ایمز ٹی وی(مانیٹرنگ ڈیسک) موبائل ساز چینی کمپنی ”ہواوے “نے اسمارٹ فون ٹیکنالوجی بغیر اجازت استعمال کرنے کے حوالے سے’ سام سنگ“ کیخلاف عدالتی جنگ جیت لی ۔ میڈیا زرائع کے مطابق ٹیکنالوجی کی معروف کمپنی ہواوے نے جنویی کوریا کی فرم ”سا م سنگ “کیخلا ف پیٹنٹ کا مقدمہ جیت لیا ۔چینی علاقے کوان زو میں عدالت نے سام سنگ کوحریف کمپنی ہواوے کواسمارٹ فونز ٹیکنالوجی بغیر اجازت استعمال کرنے پر 1کروڑ 16لاکھ ڈالر جرمانہ ادا کرنے کا حکم بھی سنایا ۔ دونوں کمپنیاں ایک دوسرے پر دیگر عدالتوں میں بھی مقدمات دائر کر چکی ہیں جو ابھی زیرسماعت ہیں تاہم ہواوے کی جیت کی خوشی اس وقت پھیکی پڑ گئی جب برطانیہ میں اس کی مصنوعات کی فروخت پر پابندی کی خبر سامنے آئی۔ چینی کمپنی ہواوے نے گذشتہ سال مئی میں اپنی حریف کمپنی سام سنگ پر اپنے پیٹنٹ کی خلاف ورزی کے خلاف قانونی چارہ جوئی کا آغاز کیا تھا۔ٹیکنالوجی کمپنی ہواوے نے اس وقت کہا تھا کہ وہ جنوبی کوریا کی اپنی حریف کمپنی کو کیلیفورنیا اور شن زن کی 2 عدالتوں میں مقدمات دائر کرنے کا ارادہ رکھتی ہے۔ہواوے نے الزام عائد کیا تھا کہ سام سنگ اپنے فونز اور ٹیبلیٹس کے تقریباً 20 ماڈلوں میں اس کی ٹیکنالوجی کا بغیر اجازت استعمال کر رہا ہے۔ دوسری جانب سام سنگ نے گذشتہ جولائی میں ہواوے پر بھی مبینہ پیٹنٹ چوری کے چھ مقدمات کیے تھے تاہم ایپل اور سام سنگ کی 2011ءکی جنگ کے بعد سے اس طرح کے واقعے میں کمی آئی تھی کیونکہ دونوں کمپنیوں کو اپنے کام کے خفیہ طریقوں کو ظاہر کرنا پڑا تھا۔

ایمز ٹی وی(تجارت) ایشائی ترقیاتی بینک کا کہنا ہے کہ پاکستان کا بڑھتا ہوا کرنٹ اکاؤنٹ خسارہ زرمبادلہ کے ذخائر کے لئے خطرناک ہے۔ حکومت پاکستان رواں مالی سال کا اقتصادی ترقی کا ہدف حاصل نہیں کر سکے گی۔رواں مالی سال پاکستان کی جی ڈی پی میں5 اعشاریہ 2 فیصد اضافہ ہوگا۔ ایشائی ترقیاتی بینک نے پاکستان کی معیشت پر تازہ رپورٹ جاری کر دی۔ رپورٹ میں کہا گیا ہے کہ گزشتہ 4ماہ میں زرمبادلہ کے ذخائر میں پہلے ہی ایک اعشاریہ تین ارب ڈالر کمی ہو چکی ہے، ساڑھے پانچ فیصد کے ہدف کے برعکس جی ڈی پی5اعشاریہ 2 فیصد رہے گا، بجٹ خسارے کو پورا کرنے کے لئے حکومتی آمدنی بڑھانے کیلئے اضافی اقدامات کی ضرورت ہےنان ٹیکس آمدنی میں کمی حکومت کیلئے ایک اضافی چیلنج ہے۔ رپورٹ میں مزید کہا گیا کہ پاکستان میں سیکورٹی، معاشی استحکام اور صنعتی ترقی سے اقتصادی ترقی میں اضافہ ہوا ۔سی پیک اقتصادی ترقی کیلئے ایک اہم موقع ہے اور آنے والے سالوں میں سی پیک کی بدولت پاکستان کی اقتصادی ترقی میں اضافہ ہوگا۔

ایمز ٹی وی(صحت) پاکستان سمیت دنیا بھر میں آج صحت کا عالمی دن منایا جارہا ہے۔ بین الاقوامی ادارہ صحت نے اس سال کا موضوع ’ڈپریشن‘ رکھا ہے۔ عالمی ادارہ صحت کی جانب سے اس دن کو منانے کا مقصد لوگوں کو صحت کے اصولوں سے آگاہ کرنا ہے۔ ادارہ صحت کے مطابق ہرسال دنیا بھر میں تیس کروڑ افراد ذہنی دباؤ کا شکار ہوتے ہیں،بروقت تشخیص کےبعد علاج با آسانی ممکن ہے۔ ماہرین کے مطابق ڈپریشن ایک دماغی بیماری ہے ۔ 

اگر انسان ذہنی طورپر صحت مند نہ ہو تو اس کے اثرات پورے جسم پر مرتب ہوتے ہیں کیونکہ دماغ ہی انسان کے سارے جسمانی نظام کو کنٹرول کرتا ہے۔ دماغی کمزوری یا بیماری کے سبب ہی بہت سے اعصابی، نفسیاتی اور جسمانی بیماریاں جنم لیتی ہیں۔ دنیامیں اموات کی دوسری بڑی وجہ خودکشی ہے جس کاسبب ڈپریشن ہی ہے ۔

صحت کا عالمی دن by aimstv_tv

ذہنی دباؤ کا شکار ہونے سے محفوظ رہنے اور مرض کو شدید ہونے سے بچاؤ کا احسن حل دل کا حال بیان کر دینے میں ہی ہے،خاموشی، اکیلا پن، بلا وجہ پریشان رہنا ہی ڈپریشن کی نشانیاں ہیں۔ طبی ماہرین کے مطابق ڈپریشن اورذہنی تناؤ سے تنگ آکر ہر سال لاکھوں افراد اپنی جان سے ہاتھ دھو بیٹھتے ہیں ۔جب کوئی بلاوجہ پریشان رہنے لگے یا کسی کام میں دھیان نہ رہ پائے توماہرنفسیات سے رابطہ ضروری ہے۔ محکمہ صحت خیبر پختونخوا کے اعدادوشمار کے مطابق پاکستان میں ہرسال چار میں سے ایک شخص کسی نہ کسی حد تک ذہنی طور پرتناؤ کا شکار ہو رہا ہے۔ صحت کے عالمی دن کے حوالے سے ماہرین صحت کا کہنا ہے کہ ڈپریشن میں اضافے کا سبب بدامنی، بے روزگاری اور مہنگائی بھی ہوسکتے ہیں۔ ڈپریشن سے نجات کے لیے ان مسائل کا حل ناگزیر ہے۔

ایمز ٹی وی(اسپورٹس) چیئرمین شہریار خان نے سرفراز احمد کے مستقبل کا کپتان بننے کا عندیہ دے دیا ،ون ڈے اور ٹی ٹونٹی کے کپتان سرفراز احمد ہی مصباح الحق کے بعد ٹیسٹ ٹیم کی قیادت سنبھالیں گے۔ شاہد خان آفریدی کے بعد وکٹ کیپر سرفراز احمد ٹی ٹونٹی کے کپتان بنے ،اب تک کھیلی جانے والی تینوں ٹی ٹونٹی سیریز اپنے نام کیں ۔ اظہر علی ون ڈے کے کپتانی سے دستبراد ہو ئے تو ون ڈے کی کپتانی کا تاج بھی وکٹ کیپر کے ہی سر سجا اور اب ٹیسٹ کپتان مصباح الحق نے ٹیسٹ کرکٹ سے ریٹائرمنٹ لینے کا اعلان کر دیا ہے تو ایسے میں سرفراز احمد کو ٹیسٹ ہی کی کپتانی سونپی جائے گی ۔ غیر رسمی گفتگو میں شہریار خان نے کہا کہ حال ہی میں تینوں فارمیٹ کا کپتان بنانے کا تجربہ کامیاب نہیں رہا، اس لیئے اب مختلف کپتان رکھنا کوئی اچھا فیصلہ نہیں ہو گا اس لیئے تینوں فارمیٹ کا اب ایک ہی کپتان ہو گا۔ مصباح الحق نے بھی سرفراز احمد کے حق میں ووٹ دیا ہے ان کا کہنا ہے کہ کپتانی کا بٹوارا نہیں ہونا چاہیئے ایک ہی کپتان کو سپورٹ کرنا چاہئے۔