ایمز ٹی وی(انٹرٹینٹمنٹ)لاہورآرٹس کونسل الحمراء نے جشن آزادی کے حوالے سے تمام تر پروگرامزترتیب دے دیئے ہیں۔اس حوالے سے پہلا پروگرام بعنوان’’محفل سماع ‘ ‘کا انعقاد آج 7:30بجے شام الحمراء ہال نمبرIIمیں ہوگا جس میں ملک کے نامور قوال آصف علی سنتو فن کا مظاہرہ کریں۔ایگزیکٹو ڈائریکٹر لاہورآرٹس کونسل کیپٹن(ر)عطاء محمد خان نے جشن آزادی کے تقریبات کو جہاں جذبہ حب الوطنی سے سرشار ہو کر منانے کا عہد کیا وہاں پاکستان کے استحکام اور سلامتی کیلئے بھی ہر سطح پر جدوجہد کرنے پر زور دیا ہے۔

ایمزٹی وی (صحت)برطانوی نوجوان ہفتے میں 150 سے زائد کیلے کھا کر اپنی 80 فیصد غذائی ضروریات پوری کر رہا ہے اور ڈاکٹروں کی جانب سے خبردار کرنے کے باوجود نوجوان اپنی بہترین صحت، توانائی اور مجموعی کیفیت کی وجہ کیلوں کو قرار دیتے ہیں۔ ڈین کا چہرہ دانوں (ایکنی) سے بھرا تھا جس کے باعث دو سال قبل اس نے سبزی خور بننے کا فیصلہ کیا لیکن بعد میں انہیں احساس ہوا کہ سبزیوں کو پکانا آسان کام نہیں اور انسان کے سوا تمام جاندار کچے پھل اور سبزیاں کھاتے ہیں۔

اب وہ گزشتہ 6 ماہ سے کچی خوراک کھا رہا ہے جو 80 فیصد کیلوں پر مشتمل ہے اور اسطرح وہ ہفتے میں 150 کیلے کھاتا ہے لیکن کبھی کبھار چاول بھی کھا لیتا ہے۔ اس کے علاوہ کبھی کبھی وہ پالک کی بڑی مقدار میں سیز پتوں والی سبزیاں اور بیریاں شامل کر کے بھی کھاتا ہے۔ ناشتے میں ڈین 8 سے 12 کیلوں میں نصف پونڈ پالک ملا کر اس کا جوس بنا کر پیتا ہے جبکہ دوپہر میں بیریاں، ناشپاتی اور دیگر پھلوں میں 8 سے 12 کیلے ملاتا ہے اور اس کا جوس پیتا ہے۔ شام میں وہ سبز پتوں والی سبزیوں کی سلاد کھاتا ہے۔ یہ تمام غذائیں اسے روزانہ 3000 کیلوریز فراہم کرتی ہیں۔ تاہم غذائی ماہرین نے اس عمل کو خطرناک قرار دیا ہے کیونکہ 22 سالہ نوجوان کی خوراک میں پروٹین اور چکنائیاں شامل نہیں اور آگے چل کر اس کے منفی اثرات مرتب ہو سکتے ہیں۔

ایمزٹی وی(انٹرٹینمنٹ)بھارتی پنجاب کے شہر لدھیانہ کی مقامی عدالت نے بالی و وڈ اداکارہ راکھی ساونت کی ضمانت منظور کرلی جس وجہ سے وہ گرفتاری سے بچ گئیں۔ لدھیانہ کی عدالت نے پولیس کو حکم دے رکھا تھا کہ اداکارہ کو ہر حال میں 7 اگست تک گرفتار کرکے پیش کیا جائے۔اداکارہ پر گزشتہ برس ایک ٹی وی شو کے دوران والمیکی سماج کیخلاف نازیبا، تضحیک آمیز اور قابل اعتراض گفتگو کرنے کا الزام ہے ،اسی مقدمے کے سلسلے میں اداکارہ لدھیانہ کی اسی عدالت کے سامنے رواں برس جولائی میں بھی پیش ہوئی تھیں۔ جولائی میں عدالت نے پہلے اداکارہ کی ضمانت منظور کرلی تھی مگر ایک دن بعد ہی ضمانت کو منسوخ کرتے ہوئے پولیس کو حکم دیا تھا کہ راکھی ساونت کو ہر حال میں گرفتار کرکے 7 اگست تک عدالت میں پیش کیا جائے تاہم اداکارہ نے گرفتاری کے احکامات کیخلاف درخواست دائر کر رکھی تھی جسے عدالت نے منظور کرلیا۔

ایمزٹی وی (کوئٹہ)سانحہ سول ہسپتال کوئٹہ کو ایک سال مکمل ہو گیا،بلوچستان بھرمیں وکلاکی جانب سے عدالتی کارروائی کا بائیکاٹ اوریوم سیاہ منایا جا رہا ہے، بائیکاٹ کے باعث وکلاعدالتوں میں پیش نہیں ہورہے جبکہ ضلع کچہری سمیت عدالتوں میں باررومزپرسیاہ پرچم لہرادیئے گئے، دوسری جانب شہرمیں صوبائی حکومت کی جانب سے تعلیمی اداروں میں عام تعطیل کا اعلان کیا گیا تھا اورشہرمیں شٹرڈاؤن ہڑتال کی وجہ سے کاروباری مراکزاوربازاربندہیں ۔ تفصیلات کے مطابق گزشتہ سال سانحہ سول ہسپتال میں 56وکلاسمیت 73افرادجاں بحق اور 100سے زائدوکلااوردیگرافرادزخمی ہوئے تھے، واقعہ کے ایک سال مکمل ہونے پر ہائی کورٹ کے احاطے میں وکلاکی جانب سے کنونشن کا انعقاد کیا گیا جس میں وکلاءنے شہدا کو خراج عقیدت پیش کیا ادھر پشاور میں بھی وکلا ءکی جانب سے ہائیکورٹ اور ماتحت عدالتوں کا بائیکاٹ کیا گیا اور وکلا عدالتوں میں پیش نہیں ہوئے پشاور میں عدالتوں میں ہڑتال پاکستان بار کونسل کی کال پر کی جا رہی ہے۔