ایمزٹی وی (سیاسی) وفاقی وزیر منصوبہ بندی احسن اقبال کا کہنا ہے کہ وہ تحریک انصاف سے اپیل کرتے ہیں کہ انتخابی اصلاحات کمیٹی میں نمائندے بھیجے۔ مذاکرات کا سلسلہ وہاں سے شروع ہو گا جہاں سے ٹوٹا تھا۔ وفاقی وزیر منصوبہ بندی احسن اقبال نے لاہور کے مقامی ہوٹل میں میر خلیل الرحمن سوسائٹی کے زیراہتمام منعقدہ انٹرنیشنل سمپوزیم میں شرکت کی۔ اس موقع پر اپنے خطاب میں احسن اقبال کا کہنا تھا کہ موجودہ سیاسی بحران کو مذاکرات سے حل کرنے کی کوشش کررہے ہیں۔ ذاتی مفاد کے لیے ملک کے امن و استحکام کو داؤ پر نہیں لگانا چاہتے۔ احسن اقبال کا کہنا تھا کہ کسی سیاسی جماعت کا رہنما تنہا ملک کو مسائل سے نہیں نکال سکتا۔ ملک کو آگے لیکر جانے کیلئے برداشت کو فروغ دینا ہوگا ۔

ایمز ٹی وی (فارن ڈیسک) دنیا بھر میں انسان کی روزمرہ زندگی کو آسان بنانے کیلئے جدید ٹیکنالوجی کے حامل مختلف روبوٹس تو متعارف کروائے جاتے ہی ہیں لیکن امریکہ میں انسانوں کے بعد پالتو پر ندوں کیلئے بھی ایک منفرد روبوٹک سواری تیار کی گئی ہے۔Bird Buggy نامی اس روبوٹک گاڑی کو خصوصی طور پریونیورسٹی آف فلوریڈا کے ایک انجئیرنگ کے اسٹوڈنٹ نے تیار کیا ہے جسے طوطے کسی کی مدد کے بغیر اپنی چونچ کے زریعے چلاتے ہیں۔

ایمز ٹی وی (فارن ڈیسک)  امریکانےافغانستان میں بگرام حراستی مرکزبندکردیا ہے۔ امریکاافغانستان میں کوئی جیل نہیں چلارہاہے۔ امریکی محکمہ دفاع نے کہا ہے کہ افغانستان میں امریکاکی تحویل میں اس وقت کوئی قیدی نہیں ہے۔غیر ملکی خبرایجنسی کے مطابق امریکانےافغانستان میں بگرام حراستی مرکزبندکردیا ہے۔

ایمزٹی وی (سیاسی) لاہور کے علاقے دھرم پورہ میں بیٹوں کے لڑائی کے دوران ہمسایوں کی جانب سےاینٹیں برسائی گئیں، جسکی زد میں آکر 40 سالہ خاتون شدید زخمی ہو گئی۔ پولیس کے مطابق تھانہ مصطفی آباد کے حدود دھرم پورہ میں ہمسایوں کی لڑائی کے دوران 2 نوجوان طاہر اور نوید نے اپنی چھت سے پڑویسوں کے گھر اینٹیں برسائیں، جسکے زد میں آکر 40 سالہ نسیم بی بی شدید زخمی ہو گئی، جسے طبی امداد کے لئے اسپتال منتقل کردیا گیا ہے، تاہم ڈاکٹرز کے مطابق نسیم بی بی کی حالت تشویش ناک بتائی جا رہی ہے ۔