ایمز ٹی وی (مانیٹرنگ ڈیسک) گزرے برسوں میں آپ نے ہزاروں تصاویر لیں اور ویڈیوز بنائیں جبکہ گانوں کی بھی لائبریری بنالی مگر اب فون اسٹوریج ختم ہونے کے قریب پہنچ گئی ہے تو آپ کیا کریں گے؟

درحقیقت اینڈرائیڈ فونز میں اسٹوریج کی گنجائش ہر ماڈل میں مختلف ہوتی ہے جبکہ ان فنز میں ایسے آپشنز بھی ہوتے ہیں جو آپ کے ڈیٹا کے انتظام یا انہیں کلیئر کرنے میں مدد دیتے ہیں۔

سام سنگ گلیکسی ایس سیون یا چند دیگر اینڈرائیڈ فونز میں ایس ڈی کارڈ کے ذریعے اسٹوریج کو بڑھایا جاسکتا ہے جن میں وہ فائلز اور میڈیا وغیرہ رکھے جاسکتے ہیں جو ڈیوائس میں محفوظ رکھنا ممکن نہیں۔

مگر ہر اینڈرائیڈ فون میں یہ آپشن نہیں ہوتا اور اگر آپ کے فون میں بھی ایس ڈی کارڈ سلاٹ نہیں یا آپ اس کارڈ کے بغیر گنجائش بڑھانا چاہتے ہیں تو چند چیزوں پر عملدرآمد اس میں مدد دیتا ہے۔

اس کے لیے دو موثر طریقے ہیں۔

ایک تو ان ایپس کو ڈیلیٹ کردیں جو قابل استعمال نہیں مگر فون میں موجود رہ کر اسٹوریج پر بوجھ بنی ہوئی ہیں جبکہ اپ ڈیٹس کی بدولت وہ فون کے قیمتی اسپیس پر قبضہ کررہی ہیں۔

اسی طرح فوٹوز اور ویڈیوز کو آپ جلد نہیں دیکھنا چاہتے مگر انہیں محفوظ بھی رکھنا چاہتے ہیں تو ان کے لیے کلاﺅڈ سروسز جیسے گوگل فوٹوز یا ڈراپ باکس کا استعمال کریں۔

درحقیقت گوگل فوٹوز تو خودکار طور پر آپ کی میڈیا فائلز کو اپنے پاس محفوظ رکھنے کی سہولت فراہم کرتا ہے بس آپ کو اسے آن کرنا ہوتا ہے۔

ایمز ٹی وی(انٹرٹینمنمٹ) کھیل ہو یا فلم کی دنیا بعض اوقات اس میں داخل ہونے والا کسی باعث اپنا نام تبدیل کر لیتا ہے۔اکثر وہی نقلی نام قبولیت عامہ پاتا ہے اور لوگ اس کا اصل نام نہیں جان پاتے۔

دلیپ کمار:
مثال کے طور پر دلیپ کمار کو سبھی جانتے ہیں،مگر یوسف خان سے صرف ان کے جان نثار پرستار ہی واقفیت رکھتے ہیں۔پاکستان کی شوبز دنیا میں بھی ایسی شخصیات موجود ہیں جن کے اصلی ناموں سے لوگ واقف نہیں ۔

سپر سٹار شان:
پہلا نام سپر سٹار شان کا ہے۔ شان شاہد منفرد اداکاری، ماڈلنگ، ہدایت کاری کی بدولت اپنی صلاحیتوں کا لوہا منوا چکے۔ان کا اصل نام ارمغان شاہد ہے۔

میرا:
میرا پاکستانی فلمی صنعت کی معروف اداکارہ ہیں۔انھوں نے نہ صرف پاکستانی فلموں میں اپنی اداکاری کے جوہر دکھائے بلکہ بھارت کی فلموں میں بھی کام کیا۔ والدین نے ان کا نام ارتضیٰ رباب رکھا تھا لیکن فلموں میں آنے کے بعد انھیں اپنا نام تبدیل کرنا پڑا اور میرا کے نام سے مشہور ہوئیں۔

ریما خان:
پاکستانی فلم انڈسٹری کا خوبصورت چہرہ اور گلیمرس اداکارہ ریما خان ان دنوں ایک امریکی ڈاکٹر کے ساتھ شادی کر کے ہنسی خوشی ازدواجی زندگی گزار رہی ہیں۔ ریما خان کا اصل نام ثمینہ خان ہے ۔فلمی تقاضوں کے پیش نظر ان کا نام ریما رکھا گیا۔

عائزہ خان:
عائزہ خان ٹی وی ڈراموں کی نامور آرٹسٹ ہیں۔مگر یہ ان کا اصل نام نہیں۔ڈرامے کی دنیا میں قدم دھرنے سے قبل انھیں بھی اپنے اصل نام،کنزا خان کو تج کر نقلی نام اختیار کرنا پڑا۔

نبیل:
نوجوان اداکار نبیل نے ڈرامہ سیریل، دھواں سے شہرت کی بلندیوں کو چھوا۔ فیصل آباد سے تعلق رکھنے والے اس اداکار نے ہر طرح کے کرداروں میں ڈھل کر اپنے شائقین سے خوب داد سمیٹی۔ شوبز میں آنے سے پہلے اداکار نبیل کا نام ندیم ظفر تھا۔

نور:
اداکارہ نور کا نام ان کی شخصیت سے مماثلت رکھتا ہے۔یہ خوبرو اداکارہ نہ صرف بہت اچھی اداکارہ بلکہ بہت اچھی رقاص بھی ہے۔ان کا اصلی نام سونیا مغل ہے۔

رحیم شاہ :
موسیقی کو پسند کرنے والا ہر شخص گلوکار رحیم شاہ کے نام سے ناواقف ہوگا۔ رحیم شاہ نے اردو، پنجابی اور پشتو سمیت مختلف زبانوں میں سب کی من پسند گانے گائے ہیں۔ رحیم شاہ کا ہر گانا بہت مقبول اور زبان زد عام ہوا۔ان کا اصل نام محمد خان ہے۔ پشاور سے اپنے فنی سفر کا آغاز کرنے والا یہ گلوکار کراچی میں رہائش پذیر ہے۔

وینا ملک:
راولپنڈی میں جنم لینے والی اداکارہ وینا ملک ان چند پاکستانی اداکاروں میں شامل ہے جو ہمیشہ مختلف تنازعات میں گھری رہتی ہیں۔ بھارتی ٹی وی کے پروگرام بگ باس نے اسے شہرت کی بلندیوں پر پہنچا دیا ۔ موصوفہ ان دنوں شادی کے بعد امریکا میں رہائش پذیر ہے۔ وینا ملک کا اصل نام زاہدہ ملک تھا لیکن شوبز انڈسٹری میں آنے کے بعد اسے اپنا نام تبدیل کرنا پڑا۔

سمیع خان:
پاکستانی ٹی وی ڈراموں کے اداکار، سمیع خان اپنی دلکش اداکاری کی وجہ سے بہت نام کما چکے۔ لیکن ان کا اصل نام منصور علی خان نیازی ہے۔ انہوں نے بھی شوبز میں آ کر اپنا نام تبدیل کر لیا۔ان کا تعلق لاہور سے ہے۔

صبا قمر:
ٹی وی انڈسٹری کی منجھی ہوئی اداکارہ ،صبا قمر کے ساتھ بھی ایسا ہی معاملہ درپیش آیا۔ان کا اصل نام صباحت قمر تھا۔لیکن دوست احباب کی فرمائش پر انھوں نے صباحت کو مختصر کر کے اپنا نام صبا رکھ لیا۔

ایمزٹی وی(پشاور)وزیراعلیٰ خیبرپختونخواہ پرویز خٹک نے تحریک انصاف کے رہنماءضیاءاللہ آفریدی کے خلاف عدالت جانے کا اعلان کر دیا ہے۔

پرویز خٹک نے یہ فیصلہ ضیاءاللہ آفریدی کے الزامات کے بعد کیا جس میں انہوں نے خیبرپختونخواہ کے احتساب کمیشن کو ”پرویز خٹک کمیشن“ کہا تھا۔

پرویز خٹک نے عدالت سے رجوع کرنے کیلئے اپنے وکلاءسے مشاورت شروع کر دی ہے جبکہ ان کے خصوصی مشیر مشتاق غنی نے کہا ہے کہ احتساب کمیشن خودمختار ہے۔

ایمزٹی وی(کوئٹہ) تلور کے شکار کرنیوالے قطری شاہی خاندان کے قافلے پر پنجگور میں نامعلوم افراد نے حملہ کردیا

ذرائع کے مطابق بلوچستان کے ضلع پنجگور کے علاقے کچک میں تلور کا شکار کرنیوالے قطری شاہی مہمانوں کے قافلے پر نامعلوم افراد نے فائرنگ کر دی تاہم کوئی جانی نقصان نہیں ہوا، فائرنگ سے گاڑی کو جزوی نقصان پہنچاہے۔جوابی فائرنگ سے حملہ آور فرار ہو گئے۔

ایف سی حکام کا کہنا ہے کہ بلوچستان کے مختلف علاقوں میں نایاب پرندے تلور کے شکار کے لیے قطر کے شہزادے شیخ سیف بن زید النہیان موجود ہیں جن کا 30 سے 35 گاڑیوں پر مشتمل قافلہ پنجگور کے علاقے کچک سے گزر رہا تھا کہ نامعلوم ملزمان نے ان پر فائرنگ کر دی ۔قافلے کو سکیورٹی دینے والے ایف سی اور لیویز کے اہلکاروں نے جوابی فائرنگ کی جس کے بعد حملہ آور فرار ہو گئے۔

واقعے کے بعد سکیورٹی اہلکاروں نے علاقے کو گھیرے میں لے لیا ہے تاہم ابھی تک کوئی گرفتاری عمل میں نہیں آئی ہے۔ واضح رہے کہ پنجگور گوادر سے 400 کلومیٹر کے فاصلے پر ہے۔

۔

ایمز ٹی وی(مانیٹرنگ ڈیسک) کاملیا سنینسس سے بننے والی چائے کی اقسام میں سبز چائے کو خاص مقام حاصل ہے۔ کاملیا سنینسس (Camellia sinensis) اس لحاظ سے منفرد بوٹی ہے کہ اس کے ذریعے پانچ اقسام کی چائے بنتی ہے۔یہ جڑی بوٹی پہلے پہل مشرقی ایشیا میں ملتی تھی،اب بھارت وپاکستان سمیت دنیا کے کئی ممالک میں اگائی جاتی ہے۔

سبز چائے کا ایک بڑا فائدہ یہ ہے کہ اسے پینے سے ہم دن بھر چست و تندرست رہتے ہیں۔نیز یہ کئی امراض میں مفید ہے جن کا ذکردرج ذیل کیا گیا ہے۔ کوشش کی جائے کہ سبز چائے کو ہمیشہ قہوے کی شکل میں لیںاور اس میں دودھ کا استعمال نہ کریں۔ دودھ کے استعمال سے اس کا ذائقہ خراب ہو جاتا ہے۔ عام چائے اور کافی میں کیلوریز یا حراروں کی مقدار زیادہ ہوتی ہے جس سے ہمارا وزن بڑھ جاتا ہے۔

ان دونوں میں موجود کیفین ہمارے لیے نقصان کا سبب بھی بنتی ہے۔ اس کے برعکس سبز چائے میں کم کیلوریز ہوتی ہیں ۔لیکن اگر آپ اس میں دودھ اور چینی کا استعمال کریں گے تو پھر قدرتاً حرارے بڑھ جائیں گے۔لہذا کوشش کریں کہ اس کو بغیر چینی کے استعمال کریں۔ اگر آپ ذیابیطس کے مرض میں مبتلا نہیں تو سبز چائے میں شہد اور شکر کا استعمال کر سکتے ہیں۔

کوشش کیجیے کہ سبز چائے کو روزانہ اپنے کھانے کے دوران استعمال کریں۔ اس کا فائدہ یہ ہے کہ اول یہ قاعدہ آپ کے نظام انہضام کو بہتر بناتا ہے ۔یوں آپ کا کھانا جلد ہضم ہو جاتا ہے اور جسم کے مختلف حصوں میں چڑھی فالتو چربی بھی نکل جاتی ہے۔ایک تحقیق کے مطابق سبز چائے کا قہوہ شریانوں کی تنگی بھی دور کرتا ہے۔اس وجہ سے انسان دل کے دورے اور دیگر امراض قلب سے محفوظ رہتا ہے۔

جیسا کہ بتایا گیا،کافی اور عام چائے میں کیفین کی مقدار زیادہ ہوتی ہے۔اسی لیے ان کا استعمال کم سے کم کیجیے اور اپنی صحت بہتر بنانے کی خاطر سبزچائے کو فوقیت دیں ۔یوں آپ بار بار ڈاکٹر کے پاس جانے سے بچ جائیں گے۔سبز چائے آپ کے وزن کو بھی کم کرنے میں بھرپور مدد کرتی ہے۔

ذیل میں سبز چائے کے نمایاں فائدے پیش ہیں:

٭موٹاپے اور وزن میں کمی کرتی ہے۔
٭شریانوں میں موجود رکاوٹوں اور تنگی دور کرتی ہے۔
٭جسم میں برے کولیسٹرول میں کمی کا باعث بنتی ہے۔
٭دل کے امراض سے ہمیں بچاتی ہے۔
٭قہوے سے سرطان جیسے موذی مرض سے محفوظ رہتے ہیں۔
٭گھنٹیا کا مرض لاحق نہیں ہوتا۔
٭فوڈ پوائزنگ سے بچاتی ہے۔
٭دانتوں میں بننے والے جراثیم کا خاتمہ کرتی اور ان سے محفوظ رکھتی ہے۔
٭بلند فشار خون کو اعتدال میں رکھتی ہے۔
٭نظر اور یاداشت بہتر کرتی ہے۔
٭اس میں موجود کیلشیم ہماری ہڈیوں کو مضبوط بناتا ہے۔
٭ہماری جلد کے لیے فائدہ مند ہے۔
٭منہ کی بد بو ختم کرنے میں مدد کرتی ہے۔
٭شوگر کے مریضوں کے لیے بھی مفید ہے۔
٭جگر کے امراض سے محفوظ رہا جا سکتا ہے۔
٭الرجی کی مختلف اقسام سے بچاؤ ہوتا ہے۔
٭ذہنی دباؤ کم کرتی ہے۔
٭سبز چائے تمباکو نوشی کرنے والوں کیلئے فائدہ مند ہے۔

ہر غذا کی طرح سبز چائے کا حد سے زیادہ استعمال خطرناک ہے۔اس کو خاص طور پر نہار منہ استعمال نہ کریں۔اس کی وجہ سے سینے کی جلن اور تیزابیت ہوسکتی ہے۔مذید براں سبز چائے کا زیادہ استعمال انسان کو گردوں کے امراض میں مبتلا کر سکتا ہے۔ حاملہ خواتین سبز چائے استعمال نہ کریں تو بہتر ہے۔یوں ان کے حمل کو نقصان پہنچ سکتا ہے۔

ایمزٹی وی(اسلام آباد)وفاقی وزیرداخلہ چوہدری نثار علی خان کا کہنا تھا کہ وہ وفاقی کابینہ سے مطالبہ کریں گے کہ ایبٹ آباد کمیشن کی رپورٹ منظر عام پر لائی جائے۔
اسلام آباد میں پولیس اہلکاروں کی پاسنگ آؤٹ پریڈ کے بعد میڈیا سے بات کرتے ہوئے چوہدری نثارنے کہا کہ گزشتہ ڈیڑھ 2 سال میں ایف سی اوررینجرزپر75 ارب روپے خرچ کیے، ماضی میں بم دھماکے ہوتے رہے حکمران عوام کو میٹھی گولیاں دیتے رہے، پولیس کی تربیت کمانڈوز کی طرزپرکی گئی ہے، دہشت گردی کے واقعات میں کچہری کے وکلا بھی شہید ہوئے، مجھ پران کا کیا دباؤ ہوگا جن کے پلے کچھ نہیں اور مجھ پراگرکوئی دباؤ ہوا بھی تووہ بس میرے ضمیرکا ہوگا۔

وزیر داخلہ نے کہا کہ کابینہ میں مطالبہ کروں گا کہ ایبٹ آباد کمیشن کی رپورٹ پبلک کی جائے، سرے محل اورمحلات ہیں دبئی میں کیا ہم بھول گئے ہیں، جس شخص کی والدہ کانام پانامالیکس پرہے وہ دوسروں پربات کرتا ہے، عجب کرپشن کی غضب کہانی ہے جوجواب نہیں دیتے ، اچھا ہوتاوہ شخص کہتا کہ میری ماں کا کیس بھی سپریم کورٹ میں لے جایا جائے، پیپلز پارٹی کا کرپشن مخالف مہم چلانا ایسے ہے جیسے بھارت میں بی جے پی مسلمانوں کےحقوق کے لیے مہم چلائے۔

وزیرداخلہ چوہدری نثارعلی خان نے آئی جی سندھ پولیس اے ڈی خواجہ کے حوالے سے کہا کہ جبری رخصت پرگزشتہ روزایک انتہائی ایماندارآئی جی کا جوحال کیا گیا وہ بہت افسوس ناک ہے، ہمیں جب معلوم ہوا توہم نے آئی جی سندھ کو پیغام بھیجا لیکن وہ وفاق کے کہنے کے باوجود جبری رخصت پرچلے گئے لیکن اب چاہے وہ زبردستی گئے یا خود سے یہ کہہ نہیں سکتے، وہ بہت ایماندار ہیں اورسندھ میں بہت ساری تبدیلی ان ہی کی وجہ سے آئی ہے۔

اس سے قبل وزیرداخلہ چوہدری نثارنے تقریب سے خطاب کے دوران کہا کہ پولیس میں شامل ہونے والے پاکستان کا مان رکھیں، آپ نے قانون کی پاسداری کرنی ہے، اسلام آباد پولیس میں بہت بہتری آئی لیکن ابھی بھی بہت گنجائش ہے۔ ان کا کہنا تھا کہ اللہ تعالی کی رسی کو مضبوطی سے تھامے رکھواورمجرموں، چوروں، کارکنوں کے لیے زمین تنگ کردو، مجھے خوشی ہے آپ اس جہاد میں شامل ہورہے ہیں، ایک جوان سب کچھ بدل سکتا ہے اور وہ تم بھی ہوسکتے ہو، آپ کی ذمہ داری چھوٹی نہیں ہے، آپ کے ہاتھ میں اللہ تعالی نے انصاف کی چھڑی دے دی ہے۔

چوہدری نثار نے کہا کہ آپ نے ہمیشہ حلال کھانا اور انصاف کرنا ہے، میرہ التجا ہے کہ لوگوں کو انصاف دوگے ، دل میں اللہ کا خوف رکھو گے تو دنیا میں اورآخرت میں بھی فلاح پاؤ گے، آپ حکومت کے نہیں پاکستان کے ملازم ہیں اور حرام میں برکت اور سکون نہیں بس نیک نیتی اور انصاف میں سکون ہے۔

رینجرزکے حوالے سے ان کا کہنا تھا کہ رینجرزنے پولیس کے ساتھ مل کر اسلام آباد کو پر سکون بنانے میں اہم کردار ادا کیا ہے، اسلام آباد پولیس کو رینجرز کے نوجوانوں کو دیکھ کر اپنا معیار مزید تبدیل کرنا چاہیئے کیونکہ وہ بہترین طرح سے اپنی ذمہ داری سنبھالتے ہیں۔ چوہدری نثارنے کہا کہ مجھے کرائم ریٹ زیرو کے قریب چاہیئے،آپ دہشت گردی کے خلاف جنگ کے لیے تربیت لے چکے ہیں، دہشتگردی کے خلاف جنگ کا پہلا دستہ اسلام آباد پولیس کا ہے۔

وفاقی وزیر کا کہنا تھا کہ پولیس اہلکار ملک کے ساتھ وفاداری نبھائیں، آپ کی مراعات جتنی بھی ہوں کم ہیں، آپ سینہ سپرہوکر کام کرتے ہیں، آپ نے بہادری اور طاقت سے دہشت گردی کا مقبلہ کرنا ہے اور میں شہیدوں کے خاندانوں کو خراج عقیدت پیش کرتا ہوں جنہوں نے دہشتگردی کا قلع قمہ کیا۔ حکومتیں آنی جانی ہیں، پہلے دھماکے ہوتے رہے، حکومتیں خواب خرگوش کے مزے لیتی رہیں لیکن ہم نے اپنی حکومت میں ہمیشہ عملی کام کیا۔

ایمزٹی وی(تعلیم)کراچی یونیورسٹی پر مبینہ حملے کی سازش ناکام بنادی گئی،قانون نافذ کرنے والے ادارے نے نیشنل ہائی وے پر کاٹھور کے قریب سے 3مبینہ دہشت گرد گرفتار کرلیے، فرار کی کوشش میں ایک دہشت گرد مارا گیا ، ٹرک سے 10 کلو گرام دھماکا خیز مواد، 5 کلو بال بیئرنگ اور ڈیٹونیٹرز برآمد ہوئے۔

نیشنل ہائی وے پر کاٹھور کے مقام پر قانون نافذ کرنے والے ادارے نے دہشت گرد وں کی آمد کی خفیہ اطلاع پر ناکہ بندی کی ،اس دوران ایک منی ٹرک کو روکنے کی کوشش کی گئی تو ملزمان نے فائرنگ کرکے فرار ہونے کی کوشش کی ۔

فائرنگ کے تبادلے میں 4دہشت گردوں کو گرفتار کرلیا گیا ۔ پولیس کے مطابق تفتیش کے لیے منتقلی کے دوران ایک دہشت گرد عبدالامین نے فرار ہونے کی کوشش کی اور پولیس کی فائرنگ سے مارا گیا ۔

ذرائع کے مطابق دہشت گرد جامعہ کراچی پر خودکش حملے کی منصوبہ بندی کررہے تھے ، ملزمان ٹرک کے ذریعے خودکش حملہ کرنا چاہتے تھے ،ملزمان سے 10کلوگرام دھماکا خیز مواد،5کلوبال بیئرنگ،ڈیٹونیٹر بھی برآمدکرلیے گئے ، ملزمان سے ملنے

ایمزٹی وی(تعلیم/ پنجاب)گوجرانوالہ میں چھٹی جماعت کے طالب علم نے امتحانات میں کم نمبر آنے پر والدین کی ڈانٹ ڈپٹ کے خوف سے خود کو گولی مار لی ۔

ذرائع کے مطابق گوجرانوالہ کے علاقے فیصل ٹاﺅن کے رہائشی 13سالہ اسامہ کے امتحانات میں کم نمبر آئے جس پر والدین کی ڈانٹ ڈپٹ سے خوفزدہ ہو کر اس نے خود کوگولی مار لی جس کے بعد اسے تشویشناک حالت میں سول ہسپتال منتقل کیا گیا ۔

اسامہ کے کلاس فیلو ز کا کہنا ہے کہ اس کے امتحانات میں کم نمبر آئے تھے جس سے وہ کچھ روز سے شدید پریشان تھا ۔انہوں نے بتا یا اسامہ گزشتہ روز اپنے والد کا پستول اسکول لے کر آیا اور اپنے دوستوں کو دھمکی دی کہ اگر کسی نے اساتذہ کو بتا یا تو گولی ماردوں گا ،اسامہ دوسرے روز بھی اسکول میں پستول لے کر آیا اور دوستوں کے سامنے اپنے سینے پر پستول رکھ کر فائر کردیا جس سے وہ شدید زخمی ہو گیا ۔ڈاکٹروں کا کہنا ہے کہ اب اسامہ کی حالت خطرے سے باہر ہے ۔

ایمزٹی وی(اسلام آباد) وزیراعظم نواز شریف کا کہنا ہے کہ دہشت گردی پوری دنیا کی مشترکہ دشمن ہے لہذا پوری دنیا کو اس کے خاتمہ کےلیے مل کر کام کرنا ہو گا۔
وزیراعظم نوازشریف نے جرمنی کے شہر برلن میں کرسمس کی مناسبت سے قائم مارکیٹ میں دہشت گرد حملے کی مذمت اور قیمتی انسانی جانوں کے ضیاع پر شدید افسوس کا اظہار کیا ہے، انہوں نے کہا ہے کہ پاکستانی عوام دکھ کی اس گھڑی میں جرمن عوام کے ساتھ ہی۔

وزیراعظم کا کہنا تھا کہ پاکستان بھی دہشت گردی سے بری طرح متاثر ہوا ہے اور اس کے خاتمے کے لیے ہر ممکن اقدام اٹھایا جا رہا ہے۔ دہشت گردی پوری دنیا کی مشترکہ دشمن ہے، دنیا کو دہشت گردی کے خاتمہ کےلیے مل کر کام کرنا ہو گا۔

ایمز ٹی وی (انٹرٹینمنٹ) پاکستانی اداکارہ ماہرہ خان نے پاکستانی ڈراموں میں شانداراداکاری کرکے خوب داد حاصل کی اوراب اداکارہ جلد ہی بالی ووڈ میں اداکارہ شاہ رخ خان کے ساتھ فلم “رئیس” میں ڈیبیو کرتی بھی نظرآئیں گی لیکن اب ایک قدم اورآگے بڑھتے ہوئے اداکارہ نے ایشیا کی پرکشش خواتین کی فہرست میں بھی جگہ بنالی ہے۔

برطانوی جریدے “ایسٹرن آئی” کی جانب سے ایشیا کی پرکشش ترین خواتین کے چناؤ کے لیے ایک سروے کرایا گیا، سروے میں ووٹ ڈالنے کے لیے ایک بڑی تعداد نے حصہ لیا۔ سروے کے نتائج کے مطابق پاکستانی اداکارہ ماہرہ خان نے فہرست میں نویں نمبرپرجگہ بنائی ہے جب کہ ماہرہ فہرست میں واحد پاکستانی بھی ہیں۔

فہرست میں پہلے نمبرپراداکارہ دپیکا پڈوکون، دوسرے نمبرپرپریانکا چوپڑا، تیسرے نمبرپرٹی وی اداکارہ نیا شرما، چوتھے نمبرپرٹی وی دھرشتی شرما جب کہ 5 ویں نمبرپرادکارہ عالیہ بھٹ شامل ہیں۔ چھٹے نمبرپرماڈل واداکارہ سنایا ایرانی، ساتویں نمبرپراداکارہ کترینہ کیف، آٹھویں نمبرپرسونم کپور، نویں نمبرپرپاکستانی اداکارہ ماہرہ خان جب کہ دسویں نمبرپرماڈل واداکارہ گوہرخان شامل ہیں۔