ایمز ٹی وی (اسلام آباد) وزیراعظم نواز شریف ہنگامی طور پشاور جائے وقوعہ کے لیے روانہ ہو گئے ہیں ۔ نواز شریف نے کہا ہے کہ وہ قومی سانحہ پر اسلا آباد میں نہیں بیٹھ سکتے ،وہ خود پشاور جا کر آپریشن کی نگرانی کریں گے اورجلد از جلد دہشت گردوں کو ان کے کیفر کردار تک پہنچایا جائے گا۔وزیراعظم نے بچوں کی شہادت پرسخت مذمت کا اظہارکرتے ہوئے کہا کہ بچوں کی شہادتیں ملک کا بلکہ میرا اپنا ذاتی نقصا ن ہے اور سانحہ پشاور پر اس وقت پوری قوم سوگ کے عالم میں مبتلاہے ۔نواز شریف نے وزیرداخلہ چوہدری نثار کو بھی جلد از جلد موقع پر پہنچنے کی ہدایت کی ہے ۔وزیراعظم نواز شریف کی آمد پر لیڈنگ ریڈنگ ہسپتال کی سیکیورٹی سخت کر دی گئی ہے ۔
ایمز ٹی وی (اسلام آباد) چیئرمین تحریک انصاف عمران خان نے وزیراعلیٰ کو فوری طور پر ورسک سکول کے زخمیوں کو اعلیٰ طبی امداد فراہم کرنے کی ہدایات جاری کر دی ہیں۔عمران خا ن نے وزیراعلیٰ کے پی کے پرویز خٹک سے ٹیلیفونک رابط کر کے جائے وقوعہ پر پہنچنے اور تمام تر حالات کا جائزہ لینے کی ہدایت کی ہے ۔انہوں نے سکول میں نامعلوم افراد کی فائرنگ سے جاں بحق ہونے والے بچوں کی ہلاکت پر سخت مذمت اظہار کیا ہے اور وزیراعلیٰ کو ہدایات جاری کی ہیں کہ زخمیوں کو اعلیٰ طبی امداد فراہم کرنےاور شہر کے تمام ہسپتالوں میں ایمرجنسی نافذ کرکے تما م ڈاکٹروں کو طلب کرنے کی ہدایت دی ہے ۔
ایمزٹی وی (فارن ڈیسک) برطانیہ ایسا طیارہ تیار کر رہا ہے جو چار گھنٹے میں دنیا کے کسی بھی کونے میں جا سکتا ہے، آواز کی رفتار سے 5 گنا تیز پرواز کرنے والے طیارے کی قیمت ایک ارب دس کروڑ ڈالر ہوگی۔ اس طیارے کو آزمائشی مراحل سے گزارا جا رہا ہے اور اس کی پہلی پرواز 2019ء میں اڑان بھرے گی۔ بھارتی ذرائع ابلاغ کے مطابق ایک برطانوی ایرو اسپیس فرم نے آواز سے 5گنا زیادہ تیز پرواز کرنے والا طیارہ تیا ر کیا ہے جو صرف 4 گھنٹے میں دنیا میں کسی بھی جگہ مسافروں کو لے جائیگا۔ ری ایکشن انجن نامی فرم کا کہنا ہے کہ وہ ایسے ایک انجن سسٹم پر کام کر رہی ہے جو 300 مسافروں کو چار گھنٹے میں دنیا کے کسی بھی کونے میں لے جائے گا۔ چیف انجینئر ایلن بانڈ کا کہنا ہے کہ ائیر کرافٹ میں ایک نئی ٹیکنالوجی ”دی پری کولر“ سے ایسا ممکن ہے۔ انہوں نے وضاحت کی کہ نئے سیبرانجن سسٹم میں داخل ہو نے والی ہوا کوعشاریہ صفر ون سیکنڈ میں ایک ہزار سے زائد سیلسیس ڈگری تک ٹھنڈا کیا جاسکتا ہے۔ یہ صلاحیت جیٹ انجن کو زیادہ طاقت سے اڑنے میں مدد دے گی۔ اس سے رفتار بہت تیز ہو گی اور یہ ماچ فائیو جتنی رفتار سے پرواز کرے گا جو آواز کی رفتار سے پانچ گنا زیادہ ہے۔ طیارہ 276 فٹ طویل ہوگا جسے اسکائی لن کہا جائے گا، ایک طیارے کی قیمت لگ بھگ 1.1 ارب ڈالر ہو گی، اس میں کوئی کھڑکی نہیں ہوگی۔ کمپنی ابھی اس نظام کو تجرباتی مراحل سے گزار رہی ہے اور اسکی پہلی پرواز 2019ء میں متوقع ہے۔
ایمزٹی وی (تجارت) ورلڈ بینک نے پاکستان کے بینکنگ سیکٹر کو مضبوط اور منافع بخش قرار دے دیا ہے۔ بینک نے اپنی تازہ ترین رپورٹ میں کہا ہے کہ سخت مانیٹرنگ پالیسی اور گوڑنمنٹ سیکیورٹیز میں سرمایہ کاری کی وجہ سے پاکستان کا بینکنگ سیکٹر منافع بخش رہا ہے رپورٹ کے مطابق گذشتہ مالی سال میں پاکستان کے بینکنگ سیکٹر میں ریٹرن آف ایسرٹ (R O A) اور ریٹرن آف ایکوٹی (R O E) کی شرح بالترتیب 2.1 اور 2.9 کی بلند شرح پر برقرار رہی ہے، سیکٹر کے لیکوڈٹی ایسرٹ ڈپازٹ پر 61 فیصد اور سی اے آر پر 15.1 فیصد رہی ہے یہ دونوں مضبوط اعشاریے ہیں ورلڈ بینک کے مطابق پاکستان کے بینکنگ سیکٹر کے نان پرفارمنگ لون کے شعبے میں بھی بہتری آئی ہے اور نان پرفارمنگ لون میں مجموعی طور پر 12.8 فیصد کی کمی دیکھنے میں آئی جون 2014 میں یہ 2.9 فیصد تھے، رپورٹ کے مطابق ایس ایم ای کے نان پرفارمنگ لون کی شرح سب سے زیادہ 3.9 فیصد رہی ہے جسکے بعد زرعی شعبے کا نمبر آتا ہے جسکی شرح 14.8 فیصد ہے کنزیومر سیکٹر کے نان پرفارمنگ لون کی شرح 12.4 فیصد ہے اہم بات یہ ہے کہ کارپوریٹ سیکٹر کے نان پرفامنگ لون کی شرح میں کمی دیکھنے میں آئی ہے ورلڈ بینک کے مطابق 2014 میں حکومت کی جانب سے قرض حاصل کرنے کی شرح بھی کم ہوئی ہے جسکی وجہ سے پرائیوٹ سیکٹر کے لیے شرح بڑھی ہے اور 2014 میں اس سیکٹر کے لیے قرض حاصل کرنے کی مالیت میں 3.8 ارب کااضافہ ہوا ہے ۔
ایمزٹی وی (سیاسی) آرمی چیف جنرل راحیل شریف نے کہا ہے کہ ملک کا مستقبل بلوچستان کی ترقی سے جڑا ہے، انہوں نے یقین ظاہر کیا ہے کہ بلوچستان کے نوجوان ملکی دفاع میں کسی سے پیچھے نہیں رہیںگے اور مٹھی بھر ملک دشمن عناصر کو جلد انجام تک پہنچایا جائے گا۔ آرمی چیف نے یہ بات کوئٹہ کے ای ایم ای سینٹر میں ریکروٹس کی پاسنگ آوٹ پریڈ کی تقریب سے خطاب میں کہی۔ تقریب میں وزیراعلی بلوچستان ڈاکٹرعبدالمالک بلوچ، کمانڈر سدرن کمانڈ بھی شریک ہوئے۔ وزیراعلیٰ بلوچستان نے پاس آؤٹ ہونے والے ریکروٹس کو مبارک باد پیش کی اور امید ظاہر کی کہ جوان اندرونی اور بیرونی خطرات سےنمٹنے میں بھرپور کردار ادا کریںگے۔ آرمی چیف جنرل راحیل شریف نے کہا کہ بلوچستان کی ترقی ہم سب کی اولین ترجیح ہے۔ پاکستان کا مستقبل بلوچستان کی ترقی سے وابستہ ہے۔ انتہائی خوشی کی بات ہے کہ بلوچستان کے عوام اس حقیقت کو جانتے ہوئے تمام ملک دشمن عناصر کو مسترد کر رہے ہیں۔ آج الحمداللہ بلوچستان کے بھائیوں میں یہ احساس اور یقین پیدا ہو چکا ہے کہ انکی خوشحالی کو کبھی نظر انداز نہیں کیا جائے گا ۔
ایمز ٹی وی (اسلام آباد) وفاقی وزیر داخلہ چوہدری نثار علی خان نے جماعت اسلامی کے امیر سراج الحق سے ملاقات کی ہے جس کے بعد میڈیا سے بات کرتے ہوئے چاہدری نثار علی خان کا کہنا تھا کہ ہم نے دھرنوں کو انتہائی خندہ پیشانی سے برداشت کیا لیکن اب وقت آ گیا ہے کہ جمہوری احتجاج اور سول نافرمانی میں فرق واضح کیا جائے۔ان کا کہنا تھا کہ دنیا میں کہیں بھی جمہوری احتجاج کے نام پر لوگوں کی زندگی مفلوج نہیں بنائی جاتی اور نہ ہی سڑکیں بند نہیں کروا سکتی۔چوہدری نثار علی خان نے واضح کیا کہ ان کہ حکومت ملک کی بہتری اور امن کی خاطر ہر قربانی دینے کے لیے تیار ہے۔
ایمز ٹی وی( فارن ڈیسک) مکہ میں واقع مسجد الحرام کے باہر والے صحن میں سایہ فراہم کرنے کے لیے 300 سے زائد بڑی چھتریاں نصب کی جائیں گی۔ یہ چھتریاں 2,75,000 مربع میٹر پر پھیلے ہوئے مسجد کے صحن میں سایہ فراہم کریں گی۔
ویب سائٹ کے مطابق اس منصوبے کی منظوری سعودی عرب کے بادشاہ عبداللہ نے دی۔
مسجد نبوی میں لگی یہ چھتریاں موسمِ گرما کے دوران دن کے وقت کھل جاتی ہیں اور رات کو بند ہو جاتی ہیں۔ یہ پورا عمل صرف تین منٹ میں مکمل ہو جاتا ہے۔
سعودی عرب کے حکام دنیا کی اس سب سے بڑی مسجد کو گرمی میں ٹھنڈا اور سردیوں میں گرم رکھنے کے لیے ایک چھت بنانے کے ڈیزائن پر کام کر رہے ہیں۔
ایمز ٹی وی (فارن ڈیسک ) گذشتہ ہفتے سویڈن میں ایک پولیس کے چھاپے کے بعد پائریٹ بے بند کر دی گئی جو دنیا میں سب سے زیادہ دیکھی جانے والی ویب سائٹس میں سے ہے۔
Isohunt کا کہنا ہے کہ اس نے قدم انٹرنیٹ پر معلومات کے تحفظ کی خاطر اٹھایا۔
پائریٹ بے پر فلموں، ٹی وی شوز اور موسیقی کے پائریٹیڈ یا غیر قانونی مواد تک رسائی کی بڑی فہرستیں دستیاب تھیں۔
سویڈش پولیس نے اسٹاک ہوم کے قریب یہ چھاپہ مارا جہاں اس نے پائریٹ بے کے سرورز پر قبضے میں لے لیے جس کے نتیجے میں تفتیش کا آغاز کیا گیا۔
2012 میں پائریٹ بے نے اپنے ڈھانچے میں تبدیلی کی اور اسے آسانی سے نقل کیے جانے والا بنایا۔
ایمزٹی وی (سیاسی) پشاور میں وارسک روڈ پر ایک اسکول میں دہشت گرد داخل ہو ئے۔ جہاں سیکیورٹی فورسز اور حملہ آوروں کے مابین فائرنگ سے شہید ہونے والوں کی تعداد 21 ہوگئی۔ وزیرصحت خیبرپختونخوا شہرام ترکئی کا کہنا ہے کہ حملے میں شہید ہونے والوں کی تعداد 18 ہوگئی۔ حملے میں 16 بچے، ایک ٹیچر اور چوکیدار شہید ہوئے، حملے میں 36 افراد زخمی ہوئے۔ غیرملکی خبر ایجنسی کے مطابق اسکول حملے میں 20 طلبہ اور ایک سیکیورٹی اہل کار شہید ہوئے ہیں۔ فائرنگ کا سلسلہ تاحال جاری ہے۔ پولیس کے مطابق 6 سے7 دہشت گرد وارسک روڈ میں واقع ایک اسکول میں داخل ہوئے اور بچوں کو یرغمال بنانے کی کوشش کی۔ سیکیورٹی فورسز اور دہشت گردوں کے مابین فائرنگ کا تبادلہ تاحال جاری ہے۔ پولیس نے اسکول جانے والے راستوں کو سیل کر دیا ہے۔ جبکہ پولیس کی بھاری نفری اور امدادی ٹیمیں اسکول کی جانب روانہ کر دی گئی ہیں۔ سیکورٹی ذرائع کے مطابق ریسکیو آپریشن جاری ہے۔ اور متعدد طلباء اور اساتذہ کو اسکول سے بحفاظت نکال لیا گیا ہے۔ اسکول کے اندر سے دو دھماکوں کی آوازیں بھی سنی گئیں۔ ادھر ترجمان کالعدم تحریک طالبان محمد خراسانی نے جیو نیوز کو بتایا کہ ہمارے چھ خودکش ساتھی اندر داخل ہوئے ہیں۔ اور یہ حملہ قیدی ساتھیوں کے قتل عام کے خلاف ردعمل ہے۔ لیڈی ریڈنگ اسپتال انتظامیہ کے مطابق 12 بچوں سمیت 14 افراد کی لاشیں اسپتال لائی گئی ہیں۔ جبکہ 34 زخمی طالب علموں کو بھی اسپتال لایا گیا ہے۔ جنھیں طبی امداد دی جا رہی ہے۔ ترجمان وزارت داخلہ خیبر پختونخوا حکومت سے بھی صبح سے رابطے میں ہیں، اسکول واقعے پر وزارت تمام متعلقہ اداروں سے مسلسل رابطے میں ہیں ۔
ایمز ٹی وی( فارن ڈیسک)
برطانیہ کی طالبہ نے کاغذ سے ایسا انوکھا عروسی جوڑا تیارکیا ہے جو ویسے تونیا نہیں لیکن اسکی انفرادیت یہ ہے کہ اسے طلاق ناموں کی مدد سے مکمل کیا گیاہے۔15سالہ ڈیمی نامی اس نوجوان ڈریس ڈیزائنر نے ایک ہزار پانچ سو طلاق ناموں کا سہارا لیتے ہوئے ایک انتہائی دیدہ زیب عروسی لباس تیارکیاہے ۔ اسکول کے ایک آرٹ پروجیکٹ کے سلسلے میں تیار کئے جانے والے اس برائیڈل ڈریس کو برطانیہ کے متعدد پیشہ ور ڈریس ڈیزائنرز نے بھی سراہا ہے