K2 - Results from #16926

3D پینسل بنائی گئی دلچسپ اور عجیب فوٹو

کشمیر میں پاکستان کی فتح کا جشن

ایمزٹی وی (سری نگر)پاکستانی ٹیم کے پہلی بار چیمپئنز ٹرافی جینتے پر پاکستان بھر میں جشن منایا جارہاہے تاہم سب سے شاندار جشن مقبوضہ کشمیر کے مختلف شہروں میں منایا گیا جہاں بڑی تعداد میں کشمیریوں نے بھارت کی عبرتناک شکست پر بھارتی فوج کا کرفیو توڑتے ہوئے آتش بازی کی، بھنگڑے ڈالے اور جیوے جیوے پاکستان کے نعرے لگائے۔

پاکستان کے ہاتھوں بھارت کی عبرتناک شکست کے بعد کشمیر ی بڑی تعداد میں بھارتی فوج کا کرفیو توڑتے ہوئے سڑکوں پر نکل آئے۔ کشمیری نوجوانوں کی بڑی تعداد مقبوضہ وادی میں ٹی وی کی دکانوں پر جمع نظر آئی اور پاکستان کی جیت کے بعد آتش بازی کے ساتھ ساتھ جیوے جیوے پاکستان کے نعرے لگاتی رہی۔

جبکہ سوشل میڈیا پر بھی پاکستان کی فتح کا جشن مناتے رہے، کشمیریوں کا کہنا تھا کہ یہ وہی موقع ہے جس کا انہیں بہت عرصے سے انتظار تھا۔۔۔یہ ہمارے خوابوں کی تعبیر ہے۔

ٹرافی جیتنے کی خوشی اپنی جگہ، وہ سیاسی طور پر بھی اپنی خوشی منا رہے ہیں۔ہم فخر زمان کی سنچری پر خوشی ٹوئٹر کے بجائے کشمیر کی گلیوں میں بھارتی سیکیورٹی اہلکاروں کے سامنے منارہے ہیں۔ مقبوضہ کشمیر کے نوجوانوں نے سماجی رابطوں کی ویب سائٹس پر شیئر کی گئی تصاویر میں کشمیریوں کو آتش بازی کرتے اور بھنگڑے ڈالتے دیکھا جا سکتا ہے۔کچھ کشمیروں نے تو پاکستان کی بیٹنگ ختم ہونے کے فوری بعد ہی خوشی منانا شروع کر دی۔

کشمیری رہنما میر واعظ عمر فاروق نے پاکستان ٹیم کو مبارکباد دیتے ہوئے لکھا کہ ہر طرف آتشبازی ہو رہی اور ایسا لگ رہا ہے کہ یہاں عید کا سماں ہے۔جبکہ پاک فوج کے شعبہ تعلقات عامہ(آئی ایس پی آر ) نے مقبوضہ کشمیر میں پاکستان کے جشن کی ویڈیو اپنے سوشل میڈیا اکاﺅنٹ پر شئیر کی ہے۔

تیز رفتار گاڑی نے نمازیوں کو کچل ڈالا

ایمزٹی وی (لندن)شمالی لندن کی فنز بری مسجد کے باہر ایک شخص نے لوگوں پر گاڑی چڑھا دی جس کے باعث متعدد نمازی زخمی ہو گئے ۔متاثرہ افراد نماز کے بعد مسجد سے باہر آرہے تھے۔

ذرائع کے مطابق سیون سسٹر روڈ پر واقع فنزبری مسجد کے باہر ایک وین ڈرائیور نے نمازیوں کو اس وقت کچل دیا جب وہ عبادت کے بعد مسجد سے باہر آرہے تھے۔واقعے میں کئی افراد کے زخمی ہونے کی اطلاعات ہیں جبکہ ملزم کو گرفتار کر لیا گیا ہے۔

مسلم کونسل برطانیہ کا کہنا ہے کہ وین ڈرائیور نے جان بوجھ کر گاڑی لوگوں پر چڑھا دی۔' عینی شاہدین کے مطابق یہ علاقہ خاصا مصروف تھا کیونکہ رمضان کے سبب لوگ شام کی نماز ادا کرنے آئے تھے۔

سیون سسٹر روڈ کے قریب ایک فلیٹ میں رہنے والی عینی نے بتایا کہ ہر کوئی چیخ رہا تھا۔ ہر کوئی کہہ رہا تھا کہ وین نے لوگوں کو ٹکر مار دی ہے۔ لوگ مسجد سے نماز ادا کر کے نکل رہے تھے کہ وین نے انہیں ٹکر مار دی۔

لندن میٹروپولیٹن پولیس نے کہا ہے کہ سیون سسٹر روڈ کو بند کر دیا گیا ہے۔ اس کے ساتھ ہی دیگر ہنگامی خدمات کی تعیناتی کی گئی ہے۔ اس حادثے کی ایک آن لائن ویڈیو میں لوگوں کو زخمیوں کی مدد کرتے ہوئے اور ایک آدمی ایک زخمی کو ہنگامی طبی امداد دیتے دیکھا جا سکتا ہے۔اس سے پہلے تین جون کو لندن برج پر اور اس کے پاس کے علاقے میں لوگوں پر حملہ ہوا تھا جسے پولیس نے شدت پسند حملہ قرار دیا تھا۔

متحدہ (پاکستان) کے شہداء کی برسی !

ایمز ٹی وی (کراچی) متحدہ قومی مومنٹ(پاکستان) کے زیرِ اہتمام شہدائے19جون1992ءکی برسی آج عقیدت و احترام کے ساتھ منائی جائے گی اور آج ہی کے دن کو "یومِ سوگ" کے طور پر منایا جائیگا،تمام ضلعی اور زونل دفاتر پر سیاہ پرچم لہرائیں جائیں گے اور شہداءکے ایصالِ ثواب کے لئے قرآن خوانی و فاتحہ خوانی کے اجتماعات منعقد کئے جائیں گے،مرکزی اجتماع کے ایم سی گراﺅنڈ پی آئی بی میں ہوگا

جہاں ایم کیو ایم (پاکستان) کے سربراہ ڈاکٹر محمد فاروق ستار ،سینئیر ڈپٹی کنوینیر محمد عامر خان،اراکینِ رابطہ کمیٹی،اراکینِ سینیٹ،قومی و صوبائی اسیمبلی،بلدیاتی نمائندگان اور دیگر ذمہ داران و کاکنان شرکت کرینگے،دریں اثناءمتحدہ قومی مومنٹ (پاکستان) کے ڈپٹی کنونیر ڈاکٹر خالد مقبول صدیقی نے کہا ہے کہ 25سال گزر جانے کے باوجود 19جون1992ءکے شہداءکے لواحقین کو انصاف نہیں مل سکا،ہم ان کی قربانیوں کو کبھی رائیگاں نہ جانے دینے کا عہد کرتے ہیں،اور اربابِ اقتدار سے مطالبہ کرتے ہیں کہ شہداء کے لواحقین کو انصاف کی فراہمی یقینی بنائی جائے۔

پوری قوم فاتح ٹیم کے استقبال کی منتظر

ایمزٹی وی (اسپورٹس)چیمپئنز ٹرافی کے فاتح پاکستان کرکٹ ٹیم آج وطن واپس پہنچنے گی ۔

تفصیلات کے مطابق فائنل میچ میں روایتی بھارت کو 180رنز سے ہرانے والی قومی کرکٹ ٹیم کے کھلاڑی آج ٹرافی کساتھ وطن واپس پہنچیں گے ، کھلاڑیوں کے شاندار استقبال کیلئے شہریوں نے تیاریاں شرو ع کرد یں ۔

ذرائع کا کہنا ہے کہ قومی ٹیم کے کھلاڑی دبئی سے لاہور اور کراچی کی فلائٹس لیں گے اور آج رات کو پاکستان پہنچیں گے ۔ اس موقع پر کھلاڑیوں کا بھرپور اور شاندار استقبال کیا جائے گا ، شہریوں نے ایئر پورٹس پر جانے کی تیاریاں شروع کر دیں ۔ کھلاڑیوں پر گلہ پاشی بھی کی جائے گی۔

تاریخی فتح کے بعد پاکستان کرکٹ ٹیم کی رینکنگ میں تبدیلی

ایمزٹی وی (اسپورٹس)چیمپئنز ٹرافی کے فائنل میں روائتی حریف بھارت کو عبرتناک شکست دے کر پاکستان نے ناصرف چیمپئن بننے کا اعزاز حاصل کیا بلکہ اپنی انٹرنیشنل رینکنگ بھی 2 درجے بہتر کرتے ہوئے آٹھویں نمبر سے چھٹے نمبر پر جا پہنچی ہے۔

آئی سی سی کی جانب سے جاری ہونے والی تازہ ترین رینکنگ میں پاکستان 95 پوائنٹس کے ساتھ چھٹی پوزیشن پر آگیا ہے۔ قومی ٹیم آئی سی سی چیمپئنز ٹرافی میں شرکت کرتے وقت 8 ویں نمبر پر موجود سب سے کمزور ترین ٹیم تھی اور اسے ورلڈکپ میں براہ راست کوالیفائی کرنے کے بھی لالے پڑے تھے۔

کرکٹ ماہرین کا خیال تھا کہ پاکستان ٹیم گروپ اسٹیج سے بھی آگے نہیں بڑھ سکے گی اور بھارت کے خلاف پہلے میچ میں 124 رنز کی شکست کے بعد شائقین بھی خاصے مایوس دکھائی دئیے لیکن بھارت سے شکست کے بعد قومی ٹیم نے شاندار کم بیک کرتے ہوئے جنوبی افریقہ، سری لنکا اور انگلینڈ جیسی مضبوط ٹیموں کو باآسانی شکست دے کر پوری دنیا کے نام نہاد ماہرین کا منہ بند کر دیا اور پھر فائنل میں بھارت کو عبرتناک شکست سے دوچار کیا۔

فائنل میں فتح کے بعد پاکستان آئی سی سی رینکنگ میں 95 پوئنٹس کے ساتھ چھٹے نمبر پر پہنچ گیا ہے جبکہ جنوبی افریقہ 119 پوائنٹس کے ساتھ پہلے، آسٹریلیا 117 پوائنٹس کے ساتھ دوسرے اور بھارت 116 پوائنٹس کے ساتھ تیسرے نمبر پر موجود ہے۔

پاناما کیس، جے آئی ٹی کی سماعت ملتوی

ایمزٹی وی (اسلام آباد)سپریم کورٹ نے پاناما عملدرآمد کیس میں جے آئی ٹی کی درخواست کی سماعت دوپہر ایک بجے تک ملتوی کردی۔

جسٹس اعجازافضل خان کی سربراہی میں سپریم کورٹ کا 3 رکنی خصوصی بنچ پاناما عملدرآمد کیس کی سماعت کررہا ہے، سماعت کے دوران اٹارنی جنرل آف پاکستان اشتراوصاف پیش ہوئے تاہم جے آئی ٹی کا کوئی نمائندہ موجود نہیں تھا۔ جس پر جسٹس اعجاز افضل نے سماعت دوپہر ایک بجے تک ملتوی کردی۔

واضح رہے کہ اٹارنی جنرل جے آئی ٹی کی درخواست پر اپنا جواب جمع کراچکے ہیں جس میں انہوں نے موقف اختیار کیا ہے کہ تمام اداروں اور وزیر اعظم ہاؤس نے جے آئی ٹی کے الزامات کی تردید کردی ہے۔

ملک بھر میں مون سون بارشوں کا آغاز

ایمزٹی وی (اسلام آباد) محکمہ موسمیات نے آج سے جمعرات کے دوران کشمیر، اسلام آباد، پنجاب اور خیبر پختونخوا کے مختلف علاقوں میں پری مون سون بارشوں کی پیشن گوئی کردی ہے۔

فورکاسٹنگ آفیسر راشد بلال کے مطابق اگلے 2روز کے دوران راولپنڈی،گوجرانوالہ،لاہور،سرگودھا،فیصل آباد، ساہیوال،ڈی جی خان، ملتان،بہاولپور،مالاکنڈ، ہزارہ، پشاور، مردان،کوہاٹ، بنوں،ڈی آئی خان ڈویژن،فاٹا، اسلام آباد، گلگت بلتستان اور کشمیر میں کہیں کہیں جبکہ ژوب اور سبی ڈویژن میں چند مقامات پر تیز ہواﺅں،آندھی اور گرج چمک کیساتھ بارش کا امکان ہے۔سندھ کے ساحلی علاقوں میں بعض مقامات پر گرج چمک کیساتھ ہلکی بارش/ بوندا باندی بھی ہو سکتی ہے۔

انہوں نے مزید بتایا کہ گزشتہ روز ریکارڈ کیے گئے گرم ترین مقامات کے درجہ حرارت کے مطابق نوکنڈی میں49،دالبندین48،سبی47،شہید بینظیر آباد 46اور دادو میں 45 ڈگری جبکہ آج لاہور میں کم سے کم 22اورزیادہ سے زیادہ 38،اسلام آباد 25اور37،کراچی 29اور35،پشاور میں کم سے کم 28اور زیادہ سے زیادہ 39،کوئٹہ 22اور39،گلگت 15اور40جبکہ چترال میں 19اور زیادہ سے زیادہ 39ڈگری سینٹی گریڈ تک جانے کا امکان ہے

عید گاہوں میں ٹریفک وارڈنزکی اضافی نفری تعینات

ایمز ٹی وی(راولپنڈی)ٹریفک پولیس راولپنڈی نے شہریوں کی سہولت کے لئے رمضان المبارک کے تیسرے اور آخری عشریے کے لئے ٹریفک پلان تشکیل دے دیا ۔

اس موقع پر راولپنڈی شہر میں رش والے پوائنٹس،مصروف مقامات،افطاری کے وقت اور عید کی خریداری کے لئے آنے والے شہریوں کو ٹریفک کی سہولتیں فراہم کرنے اور بازاروں،مارکیٹوں اور شاپنگ مالز کے سامنے ٹریفک کنٹرول کرنے کے لئےے وارڈنز کی اضافی نفری تعینات اور غلط پارکنگ کے خاتمے کے لئے لفٹرز اسٹاف کی خصوصی ڈیوڈیاں لگا دی گئی ہیں۔

اس حوالے سے چیف ٹریفک آفیسرز راولپنڈی یوسف علی شاہد نے گزشتہ روز اجلاس سے خطاب کرتے ہوئے کہا کہ ان گراﺅنڈ شہریوں کی مدد اور راہنمائی فراہم کرنے کے لئے ٹریفک پولیس کی ہیلپ لائنز 051-9272616پر خصوصی سکواڈ تعینات ہے۔ون ویلنگ اور موٹرسائیکلوں یا گاڑیوں پر مختلف کرتب دکھانے والوں کے خلاف اسپیشل ٹیمیں تشکیل دے دی گئی ہیں

کراچی میں ایک بار پھر لوڈشیڈنگ

ایمز ٹی وی(کراچی)پاکستان تحریکِ انصاف کراچی کے صابق صدر،سینئر رہنما اشرف قریشی نے شہر میں بجلی کی غیر اعلانیہ بندش اور طویل لوڈشیڈنگ کو کے الیکٹرک اور وفاقی حکومت کا ظالمانہ اقدام قرار دیا ہے،

ایک بیان میں انہوں نے کہا کہ ن لیگ کی حکومت نے عوام کو دشمن پالیسی روا رکھی ہوئی ہے اشرف قریشی نے کہا کہ نواز شریف حکمرانی کا اخلاقی جواز کھوچکے ہیں ان کا دور اقتدار عوام پر عذاب بن چکا۔

انہوں نے اعلیٰ عدلیہ سے اپیل کی کہ از خود نوٹس لیکر عوام کو غیر اعلانیہ بجلی کی بندش سے نجات دلائی جائے۔