ایمز ٹی وی(انٹر ٹینمنٹ) آسکرایوارڈ یافتہ فلم میکر شرمین عبید چنائے سو ئٹز لینڈ کے شہر ڈیوس کلوسٹر زمیں جنوری 2017میں ہونے والی47ویں سالانہ معاشی فورم کی مشترکہ صدارت کریں گی۔جوکہ 17جنوری سے شروع ہوکر 20جنوری تک جاری رہے گی۔

یہ فورم "رسپا نسیبل لیڈر شپ 'کے موضوع پر ہو گی اس اجلاس میں سال 2017کو دنیا کو درپیش آنے والے 5 چیلنجززِیر غور آئیں۔جن میں عالمی تعاون میں بگاڑ ،شناخت کا خاتمہ،سست اقتصادی ترقی ، سرمایہ دارانہ نظام میں بحران اور قریب آتے چوتھے صنعتی انقلاب کی تیا ری کے موضوعات شامل ہیں۔
واضع رہے کہ شرمین عبید ایوارڈ حاصل کر نے کے ساتھ خواتین اور انسانی حقوق پر عالمی سطح پر کام کرنے میں مو¾ثر کردار ادا کیا ہے۔

ایمز ٹی وی (انٹر ٹینمنٹ)قومی ترا نے کے خالق نامور شاعر ابوالاثر حفیظ جا لند ھری کی 34 ویں بر سی آج 21دسمبر کو منا ئی جا رہی ہے۔ ابوالاثر حفیظ جا لند ھری 14 جنوری 1900کو بھا رت کے علاقے جا لند ھر میں پیدا ہوئے۔

آپ نے تحریک ِ پاکستان میں بھی بھر پور حصہ لیا اور اپنی انقلابی شاعری سے تحر یک ِ آزادی کو اُجا گر کیا۔ آزاد کشمیر کا قو می ترانہ "وطن ہمارا آزاد کشمیر"بھی ابوالاثر حفیظ جا لند ھری نے ہی تحر یر کیا ہے۔

آپ کی ملی خدمات پر آپ کو تمغہ حسن ِکارکردگی اور ہلالِ امتیاز بھی دیا گیا ۔ ابوالاثر حفیظ جا لند ھری 21دسمبر1982 کو 82 برس کی عمر میں خالقِ حقیقی سے جا ملے۔

ایمزٹی وی(اسلام آباد) دہشت گردوں سے نمٹنے کے لئے بنائے گئے نیشنل ایکشن پلان پر اس کی روح کے مطابق عملدرآمد نہیں کیا جا سکا ہے جب کہ دہشت گردوں کے خلاف کامیاب آپریشن تو کیے گئے مگر سہولت کاروں اور مالی معاونت کرنے والوں کو ابھی گرفت میں نہیں لیا جا سکا ہے۔

تفصیلات کے مطابق پشاور میں آرمی پبلک اسکول پر حملے کے بعد کل جماعتی کانفرنس بلا کر دہشت گردوں کے خلاف نتیجہ خیز کارروائی کا فیصلہ کیا گیا جس کے بعد سیاسی و عسکری قیادت نے مل کر نیشنل ایکشن پلان بنایا جس کے تحت فوجی عدالتوں کو فعال بنا کر درجنوں گرفتار دہشت گردوں کو کیفر کردار تک پہنچا دیا گیا۔ سول اور ملٹری فورسز نے دہشت گردوں کے خلاف ملک بھر میں کامیاب کارروائیاں کیں اور کومبنگ آپریشن شروع کیے جس سے دہشت گردی کے واقعات میں نمایاں کمی آئی۔

قانون نافذ کرنے والے ادارے جہاں بھرپور کارروائیاں کررہے ہیں وہاں انتظامیہ اپنے حصے کا کام پورا کرنے میں کامیاب نہیں ہو سکی نہ ہی نیکٹا فعال ہوا اور نہ ہی مدارس کو فنڈنگ پر جوابدہی کے لیے راضی کیا جا سکا۔ اس کے علاوہ دینی مدارس میں اصلاحات نیشنل ایکشن پلان کا سب سے اہم جزو تھا، مدارس کی رجسٹریشن 90 فیصد مکمل ہو چکی ہے تاہم مدارس ابھی تک آڈٹ کر وانے کے لیے راضی نہیں ہوئے۔ انسداد دہشت گردی فورس صرف پنجاب میں قائم کی گئی ہے کیونکہ دوسرے صوبوں میں فنڈز کےمسائل ہیں۔

نیکٹا کے تحت جوائنٹ انٹیلی جنس ڈائریکٹوریٹ قائم کیا جانا تھا جو تاحا ل قائم نہیں ہو سکا ۔وزیر اعظم کی بنائی گئی لیگل ریفارمز کمیٹی بھی فوجداری اور دیوانی قوانین میں اصلاحات کا عمل مکمل نہیں کر پائی۔

ایمز ٹی وی (مانیٹرنگ ڈیسک) ایپل آئی فون کے چاہنے والوں کے لیے اچھی خبر یہ ہے کہ ایپل نے ڈبل سم موبائل فون تیار کرنے کے حوالے سے غور شروع کر دیا ہے۔ ایپل نے امریکہ اور چائنا میں ڈبل سم والے موبائل فون بنانے کے حقوق حاصل کرنے کے لیے درخواست دائر کرنے کا آغاز کر دیا ہے۔

ایپل آئی فون کی مختلف ممالک میں خریداری میں کمی کی بڑی وجہ ایسے صارفین (خاص طور پر چائنا اور انڈیا کے صارفین) بنتے ہیں جو دو سموں اور زیادہ موبائل سٹوریج کا استعمال کرتے ہیں۔ جس کے بعد ایپل نے ڈبل سم موبائل متعارف کرانے بارے غور شروع کر دیا ہے۔

واضح رہے کہ امریکن پیٹنٹ اینڈ ٹریڈ مارک آفس کی جانب سے ایپل کو ڈبل سم والے موبائل فون بنانے کے خصوصی حقوق کی درخواست قبول کر لی گئی ہے۔
کاغذات میں تجویز دی گئی ہے کہ ڈبل سم سلاٹ ایک آئی فون میں دو موبائل سموں کے استعمال کے لیے لگائی جائے گی۔

ڈبل سم والے موبائل فون کے حقوق حاصل کرنے کے لیے کاغذات چین کی ریاستی انٹیلیکچول پراپرٹی آفس میں اسی سال مارچ میں جمع کرائے گئے تھے جو کہ ستمبر میں منظرعام پر آئے تھے جس میں ایک آئی فون میں دو سموں کے استعمال کی تجویز دی گئی ہے۔

بہرحال دو سموں والے فون کی تیاری کے بارے میں ابھی کچھ کہنا قبل ازوقت ہو گا کیونکہ اجازت ملنے کے بعد یہ ضروری نہیں کہ ایپل اپنے آنے والے آئی فونز میں اس ٹیکنالوجی کو استعمال بھی کرے گا۔

ایمزٹی وی(کوئٹہ)کمانڈر سدرن کمانڈ لیفٹیننٹ جنرل عامر ریاض نے کہا ہے کہ اگر بھارت دشمنی چھوڑ دے تو پاک، چین اقتصادی راہداری منصوبے سے فائدہ اٹھا سکتا ہے۔
تفصیلات کے مطابق ایف سی ہیڈ کوارٹر کوئٹہ میں آپریشن ایکسیلینس ایوارڈ کی تقریب سے خطاب کرتے ہوئے لیفٹیننٹ جنرل عامر ریاض نے کہا کہ دہشت گردوں کے خلاف کامیاب آپریشن سے بلوچستان میں امن اور ترقی آ رہی ہے، سی پیک ایک حقیقت کا روپ دھار رہا ہے۔

انہوں نے کہا کہ پاک، چین اقتصادی راہداری منصوبے سے پاکستان کے اردگرد موجود تمام ممالک فائدہ اٹھائیں گے اور اگر بھارت دشمنی چھوڑ دے تو وہ بھی اس سے فائدہ اٹھائے۔
کمانڈر سدرن کمانڈ نے شرپسندی پھیلانے والے عناصر کو واضح پیغام دیتے ہوئے کہا کہ اگر کوئی کسی دشمن کے بہکاوے میں آ کر یا پیسے لے کر بلوچستان میں بدامنی پھیلانے کی کوشش کرے گا تو اس کا انجام بھی یہی ہو گا جو آج کل دہشت گردوں کا ہوا ہے۔

ایمز ٹی وی(صحت) لیزر تھراپی کو گہرے سمندر سے اخذ کردہ تریاق کے ساتھ تجرباتی طور پر استعمال سے مردوں میں بغیر آپریشن پراسٹیٹ غدود کے کینسر کو ختم کرنے کا مشاہدہ کیا گیا ہے۔

ذرائع کے مطابق مردوں میں پراسٹیٹ غدود کے ایک کم خطرناک کینسر کے بغیر آپریشن علاج کے دوران ڈاکٹروں نے گہرے سمندر کے اندر پائے جانے والے جراثیموں سے اخذکردہ نسبتاً کم حساسیت والا ایک ٹیکہ مریض کے خون میں شامل کیا، جس کے باعث تجرباتی عمل کے دوران سرطان زدہ خلیے ماردیئے گئے۔

تجرے کے دوران صحت مند بافتوں کو کوئی نقصان نہیں پہنچا تھا۔ رپورٹ کے مطابق413 مریضوں پر تجرباتی عمل کے دوران نتائج سے معلوم ہوا کہ یہ دوا جو پراسٹیٹ غدود میں کینسر زدہ گومڑ کو لیزر کے ساتھ متحرک ہو کر تباہ کردیتی ہے۔

اس قدر موثر ہے کہ ان میں سے آدھے مریضوں کو بہ نسبت کنٹرول گروپ میں 13اعشاریہ 5فیصدکے ساتھ آفاقہ ہوگیا تھا۔ مارک ایمبرٹن یونیورسٹی کالج لندن کے ماہر سرطان، جو اس تجرباتی عمل کے سربراہ بھی رہے ہیں۔

ان کا کہنا ہے کہ یہ نتائج ایسے مردوں کے لئے انتہائی اچھی خبر ہے جو ابتدائی مقامی پراسٹیٹ کینسرمیں مبتلا ہیں۔ انہیں اس علاج کی پیشکش کی جاتی ہے، جو پراسٹیٹ کو ہلائے جلائے بغیر یا اسے تباہ کیے بغیر کینسر کو ختم کرسکتے ہیں۔

ایمز ٹی و ی(کھیل) ہندوستان نے رویندرا جدیجا کی تباہ کن باؤلنگ کی بدولت انگلینڈ کو چوتھے ٹیسٹ میچ میں اننگز اور 75 رنز سے شکست دے کر سیریز میں 4-0 سے کامیابی حاصل کر لی۔

چنائے میں کھیلے جا رہے سیریز کے پانچویں اور آخری ٹیسٹ میچ کے آخری دن انگلینڈ نے 12 رنز بغیر کسی نقصان سے اپنی بیٹنگ دوبارہ شروع کی تو ایلسٹر کک اور کیٹن جیننگز نے پراعتماد میں اننگز کا آغاز کیا۔

دونوں کھلاڑیوں نے پہلی وکٹ کیلئے 103 رنز جوڑ کر ہندوستانی کپتان کے میچ جیتنے کی امیدوں پر پانی پھیرنے کی کوشش کی لیکن رویندرا جدیجا نے باؤلنگ پر آ کر ان کی اس امید کو دوبارہ زندہ کردیا۔

کھانے کے وقفے تک کسی بھی وکٹ سے محروم نہ ہونے والی انگلش ٹیم یکے بعد دیگرے ایلستر کک، کیٹن جیننگز، جو روٹ اور جونی بیئر اسٹو سے محروم ہو گئی۔

معین علی اور بین اسٹوکس نے اس مشکل مرحلے پر ٹیم کو سنبھالا دیا اور 63 رنز کی شراکت قائم کر کے اپنی ٹیم کو مشکلات سے نکالنے کی کوشش کی لیکن جدیجا نے ایک بار پھر باؤلنگ پر آ کر 44 رنز بنانے والے معین کی اننگز کا خاتمہ کردیا۔

اس کے ساتھ ہی وکٹیں گرنے کا ایسا سلسلہ شروع ہوا جو دوبارہ رک نہ سکا۔

ایک رن بعد ہی جدیجا نے بین اسٹوکس کو ٹرپل سنچری بنانے والے کرن نائر کے ہاتھوں کیچ کرا کر انگلینڈ کو کاری ضرب لگائی۔

امیت مشرا اور امیش یادو نے لیام ڈاسن اور عادل راشد کو آؤٹ کر کے اپنی ٹیم کو فتح کے مزید قریب پہنچا دیا۔

رویندرا جدیجا نے کرس براڈ اور جیک بال کا صفایا کر کے انگلش ٹیم کی بساط 207 رنز پر کپیٹنے کے ساتھ ساتھ اپنی ٹیم کو میچ میں اننگز اور 75 رنز کی شاندار فتح سے ہمکنار کرا دیا۔

آل راؤنڈر نے عمدہ باؤلنگ کا مظاہرہ کرتے ہوئے 48 رنز کے عوض سات وکٹیں حاصل کیں۔

اس میچ میں فتح کی بدولت ہندوستان نے سیریز 4-0 سے اپنے نام کر لی۔

ٹرپل سنچری بنانے والے کرن نائر کو میچ کا بہترین کھلاڑی قرار دیا گیا جبکہ سیریز میں 655 رنز بنانے والے ہندوستانی کپتان ویرات کوہلی سیریز کے بہترین کھلاڑی قرار پائے۔

ایمزٹی وی(گوادر) وزیراعلیٰ پنجاب شہبازشریف کا کہنا ہے کہ 70 سال کے دوران بلوچستان کو نظر انداز کیا گیا اوراسی وجہ سے بلوچ عوام کو وفاق سے جائز شکایت ہوئیں۔
لاہورمیں بلوچستان کے ساحلی شہرگوادرسے تعلق رکھنے والے طلبا سے خطاب کرتے ہوئے شہبازشریف نے کہا کہ بلوچستان کے بغیرپاکستان نا مکمل ہے، 70 سال کےدوران بلوچستان کونظراندازکیا گیا، بلوچستان کے عوام کووفاق سے جائزشکایت ہوئیں، بلوچستان کی جائزشکایات دورکرنا وفاق کی ذمےداری ہے اوررہے گی۔

وزیراعلیٰ پنجاب نے کہا کہ چاروں صوبے 4 بھائی ہیں جب کہ گلگت بلتستان اور آزاد کشمیر ملا کر ہم ایک کنبہ ہیں جس کا سربراہ وفاق ہے، ماضی میں پنجاب کوبڑا بھائی کہہ کر طعنہ زنی کی جاتی رہی لیکن اب ہمیں آگے بڑھنا ہے، بلوچستان کی شکایات کو حالیہ برسوں میں دور کیا گیا ہے، این ایف سی ایوارڈ 10-2009 میں بلوچستان کو پہلی بار سب سے زیادہ فنڈزدیے گئے، پنجاب نے اپنے حصے کے 11 ارب روپے بلوچستان کی جائز ضروریات پوری کرنے کے لیے دیے۔

ایمز ٹی وی(صحت) ملیر میں پھیلے پراسرار بخار کے متاثرہ افراد کی تعداد کم ہونے لگی،24گھنٹے کے دوران لائے گئے 100میں سے بیشتر مریض طبی امداد کے بعد فارغ کردئیے گئے۔

کراچی کے علاقے ملیر میں پھیلنے والی مشکوک بیماری کی شدت میں کمی آنا شروع ہوگئی ہے، مرض کے باعث گزشتہ 24 گھنٹوں کے دوران 100 افراد متاثر ہوئے۔

دوسری جانب محکمہ صحت کو مرض کی تشخیص کے حوالے سے بھیجے گئے خون کے نمونوں کا انتظار ہے۔اسپتال ذرائع کے مطابق مرض سے متاثر ہونے والے افراد میں بچے اور خواتین بھی شامل ہیں، جنہیں طبی امداد دینے کے بعد اسپتال سے روانہ کردیا گیا ہے۔

ایم ایس سعودآباد گورنمنٹ اسپتال ڈاکٹر ریحانہ باجوہ کے مطابق مریضوں کے لئے خصوصی ڈیسک قائم کردی گئی ہے جہاں مریضوں کو مکمل معلومات فراہم کی جارہی ہے۔

ایم ایس اسپتال ڈاکٹر ریحانہ باجوہ کے مطابق تیز بخار اور جوڑوں میں درد میں مبتلا مریضوں کو ادویات کی فراہمی کے ساتھ ان کے خون کے نمونے بھی لیے جاچکے ہیں۔

مرض کی تشخیص کے لئے خون کے نمونے قومی ادارہ صحت اسلام آباد اور نجی اسپتال پہنچا دیے گئے ہیں۔ حکام کے مطابق مریضوں کی تعداد میں اب کمی واقع ہورہی ہے۔

ذرائع کے مطابق اسپتال میں ایک ماہ کے دوران اس نامعلوم بیماری میں مبتلا 30 ہزار مریضوں کو طبی امداد فراہم کی جاچکی ہے۔

ایمز ٹی وی (مانیتڑنگ ڈیسک) واٹس ایپ اور فیس بک میسنجر کی حریف اپلیکشن وائبر نے ایک نئے انداز کے ویڈیو فیچر کو متعارف کرا دیا ہے جس کے ذریعے ایپ سے ایک دوسرے کو ویڈیوز پیغامات کے طور پر صرف ایک کلک پر بھیج سکیں گے۔

یہ فیچر اس ایپ کے نئے ورژن میں پیش کیا گیا ہے جس میں چیٹ ایکسٹیشنز بھی شامل ہیں جو کہ چیٹ بوٹس کے متبادل بھی سمجھی جاسکتی ہیں۔

ان ایکسٹینشنز کے ذریعے صارفین ایپ سے باہر موجود سروسز سے بھی معلومات حاصل کرسکیں گے۔

اس سلسلے میں ابتدائی طور پر Giphy، وکی پیڈیا اور دی مووی ڈی بی سمیت چھ ایپس کی مدد لی گئی ہے۔

وائبر کے مطابق یہ فیچرز آئی او ایس اور اینڈرائیڈ کی اپ ڈیٹس ایپس میں پیش کردیئے گئے ہیں۔

وائبر کے دنیا بھر میں 86 کروڑ رجسٹرڈ صارفین ہیں اور یہ ایپ واٹس ایپ اور دیگر میسجنگ سروسز کے مقابلے میں آگے بڑھنے کے لیے نئے راستے تلاش کررہی ہے۔

آج کی دنیا میں لوگ میسنجر، واٹس ایپ اور دیگر ایپس کے ذریعے ویڈیو پیغامات بھیج رہے ہیں جو کہ پرانے ایم ایم ایس کے اصول پر بھیجی جاتی ہیں جس کا لوگوں کو اندازہ بھی نہیں مگر یہ مفت ہوتی ہیں۔

مگر وائبر کو توقع ہے کہ اس کے ویڈیو پیغامات دوسروں سے مختلف ہوں گے کیونکہ اس نے انہیں اسٹینڈ آلون سروس کی شکل دے کر براہ راست میسجنگ اسکرین پر رسائی دی ہے۔

اسی طرح وائبر میں یہ پیغامات محض ایک بٹن کو دبا کر بھیجیں جاسکیں گے جبکہ دیگر ایپس میں اس کے لیے مختلف اقدامات کرنا پڑتے ہیں۔