ایمز ٹی وی(مانیٹرنگ ڈیسک) پاکستانی نژاد امریکی خاتون ویٹ لفٹرکلثوم عبداللہ نے ویٹ لفٹنگ چیمپئین بن کرثابت کردیا ہے کہ جذبہ ہوتوخواتین کوئی بھی کام سرانجام دے سکتی ہیں، کلثوم دنیا کی پہلی باحجاب ویٹ لفٹرہیں۔ باحجاب کلثوم عبداللہ امریکہ میں ہی پیدا ہوئیں، ان کے والد پاکستان کے علاقے تنگی سے تعلق رکھتے ہیں جبکہ والدہ چارسدہ کی شہری ہیں۔ کلثوم عبداللہ ایک باحجاب ایتھیلیٹ ہیں اورامریکہ میں 2010 سے ملکی اورغیرملکی سطح پرہونے والے ویٹ لفٹنگ کے مقابلوں میں شریک ہورہی ہیں۔ کلثوم عبداللہ 2011 میں امریکہ کے قومی ویٹ لفٹنگ کے مقابلے میں شریک ہوئی تھیں جبکہ اسی سال انہوں نے پاکستان کی نمائندگی کرتے ہوئے جنوبی کوریا میں منعقد ہونے عالمی ویٹ لفٹنگ کے مقابلوں میں حصہ لیا تھا کلثوم عبداللہ ویٹ لفٹنگ کرنے والی پہلی خاتون تو نہیں ہیں لیکن حجاب کے ساتھ ویٹ لفٹنگ کرنے والی پہلی خاتون ضرورہیں۔ پیشے کے لحاظ سے کلثوم ایک کمپیوٹرانجینئرہیں اورانہوں نے جارجیا انسٹی ٹیوٹ آف ٹیکنالوجی سے پی ایچ ڈی کی ڈگری حاصل کررکھی ہے۔ امریکی ویٹ لفٹنگ کمیٹی نے حجاب کو مدعا بناتے ہوئے کلثوم عبداللہ پرامریکہ کی جانب سے ویٹ لفٹنگ کے مقابلوں میں شرکت پرپابندی لگادی تھی

ایمز ٹی وی (انٹرنیشل) چین کے وسطی صوبہ حنان میں 590 فٹ بلند شیشے کا پل شینوزئی نیشنل جیولوجیکل پارک پر تعمیر کیا گیا ہے۔اس پل کی تعمیر میں استعمال کیا جانے والا شیشہ چوبیس ملی میٹر موٹااور عام شیشے سے پچیس گنا زیادہ مضبوط ہے ۔ یہاں آنے والے سیاحوں کا کہنا ہے کہ اس پل پر سفر سانسیں روک دینے والا اور رونگٹے کھڑے کر دینے والا ہے۔ تفصیلات کے مطابق یہ پل پہلے لکڑی سے بنایا گیا تھا اور 2014ءمیں یہ فیصلہ کیا گیا کہ اسے شیشے کے پل میں تبدیل کر دیا جائے صرف ایک سال میں یہ پراجیکٹ مکمل کر لیا گیا ۔

ایمزٹی وی (اسلام آباد) سیکرٹری خارجہ اعزاز چودھری کا کہنا ہے کہ اقوام متحدہ کی جنرل اسمبلی کے اجلاس میں وزیراعظم نوازشریف اور نریندر مودی کے درمیان ملاقات ہوئی نہ انہوں نے ہاتھ ملائے‘ معاملے کو ایشو نہ بنایا جائے اس حوالے سے انہوں نےںیویارک میں پریس کانفرنس کرتے ہوئے کہا کہ وزیر اعظم نواز شریف اور نریندر مودی نے ہاتھ ملائے نہیں محض ہلائے ہیں‘ معاملے کو طول نہ دیا جائے۔ اس موقع پر اقوام متحدہ میں پاکستان کی مندوب ملیحہ لودھی نے کہا معلوم نہیں پہلے کس نے ہاتھ ہلایا تاہم دونوں وزرائے اعظم کے دوران کوئی ملاقات نہیں ہوئی۔ ملیحہ لودھی کا کہنا ہے کہ سلامتی کونسل کے مستقل ارکان کی تعداد میں اضافہ کسی طرح جمہوری عمل نہیں۔ سلامتی کونسل میں اصلاحات کے لئے کوئی اتفاق رائے نہیں ہے۔

ایمز ٹی وی (کراچی)بین الاقوامی مرکز برائے کیمیائی و حیاتیاتی علوم (آئی سی سی بی ایس) جامعہ کراچی کے سربراہ پروفیسر ڈاکٹر محمد اقبال چوہدری کیمیکل سوسائٹی آف ایشیا ء کے نائب صدر منتخب ہو گئے ہیں۔ آئی سی سی بی ایس جامعہ کراچی کے سینئرآفیشل کے مطابق کیمیکل سوسائٹی آف ایشیا ء نے پروفیسر اقبال چوہدری کی بائیو آرگینک اور ادویاتی کیمیاء کے شعبے میں گراں قدر خدمات کے اعتراف میں اُن کو دوسری بار اِس عہدے پر منتخب کیا ہے۔ کیمیکل سوسائٹی آف ایشیا ء اس خطے کی انتہائی معتبر سائنسی تنظیم ہے جو ایشیاء کے فائٹو کیمیسٹ کی نمائندگی کرتی ہے، اس تنظیم کا بنیادی مقصد اس خطے کے نباتات سے حاصل شدہ قدرتی مرکبات کی تحقیق میں ترقی کی رفتار کو بڑھانا ہے۔ واضح رہے کہ پاکستان کونسل برائے سائنس اور ٹیکنالوجی (پی سی ایس ٹی)، اسلام آباد نے اپنی نئی تحقیق کے مطابق پروفیسر ڈاکٹرمحمد اقبال چوھدری کو پاکستان کے صفحۂ اول کے سائنسدانوں کی فہرست میں دوسرے نمبرپر رکھتے ہوئے سب سے زیادہ ثمرآور(Productive) سائنسدان قرار دیاہے۔ انھوں نے نیچرل پروڈکٹ کیمسٹری کے شعبے میں گراں قدر خدمات انجام دی ہیں اس ضمن میں انکی تقریباً 1650 سائنسی اشاعتیں بین الاقوامی سطح پر شائع ہوچکی ہیں، امریکہ اور یورپ میں انکی تحریرو ادارت کردہ 27 کتب شائع ہوچکی ہیں، بین الاقوامی سائنسی جرائد میں900 تحقیقی اشاعتیں اور 32 پیٹینٹ بھی قابل ذکر ہیں۔ مزیدبرآں ڈاکٹرمحمد اقبال چوھدری کیمیاء سے متعلق متعدد غیرملکی کتب و جرائد کے مدیر ہیں جبکہ انکے زیر نگرانی67طالبعلم پی ایچ ڈی اور 18 ایم فل مکمل کرچکے ہیں،بین الاقوامی اعزازات کا حامل ہونے کے ساتھ ساتھ پروفیسراقبال چوھدری کو حکومتِ پاکستان کی جانب سے تمغۂ امتیاز، ستارۂ امتیازاور ہلالِ امتیاز بھی عطا کیا جاچکا ہے۔ شیخ الجامعہ کراچی پروفیسر ڈاکٹر محمد قیصر اور آئی سی سی بی ایس جامعہ کراچی کے سرپرستِ اعلیٰ پروفیسر ڈاکٹر عطاالرحمن نے پروفیسراقبال چوھدری کو مبارک باد دیتے ہوئے کہا ہے کہ اُن کی یہ کامیابی صرف جامعہ کراچی نہیں بلکہ پوری قوم کے لئے ایک اعزاز ہے۔