ایمزٹی وی(حب) درگاہ شاہ نورانی کو زائرین کے لئے کھول دیا گیا ۔12 نومبر کوہونے والے خودکش حملے کے 40روز بعد درگاہ شاہ نورانی کو دوبارہ کھول دیا گیا ہے تاہم سیکیورٹی سخت کر دی گئی ہے اور زائرین کو مکمل تلاشی کے بعد مزار پر جانے کی اجازت دی جا رہی ہے ۔ ایف سی کے جوان درگاہ کے اطراف سیکیورٹی پرتعینات ہیں۔

ذرائع کا کہنا ہے کہ خودکش بم حملے کے بعد تمام مرمتی کام مکمل کر لیا گیا ہے اور مستقبل کیلئے سیکیورٹی پلان بھی ترتیب دیا گی ۔یاد رہے12 نومبر کو درگاہ پر دھمال ڈالی جا رہی تھی کہ اس دوران ایک خودکش حملے میں خواتین سمیت درجنوں افراد جاں بحق ہوگئے تھے۔

ایمزٹی وی(اسپورٹس) ٹیسٹ ٹیم کے کپتان مصباح الحق نے آئی سی سی اسپرٹ آف کرکٹ ایوارڈ جیت لیا ۔
ذرائع کے مطابق قومی ٹیسٹ ٹیم کے کپتان مصباح الحق کو بہترین رویے پر آئی سی سی کی طرف سے اسپرٹ آف کرکٹ ایواڈ سے نوازا گیا ہے ۔
انہیں یہ ایوارڈ بطور ٹیسٹ کپتان کھلاڑیوں سے اچھے رویے پر دیا گیا ہے.ماضی میں یہ ایوارڈ دھونی ، جے وردنے ، ویٹوری اور مے کیلم کو دیا جا چکا ہے ۔

جنوبی افریقہ کے ماریس ایرسمس کو آئی سی سی کی جانب سے بہتری امپائر قرار دیا گیا ہے ۔مصباح الحق نے اپنے بیان میں کہا ہے کہ ہم ہمیشہ مثبت ذہن کے ساتھ کرکٹ کھیلتے ہیں ۔

ایمز ٹی وی( انٹر ٹینمنٹ) فرا نس میں منعقدہو نے والے مقابلہ مس ایلیگینٹ اور میڈم ایلیگینٹ میں پاکستانی منڈی بہائوالدین سے تعلق رکھنے والی خاتون "تبسم سلیم" نے میڈم ایلیگینٹ 2017کا خطاب جیت لیا ہے۔

تفصیلات کے مطابق یہ مقابلہ ہر سال فرانس میں منعقد کیا جاتا ہے جس میں خوبصورت مگر نفیس خواتین انتخاب کیا جاتا ہے۔

یہ ایونٹ فحاشی سے پاک ہو تا ہے اس وجہ سے اعلیٰ سرکاری عہدے پر فائز "تبسم سلیم' نے اس میں شرکت کی اور میڈیم ایلیگینٹ کا اعزاز جیت کر ملک کا نام روشن کیا ہے۔

ایمزٹی وی(کراچی) پاکستان پیپلز پارٹی کے چیئرمین بلاول بھٹو زرداری نے آرٹس کونسل میں نفیسہ شاہ کی کتاب کی تقریب رونمائی سے خطاب کرتے ہوئے کہا ہے کہ لاہور میں لڑکی کی ماں نے اس کو زندہ جلادیا،نفیسہ شاہ نے جس مسئلے پر لکھا ہے وہ پاکستان کا سب سے بڑا مسئلہ ہے،خواتین پر تشدد افسوسناک ہے ذمہ داروں کو سزادلانے کا نظام لانا ضروری ہے۔

انہوں نے کہا ہے کہ بے نظیر بھٹو کی شہادت پر انصاف نہیں ملا،خواتین پر سماجی اور اخلاقی طور پر تشدد کیاجاتاہے،مختلف علاقوں میں خواتین کوقتل کیاجارہاہے،پاکستان انسانی حقوق سے متعلق مسائل کاسامناکررہاہے،جب مجھے میری ماں کا انصاف نہیں ملا تو لوگوں کو کیسے ملے گا۔

انہوں نے کہا ہے کہ ہمارے قانونی نظام میں سقم ہے،ہمیں قانون نہیں ذہنوں کو تبدیل کرنا ہوگا،ہم قانون تو تبدیل کرتے رہتے ہیں مگرعملدرآمدہوتانظرآناچاہیے،غیرت کے نام پر قتل کا جواز پیدا کرنا افسوسناک ہے،کراچی:قوانین پرمزید موثرانداز میں عمل درآمد کی ضرورت ہے، خواتین پر تشدد کےخلاف قانون سخت ہو،سزاکویقینی بنایاجائے،ہم محترمہ بینظیربھٹو کےساتھ انصاف نہیں کرسکے،غیرت کےنام پرقتل کاجواز پیش کرناافسوسناک ہے،خواتین کےقتل اوران پرتشدد کاکوئی جوازپیش نہیں کیاجاسکتا۔
انہوں نے کہا ہے کہ ملالہ یوسفزائی کو لڑکیوں کی تعلیم پرکام کرنے پرگولی ماری گئی،اقوام متحدہ کی فہرست میں خواتین پرتشددسے متعلق پاکستان 142 ویں نمبرپرہے،سندھ میں 2قوانین تیاری کے مراحل میں ہیں۔

ایمزٹی وی(تعلیم/ کراچی) چیئرمین انٹربورڈ پروفیسر انعام احمد اور ناظم امتحانات محمد عمران خان چشتی نے کہا ہے کہ اساتذہ کے تعاون سے پیپر بنانے سے لے کر نتائج کے اعلان تک فول پروف نظام بنائیں گے، 2017ء کے امتحانات کی تیاری کے سلسلے میں تسلسل سے میٹنگز اور سیمینارز منعقد کیے جائیں گے۔ ان خیالات کا اظہار انہوں نے انٹربورڈ کے زیر اہتمام "Qualitative Assessment" کے موضوع پر پیپرز سیٹرز، ماڈریٹرز اور کوایگزامنرز کے سیمینار سے خطاب کرتے ہوئے کیا۔اس موقع پر سیکرٹری بورڈ عظیم احمد اور اساتذہ کی کثیر تعداد موجود تھی۔

چیئرمین انٹربورڈ پروفیسر انعام احمد نے اس موقع پر خطاب کرتے ہوئے کہا کہ امتحانی نظام بہتر بنانے کیلئے جدید سافٹ ویئر اور ٹیکنالوجی کا استعمال کیا جائے گا، طالب علموں کا مستقبل امتحانی کاپیوں کی درست طریقے سے جانچ سے وابستہ ہوتا ہے، اساتذہ کو کاپیاں جانچتے ہوئے ایوریج مارکنگ نہیں کرنی چاہئے یہ طالب علم کے ساتھ بڑا ظلم ہوتا ہے، اکثر اساتذہ کاپیاں جانچتے ہوئے بہت ذمہ داری کا مظاہرہ کرتے ہیں،زیادہ تر بورڈز آٹومیشن کی طرف جارہے ہیں ہمیں بھی اس جانب قدم بڑھانا ہوگا، امتحانی کاپیاں جانچنے کے معیار سے متعلق اکثر طلباء کو شکایت ہوتی ہے، اساتذہ امتحانی عمل بہتر بنانے کیلئے اپنی تجاویز سے آگاہ کریں، ایگزامنرز خصوصاً پیپر سیٹرز کو بہت زیادہ ذمہ داری کا مظاہرہ کرنا ہوگا۔

ناظم امتحانات محمد عمران خان چشتی نے اپنے خطاب میں کہا کہ امتحانی پرچوں اور کاپیاں جانچنے کے عمل میں بہتری اساتذہ کے تعاون کے بغیر ممکن نہیں ہے، ماڈل پیپرز کا اطلاق اسی سال سے کیا جائے گا، امتحانی پرچوں کو مکمل ایم سی کیوز پر مشتمل کرنا چاہتے ہیں، ایک وقت ایسا بھی آئے گا جب اوپن بک امتحان کروائیں ، ماڈل پیپر بنانے کا فیصلہ میرا ذاتی تھا، ماڈل پیپرز بناتے وقت بھی تمام اساتذہ کو کردار ادا کرنے کی دعوت دی تھی، کوشش ہے 2017ء میں ہر امتحانی پرچے پر امتحانی مرکز کا نام تحریر ہو، امتحانی کاپیوں پر بارکوڈ لگایا جارہا ہے،کاپیاں جانچنے کیلئے اساتذہ کی رجسٹریشن کی جائے گی، کاپیاں جانچنے کیلئے سینٹرز میں اضافہ کیا جارہا ہے۔ عمران خان چشتی نے مزید کہا کہ اساتذہ پرچے بہتر بنانے اور کاپیاں جانچنے کے عمل کو بہتر بنانے کیلئے تجاویز دیں، اساتذہ کے تعاون سے امتحانی پرچوں کا معیار بہتر بنائیں گے

ایمزٹی وی(تعلیم/ سندھ) جامعہ سندھ نے ملتوی شدہ پرچوں کی نئی تاریخ کااعلان کرد یا۔

جامعہ سندھ جام شورو کے ناظم امتحانات (سالانہ) کی جانب سے جاری کردہ اعلامیہ کے مطابق گورنمنٹ گرلز کالج بدین میں ایم اے (فائنل) کا 17 دسمبر 2016ءکو ملتوی شدہ پیپر ون اب بدھ 28 دسمبر 2016ءکو لیا جائے گا

ایمزٹی وی(اسپورٹس)پاکستان کرکٹ ٹیم کے سابق کپتان اور سوئنگ کے سلطان وسیم اکرم نے کہا ہے کہ برسبین ٹیسٹ میں پاکستان نے بہت اچھا فائٹ بیک کیا،لیکن حد سے زیادہ پراعتماد ہونے کی ضرورت نہیں ، اسد شفیق کو چھٹے نمبر سے نہ ہٹایاجائے۔

میڈیا  سے خصوصی بات چیت میں انہوں نےکہا کہ ٹیم پاکستان کو یاد رکھنا چاہیے کہ آسٹریلیا نے میچ میں کامیابی حاصل کی ہے اور وہ میزبان ہے ،بھرپور انداز میں اٹیک کرسکتا ہے۔
اسد شفیق کے بارے میں پوچھے گئے سوال پر وسیم اکرم کا کہنا تھا کہ وہ چھٹے نمبر کا اسپیشلسٹ بیٹسمین بن گیا ہے ،اسے وہاں سے ہٹانا نہیں چاہیے

ایمزٹی وی(تجارت)اوپن مارکیٹ میں ڈالر کی قدر میں 5پیسے کی کمی واقع ہوئی ہے جس کے بعد اس کی قیمت 108روپے 30پیسے ہو گئی ہے ۔

تفصیلات کے مطابق کاروباری ہفتے کے تیسرے روز اوپن مارکیٹ میں ڈالر کی قدر میں 5پیسے کا اضافہ ہوا جس کے بعد اس کی قیمت خرید 107روپے 75پیسے جبکہ قیمت فروخت 108روپے 30پیسے ہو گئی ہے ۔دوسری جانب انٹر بینک مارکیٹ میں ڈالر کی قدر میں کوئی ردو بدل نہ ہوا اور اس کی قیمت خرید 104روپے 40پیسے جبکہ قیمت فروخت 104روپے 60پیسے کی سطح پر برقرار ہے

ایمزٹی وی(تجارت)کاروباری ہفتے کے تیسرے روز پاکستان اسٹاک ایکسچینج میں منفی رجحان رہا اور کے ایس ای 100انڈیکس 46ہزار 993پوائنٹس کی سطح پر آگیا ۔

تفصیلات کے مطابق پی ایس ایکس میں آج منفی رجحان رہا اور کے ایس ای 100انڈیکس 216پوائنٹس کی کمی کے بعد 46ہزر 993پوائنٹس کی سطح پر آگیا ۔پی ایس ایکس میں آج 17کروڑ 68لاکھ 10ہزار 70شیئرز کا کاروبار ہوا جن کی مارکیٹنگ ویلیو 16ارب 82کروڑ 58لاکھ 29ہزار 168روپے تھی ۔

کے ایس ای 100انڈیکس میں آج مجموعی طور پر 399کمپنیوں نے کاروبار کیا جن میں سے
273کمپنیوں کے شیئرز کی ویلیو میں کمی ،108کمپنیوں کے شیئرز کی ویلیو میں اضافہ جبکہ 18کمپنیوں کے شیئرز کی ویلیو اپنی سطح پر مستحکم رہی ۔