ایمزٹی وی(پشاور)پاکستان تحریک انصاف کے چیئرمین عمران خان کہتے ہیں کہ وہ پارلیمنٹ کے مشترکہ اجلاس میں شرکت نہ کرنے کے فیصلے پر قائم ہیں۔
سماجی رابطے کی ویب سائٹ ٹوئٹر پر اظہار خیال کرتے ہوئے عمران خان نے کہا کہ پارلیمنٹ کےمشترکہ اجلاس میں شرکت نہ کرنےکےفیصلے پر قائم ہوں کیونکہ پارلیمنٹ کے مشترکہ اجلاس میں کوئی نئی بات نہیں ہوگی، اس سے قبل آل پارٹیز کانفرنس میں تحریک انصاف کی شرکت سے کچھ حاصل نہیں ہوا۔

1. I stand by decision to boycott Joint Session as nothing new will be achieved that was not achieved with PTI's active participation in APC

— Imran Khan (@ImranKhanPTI) October 5, 2016

عمران خان نے مزید کہا کہ نوازشریف منی لانڈرنگ، اثاثےچھپانے اور ٹیکس چوری میں پکڑے گئے ہیں، نواز شریف نے وزیر اعظم ہونےکا اخلاقی جواز کھو دیا ہے، ان کے پاس صرف 2 راستے ہیں، یا تو استعفیٰ دےدیں یا خود کو احتساب کے لئے پیش کردیں۔

3. Mian Panama Sharif has been caught money laundering, tax evading & hiding of assets thereby losing all moral legitimacy to be PM.

— Imran Khan (@ImranKhanPTI) October 5, 2016

دوسری جانب پشاور میں تقریب سے خطاب کرتے ہوئے عمران خان نے کہا کہ حکومت کا کام تعلیم،صحت اور انصاف دیناہے، عام آدمی کو انصاف نہ ملے تو معاشرہ ناکام ہوجاتا ہے ، حکومت صرف عمارتیں بنانے میں لگی ہوئی ہے، غریب عوام کو تعلیم سے محروم کردیا گیا ہے ، معاشرے میں سب سے بڑا کردار اساتذہ کا ہے، میٹرو بس اورٹرین سے قومیں نہیں بنتیں، انسانوں پر سرمایہ کاری سے قومیں بنتی ہیں، استاد معاشرہ اور قوم بناتا ہے، میرٹ کے بغیر کوئی ادارہ کامیاب نہیں ہوسکتا ۔ ہم خیبرپختونخوا میں اداروں کو مضبوط کرنے کی کوشش کررہے ہیں۔ امید ہے کہ ہم کرپشن کے خلاف جنگ بہت جلد جیت جائیں گے۔

ایمزٹی وی(کوئٹہ)بلوچستان کے مختلف علاقوں میں قانون نافذ کرنے والے اداروں کی کارروارئی میں 5 دہشت گرد ہلاک ہو گئے۔
ذرائع کے مطابق کوئٹہ میں مشرقی بائی پاس پرشاہوانی باغ کے قریب پولیس موبائل معمول کی گشت پر تھی کہ نامعلوم موٹر سائیکل سواروں نے دستی بم سے حملہ کر کے اندھا فائرنگ شروع کر دی، جوابی کارروائی میں 2 حملہ آور ہلاک جب کہ 2 زخمی حالت میں فرار ہو گئے، دہشت گردوں کے ساتھ مقابلے میں ایک پولیس اہلکار زخمی بھی ہوا۔
ترجمان ایف سی کے مطابق تربت کے علاقے اورناگ میں فورسز نے خفیہ اطلاع پر دہشت گردوں کے ٹھکانوں کا گھیراؤ کیا تو انہوں نے فورسز اہلکاروں پر فائرنگ شروع کر دی، جوابی کارروائی میں 3 دہشت گرد ہلاک جب کہ 5 کو اسلحے سمیت گرفتار کر کے ان کے 2 ٹھکانے مسمار کر دیئے گئے۔

ایمز ٹی وی ( تعلیم) وفاقی جامعہ اردو کے ناظم امتحانات نے جاوید اکرم کاکیس انفرمین کمیٹی (یوایف ایم) میں بھیجنے کی سفارش کردی ہے ۔

جاوید اکرم 28 جولائی کو شعبہ ماحولیاتی سائنسز کی لیبارٹری میں بغیر انویجیلیٹر کے غیرقانونی طورپرایم ایس کاپرچہ دیتے ہوئے پکڑا گیا تھا۔

ذرائع کے مطابق جاویداکرم کا امتحانی فارم بھی جمع نہیں ہے وہ بغیرامتحانی فارم جمع کرائے مبینہ طورپر ایک ٹیچر کی خصوصی مہربانی کے باعث پرچے دے رہاتھا ۔

ذرائع کاکہناہے کہ جاوید اکرم اس سے قبل کنٹریکٹ پر جامعہ اردو میں گریڈ14 کاملازم تھا اوراپنے نام کے ساتھ ڈاکٹر لکھتا تھا۔ بعد ازاں گریڈ 17 میں جعلی بھرتی اورگریڈ 18 میں جعلی ترقی کی بنیاد پر اسلام آباد کیمپس میں جوائن کرتے ہو ئے پکڑا گیا تھا جس پر اسے کنٹریکٹ کی ملازمت سے بھی ہاتھ دھونے پڑے تھے ۔

ذرائع کے مطابق جاوید اکرم ایچ ای سی کے ایک اعلیٰ افسر کا فرنٹ مین ہے اورکراچی کی سرکاری و نجی جامعات سے رقوم وصول کرتا ہے ۔ جس کی وجہ سے جامعات کی انتظامیہ اس سے ڈرتی تھیں۔ واضح رہے کہ جاوید اکرم نے ماضی میں ایچ ایس سی کے اعلیٰ افسر کی سفارش پر اردو یونیورسٹی میں نوکری بھی حاصل کی تھی۔

ایمز ٹی وی ( تعلیم) اعلیٰ ثانوی تعلیمی بورڈ کراچی کے ناظم امتحانات محمد عمران خان چشتی نے انٹرمیڈیٹ کے تمام گروپس کیلئے ضمنی امتحانات برائے 2016ء کے امتحانی فارمز جمع کروانے کی تاریخوں کااعلان کردیا ہے ۔

تفصیلات بتاتے ہوئے محمد عمران خان چشتی نے کہا ہے کہ پروگرام کے مطابق سائنس پری میڈیکل، پری انجینئرنگ، سائنس جنرل، کامرس ریگولر، کامرس پرائیویٹ، آرٹس ریگولر، آرٹس پرائیویٹ اور ہوم اکنامکس گروپس سمیت امپروومنٹ آف ڈویژن، بینیفٹ کیسز اورایڈیشنل مضامین کے ضمنی امتحانات برائے 2016ء میں شرکت کے خواہشمند اور اہل ریگولر امیدوار اپنے امتحانی فارم آج بروز جمعرات سے پیر 24 اکتوبر تک اپنے متعلقہ کالجوں میں جمع کرواسکتے ہیں۔

جبکہ پرائیویٹ امیدوار اپنے امتحانی فارم بورڈ میں واقع بینک برانچ میں جمع کرواسکتے ہیں۔

ایمز ٹی وی (تعلیم) ایف آئی اے زونل آفس میں یو این او ڈی سی کے تعاون سے بننے والے ای لرننگ سینٹر کا افتتاح کر دیا گیا۔

یو این او ڈی سی کے نمائندے سیزر گوڈیز نے سینٹر کا افتتاح کیا، ا س موقع پر ڈائریکٹر ایف آئی اے پنجاب ڈاکٹر عثمان انور، آسٹریلین اور برطانیہ کے نمائندے بھی موجود تھے ۔

سنٹر میں امیگریشن کے عملے کو جعلی ویزا اسٹیکر، دستاویزات اور جعلی پاسپورٹ پکڑنے سمیت سیکیورٹی فیچر کی جانچ پڑتال کے متعلق ٹریننگ دینے کا عمل شروع کر دیا گیا

ایمز ٹی وی ( تعلیم) لاہورہائیکورٹ کی جسٹس عائشہ اے ملک کے روبرو بورڈ آف سیکنڈری ایجوکیشن نے نویں جماعت میں داخلے کیلئے ب فارم کی شرط ختم کرانے کی یقین دہانی کرا دی۔

عدالت نے وکیل کو مزید دلائل دینے کی ہدایت کرتے ہوئے سماعت9نومبر تک ملتوی کر دی ۔درخواست گزار نے موقف اختیار کیا کہ داخلے کیلئے ب فارم کی شرط بلاجوازہے ،طلبہ کے پیسوں اور وقت کا ضیاع ہو رہا ہے۔

ایمزٹی وی(کراچی) کراچی پولیس نے قانون نافذ کرنے والے ادارے کی اطلاع پرعزیزآباد میں واقع ایک خالی مکان پرچھاپہ مارا اورگھرکے زیرزمین پانی کے ٹینک سے بہت بڑی تعداد میں اسلحہ برآمد کیا ہے۔

برآمد کئے گئے اسلحے میں اینٹی ائیرکرافٹ گن، ایل ایم جی ، ایس ایم جی، جی 3، ایم 16 رائفل ، اسانئپر رائفل راکٹ لانچراورہزاروں کی تعداد میں رائفل گرینیڈ اورمختلف اقسام کے ہزاروں کارتوس اورگولیاں بھی شامل ہیں۔ اس کے علاوہ چھاپے کے دوران بڑی تعداد میں بلٹ پروف جیکٹس اورہیلميٹ بھی ملے ہیں، کارروائی کے بعد پولیس مکان کو لاوارث چھوڑگئی اورٹینک میں ابھی بھی بوریاں اورگولیاں پڑی ہیں۔

پولیس کا کہنا ہے کہ گھرسے اب تک جتنا اسلحہ برآمد ہوا ہے اتنا شہر کی تاریخ میں اب تک کسی کارروائی میں نہیں پکڑا گیا، برآمد اسلحے کی کھیپ کو 3 ٹرکوں اورپولیس موبائلوں میں منتقل کیا گیا ہے، یہ اسلحہ شہرمیں امن خراب کرنے کے لیے استعمال کیا جانا تھا۔

پولیس کا کہنا ہے کہ جس مکان سے اسلحہ برآمد ہوا ہے وہ نعیم اللہ نامی شخص کےنام پر ہے، پچھلے 2 سال سے بجلی کا بل ادا نہیں کیا گیا، گھر کے ایک گرد آلود کمرے میں کیلنڈر بھی لگا ہوا ہے جس سے اندازہ ہوتا ہے کہ مکان میں جنوری 2015 سے قبل کسی خاندان کیرہائش تھی۔

ایمزٹی وی(کراچی)عزیز آباد کے مکان سے ملنے والے اسلحے کو ڈی آنی جی ویسٹ کے دفتر سے 2 ٹرکوں کے ذریعے آج صبح پولیس کی سخت نگرانی میں نامعلوم مقام پر منتقل کر دیا گیا۔ ذرائع کا کہنا ہے کہ پولیس کی 6 موبائلیں بھی ٹرکوں کے ساتھ تھیں جن میں حساس اور مہلک قسم کے ہتھیار رکھے گئے تھے۔

پولیس کی زبردست کارروائی کے نتیجے میں بھاری مقدار میں مہلک ہتھیار برآمد

تفصیلات کے مطابق گزشتہ روز کراچی پولیس چیف مشتاق مہر نے میڈیا کو بیان دیتے ہوئے کہا تھا کہ برآمد شدہ اسلحے کا فرانزک ٹیسٹ کروایا جائے گا جب کہ ذرائع کا کہنا ہے کہ پولیس نے مہلک ہتھیاروں کو محفوظ کرنے اور دهماکہ خیز مواد کو ناکارہ بنانے کے لئے پاک فوج سے مدد مانگ لی ہے، اس کے علاوہ فوج اسلحہ کے گیج اور اس کی شناخت میں بهی مدد فراہم کرے گی۔

واضح رہے کہ گزشتہ روز رینجرز نے گرفتار ملزمان کی نشاندہی پر کراچی کے علاقے عزیز آباد میں واقع مکان پر چھاپہ مار کر پانی کے ٹینک میں چھپائی گئی اسلحے کی بڑی کھیپ پکڑ لی تھی۔ پولیس حکام کا کہنا تھا کہ اسلحے کی اتنی بڑی کھیپ شہر میں اس سے قبل پہلے کبھی نہیں پکڑی گئی۔

ایمزٹی وی(اسلام آباد) گزشتہ روزکمیٹی کااجلاس چیئرمین محمود بشیر ورک کی صدارت میں ہواجس میں پاکستان کمیشن آف انکوائری بل کاجائزہ لیاگیا۔ وفاقی وزیر قانون زاہد حامدنے بل پیش کرتے ہوئے کہاکہ نئے مجوزہ قانون کے تحت کمیشن کوزیادہ بااختیار کر دیا گیا ہے اوراب اسے کرمنل کورٹ، بیرون ملک تفتیش کے لیے ٹیم بنانے اور ماہرین کی خدمات حاصل کرنے کا اختیاردے دیا گیا ہے۔

تفصیلات کے مطابق قومی اسمبلی کی قائمہ کمیٹی برائے قانون وانصاف نے ایک ترمیم کے ساتھ پاکستان کمیشن آف انکوائری بل2016کی اتفاق رائے کے ساتھ منظوری دے دی، مجوزہ قانون پارلیمنٹ سے حتمی منظوری کے بعدانکوائری کمیشن ایکٹ مجریہ 1956 کی جگہ نافذالعمل ہوگا جس کے تحت پانامہ پیپرز سمیت کسی بھی معاملے کی انکوائری کیلیے قائم کردہ کمیشن کو ضابطہ دیوانی کے ساتھ ضابطہ فوجداری کے تحت بھی اختیارات حاصل ہو جائیںگے۔
کمیشن ایک معین مدت کے اندرانکوائری کرانے کا پابند ہو گا لیکن مخصوص حالات میں مدت میں توسیع ہوسکے گی جبکہ کمیشن کی عبوری اور حتمی رپورٹ کو لازمی طورپرعام کیاجائے گا، کمیشن کو مجسٹریٹ کے اختیارات بھی حاصل ہوںگے اور کسی بھی شخص کوطلب کرکے بیان حلفی پران کا بیان ریکارڈ کیا جاسکے گا، کمیشن کوکام میں رکاوٹ ڈالنے، اسے اسکینڈلائز کرنے، توہین کرنے یا حکم عدولی پر سزاؤں کا اختیار بھی حاصل ہوگا جبکہ ملک سے باہر انکوائری کیلیے ماہرین کی خدمات حاصل حاصل کی جاسکیں گی۔

نئے مجوزہ قانون کے تحت اب کوئی بھی شخص کمیشن کومعلومات فراہم کرنے کا مجاز ہو گا اور حمود الرحمن، ایبٹ آباد و دیگر کمیشن کی طرح رپورٹ خفیہ نہیںرہ سکے گی بلکہ حکومت رپورٹ کوعام کرنے کی پابند ہوگی۔
متحدہ قومی موومنٹ کے ایس اے اقبال قادری نے تجویزدی کہ مجوزہ قانون میں ترمیم کر کے ارکان کی تعداد زیادہ سے زیادہ 5 مقررکی جائے اورتمام ارکان سپریم کورٹ یاہائی کورٹس کے رٹائر یا حاضرسروس جج ہوں۔ انھوں نے تجویزدی کہ کمیشن کے ساتھ معاونت کیلیے مقرر کیے جانے والے سرکاری افسران گریڈ 17کے بجائے گریڈ 18 کے ہوں۔