بیجنگ : ٹِک ٹاک نے صارفین کو لامحدود اسکرالنگ سےروکنےکےلیےنیافیچرمتعارف کرانےکا فیصلہ کرلیا۔

کمپنی کی جانب سے ایک بلاگ پوسٹ میں لکھا گیا کہ آئندہ ہفتوں میں کمپنی ایک فیچر متعارف کرانے جا رہی ہے جو لوگوں ایک بیٹھک میں ٹِک ٹاک پر صرف کیے گئے وقت کو محدود کرنے مدد دے گا۔

کمپنی کے مطابق ریگولر اسکرین ٹائم بریک کا فیچر لوگوں کو مسلسل اسکرین ٹائم کی مخصوص مقدار کے بعد وقفہ لینے کی یاد دہانی کرائے گا، جس کا تعین صارف اپنے حساب سے کر سکتے ہیں۔

نیا اسکرین ٹائم ڈیش بورڈ صارفین کو بتائے گا کہ وہ ٹِک ٹاک پر کتنا وقت صرف کر رہے ہیں۔ یہ فیچر ان کو روزانہ کے حساب سے ایپ پر خرچ کیے گئے وقت، کتنی بار ایپ کھولی گئی اور دن اور رات کے اوقات کی تقسیم کے متعلق بتایا کرے گا۔

کمپنی نے مزید کہا کہ کمپنی کی جانب سے نوجوان صارفین کے لیے ہفتہ وار ڈیجیٹل فلاحی یاد دہانی متعارف کرائی جائے گی۔ 13 سے 17 سال کے درمیان کی عمر کا جب کوئی صارف ایک دن میں 100 منٹ سے زیادہ کا وقت ایپ پر صرف کرے گا تو اگلے دن کمپنی ان کو اپنے اسکرین ٹائم لمٹ ٹول کے حوالے سے یاد دہای کرائے گی۔

ٹِک ٹاک لوگوں کے ایپ پر وقت صرف کرنے کے حوالے سے فیصلہ کرنے میں مدد کے لیے اسکرین ٹائم لمٹس کا پہلے ہی اطلاق کر چکا ہے۔13 سے 15 سال کے درمیان صارفین کے لیے پُش نوٹیفیکیشن رات 9 بجے کے بعد خود بخود غیر فعال ہوجاتا ہے جبکہ 16 سے 17 سال کے درمیان صارفین یہ رات 10 بجے کے بعد غیر فعال ہوتے ہیں۔

لاہور: دوسرے ون ڈے میں بابر اعظم کے گلوز پہن کر فیلڈنگ کرنےپر پاکستان کوپنالٹی کے طورپر 5 رنز دینا پڑ گئے۔

کرکٹ قوانین کے مطابق وکٹ کیپر کے سوا کسی بھی فیلڈر کو گلوز پہننے کی اجازت نہیں ہوتی، میزبان کپتان کی اس غلطی پر ویسٹ انڈیز کو 5 پنالٹی رنز دیئے گئے تھے۔

دونوں ٹیموں کے مابین مقابلہ یکطرفہ ہونے کی وجہ سے ان رنز سے کوئی خاص فرق نہیں پڑا لیکن کسی کانٹے دار مقابلے میں اس طرح کی غلطی مہنگی پڑسکتی تھی۔

لاہور : پنجاب تعلیمی بورڈ نےصوبے بھر کےبورڈزکوسوالیہ پرچہ جات سوشل میڈیا پراپ لوڈ کرنےپر پابندی عائد کردی۔

تفصیلات کےمطابق پنجاب تعلیمی بورڈ کا کہناتھا کہ پرچہ ختم ہونے کے بعد بھی سوالیہ پیپرز سوشل میڈیا پر شیئر کرنے پر پابندی ہوگی۔ تعلیمی بورڈزکی جانب سے سپرنٹنڈنٹ، ڈپٹی سپرنٹنڈنٹ اور نگران عملے کو سخت ہدایات جاری کردیں۔

مراسلے میں کہا گیا ہے کہ سوالیہ پیپر کی تصاویر فیس بک، واٹس اپ یا نجی کالج کی ویب سائٹ پر اپ لوڈ نہ کی جائیں۔ سوالیہ پیپر آوٹ کرنے پرپنجاب مال پریکٹسز ایکٹ کی شق نمبر 3 کے مطابق قانونی کارروائی کی جائے گی۔

بورڈ حکام کے مطابق بورڈ امتحانات ختم ہونے کے بعد ادارے کی منظوری سے سابقہ سوالیہ پیپرز حاصل کیے جا سکیں گے۔ بغیرمنظوری کسی ادارے یا شخص کو سوالیہ پیپر شیئر کرنے کی اجازت نہیں ہوگی۔

اسلام آباد: آئندہ مالی سال ایچ ای سی کیلیے 65 ارب روپےمختص کیے ہیں ۔

تفصیلات کے مطابق رواں سال بچٹ 2022-23 میں ایچ ای سی کی ترقیاتی اسکیموں کیلیے 44 ارب روپے مختص کیے گئے ہیں ۔

ایچ ای سی کے بجٹ میں بلوچستان اور ضم اضلاع کیلیے 5 ہزار وظائف شامل ہیں ۔

بلوچستان کے ساحلی علاقوں کیلیے الگ اسکالر شپس شامل ہیں ۔ طالبعلموں کو ایک لاکھ لیپ ٹاپس آسان اقساط پر فراہم کیے جائیں گے ۔

سکھر: تعلیمی بورڈ سکھر کے زیرانتظام انٹرمیڈیٹ سال اول و دوم کےامتحانات کاآغازہوگیا۔

شیڈول کے مطابق سال اول کا پہلا پرچہ کا انگلش کا لیا گیا، انتظامات مکمل سمیت سکھر،خیرپور اور گھوٹکی اضلاع میں 103 امتحانی مراکز قائم،چھاپہ مار ٹیمیں تشکیل دی ہیں۔

سیکریٹری بورڈ سکھرتفصیلات کے مطابق سکھرسمیت گھوٹکی اورخیرپور اضلاع میں 103 امتحانی مراکز قائم کئے گئے ہیں ، امتحانی مراکز میں 43 طلبا ء ،27 طالبات اور 33 مشترکہ مراکز بنائے

جس میں مجموعی طور پر 62 ہزار 587 طلباء و طالبات شریک ہونگے۔

32ہزار 994 فرسٹ ایئرکےطلباء و طالبات اور 29 ہزار 593 طلبائ و طالبات انٹر کے امتحانات دینگے۔

تعلیمی بورڈ سکھر کی جانب سے نقل کو روکنے کیلئے2 لیڈیز ٹیموں سمیت 21 چھاپہ مار ٹیمیں تشکیل دی گئی ہیں اور بورڈ امتحانات کے دوران دفعہ 144 کے نفاذ کی وزارت داخلہ کو سفارش کی گئی ہے۔

اس سلسلے می سیکریٹری تعلیمی بورڈ سکھر رفیق پلھ نےبتایا کہ تعلیمی بورڈ سکھرکی جانب سے امتحانات کے حوالے سے تمام انتظامات مکمل کئے گئے ہیں نقل کی روک تھام کیلئے موئثر اقدامات کئے جارہے ہیں

لاڑکانہ : چیئرمیں بورڈ آف انٹرمیڈیٹ اینڈ سیکنڈری ایجوکیشن لاڑکانہ کی درخواست پرلاڑکانہ ڈویژن کے کمشنر گھنور خان لغاری نے 10 جون سے 19 جون 2022 تک ہونے والے امتحانات کے دوران ڈویژن کے 91 امتحانی مراکز پر قلم 144 کا اطلاق کیا ہے۔

قلم 144 (6) 1898 سی آر پی سی امتحانی مراکز کے اندر اور باہر غیر متعلقہ افراد کا داخلہ بند رہے گا۔

فوٹوا سٹیٹ مشینیں بھی امتحانی وقت کے دوران بند کر دی جائیں گی۔ جاری کردہ نوٹیفکیشن کے تحت کمشنر لاڑکانہ ڈویژن نے امتحانی مراکز کے حدود کے ایس ایچ اوز کو امتحان کے دوران کسی بھی شکایت پر سخت کارروائی کرنے کا اختیار دے دیا ہے۔

ملتان: پاکستان نے ویسٹ انڈیزکے خلاف ون ڈےسیریز اپنےنام کرلی۔

ذرائع کے مطابق کو دوسرے ون ڈے میچ میں پاکستان نے 120 رنز سےہرا کر 3 میچوں کی سیریزجیت لی، مہمان ٹیم 276 رنز کے ہدف کے تعاقب میں صرف 155 پر ہی ڈھیر ہوگئی۔

قومی ٹیم نے ٹاس جیت کر پہلے بیٹنگ کی اور مقررہ 50 اوورز میں مہمان ٹیم کو 276 رنز کا ہدف دیا تاہم ویسٹ انڈیز کی بیٹنگ لائن ریت کی دیوار ثابت ہوئی اور 32.2 اوورز میں 155 رنز بنا کر تمام کھلاڑی پویلین لوٹ گئے۔ بروکس 42 رنز بنا کر ٹاپ اسکورر رہے۔ جبکہ 4 وکٹیں حاصل کرنے پر محمد نواز کو پلیئر آف دی میچ قرار دیا گیا۔

ملتان کرکٹ اسٹیڈیم میں پاکستان اور ویسٹ انڈیز کے درمیان تین ایک روزہ میچ پر مشتمل سیریز کھیلی جارہی ہے۔ دوسرے ون ڈے میں قومی کرکٹ ٹیم کے کپتان بابراعظم نے ٹاس جیت کر پہلے بیٹنگ کرنے کا فیصلہ کیا اور حریف ٹیم کو جیت کے لیے مقررہ 50 اوورز میں 8 وکٹوں کے نقصان پر 276 رنز کا ہدف دیا۔

پاکستان کی اننگز: کپتان بابراعظم 93 بالوں پر 77 رنز جبکہ امام الحق نے 72 بولوں پر 72 رنز کی بہترین اننگز کھیلی اور آوٹ ہوئے، شاداب خان 22، فخر زمان 17 اور محمد رضوان 15 رنز بنا کر پویلین لوٹ گئے۔ محمد حارث اور محمد نواز کا بلہ نہیں چلا اور بالترتیب 3-6 رنز بنا کر چلتے بنے۔ خوش دل شاہ کو فیلپ نے 22 رنز پر شکار کیا۔ مقررہ 50 اوورز مکمل ہونے کے قریب محمد وسیم 17 اور شاہین شاہ آفریدی 15 رنز بنا کر ناٹ آؤٹ رہے۔

کراچی: سرسیدیونیورسٹی آف انجینئرنگ اینڈ ٹیکنالوجی میں گراءونڈ پلس 10 عمارت کی تعمیر کی منصوبہ بندی کےلئے ترقیاتی سفر کے بارے میں ایک معلوماتی پریزنٹیشن دی گئی

اس موقع پرنئے بلاک کی تعمیراور سرسید یونیورسٹی کے ترقیاتی سفر کے حوالے سے رجسٹرار سید سرفراز علی نے ایک معلوماتی پریزنٹیشن دی ۔

سرسید یونیورسٹی کے بورڈ آف گورنرز کے ممبرسردار یاسین ملک کااس موقع پر اظہارِ خیال کرتے ہوئے کہنا تھاکہ انسان چاہے جتنا بڑا ہوجائے اسے اپنا ماضی نہیں بھولنا چاہئے ۔ ماضی آپ کی جدوجہد اور کٹھن سفر کا آئینہ دار ہوتا ہے ۔ پہلے کے مقابلے میں آج ترقی کے زیادہ مواقع اور سہولیتں دستیاب ہیں ۔ جدید ٹیکنالوجی سے استفادہ کرکے آپ اپنی معیشت کو بہتری کی طرف لے جاسکتے ہیں جس میں تعلیم مرکزی کردار ادا کرتی ہے ۔
انہوں نے تجویز پیش کی کہ طلباء کو شروع ہی سے اسکالر شپ دی جانی چاہئے تاکہ وہ مالی رکاوٹ کے باعث تعلیم حاصل کرنے سے محروم نہ رہیں اور پوری دلجمعی اور یکسوئی کے ساتھ تعلیم پر توجہ مرکوز کریں ۔ سردار یاسین ملک نے سرسید یونیورسٹی کی انتظامیہ کو اس بات کی یقین دہانی کرائی کہ وہ عمارت کی تعمیر کے سلسلے میں ہرممکن تعاون کریں گے

۔سرسید یونیورسٹی کے چانسلر جاوید انوار نے کہا کہ سردار یاسین ملک ایک تعمیری سوچ رکھنے والے خدا ترس انسان ہیں جو فروغِ تعلیم کے لیے کوئی دقیقہ فروگزاشت نہیں کرتے ۔ شہر کراچی میں کئی ادارے ان کے تعاون سے چل رہے ہیں ۔ ان کی موجودگی ہمارے لیے باعثِ تقویت رہی ہے اور امید ہے کہ ان کی سرپرستی ہمیشہ ہمارے ساتھ رہے گی ۔ عمارت کی تعمیر کے سلسلے میں بھی ان سے تعاون درکار ہے ۔

۔وائس چانسلر پروفیسر ڈاکٹر ولی الدین نے کہا کہ سردار یاسین ملک تعلیم اور صحت کے شعبے میں مثبت کام کر رہے ہیں اور ان کے مفید مشوروں اور رہنمائی کی وجہ سے یونیورسٹی ترقی کی راہ پر گامزن ہے ۔

کراچی: بابر اعظم عظیم بیٹرز کی صف میں شمولیت کے قریب پہنچ گئے۔

بابر جلد ہی انٹرنیشنل کرکٹ میں 10 ہزار رنز مکمل کرسکتے ہیں۔

کیریبیئن ٹیم کے خلاف ملتان میں شروع ہونے والی ون ڈے سیریز پاکستانی کپتان بابر اعظم کیلیے ایک بہت بڑا موقع بھی اپنے ساتھ لائی، وہ اس میں اچھی کارکردگی سے انٹرنیشنل کرکٹ میں 10 ہزار رنز مکمل کرسکتے ہیں، اس کے ساتھ ہی ان کا نام اپنے ملک کے عظیم بیٹرز کے ساتھ درج ہوجائے گا۔

بابر کو سیریز سے قبل اس سنگ میل پر پہنچنے کیلیے مزید 202 رنز درکارتھے، انھوں نے ویسٹ انڈیز کے خلاف پہلے ون ڈے میں سنچری بنا کر اچھا آغاز کیا،وہ اب تک 50 سے زائد کی اوسط سے 901رنز 201انٹرنیشنل میچز میں بنا چکے ہیں، اس دوران انھوں نے مجموعی طور پر 24 سنچریاں اور 65 ففٹیز اسکور کیں، بابر کی فارم اور صلاحیتوں کو دیکھتے ہوئے ان کیلیے بقیہ 2میچز میں یہ سنگ میل عبور کرنا مشکل دکھائی نہیں دیتا۔

اب تک پاکستان کے 11 کرکٹرز تینوں فارمیٹس میں مجموعی طور پر 10 ہزار رنز کا سنگ میل عبور کرچکے ہیں، ان میں انضمام الحق، یونس خان، محمد یوسف، جاوید میانداد، سلیم ملک، سعید انور، محمد حفیظ، شعیب ملک، شاہد آفریدی اور مصباح الحق شامل ہیں۔

سابق کپتان انضمام الحق کو پاکستان کی جانب سے سب سے زیادہ رنز بنانے کا اعزاز حاصل ہے، انھوں نے انٹرنیشنل کرکٹ میں 20 ہزارسے زائد رنز اسکور کیے۔

ویسٹ انڈیز سے سیریز انضمام کے شہر ملتان میں کھیلی جارہی ہے، اس کے آغاز سے قبل کپتان بابر اعظم نے کہا تھا کہ ہمارے لیے یہ بہت ہی خوشی کی بات ہے کہ ملتان میں بھی انٹرنیشنل کرکٹ اس سیریز کے ساتھ بحال ہوگئی، ہمیں یقین ہے کہ شائقین ان میچز سے خوب لطف اندوز ہوں گے۔

اسلام آباد: فیڈرل بورڈآف انٹرمیڈیٹ اینڈسیکنڈری ایجوکیشن بورڈکےتحت بارہویں جماعت ریگولرو پرائیوٹ کےایڈمٹ کارڈزجاری کردیئےگئے۔

ایڈمٹ کارڈز بورڈ کی آفیشل ویب سائٹ پر اپلوڈ کردیئے گئےہیں۔بورڈکی جانب سے طلبا و طالبات کوہدایت دی گئی ہےکہ وہ بورڈکی آفیشل ویب سائٹ سےڈائون لوڈ کرسکتے ہیں جبکہ پرائیوٹ امیدواروںکی رول نمبر سلپ انکےدیئے گئے پتے پر ارسال کردی گئی ہے۔

واضح رہےوفاقی تعلیمی بورڈ کے تحت گیارہویں اور بارہویں جماعت کے امتحانات کاآغاز14جون سے ہوگادونوں جماعت کے امتحانات دو شفٹوں میں ہونگےپہلے گروپ کا پرچہ 8:00بجے جبکہ شام کا پرچہ2:00بجے ہوگا۔
تمام امیدواروں کو امتحانی مراکز میں امتحانات سے آدھا گھنٹہ قبل پہنچنے کی ہدایت کی گئی ہے۔