکستانی فوج قبضہ کر چکی تھی۔ بھارت نے ہمار ی سپلائی لین توڑنے کے لیے سیالکوٹ کے پاس چونڈا کا محاذ کھول دیا، جہاں پر دنیا کی سب سے بڑی ٹینکوں کی جنگ ہوئی۔ ہمارے بہادر جوان ٹینکوں کے سامنے اپنے جسموں سے بم باندھ کر لیٹ گئے، بھارت کے ٹینکوں کو تباہ کیا اور انہیں آگے نہیں بڑھنے دیا۔ ہماری ہوائی فوج نے دشمن کے چار جہاز اکھنور کی فضاﺅں میں تباہ کر دیئے تھے۔ ہمارے بہادر ایم ا یم عالم نے ایک منٹ میں بھارت کی فضاﺅں پر حملہ کر کے ان کے لڑاکا جہاز تباہ کر کے ریکارڈ قایم کیا۔ پٹھان کوٹ کا ہوئی اڈا بھی تباہ کر دیا گیا اور فضاﺅں میں پاکستان کی ہوائی فوج کی برتری قایم ہوئی۔ ادھر ہماری بحری فوج نے کُھلے سمندروں میں آگے بڑھ کر دوارکا کے بحری اڈے پر حملہ کر کے اس کے راڈار کو تباہ کر دیا۔ بھارت کو بہت نقصان اُٹھانا پڑا۔ بھارت کے دفاعی تجزیہ کاروں نے اپنی کتابوں میں اس نقصان کو تسلیم کیا ہے۔ دیس کے رکھوالے جوانوں نے ثابت کردیا کہ جب تک ہم ہیں کوئی بھی طاقت چاہے وہ کتنی بھی بڑی ہو ہمارے پُرکھوں کی امانت کی طرف میلی نظر سے دیکھ نہیں سکتی۔یومِ دفاع منانے کا مقصد معاشرتی اصلاح، شہدا کی گراں قدر قربانیوں کو یاد رکھنا، اُن کے لہو سے انصاف کرنا جب کہ اپنی وفا داریوں کی درجہ بندی کرنا ہے اور یہ ےاد رکھنا بھی ضروری ہے کہ ہر دور وفا کا متقاضی ہے، آج بھی وطنِ عزیز کو اندرونی و بیرونی دشمنوں کا سامنا ہے، ایسے وقت میں ہماری یکجہتی، ہماری وفا ہی ہماری بقا ہے۔ یہی راہِ حق کے شہدا کی وفا تھی اور ہے جس کی بدولت آج ہم آزاد فضاو¿ں میں سانس لیتے ہیں اور کوئی شک نہیں کہ وہ وفا ہی تھی اور ہے کہ ماو¿ں کے اپنے گھروں کے چراغ دے کر وطن سے محبت کے چراغ کو لو بخشی۔ بقول پیرزادہ قاسم رضا صدیقی:

میری وفا کو گزشتہ ادوار میں بھی

آواز دی گئی تھی

یہ عہد نو بھی مری وفا کو پکارتا ہے

مری وفا کو جو معتبر ہے

میری وفا کی نمو بھی نشوونما بھی

اس سرزمین سے ہے

یہ سرزمین جو مرا وطن ہے

مرا چمن ہے

یہیں پہ سب معرکے ہوئے ہیں

یہیں پہ سب فیصلے ہوئے ہیں

یہیں پہ سو امتحان گزرے

یہ امتحان عہد شوق کے مرحلوں کی صورت

عزیز تر تھے مگر

بڑے سخت مرحلے تھے

میری وفا کا حساب

کیوں مجھ سے پوچھتے ہو مرے عزیزو

زمین سے پوچھو کہ وہ بھی

اس راز کی امیں ہے

گواہ بن کر زمیں کہے گی

وفا نے اپنا لہو دیا ہے

لہو جو اس سرزمیں کو گلنار کر گیا ہے

وفا سپاہی کو کٹانے کا حوصلہ ہے

وفا شہادت ہے رزم گاہوں کا مرحلہ ہے

وفا مجاہد کے روپ میں

سرحدوں پہ سینہ سپر ہوئی ہے

وفا ہی سوز داروں میں رہی ہے

وفا ہی تو غازیوں کو انعام ایزدی ہے

قرار جاں ہے

وفا ہی تعمیر ملک و ملّت

وفا جو ہر روپ میں عیاں ہے

وفا کا اک رنگ

لہلہاتی سی کھیتیاں ہیں

سنہرے گندم کی بالیاں ہیں

کہ جن میں جوہر حیات کا ہے

وفا تنومند بازوﺅں کی حیات و قوت

وفا ہی دہقاں کا شوق و محنت

وفا ہے مرے خدا کی رحمت

وفا عقیدت ہے

آبرومند شہریوں کی

جنہیں ہے اس سرزمیں سے

اس خاک سے محبت

وفا کا اعجاز ہی تو بہنوں کا حوصلہ ہے

وفا کا ایقان ہی تو بھائی کا آسرا ہے

وفا ہی ماں کی رضا جو اپنے جواں بیٹوں کو

رزم گاہوں میں بھیجتی ہے

شہید ہو تا بھی دیکھتی ہے

وفا نے اپنا لہو دیا ہے

لہو جو اس سرزمیں کو

گلنار کر گیا ہے۔۔۔!

سوئی ہوئی قوم کو زندہ کرنے والے اور اُن کے لہو کو گرمانے والے شہدائِ راہِ حق اپنے حصّے کی شمع جلاگئے، اُن کے بچھڑ جانے پر ہم افسردہ ضرور ہیں لیکن رنجیدہ نہیں کیوں کہ انہی شہدا کا لہو فتح کا استعارہ ہے۔ راہ ِ حق کے شہیدوں کا لہو درس دے رہا ہے کہ ہم اپنے سنہرے ماضی کو یاد رکھتے ہوئے آگے بڑھیں اور یگانگت کا مظاہرہ کرتے ہوئے اندرونی و بیرونی دشمنوں کا مقابلہ کریں اور فتح حاصل کرتے رہیں۔ فتح دراصل یہ نہیں کہ ظاہری اشیاءکا حصول ممکن ہو بلکہ کا اس مفہوم نظرےے کی فتح ہے۔ بہرکیف مادرِ وطن کی عزت و عصمت کے لیے جو شعلے جنگِ ستمبر کے شہیدوں نے اپنے لہو سے بجھائے اور کامرانی حاصل کی انہی کی بدولت شہدائے راہِ حق، خدا کی رضاو¿ں کے حق دارٹھہرے اور انہی کے سبب آج پاکستانی قوم سرخرو ہے۔

سابق وزیر اعظم لندن چلے گئے

ایمزٹی وی(لاہور)سابق وزیراعظم میاں نواز شریف اپنی اہلیہ کلثوم نواز کی تیمار داری کے لیے لندن روانہ ہوگئے ہیں.میڈیا ذرائع کے مطابق سابق وزیراعظم نواز شریف پی آئی اے کی پرواز کے ذریعے لاہور سے لندن کے لیے روانہ ہوگئے ہیں، ایئرپورٹ پر انہیں وزیر اعلٰی پنجاب شہباز شریف نے رخصت کیا۔

نواز شریف لندن میں زیر علاج اپنی اہلیہ کلثوم نواز کی تیمارداری کریں گے ، اس کے علاوہ وہ عید الاضحیٰ بھی وہیں منائیں گے۔ ذرائع کا کہنا ہے کہ سابق وزیر اعظم کی وطن واپسی کی تاریخ طے نہیں ہے تاہم وہ ایک ہفتے میں وطن واپس لوٹ آئیں گے۔

واضح رہے کہ بیگم کلثوم نواز گلے کے کینسر میں مبتلا ہیں اور ان کا لندن میں علاج جاری ہے، جس کی وجہ سے این اے 120 پر ان کی انتخابی مہم مریم نواز چلارہی ہیں۔

پریانکا چوپڑا اور دبنگ سلمان خان ایک بار پھرساتھ

ایمز ٹی وی (انٹر ٹینمنٹ )بالی ووڈ اداکارہ پریانکا چوپڑا اور دبنگ سلمان خان ایک بار پھرساتھ فلم میں کام کریں گے۔ پریانکا چوپڑافلم ”ریس “ کے سیکوئل ”ریس تھری“ میں تقریباً9 برس بعد سلمان خان کے ساتھ فلم میں نظرآئیں گے۔ سن2008ءمیں ریلیز ہونےوالی فلم گاڈ تسی گریٹ ہو میں انہوں نے ایک ساتھ اداکاری کی تھی جبکہ 2007ءمیں فلم’ سلام عشق‘ اور2004ءمیں فلم مجھ سے شادی کروگی میں پہلی بار دونوں اداکار ہیرو ہیروئن کے طور پر آمنے سامنے آئے تھے۔

jaqueline

اس کے علاوہ اداکارہ جیکولین فرنینڈس بھی ریس تھری کی کاسٹ میں شامل ہیں۔

جے آئی ٹی کے سربراہ واجد ضیاء کا نیب لاہورمیں بیان قلم بند

ایمز ٹی وی (لاہور)پاناما کیس فیصلے پرعمل درآمد کے لیے نیب کی تحقیقات جاری ہیں۔جے آئی ٹی کے سربراہ واجد ضیاء نےبطور سرکاری گواہ نیب لاہور میں بیان ریکارڈ کرادیا۔ ذرائع کے مطابق جے آئی ٹی کے سربراہ 3 گھنٹے تک نیب میں موجود رہے،گزشتہ روز انہوں نے نیب راولپنڈی میں بیان ریکارڈ کرایا تھا ۔ واجد ضیاء کو آج نیب لاہور نے طلب کررکھا تھا اور وہ اپنا بیان ریکارڈ کرانے اسلام آباد سے لاہور پہنچے۔واجد ضیاء 3 گھنٹے تک نیب کے دفتر میں موجود رہے جہاں انہوں نے دفعہ 161 کے تحت بطور گواہ اپنا بیان ریکارڈ کرایا جب کہ ڈائریکٹر جنرل نیب لاہور سلیم شہزاد نے ان کا بیان ریکارڈ کیا۔ واجد ضیاء کو نیب راولپنڈی کی طرح نیب لاہور کی جانب سے ایک سوالنامہ بھی دیا گیا تھا۔

ذرائع کا کہنا ہےکہ واجد ضیاء ایک دستاویزی بیان لے کر نیب لاہور کے دفتر آئے تھے۔ شریف خاندان کے خلاف نیب لاہور میں 4 کیسز ہیں جن میں سے ایک کیس 12 آف شور کمپنیوں اور دوسرا لندن کے 4 فلیٹس کا ہے جب کہ نیب راولپنڈی کے پاس 2 کیسز ہیں۔

بنگال ٹائیگرز کے ہاتھوں کینگروز کو بددترین شکست

ایمزٹی وی(اسپورٹس) بنگلہ دیش نے پہلے ٹیسٹ میچ میں آسٹریلیا کو 20 رنز سے شکست دے کر سیریز میں 1-0 سے برتری حاصل کر لی۔ شکیب الحسن نے 10 وکٹیں حاصل کیں اور مرد میدان قرار پائے۔

کھیل کے چوتھے روز آسٹریلیا نے 2 وکٹ پر 109 رنز سے اننگز کا آغاز کیا تو اسے فتح کیلیے 8 وکٹ پر مزید 156 رنز درکار تھے تاہم پوری کینگرو ٹیم 244 رنز پر پویلین لوٹ گئی۔ ڈیوڈ وارنر 112 رنز بنا کر آﺅٹ ہوئے، کپتان اسٹیون اسمتھ 37 جبکہ پیٹ کمنز 33 رنز بنا کر ناٹ آﺅٹ رہے۔

آسٹریلیا کے خلاف پہلی اننگز میں 5 وکٹیں حاصل کرنے والے شکیب الحسن نے دوسری اننگز میں بھی اتنے ہی بیٹسمینوں کو میدان بدر کیا ۔ تیج الاسلام نے 3 جبکہ مہدی حسن مرزا نے 2 وکٹیں حاصل کیں۔ شکیب الحسن 10 وکٹیں لے کر مین آف دی میچ قرار پائے۔

قبل ازیں بنگلہ دیشی ٹیم نے پہلی اننگز میں 260 اور دوسری اننگز میں 221 رنز بنائے تھے، جب کہ آسٹریلوی ٹیم پہلی اننگز میں 217 رنز بنا پائی تھی۔

پاکستا ن ا ور ورلڈالیون کیلئے بڑی خوشخبری

ی سی سی نے ویسٹ انڈین لیجنڈ رچی رچرڈسن کو سیریز کیلئے ریفری مقرر کر دیا ایمز ٹی وی (اسپورٹس )آئی سی سی نے پاکستان اور ورلڈ الیون کے مابین آئندہ ماہ شیڈول آزادی کپ کیلئے سابق ویسٹ انڈین بلے باز رچی رچرڈسن کو ریفری مقرر کردیا ،آزادی کپ کے ٹی 20 میچز12،13اور 15ستمبر کو قذافی سٹیڈیم میں کھیلے جائیں گے ۔رچی رچرڈسن 2016سے آئی سی سی کے ایلیٹ پینل میں شامل ہیں اور اب تک 11ٹیسٹ ،19ون ڈے اور 18ٹی ٹونٹی سیریز میں خدمات سر انجام دے چکے ہیں۔لیجنڈ رچی رچرڈسن کو 86ٹیسٹ اور 224ون ڈے میچوں میں کالی آندھی کی نمائندگی کا اعزا زحاصل ہے ۔