ایمز ٹی وی(تجارت) نیشنل بینک کے سربراہ سعید احمد نے وفاقی وزیرریلوے خواجہ سعد رفیق کو ٹرینوں میں اے ٹی ایم مشینیں لگانے کی پیشکش کردی ہے۔
زرائع کے مطابق وفاقی وزیرریلوے سعد رفیق سے نیشنل بینک کے سربراہ سعید احمد نے ملاقات کی۔ ملاقات میں پاکستان ریلوے اور نیشنل بینک کے درمیان دو طرفہ تعاون جاری رکھنے اور موجودہ کیش کلیکشن کے نظام کو مؤثر بنانے کا اعادہ کیا گیا نیشنل بینک کے سربراہ نے وفاقی وزیر کو ٹرینوں میں اے ٹی ایم مشینیں لگانے کی پیشکش کی۔ جس کے بعد وفاقی وزیرریلوے نے سیکرٹری ریلوے کو فریم ورک پر کام شروع کرنے کی ہدایت کردی۔
زرائع کے مطابق پاکستان ریلوے اور نیشنل بینک کے درمیان معاہدہ رواں ماہ کے آخری ہقتے تک متوقع ہے ۔ جب کہ ریلوے اسٹیشنز پر بھی اے ٹی ایم مشینوں کی تعداد بڑھانے کا فیصلہ کیا گیا ہے۔
ایمزٹی وی(اسلام آباد)وفاقی وزیرداخلہ چوہدری نثار علی خان نے چکلالہ ویلفیئرسٹی کا سنگ بنیاد رکھتے ہوئے کہا کہ ہر اچھے کام میں رکاوٹیں ڈالی جاتیں ہیں،الزامات لگانے والوں اور کیچڑ اچھالنے والوں کے پاس کچھ نہیں،کیچڑ اچھالنا پاگل آدمی کا کام ہے،اکثر کیچر اچھالنے والوں کو متوازن ذہنیت کا حامل قرار نہیں دیتا۔
چکلالہ میں سنگ بنیاد کی تقریب سے خطاب کرتے ہوئے چوہدری نثار نے کہا کہ ہر اچھے کام میں رکاوٹیں ڈالی جاتی ہیں اور بعض حلقے ٹھیک کام کو روکنے کی کوشش کرتے ہیں،حکومت عوام کو بنیادی سہولتوں کی فراہمی کیلئے پرعزم ہے۔
ماضی میں ہرروز دہشتگردی کے 4 سے 5 واقعے ہوتے تھے اور ہر روز نیا سکینڈل سامنے آتا تھا،دہشتگردی کیخلاف جنگ منطقی انجام تک پہنچائیں گے۔انہوں نے کہا کہ پاکستان میں حکومت کرنا آسان کام نہیں ہے،مخالفین ہر چیز پر تنقید کرتے ہیں،دہشگردی میں کمی آئی ہے لیکن مکمل طور پر ختم نہیں ہوئی اور جھوٹ و بہتان تراشی کا کوئی علاج نہیں ہے۔چوہدری نثار نے کہا کہ تقریرکرنا سب سے آسان کام ہے اور کوئی پاگل آدمی بھی تقریر کرسکتا ہے،اداروں کو بہتر بنانے کی کوشش جاری رکھیں گے اور واہ میں جدیدہسپتال کی تعمیر مکمل ہوچکی ہے۔
ایمزٹی وی (اسلام آباد)پاکستان تحریک انصاف کے چیئرمین عمران خان نے اسلام آباد میں بزنس سمٹ میں خطاب کرتے ہوئے عمران خان نے صحافی کے سوال کہ کیا آپ کا اگلا ہدف وزیراعظم بننا ہے؟ کا جواب دیتے ہوئے کہا کہ کیا نواز شریف تھانیدار بننے کیلئے الیکشن لڑے، میرے مخالفین کہتے ہیں کہ میں وزیراعظم بننا چاہتا ہوں اور دو وجوہات کی وجہ سے وزیراعظم بننا چاہتا ہوں۔اداروں کی مضبوطی اور انسانی ترقی چاہتا ہوں،ایسا وزیراعظم بننا چاہتا ہوں جو ادارے بنائے اور تمام وسائل تعلیم پر خرچ کرے۔80 ء کی دہائی میں امریکہ کی جنگ میں شامل ہونا بڑی غلطی تھی،پہلے ڈالرز کے لئے جہادی بنائے پھر ڈالرز کیلئے ہی جہادیوں کو مارا،پاکستان کسی عسکری اتحاد میں شامل ہونے کا متحمل نہیں ہوسکتا۔
عمران خان نے کہا کہ سیاست میں لوگ صرف پیسہ بنانے آتے ہیں،اگر سیاست پیسے کیلئے کی جائے تو ادارے تباہ ہوجاتے ہیں،نظام ٹھیک کرنے کیلئے اداروں کو ٹھیک کرنا ہوگا،پہلی دفعہ ایک طاقتور شخص منی لانڈرنگ اور کرپشن میں پکڑا گیا،پاکستان میں اب لوگ سیاست میں پیسا بناتے ہیں،اداروں کی تباہی کی وجہ سے پاکستان کو مسائل کا سامنا ہے،60 کی دہائی میں پاکستان میں کرپشن نہیں ہوتی تھی،سیاست مں آنے کا مقصد نظام کو درست سمت میں لانا تھا
،برطانیہ میں ادارے کام کررہے ہیں،اگر برطانیہ میں ہوتا تو کبھی سیاست میں نہ آتا،جن معاشروں میں تبدیلی نہیں آتی وہ تباہ ہوجاتے ہیں،آپ کو اپنی بقاء کیلئے تبدیلی لانا ہوتی ہے،آج جن مسائل کا سامنا ہے وہ 80 ء کی دہائی کے پیدا کردہ ہیں۔
چیئرمین پی ٹی آئی نے مزید کہا کہ آزاد میڈیا کی وجہ سے پاکستان میں مارشل لاء لگنا مشکل ہوگیا ہے،سنگاپور میں پاکستان سے زیادہ کرپشن تھی،ڈرون حملوں میں معصوم لوگوں کو قتل کیا گیا۔عمران خان نے امریکی صدر کے بارے میں بات کرتے ہوئے کہ میں نہیں سمجھتا کہ ٹرمپ اتنے برے ہیں وہ میری سوچ سے زیادہ برے ہیں۔پاکستان کسی عسکری اتحاد کا متحمل نہیں ہوسکتا۔
کرکٹ پر بات کرتے ہوئے عمران خان نے کہا کہ میرے دور میں عبدالقادر بہترین سپن باؤلر تھے،عبدالقادر کھیل رہے ہوتے تو شین وارن سے زیادہ وکٹیں لیتے۔انہوں نے کہا کہ مصباح الحق ڈومیسٹک کرکٹ سسٹم میں خرابی کی وجہ سے دیر سے ٹیم میں آئے،آسٹریلیا میں 33 سال کی عمر میں کھلاڑی ریٹائر ہوجاتے ہیں، میرے بعد مصباح پہلاکپتان ہے جو باعزت ریٹائرمنٹ لے رہا ہے۔عمران خا ن کا کہنا تھا کہ کرکٹ ٹیم کی کپتانی کسی بھی چیلنج سے کم نہیں،
میں کبھی ٹیم کا کپتان نمین بننا چاہتا تھا،کرکٹ اس کے ہاتھ دی گئی جس کی قابلیت الیکشن فکس کرنا ہے،کرکٹ بورڈکو بھی ادارے کے طور پر ٹھیک کیا جاسکتا ہے،کرکٹ کی طرح سیاست کا بھی برا حال ہے،دو مرتبہ اس لئے استعفیٰ دیا کیونکہ مرضی کی ٹیم نہیں دی گئی،اب میں کرکٹ سے نہیں مختلف گیمز سے وابستہ ہوں،وزیراعظم کو چیئرمین پی سی بی منتخب کرنے کا اختیار نہیں ہونا چاہیے۔
ایمز ٹی وی(صحت) پھلوں اور سبزیوں کا زیادہ استعمال بلڈ پریشر کو معمول پر رکھنے میں مددگار ثابت ہوتا ہے جبکہ آپ صحت مند بھی رہتے ہیں۔
یہ بات امریکا میں ہونے والی ایک طبی تحقیق میں سامنے آئی۔
سدرن کیلیفورنیا یونیورسٹی کی تحقیق میں بتایا گیا کہ نمک کا کم استعمال بلڈ پریشر کو کم رکھنے کا ایک ثابت شدہ ذریعہ ہے مگر شواہد سے یہ معلوم ہوا ہے کہ غذائی پوٹاشیم کی مقدار میں اضافہ بھی فشار خون پر قابو رکھنے کے لیے ضروری ہے۔
فشار خون یا بلڈ پریشر دنیا بھر میں ایک بڑا طبی مسئلہ ہے اور لگ بھگ ایک ارب سے زائد افراد اس کا شکار ہیں۔
عالمی ادارہ صحت کے مطابق بلڈ پریشر فالج کے باعث ہونے والی کم از کم 51 فیصد جبکہ امراض قلب سے 45 فیصد اموات کا باعث بنتا ہے۔
تحقیق کے دوران اس بات کا جائزہ لیا گیا کہ پھل اور سبزیاں بلڈ پریشر کو کم کرنے میں کس حد تک مددگار ثابت ہوتے ہیں۔
نتائج سے معلوم ہوا کہ ان میں موجود پوٹاشیم اس عارضے کے لیے فائدہ مند ثابت ہوتا ہے۔
تحقیق میں بتایا گیا کہ متوازن حد تک نمک کا استعمال خون میں پوٹاشیم کی سطح کو متوازن رکھتا ہے جو کہ دل، اعصاب اور مسلز کے افعال کے لیے ضروری ہے۔
تحقیق کے مطابق جب غذا میں پوٹاشیم کی مقدار زیادہ ہوتی ہے تو گردے زیادہ نمک اور پانی کو خارج کرتے ہیں جس سے پوٹاشیم کا اخراج بھی بڑھتا ہے۔
محققین نے مشورہ دیا کہ دن بھر میں کم از کم 4.7 گرام پوٹاشیم بلڈ پریشر کی سطح کو کم رکھنے کے لیے ضروری ہے۔
ایمز ٹی وی(مانیٹرنگ ڈیسک) ایپل نے ویڈیو ایڈیٹنگ میں معاونت فراہم کرنے والی ایپ متعارف کرادی،جس کی مدد سے موبائل صارف خود ہی ویڈیو ایڈٹ کرکے سوشل میڈیا پر شیئر کرنے سمیت اپنے دوستوں کو بھیج سکے گا۔
ایپل نے گزشتہ ماہ یہ ایپ متعارف کرانے کا اعلان کیا تھا، جسے اب آئی فون فائیو ایس اور اس کے بعد کے فونز میں استعمال کیا جاسکے گا۔
کلپ نامی اس فرینڈلی سوشل ویڈیو ایپ کے ذریعے صارف خود ہی ویڈیو ایڈٹ کرسکے گا، جب کہ یہ ایپ گرافکس سمیت ایموجیز، سمارٹ شیئرنگ اور لائیو ٹائیٹلز دینے کی سہولت بھی فراہم کرتی ہے۔
یہ ایپ استعمال کرنے میں بہت ہی آسان اور دوستانہ ہے، جب کہ اس کے فیچرز بھی سوشل سائیٹس جیسے ہیں، جس وجہ سے اس کے استعمال میں کوئی پریشانی نہیں ہوتی۔
ایپ کے ذریعے موبائل میں محفوظ فوٹوز یا ویڈیوز کو بھی ایڈٹ کرکے مزید خوبصورت بناکر ویڈیو کی شکل دی جاسکتی ہے۔
ایپ کی مدد سے ایڈٹ کی گئی ویڈیو کو فیس بک، انسٹاگرام، یوٹیوب اور ویمو جیسی ویب سائیٹس پر شیئر کرنے سمیت کسی بھی دوست کو بھیجا جاسکتا ہے۔
کمپنی کے مطابق اس کے ایفیکٹس، فلٹرز اور حیران کن نیا فیچر لائیو ٹائلز ہر ایک کو تصاویر میں زبردست دکھائے گا جبکہ اپنی تصاویر اور ویڈیوز کو آسانی سے سوشل میڈیا پر شیئر کیا جاسکے گا۔
ایمزٹی وی(نوشہرہ) امام کعبہ شیخ صالح بن ابراہیم نے کہا ہے کہ اسلام امن اور محبت کا درس دیتا ہے اور قرآن اور رسولﷺ کی تعلیمات میں ہی فلاح ہے ۔ دین میں فرقہ واریت پیدا کرنے والے فلاح نہیں پائیں گے، مسلمانوں کو چاہئے کہ وہ فروعی اختلافات میں نہ پڑیں۔
تفصیلات کے مطابق جمعیت علمائے اسلام کے صد سالہ یوم تاسیس کے موقع پر نماز جمہ کا خطبہ دیتے ہوئے امام کعبہ شیخ صالح بن ابراہیم نے کہا کہ اللہ کی وحدانیت پر یقین ہمارے ایمان کا بنیادی جزو ہے اور اللہ کے نزدیک اس کا مقام بلند ہے جس میں زیادہ تقویٰ ہو ۔
انہوں نے کہا کہ اس امت کو اللہ تعالیٰ نے بہترین امت بنایا ہے اور فلاح کاراستہ قرآن پاک اوراسوہ رسول ﷺ ہی ہے، علمائے کرائے دین کی تعلیمات کے امین ہیں اور مسلمانوں کو چاہئے کہ وہ فروعی اختلافات میں نہ پڑیں۔ قرآنی تعلیم بھی یہی ہے اللہ کی رسی کومضبوطی سے پکڑواور فرقہ واریت میں نہ پڑو۔
ایمز ٹی وی (صحت) جسمانی وزن میں وقت کے ساتھ کمی بیشی ہونا ایک قدرتی عمل ہے، اور کچھ کلو تک کم ہونا معمول سمجھا جاسکتا ہے جس پر فکر مند ہونے کی ضرورت نہیں۔
تاہم اگر آپ کے جسمانی وزن میں چھ ماہ سے بھی کم وقت میں 5 فیصد سے زیادہ کمی آئی ہو تو یہ ضرور خطرے کی گھنٹی ہوتی ہے اور یہ وقت ہوتا ہے جب ڈاکٹر سے رجوع کیا جانا چاہئے۔
طبی ماہرین کے مطابق نمایاں حد تک وزن میں کمی بغیر کسی وجہ کے ممکن نہیں ہوتی، اگر آپ کا وزن کم ہورہا ہے حالانکہ غذا یا سرگرمیوں میں کوئی تبدیلی نہیں آئی تو یہ فکرمندی کا باعث ہوسکتا ہے۔
یہاں آپ جان سکتے ہیں کہ کونسے امراض غیر متوقع کمی کا باعث بن سکتے ہیں۔
وزن میں کمی تھائی رائی کے بہت زیادہ متحرک ہونے کی ایک عام علامت ہے، اگر اس کے ساتھ سونے میں مسائل کا سامنا ہو یا ہر وقت گرمی لگتی ہو تو یہ تھائی رائیڈ امراض کی جانب اشارہ ہوتا ہے۔
Celiac نامی آٹو امیون مرض بھی وزن میں کمی کا باعث بنتا ہے، جبکہ اس کے ساتھ ہیضہ یا دیگر غذائی مسائل بھی سامن آتے ہیں، لبلبے میں مسائل جو کہ نظام ہاضمہ کے لیے اجزاءتیار کرتا ہے، بھی وزن میں اچانک کمی کا باعث بنتے ہیں۔ ایسا ہونے پر معدے میں درد اور چربی والی غذائیں کھانے کے بعد متلی کا احساس بھی اہم علامات ہیں۔
ذیابیطس کے آغاز میں مریضوں کو وزن کی کمی کا سامنا ہوسکتا ہے، خاص طور پر اگر آپ کو ہر وقت پیشاب آتا ہو اور بہت زیادہ پیاس بھی لگتی ہے، پیشاب کرنے کی وجہ سے جسم سے اس گلوکوز کا اخراج ہوتا ہے جو وہ جذب نہیں کرپاتا اور اس سے پیاس بڑھتی ہے۔ ذیابیطس سے جسم کے مسلز میں غذائیت کی کمی ہوتی ہے جو کہ اچانک وزن میں کمی کا باعث بنتا ہے۔
ڈپریشن میں کھانے کی خواہش ختم ہوجانا ایک عام علامت ہے اور ایسا ہونے پر وزن میں نمایاں کمی آتی ہے۔ ایسا ہونے پر اکثر مریض کو جسمانی وزن میں کمی کا احساس بھی نہیں ہوتا جس کی وجہ اس کا ڈپریشن میں گم رہنا ہے۔
جوڑوں میں ورم یا انفیکشن کھانے کی خواہش پر بھی اثر انداز ہوتا ہے جس سے وزن میں کمی آتی ہے۔ اس مرض میں معدے میں بھی ورم ہوسکتا ہے جس سے غذائی اجزاءکو ہضم کرنے میں مسئلہ ہوتا ہے۔
متعدد اقسام کے کینسر کے نتیجے میں جسمانی وزن میں کمی ہوتی ہے، اگر کسی شخص میں بغیر وجہ کے وزن کم ہورہا ہو تو معدے یا آنتوں میں رسولی یا ورم ہوسکتا ہے، اسی طرح گلے اور معدے کو ملانے والی نالی میں بھی رسولی کو دیکھا جاتا ہے جس سے کھانا نگلنا مشکل ہوتا ہے۔
ایمزٹی وی(کراچی)کراچی میں خواتین بھی اس شعبے میں کا کام کریں گی۔18سالہ عائشہ صدیقہ کو پاکستان کی پہلی خاتون کورئیر ہونے کا اعزاز حاصل ہو گیا۔
انہوں نے دو ماہ قبل نجی کورئیر سروس میں نوکری کے لیے درخواست دی تھی اور کئی انٹرویوز کے بعد انہیں رکھ لیا گیا۔ عائشہ کورئیر پہنچانے کا کام باخوبی انجام دے رہی ہے۔
عائشہ صدیقہ پاکستان کی پہلی خاتون کوریئر by aimstv_tv
عائشہ کورئیر سروس میں نوکری کرنے کے ساتھ ساتھ انٹر میڈیٹ میں پڑھ بھی رہی ہیں۔
ان کا کہنا ہے کہ کوئی کام مشکل نہیں ہوتا بس قدم بڑھانے کی دیر ہوتی ہے۔
ایمزٹی وی(اسلام آباد)قومی سلامتی کے مشیر ناصر جنجوعہ نے کہا ہے کہ افغانستان نے کہا ہے کہ امریکہ پاکستان کی قربانیوں کی وجہ سے آج سپر پاور ہے،افغانستان نے سرحد پر بائیومیٹرک سسٹم کو تباہ کردیا ہے۔
تفصیلات کے مطابق مشیر برائے قومی سلامی ی امور ناصر جنجوعہ نے سمٹ سے خطاب کرتے ہوئے کہا کہ پاکستان میں شدت پسندی افغان جنگ کی وجہ سے پیدا ہوئی،افغانستان نے سرحد پر بائیومیٹرک سسٹم کو تباہ کرکے رکھ دیا ہے۔
انہوں نے کہا کہ پاکستان میں شدت پسندی افغان جنگ کی وجہ سے پیدا ہوئی،روس کے خلاف کھڑے نہ ہوتے تو کیا آج افغانستان ہوتا؟۔ناصر جنجوعہ کا مزید کہنا تھا کہ کہا جاتا ہے کہ پاکستان طالبان کا ساتھ دے رہا ہے،اگر ایسا ہے تو پاکستانی طالبان ہمارے کیخلاف کیوں لڑے رہے ہیں؟،طالبان مخالف کارروائیوں پر پاکستان کیخلاف جہادی فتویٰ دیا گیا۔
مشیر سلامی امور نے سمٹ سے خطاب میں کہا کہ گزشتہ 4 دہائیوں سے پاکستان قربانیاں دے رہا ہے،پاکستان درست اور لچک دکھانے والا ملک ہے جبکہ ہمیں غلط اور کمزور سمجھا گیا۔ان کا کہنا تھا کہ پاکستان اور افغانستان کی سرحد انتہائی پیچیدہ ہے،پاک افغان سرحد پر 300 سے زائد غیر قانونی راستے ہیں،کے پی کے میں 128 جبکہ بلوچستان میں 200 غیر قانونی راستے ہیں،کراچی خطرناک شہروں کی فہرست میں 42 درجے بہتر ہوا۔دنیا کے امن کیلئے فرنٹ لائن کے طور پر کھڑے ہیں۔
ایمز ٹی وی(اسپورٹس) ویسٹ انڈیز کے خلاف پہلے ون ڈے کے لیے پاکستانی ٹیم میں محمد حفیظ اور محمد عامر کی شمولیت متوقع ہے ۔ لیگ اسپنر شاداب خان کو ون ڈے کیپ ملنے کا امکان ہے۔محمد عامر ٹی ٹوئنٹی سیریز میں شامل نہیں تھے ۔ پاکستان کے ممکنہ گیارہ کھلاڑیوں میں احمد شہزاد، کامران اکمل، بابر اعظم ،محمد حفیظ، شعیب ملک ، سرفراز احمد، عماد وسیم، شاداب خان، وہاب ریاض، محمد عامر اور حسن علی شامل ہیں ۔