ایمز ٹی وی( صحت) صحرائے تھر میں سردی کی لہر کے ساتھ پھر سے موت کا رقص شروع، غذائی قلت سے13 بچے جاں بحق اور سرکاری اسپتالوں میں سہولیات کا فقدان ہے۔ سال 2106کے دوران ہلاکتوں کی مجموعی تعداد 745ہوگئی ہیں۔

تفصیلات کے مطابق صحرائے تھر میں سردی کی لہر شروع ہونے کے ساتھ پھر سے بچوں پر موت کا رقص جاری ہے۔ بچوں کی ہلاکتوں کا سلسلہ وقفے کے بعد پھر سے شروع ہو گیا ہے۔

گذشتہ تین روز کے دوران 13بچے غذائی قلت و بیماریوں کی وجہ سے جان کی بازی ہار گئے ہیں۔ جس کے بعد سال 2016کے 12ماہ کے دوران مجموعی طور ہلاکتوں کی تعداد 745ہو گئی، جبکہ محکمہ صحت تھرپارکر کی جانب سے رواں سال کے دوران 473 بچوں کی اموات کی تصدیق بھی کی گئی ہے۔

تھرپارکر سردی کی لہر شروع ہونے کے باعث غذائی قلت کے باعث پیدا ہونے والے کم وزن کے بچے دم توڑ رہے ہیں۔ دور دراز دیہاتوں میں کچے جھونپڑوں میں موجود تھری مکینوں کے حالات انتہائی کشیدہ ہیں۔

حکومت سندھ کی جانب سے اسلام کوٹ اور چھاچھرو کی اسپتال سمیت دیگر صحت مراکز کی بہتری کے اعلانات پر تاحال عملدرآمد نہیں ہو سکا ہے۔ بچوں کی انتہائی نگہداشت کا وارڈ سینکڑوں بچوں کی اموات کے بعد بھی تکنیکی عملے سے محروم ہیں۔

تھرپارکر کے مکینوں نے سندھ حکومت اور فلاح و بھبود کا کام کرنے والے اداروں سے اپیل کی ہے کہ تھرپارکر میں ہنگامی بنیادوں پر امدادی کاروایاں شروع کرتے ہوئے بچوں کی اموات پر قابو پایا جائے۔

ایمز ٹی وی( تعلیم/میرپور خا ص) ثا نوی واعلیٰ ثانوی تعلیمی بورڈ کے اعلامیہ کے مطابق گیارہویں جماعت پری انجینئرنگ، پری میڈیکل، سائنس جنرل ہیو مینٹیزریگولر اور پرائیویٹ اور کامرس گروپ کے سالانہ امتحانات اور دسویں وبارہویں جماعت کے تمام گروپس کے ضمنی امتحانات برائے 2016کے نتائج کا اعلان 31دسمبر کو سہ پہر3بجے کیا جائے گا۔

نتائج بورڈآفس کی اافیشل ویب سائیڈ پر بھی دیکھے جا سکیں گے

ایمزٹی وی(کراچی)قومی اسمبلی میں اپوزیشن لیڈر سید خورشید شاہ نے کہا تھا کہ بلاول اور زرداری کے علاوہ بختاور بھٹو بھی آئندہ عام انتخابات میں حصہ لیں گی لیکن اب بختاوربھٹو نے اس کی تردید کردی اور کہاکہ ’یہ سچ نہیں ہے‘۔

سکھرمیں میڈیا نمائندوں سے گفتگوکرتے ہوئے خورشید شاہ نے کہاکہ ’بلاول بھٹو اپوزیشن لیڈر ہوں گے اور میں ان کی مدد کروں گا جبکہ آصف علی زرداری بھی بلاول کی پارلیمانی معاملات پر رہنمائی کریں گے ، بلاول کی بہن بختاور بھٹو بھی آئندہ عام انتخابات میں لڑیں گی  

خورشید شاہ کا یہ اعلان سامنے آنے کے بعد بختاو ربھٹو بھی خاموش نہ رہ سکیں اور مائیکروبلاگنگ ویب سائٹ ٹوئیٹر پر اپنے ایک ٹوئیٹ میں خورشید شاہ کے بیان کا حوالہ دیتے ہوئے لکھاکہ ’یہ سچ نہیں‘۔

Not true. https://t.co/6viI6J88lH

— Bakhtawar B-Zardari (@BakhtawarBZ) December 29, 2016

ایمزٹ وی(کراچی)چیئرمین تحریک انصاف عمران خان سابق وزیر داخلہ سند ھ ڈاکٹر ذوالفقا ر مرزا کے گھر پہنچ گئے ۔

ذرائع مطابق تحریک انصاف کے کپتان عمران خان سابق صدر آصف علی زرداری کے قریبی ساتھی ذوالفقار مرزا کی والدہ کے انتقال پر اظہار تعزیت کرنے انکے گھر پہنچ گئے جہاں انہوں نے مرزا سے ملاقات کی اور مرحومہ کی مغفرت اوربلند درجات کیلئے دعا بھی کی۔

اس موقع پر ذوالفقار مرزا نے عمران خان کا شکریہ ادا کرتے ہوئے کہا کہ ”آپ کے آنے سے خوشی ہوئی “۔ ملاقاتوں کو سلسلہ بند نہیں ہونا چاہئیے جس پر چیئرمین تحریک انصاف نے کہا کہ تعزیت میرا فرض تھا ۔انہوں نے ذوالفقار مرزا سے مکالمہ کرتے ہوئے کہا کہ آئندہ الیکشن میں ملک میں بڑی تبدیلی دیکھ رہاہوں۔انتخابات سےقبل ہماری پارٹی کی توجہ سندھ پرزیادہ ہوگی۔

ڈاکٹر ذوالفقار مرزا کی اہلیہ فہمیدہ مرزا نے عمران خان سے کہا کہ آپ نےکینسرہسپتال کاسنگ بنیادرکھ کربڑاکام کیاہے۔شوکت خانم ملک کاسب سےبڑاکینسرہسپتال ہے۔
یاد رہے عمران خان ان دنوں کراچی کے دورے پر ہیں جہاں انہوں نے گزشتہ روز شوکت خانم کینسر ہسپتال کراچی کا سنگ بنیاد بھی رکھا تھا ۔ دورے کے دوران وہ ممکنہ طور پر لیاری بھی جائیں گے اور نبیل گبول سے ملیں گے ۔

ایمزٹی وی(رحیم یار خان)رحیم یار خان کے علاقے شفیع ٹاﺅن میں پولیس لائنز کے قریب زور دار دھماکے کے نتیجے میں2پولیس اہلکار زخمی ہو گئے ۔

میڈیا رپورٹس کے مطابق رحیم یار خان میں سی ٹی ڈی کے دفتر کے باہر پولیس وین کے قریب دھماکا کیا گیا ۔ نامعلوم افراد نے پولیس پر فائرنگ بھی کی جس سے 2اہلکار زخمی ہو گئے ۔

پولیس ذرائع کا کہنا ہے کہ حملہ آورکا ہدف انچار ج سی ٹی ڈی چودھری اشرف تھے ،نماز جمعہ کی ادائیگی کے بعد جسے ہی وہ اپنے گاڑی میں بیٹھے تو حملہ آور نے خود کو اڑا لیا تاہم گاڑٰی بلٹ پروف ہونے کی وجہ سے وہ محفوظ رہے۔مشکوک شخص کو دیکھتے ہی اہلکاروں نے فائرنگ کی جس نے خود کو دھماکے سے اڑا لیا ۔ملزم خودکش دھماکا کرنا چاہتا تھا جسے ناکام بنا دیا گیا ہے۔

دھماکے سے قریبی عمارتوں اور دکانوں کے شیشے بھی ٹوٹ گئے ہیں تاہم قانون نافذ کرنے والے اداروں نے علاقے کو گھیرے میں لے لیا ہے ۔

پولیس کے مطابق جائے حادثہ سے کٹی ہوئی ٹانگ بھی ملی ہے ۔زخمی ہونے والے پولیس اہلکار نماز جمعہ کے دوران مسجد کی سیکیورٹی پر مامور تھے جنہیں ہسپتال منتقل کر دیا گیا ہے۔

ایمزٹی وی(پنجاب)رحیم یار خان میں پولیس لائن کے قریب مشکوک شخص نے خود کو دھماکے سے اڑالیا ،واقعے میں 2اہلکار زخمی ہوئے ہیں۔

ڈی پی او ذیشان اصغر کے مطابق دھماکا شفیع ٹائون میں واقع سی ٹی ڈی کے دفتر کے باہر کھڑی موبائل کے پاس ہوا ہے،دھماکے میں زخمی ہونے والے اہلکاروں کو شیخ زید اسپتال منتقل کردیا گیا ہے۔

انہوں نے مزید بتایا کہ مشکوک شخص پر پولیس نے فائرنگ کی ،جس پر اس نے خود کو دھماکے سے اڑا لیا ،خود کش حملے کے بعد پولیس کی بھاری نفری نے علاقے کو گھیرے میں لے لیا ہے

ایمزٹی وی(اسپورٹس)پاکستان کرکٹ ٹیم کے کپتان مصباح الحق نے ریٹائرمنٹ کا اشارہ دیدیا ہے

میلبورن ٹیسٹ میں آسٹریلیا کے ہاتھوں اننگز اور 18رنز کی شکست کے بعد گفتگو میں ان کا کہناتھا کہ پرفارم نہیں کررہاتو ٹیم میں شامل رہنےکا بھی کوئی حق نہیں،اب مستقبل کے حوالے سے سوچنے کا وقت آگیا ہے۔

پاکستانی تاریخ کے کامیاب ترین کپتان کےلیے دورہ آسٹریلیا بھیانک خواب بن گيا،مصباح الحق نے مزید کہا کہ سوچا بھی نہیں تھا کہ اتنی مایوس کن پرفارمنس ہوگی۔

ٹیسٹ ٹیم کے کپتان کا کہناتھاکہ اسکور تو اچھا کیا لیکن بولنگ اچھی نہ کرسکے۔

ایمزٹی وی(اسپورٹس) میلبورن ٹیسٹ میں شکست سے دوچار ہونے والی ٹیم کی کارکردگی نے سابق کپتانوں کو غصہ دلادیا۔

سابق کپتان رمیز راجہ نے کہا ہے کہ میلبورن میں آسٹریلیا کی جیت میں پاکستانی ٹیم کا زبردست حصہ ہے،وسیم اکرم نے کہا کہ پاکستان کی شکست بدترین ہے۔

انہوں نے کہا کہ گرین شرٹس اب ڈیڑھ دو سیشن کی ماربن کر رہ گئی ،کھلاڑیوں کو اینگل طوتے کی طرح رٹانے پڑیں گے۔

رمیز راجہ نے مزید کہا کہ پل میں تولہ پل میں ماشہ ، اس ٹیم پر تبصرہ بہت مشکل ہے،دوران کمنٹری کان پکڑلیتا ہوں، بولنگ پر کام کرنے کی ضرورت ہے۔

سوئنگ کے سلطان کا کہناتھاکہ کھلاڑیوں کی باڈی لینگویج ہی بتارہی تھی کہ میچ کا بچنا مشکل ہے ، میچ بچانے کا مطلب ہار مان لینا ہوتا

ایمزٹی وی(اسپورٹس)آسٹریلیا نے سیریز کے دوسرے ٹیسٹ میچ میں پاکستان کواننگز اور 18رنز سے شکست دے کر سیریز اپنے نام کرلی ، دوسری اننگز میں میزبان ٹیم کینگروز کی برتری ختم کرنے میں ناکام رہی اور گرین شرٹس کو رواں سال 5ویں سیریز میں ناکامی کا منہ دیکھنا پڑا ۔

کپتان مصباح الحق اور یونس خان ایک بار پھر بڑی اننگز نہ کھیل سکے۔پہلی اننگز میں 9وکٹ 443رنز پر اننگز ڈیکلیئر کرنے والی پاکستان کرکٹ دوسری اننگز میں صرف163رنز ڈھیر ہوگئی ۔

آسٹریلیا نےمیچ میں ایک ہی باری کھیلی اور 8وکٹ پر 624رنز بنا کر گرین شرٹس کو میدان میں اترنے کی دعوت دی اور تین میچوں کی سیریز میں 2-0سے فتح حاصل کرلی۔

دوسری اننگز میں پاکستان ٹیم کے اوپنرز کوئی اچھا آغاز فراہم نہ کرسکے اور سمیع اسلم 2 اور بابر اعظم صرف 3 رنز بناکر آؤٹ ہوئے، مصباح الدین صفر، یونس خان 24 اور اسد شفیق 16 رنز پر ڈریسنگ روم پہنچ گئے ۔

گرین شرٹس کی طرف سے اظہر علی اور سرفراز احمد 43،43رنز کے ساتھ ٹاپ اسکورر رہے ، اظہر علی نے پہلی اننگز میں 205رنز ناٹ آئوٹ بھی بنائے تھے،دیگر کھلاڑیوں میں محمد عامر 11جبکہ وہاب ریاض اور یاسر شاہ بغیر کوئی رنز بنائے پویلین لوٹ گئے،پہلی اننگز میں اچھا کھیلنے والے سہیل خان دوسری باری میں 10رنز پر ناٹ آئوٹ رہے۔

آسٹریلیا کی طرف سے اسٹارک اورہیزل ووڈ نےمیچ میں 5،5لائیون اور براڈ نے 4،4 پاکستانی کھلاڑیوں کو پویلین کی راہ دکھائی ۔

دوسرے ٹیسٹ کے پانچویں روز میچ میںآج آسٹریلوی ٹیم نے اپنی پہلی اننگز 465رنز 6وکٹ پر دوبارہ شروع کی ، تو اسٹیون اسمتھ اور مچل اسٹارک نے جارحانہ بیٹنگ کرتے ہوئے اسکور میں تیزی سے اضافہ کیاتھا، دونوں نے ساتویں وکٹ پر 154رنز کی شراکت بھی قائم کری ہے۔

قومی ٹیم کو آج کی پہلی کامیابی مچل اسٹارک کی وکٹ پر ملی، جو برق رفتار 84 رنز اسکور کرکے سہیل خان کا تیسرا شکار بنے،اس کے بعد آٹھویں وکٹ نیتھن لیون کی یاسر شاہ نے حاصل کی، وہ 12 رنز بنا کر آئوٹ ہوئےتھے۔نیتھن لیون کے آئوٹ ہوتے ہی کینگروز کپتان نے اپنی اننگز 624رنز 8 وکٹ پر 181رنز کی برتری کے ساتھ ڈیکلیئر کرنے کا اعلان کردیا تھا

ایمزٹی وی(تجارت)بیجنگ یں پاکستان اور چین کے مابین لاہور سے مٹیاری کے درمیان پہلی ہائی کپیسٹی ٹرانسمیشن لائن کا معاہدہ طے پا گیا ہے جس پر ڈیڑھ ارب ڈالر لاگت آئے گی۔یہ لائن لاہوراورمٹیاری کے درمیان پاکستان کی پہلی ہائی کپیسٹی ٹرانسمیشن لائن ہوگی۔

معاہدے پر پاکستان کی طرف سے سیکرٹری پانی و بجلی محمد یونس جبکہ چین کی جانب سے چیئرمین سٹیٹ گرڈ آف چائنہ نے دستخط کیے۔معاہدے کے موقع پر پاکستانی سے صوبائی وزراءااعلیٰ موجود تھے۔ ذرائع کا کہنا ہے کہ چین ڈیڑھ ارب ڈالرکی مالیت سے مٹیاری سے لاہورکے درمیان ٹرانسمیشن لائن بچھائےگا، منصوبے کے تحت 4ہزار میگا واٹ بجلی کی فراہمی ممکن ہو گی جبکہ ٹرانسمیشن لائن سے جنوبی اور شمالی قومی گرڈ کو منسلک کیا جائے گا ۔یہ لائن لاہوراورمٹیاری کے درمیان پاکستان کی پہلی ہائی کپیسٹی ٹرانسمیشن لائن ہوگی۔

معاہدے پر دستخط کی تقریب اسٹیٹ گیسٹ ہاﺅس بیجنگ میں منعقد کی گئی جس میں سندھ ، خیبر پختونخوا اور گلگت بلتستان کے وفاقی وزراءاور وزراءاعلیٰ بھی موجود تھے جبکہ چین کے اعلیٰ عہدیداران بھی اس موقع پر تقریب میں شریک تھے