Reporter SS

یو نیور سٹی میں ایک روزہ سیمینار کاانعقاد

ایمز ٹی وی (تعلیم /جامشورو) مہران یونیورسٹی آف انجنیئرنگ اینڈ ٹیکنالوجی جامشورو کے کوالٹی انہانسمینٹ سیل کی جانب سے زیادہ سے زیادہ تعلیم کو کارآمد بنانے والی نشانیوں کوجاننے کے لئے سافٹ ویئر کے استعمال کے متعلق ایک روزہ سیمینار منعقد ہوا۔

سیمینار سے یونیورسٹی آف انجنیئرنگ اینڈ ٹیکنالوجی پشاور کے پروفیسر اور او بی ای سافٹ ویئر کے ماہر ڈاکٹر سحر نور نے بطور خاص مقرر خطاب کرتے ہوئے کہا کہ آج کے دور میں سافٹ ویئر کے استعمال سے تعلیمی معیار کو بڑھایاجا سکتا ہے۔

انیسواں آل پاکستان انٹر یونیورسٹی تقریری مقابلہ

ایمزٹی وی(تعلیم / کراچی ) بے نظیر بھٹو شہید یو نیورسٹی لیا ر ی میں ہائرایجوکیشن کمیشن کے اشتراک سے انیسویں آل پاکستان انٹر یونیورسٹی تقریری مقابلوں کا انعقاد کیا گیا۔ تفصیلات کے مطابق بے نظیر بھٹو شہید یونیورسٹی لیاری اور ہائرایجوکیشن کمیشن کے اشتراک سے انیسویں آل پاکستان انٹر یونیورسٹی تقریری مقابلے کے پہلے مرحلے کا انعقاد بے نظیر بھٹو شہید یونیورسٹی لیاری میں میں کیا گیا۔ جس کا مقصد مفکر پاکستان اور شاعر مشرق حضرت علامہ محمد اقبال کی شاعری اور ان کے فلسفے کو اجاگر کرنا تھا۔

اس مقابلے میں یونیورسٹی کے 18طلباء نے شرکت کی جنھوں نے اردو اور انگریزی میں تقاریر پیش کیں جسے حاضرین نے خوب سراہا۔ تقریب کی مہمان خصوصی قائم مقام رجسٹرار فریدہ عظیم لودھی تھیں۔ تین رکنی ججز پر مشتمل جیوری کے فیصلے کے مطابق علامہ اقبال شیلڈ کے لیے اردو میں پہلا کیش انعام مبلغ پانچ ہزار روپے شعبہ تعلیم کی پارس میمن،دوسراانعام مبلغ تین ہزار روپے شعبہ انگلش کی کومل عارف،تیسرا انعام مبلغ دو ہزار روپے شعبہ سی ایس کی صدف انجم نے جبکہ انگریری میں پہلا کیش انعام مبلغ پانچ ہزار روپے شعبہ انگلش کے عمیر رزاق،دوسرا انعام مبلغ تین ہزار شعبہ انگلش کی سارہ کلثوم اور تیسرا انعام مبلغ دو ہزار روپے شعبہ تعلیم کی سکینہ نے حاصل کیا۔ تقریب کی نگرانی کے فرائض اسٹوڈنٹ ویلفئر آفیسر عبدالشکور نے انجام دیئے۔

کالج آف فزیشنز اینڈ سرجنز پاکستان کا 51واں سالانہ جلسہ تقسیم اسناد

ایمز ٹی وی ( تعلیم /کراچی) کالج آف فزیشنز اینڈ سرجنز پاکستان (سی پی ایس پی )کا 51واں سالانہ جلسہ تقسیم اسناد بدھ کو کالج میں منعقد ہوا ۔جس میں601طلبا کو ڈگریاں تفویض کی گئیں ۔ تقریب کے مہمان خصوصی رائل کالج آف سرجنز ایڈنبرگ کے صدر پروفیسر مائیکل لیول جانز تھے ۔ اس موقع پر سی پی ایس پی کے صدر پروفیسر ظفراللہ چوہدری اور فیکلٹی کے اراکین بھی موجود تھے ۔

تقریب سے خطاب کرتے ہوئے پروفیسر مائیکل لیول جانز نے طلبا اور ان کے والدین کو مبارکباد پیش کی۔ انہوں نے کہا کہ آج کی تقریب میں شرکت کرنامیرے لئے اعزاز کی بات ہے ۔ انہوں نے طلباکو نصیحت کی کہ مریضوں کی دیکھ بھال توجہ اور پیار سے کریں ۔ انہوں نے کہا کہ آپ بڑے خوش قسمت ہیں کہ آپ نے اعلیٰ تعلیم حاصل کی ۔اپنے ذہنوں کو نئے آئیڈیاز کےلئے کھلا رکھیں کیونکہ علم ہی ترقی کی جانب لے کر جاتا ہے ۔اپنے آپ کو نئی نالج اور ایجادات سے اپ ڈیٹ رکھیں آپ اپنی تقدیر خود بنائیں اور سیکھنے کا عمل جاری رکھیں ۔

انہوں نے کہا کہ کالج آف فزیشنز اینڈ سرجنز پاکستان کا شمار دنیا کے بہترین تعلیم وترتیب دینے والے اداروں میں کیاجاتا ہے اس کالج کی فیلوشپ حاصل کرنا فخر کی بات ہے ۔ سی پی ایس پی کے صدر پروفیسر ظفر اللہ چوہدری نے خطاب کرتے ہوئے کہا کہ ملک میں اعلیٰ تعلیم یافتہ ڈاکٹر پیدا کرنے میں 95فیصد حصہ سی پی ایس پی کاہے ۔ جہاں سے اب تک ہزاروں فیلوز اورممبرزفارغ التحصیل ہوچکے ہیں جو ملک بھر میں مریضوں کی خدمت کے ساتھ تحقیق میں بھی مصروف عمل ہیں ۔

انہوں نے کہا کہ میڈیکل ایجوکیشن اور میڈیکل پریکٹس میں ہمیشہ خصوصی تعلق رہا ہے اعلیٰ تعلیم یافتہ ڈاکٹر ہی مریضوں کے مسائل کو اچھی طرح سمجھ کر ان کا علاج تجویز کر سکتا ہے ۔ اس لئے اعلیٰ تعلیم پر سی پی ایس پی میں خصوصی توجہ دی جاتی ہے ۔ جلسہ میں 473فیلوشپس ،125ممبر شپس اور3فیلو شپس دی گئیں جبکہ 2طلبا کو نمایاں پوزیشن پر طلائی تمغہ بھی دیا گیا۔

جامعہ میں میڈیاکے داخلے پرپابندی کی خبریں بے بنیاد اور حقائق کے منافی

ایمز ٹی وی (تعلیم /کراچی)جامعہ کراچی کے ترجمان نے کہا کہ شیخ الجامعہ کی جانب سے جامعہ میں میڈیا کے داخلے اور اساتذہ کی میڈیا سے گفتگو پر کسی بھی قسم کی کوئی پابندی نہیں لگائی گئی ہے۔

جامعہ کراچی میں میڈیاکے داخلے اور اساتذہ کی میڈیا سے گفتگو پرپابندی کے حوالے سے چلنے والی خبریں بے بنیاد اور حقائق کے منافی ہیں۔

اسکالر شپ کی بندش کے خلاف طلبا سراپاء احتجاج

ایمزٹی وی(تعلیم)گورنمنٹ ڈگری کالج لنڈی کوتل کے طلبا ء نے اسکالر شپ اور مطالعاتی دورہ کی بند ش کے خلاف پاک افغان شاہر اہ کوبند کر نے کی دھمکی دی،دوسالوں سے طلباء کو اسکالر شپ نہیں ملا جو سراسر ظلم اور ناانصافی ہیں ،پولیٹکل ایجنٹ کے مطابق کہ گورنر نے سکالر شپ بند کیا گیا ہے،فوری بحال کی جائے ۔

ان خیالات کااظہار گورنمنٹ ڈگری کالج لنڈی کوتل کے صدر شفاعت شنواری اور ذیشان شنواری نے طلباء سمیت لنڈی کوتل پریس کلب میں پر یس کانفرنس سے خطاب کر تے ہوئے کیا۔ انہوں نے کہاکہ گزشتہ دوسالوں سے طلباء کو اسکالر شپ نہیں ملا، اعلی حکام نے اسکالر شپ بحال کرنے کی کئی بار یقین دہا نی کرائی لیکن تاحال اسکالر شپ بند ہیں۔ انہوں نے کہا کہ بد قسمتی سے ابھی تک طلباء کو یہ معلو م نہیں کہ اسکا لر شپ کس نے بند کیا ؟کیونکہ پولیٹکل ایجنٹ کہتے ہیں کہ اسکالر شپ گورنر کی طرف سے بند کیا گیا ہے جبکہ گورنر کے سیکرٹری کہ مطابق پولیٹکل ایجنٹ نے بند کیا ہے طلباء نے کئی بار احتجاج بھی کیا لیکن اسکالر شپ بحا ل نہیں ہوا، صرف ان سے وعدے کئے جاتے ہیں، جبکہ فا ٹا کے تمام طلبا ء کے سا تھ مذاق کیاجا رہا ہے

۔طلباء نے کہا کہ اس کے ساتھ گز شتہ دوسالوں سے گورنمنٹ ڈگری کالج کے مطالعاتی دورے پر بھی پابند ی لگا دی گئی ہے اور اس کے لئے فنڈ ز مہیا نہیں کئے جارہے ، اس سے پہلے ایسا کھبی نہیں ہوا ، جو اب طلباء کے ناانصافی ہے اور طلباء کو سخت احتجاج پر مجبور کر رہے ہیں ۔ طلباء نے کہا کہ ممبر قومی اسمبلی نے صرف وعدے کئے لیکن ابھی تک ایک وعدہ بھی ایفا نہیں ہو سکا ۔انہوں نے دھمکی دی کہ کہ اگر ما رچ تک طلبہ کا سکا لر شپ بحال نہیں کیا گیا تو وہ احتجا ج کا سلسہ شروع کرکے پاک افغان شاہرہ کو بند کر دینگے اور اس کی تمام تر ذمہ داری پولیٹکل انتظامیہ پر عائد ہوگی۔

وزیر داخلہ کی انٹیلی جنس بہتر بنانے کی ہدایت

ایمزٹی وی(اسلام آباد)وزیرداخلہ چوہدر ی نثار کی زیر صدارت سیکیورٹی اجلاس ہوا جس میں نگرانی میں اضافہ اور انٹیلی جنس بہتر بنانے کے لئے سائنسی طریقے استعمال کرنے کی ہدایت کی گئی۔

ذرائع کے مطابق سیکیورٹی اجلاس میں چوہدری نثار نے ایف آئی اے اور پی ٹی اے کو متنازع مواد اپ لوڈ کرنے والوں کی کڑی نگرانی کی ہدایت کی جبکہ بس اسٹینڈ،گیسٹ ہاوسز اور ہوٹلوں پر بھی سیکیورٹی سخت کرنے کا حکم دیا۔

ان کا کہنا تھا کہ اسلام آباد اور راولپنڈی میں کومبنگ آپریشنز کی نگرانی اورچیک پوسٹس کا جائزہ لینے کے لیے الگ کمیٹیاں قائم کی جائیں اوران کمیٹیوں کو سپیشل برانچ بھی معاونت فراہم کرے گی۔ ملک بھر میں تعلیمی اداروں کی سیکیورٹی کوبھی یقینی بنایا جائے۔

علم کی راشنی پھیلانے والا "خاکروب"

ایمزٹی وی(رپورٹ)چین کا ایک خاکروب سوشل میڈیا اور انٹرنیٹ پر اپنی سخاوت اور رحم دلی کی وجہ سے عالمی شہرت حاصل کرچکا ہے کیونکہ اس نے گزشتہ 30 برس میں اپنی تنخواہ کا بڑا حصہ درجنوں نادار طالب علموں کو تعلیم دلوانے میں خرچ کیا ہے۔

56 سالہ ژاؤ ینگ جیو نامی شخص گزشتہ 30 برس سے چین کی سڑکوں سے کُوڑا کرکٹ اٹھارہا ہے اور اب تک اس نے اپنی ماہانہ تنخواہ سے 37 غریب بچوں کو بہترین اسکولوں میں تعلیم دلوائی ہے۔ وہ صبح سویرے سورج نکلنے سے بھی پہلے اٹھتا ہے اور رات کے اوقات گھر واپس آتا ہے جب کہ اس کی تنخواہ 350 ڈالر یعنی پاکستانی 35 ہزار روپے ہے جو خود اس کے لیے بھی کم ہے۔

ژاؤ ینگ جیو کا جذبہ سخاوت سب پر حاوی ہے وہ ہر ماہ اس میں سے ایک بڑا حصہ غریب بچوں کو اسکول پہنچانے میں خرچ کررہا ہے۔ اب تک وہ 37 غریب بچوں کو اسکول میں داخل کراچکا ہے اور وہ اس کام کو جاری رکھنا چاہتا ہے۔ ژاؤ ینگ کے مطابق وہ 3 عشروں میں 25 لاکھ روپے سے زائد کی رقم بچوں پر خرچ کرچکا ہے۔

ایک مرتبہ اسے بہت سے بچوں کی تعلیم کے لیے رقم درکار تھی تو اس نے فوری طور پر اپنا مکان فروخت کیا اور خود کرائے کے مکان میں منتقل ہوگیا۔ چینی سوشل میڈیا پر اس شخص کی قربانیوں اور غریب بچوں سے محبت کو بہت سراہا جارہا ہے جب کہ لوگ اسے حقیقی ہیرو کا درجہ دے رہے ہیں۔

دہشت گرد منصوبے کو ناکام بنانے والی پولیس ٹیم کے لیےانعام کااعلان

ایمزٹی وی (خیبر پختونخواہ)خیبر پختونخوا ہ حکومت نے عدالت پر دہشت گردوں کا حملہ ناکام بنانے والی پولیس ٹیم کے لئے 50 لاکھ روپے انعام کا فیصلہ کیا ہے۔

چارسدہ میں تحصیل بارایسوسی ایشن کے وکلا سے خطاب کرتے ہوئے وزیراعلیٰ خیبر پختونخوا پرویز خٹک کا کہنا تھا کہ سانحہ تنگی میں قیمتی انسانی جانوں کے ضیاع پر دکھ ہے اور مشکل کی اس گھڑی میں وکلا برادری کے ساتھ ہیں، متاثرین کی مالی امداد سمیت ہر ممکن مدد کی جائے گی۔

ان کا کہنا تھا کہ سرحد پار سے دہشت گردی کو سپورٹ کرنے والے پاکستان کے دشمن ہیں لیکن دہشت گردی کے خلاف مل کر جنگ لڑیں گے۔پرویز خٹک کا کہنا تھا کہ خیبر پختونخوا میں نیشنل ایکشن پلان پر عمل ہو رہا ہے، پولیس کے جوانوں نے جواں مردی سے دہشت گردوں کا مقابلہ کیا اور دہشت گرد منصوبے کو ناکام بنانے والی پولیس ٹیم کے لیے 50 لاکھ روپے انعام کا فیصلہ کیا ہے۔

امن کے دشمنوں کے خلاف پاک فوج "رد الفساد" ایک نیا محاذ

پایمزٹی وی(اسلام آباد)پاک فوج نے ملک بھر میں آپریشن ’ردالفساد‘ کا اعلان کر دیاہےجس کا مقصد ملک بھر میں دہشتگردوں کا بلاتفریق خاتمہ ہے۔

ڈی جی آئی ایس پی آر کے مطابق آپریشن ردالفساد کا مقصد اب تک حاصل کی جانے والی کامیابیوں اور سرحدی سلامتی کو یقینی بنانا ہے۔

ڈی جی آئی ایس پی آر کا کہناتھا کہ ملک بھرکواسلحہ سے پاک کرنا،بارودی موادپرکنٹرول اس آپریشن کااہم جزہیں جبکہ نیشنل ایکشن پلان پر عملدرآمد اس آپریشن کا طرہ امتیاز ہو گا ۔آئی ایس پی آر کے مطابق پنجاب میں رینجرزکے انسداددہشتگردی آپریشنزبھی ردالفساد کاحصہ ہیں، قانون نافذکرنیوالے ادارے بھی دہشتگردوں کے خاتمے کے آپریشن کاحصہ بنیں گے۔

آپریشن میں پاک فوج ،بحریہ ،فضائیہ سمیت سول آرمڈ فورسز بھی حصہ لیں گی اور دہشتگردوں کا خاتمہ کیا جائے گا ۔

Pak Army launches 'Op Radd-ul-Fasaad' (رَدُّالفَسَاد) across the country. Rangers ops in Pb, cont ongoing ops elsewhere. Pursuance of NAP. pic.twitter.com/sibMpV7Vby
— Maj Gen Asif Ghafoor (@OfficialDGISPR) February 22, 2017

ن) لیگ کو ہمیشہ نہ صرف پاکستان کو مضبوط کرنے کی سزا دی گئی)

وزیر ریلوے خواجہ سعد رفیق کا کہنا ہے کہ نواز شریف نے ہمیشہ اپنے آپ کو احتساب کیلئے پیش کیا اب عمران خان کو بھی خود کو احتساب کیلئے پیش کرنا ہوگا۔

سپریم کورٹ کے باہر میڈیا سے بات کرتے ہوئے خواجہ سعد رفیق کا کہنا تھا کہ (ن) لیگ کو ہمیشہ نہ صرف پاکستان کو مضبوط کرنے کی سزا دی گئی بلکہ مختلف ادوار میں کمزور کرنے کی کوشش بھی کی گئی ہے، آج سے پہلے یہ سازش جنرل پرویزمشرف نے کی اور اب عمران خان کی شکل میں کی جارہی ہے تاہم مسلم لیگ (ن) کو بدنام کرنے کی سازش کامیاب نہیں ہونے دیں گے۔

انہوں نے کہا کہ ہمارا ٹرائل عمران خان کرتا ہے، میڈیا کرتا ہے لیکن ہم پاکستان کی ترقی کیلئے کام کرتے رہیں گے، کوئی بھی ہمارا مینڈیٹ چھین نہیں سکتا۔

خواجہ سعد رفیق نے کہا کہ پاناما کا مقدمہ ایک سیاسی مقدمہ ہے جب کہ عدالت میں لایا جانے والا کیس عدالت کے بجائے سڑکوں پر لایا گیا لہذا عوام کی عدالت میں پاناما کا مقدمہ لڑیں گے، نواز شریف نے ہمیشہ اپنے آپ کو احتساب کیلئے پیش کیا اب عمران خان کو بھی خود کو احتساب کیلئے پیش کرنا ہوگا۔

Page 1899 of 2387