ایمز ٹی وی(انٹرٹینمنٹ) سال 2016 پاکستان فلم انڈسٹری کی تاریخ میں اہم باب کے طور پر یاد رکھا جائے گا جس نے ایک سال کے دوران کئی اتار چڑھاؤ دیکھے۔

رواں سال اس وجہ سے بھی تاریخی حیثیت رکھتا ہے کہ پرانی فلم انڈسٹری کے زوال کے بعد جس تسلسل سے امسال تقریباً 30 فلمیں ریلیز ہوئی ایسا 70 کی دہائی کے بعد سال 2016 میں دیکھا گیا تاہم کثیر تعداد میں ریلیز ہونے والی ان فلم میں سے ایک ادھ ہی معیار پر پوری اتر سکیں۔

2016 میں ریلیز ہونے والی فلموں میں ہو من جہاں، بچانا، مالک، ہجرت، ماہ میر، ہوٹل، عکسبندھ، سوال سات سو کروڑ ڈالر کا، عشق پازیٹیو، ریوینج آف دا ورتھ لیس، بلائینڈ لوو، ڈانس کہانی، تیری میری لوو اسٹوری، جانان، ایکٹر ان لاء، زندگی کتنی حسین ہے، عبداللہ دی فائنل وٹنس، جیون ہاتھی، لاہور سے آگے، رحم، دوبارہ پھر سے، 8969، سلیوٹ، 3 بہادر 2 ریوینج آف بابا بلام اور سایہ خدائے ذوالجلال شامل ہیں۔

زرائع کے مطابق رواں سال پانچ فلمیں بہترین قرار پائیں جن میں سے ایکٹر ان لاء سر فہرست رہی ،جاناں دوسرے مالک تیسرے ،ماہ میرچوتھے اور دوبارہ پھر سے پانچویں نمبرپر رہیں ۔رواں سال ریلیز ہونے والی فلموں کا بطور جائزہ لینے کے بعد یہ بات باخوبی کہی جاسکتی ہے کہ پاکستان فلم انڈسٹری کو مستحکم ہونے میں ابھی ایک عرصہ درکار ہے۔

رواں سال پاکستانی فلموں نے باکس آفس پرتقریبا 20 فیصد کاروبار کیا جو گذشتہ برس کے مقابلے میں گھٹا ہے۔ تاہم 2016 کا سورج پاکستان فلم انڈسٹری کے لیے تشویش اور سوالات لے کر غروب ہورہا ہے جس نے ثابت کیا ہے کہ مبالغہ آرائی سے حقائق نہیں چھپ سکتے مگر اعتماد زائل ہوگا۔

ایمزٹی وی(کراچی)چیئرمین تحریک انصاف عمران خان کراچی پہنچ گئے۔ذرائع کے مطابق تحریک انصاف کے چیئرمین عمران خان 3روزہ دورے پر کراچی پہنچ گئے ہیں جہاں وہ شوکت خانم ہسپتال کا سنگ بنیاد رکھیں گے ۔

عمران خان اپنے دورے کے دوران معروف نعت خواں جنید جمشید مرحوم کے گھربھی جائیں گے اور انکے اہل خانہ سے اظہار تعزیت کریں گے ۔وہ عبدالستار ایدھی مرحوم کے اہل خانہ سے تعزیت بھی کریں گے ۔

اس کے علاوہ وہ کراچی میں پارٹی قیادت سے بھی ملاقاتیں کریں گے اور پارٹی امور کا جائزہ لیں گے ۔

ایمزٹی وی(فلپائن)ایشیائی ملک فلپائن میں باکسنگ میچ کے دوران دو دھماکوں سے 10بچوں سمیت 32افرادزخمی ہو گئے جنہیں ہسپتال منتقل کردیا گیا ۔غیر ملکی خبر رساں ادارے کی رپورٹ کے مطابق فلپائن کے وسطی جزیرے لیٹی میں باکسنگ میچ کے دوران دو دھماکے ہوئے جن کے نتیجے میں وہاں موجود 32افراد زخمی ہو گئے ۔اس میچ کا انعقاد رومن کیتھو لک فیسٹول کی چھٹی کے موقع پر خصوصی طور پر کیا گیا تھا ۔

زخمی افراد میں سے 16کو طبی امداد دینے کے بعد گھر بھیج دیا گیا جبکہ دیگر 16افراد کو تشویشناک حالت میں ہسپتال لا یا گیا جن کو طبی امداد دی جا رہی ہے۔فلپائن پولیس کی ترجمان جینزین اینسکو نے بتا یا کہ ظاہری طور پر دھماکے میں استعمال ہونے والا 81ایم ایم مورٹر کارٹیج اور موبائل فون برآمد کر لیا گیا ہے جو کہ گھر میں بنائے گئے بموں کا ہے ۔ابھی تک کسی نے دھماکوں کی ذمہ داری قبول نہیں کی تاہم پولیس حملہ آوروں کا پتہ لگانے کے لیے کارروائی کر رہی ہے ۔

ایمز ٹی وی (اسلام آباد)وزیر اعظم پاکستان نوازشریف آج مظفر آباد کا دورہ کریں گے ۔ذرائع کے مطابق وزیر اعظم نوازشریف آج مظفر آباد کیلئے روانہ ہونگے جہاں انہیں آزاد کشمیر میں جاری مختلف ترقیاتی منصوبوں پر پیش رفت کے بارے میں بریفنگ دی جائے گی ۔ وزیر اعظم کشمیر کونسل کے اراکین سے ملاقات بھی کریں گے ۔

ذرائع کا کہنا ہے کہ وزیراعظم نے سیاسی مخالفین کو کارکردگی سے جواب دینے کےلئے ملک کے مختلف علاقوں کے دوروں کا سلسلہ شروع کیا ہے۔ کل چشمہ نیوکلیئر پاور پلانٹ کا افتتاح کیا تو آج مظفر آباد جانے کا اعلان کردیا۔

ایمزٹی وی(اسلام آباد)وزرات داخلہ نے دہشتگرد کے 40 مزید مقدمات کارروائی کیلئے پاک فوج کو منتقل کردئیے ہیں،مقدمات وزیراعظم کی منظوری کے بعد پاک فوج کے ادارے جیگ برانچ کو بھیجے گئے ہیں۔

آرمی چیف نے دہشتگردوں کی موت کی توثیق کردی

تفصیلات کے مطابق پنجاب اورخیبرپختونخواحکومتوں نے و زارت داخلہ مقدمات کو ارسال کیے جن کاوزرات داخلہ کی اعلی سطحی کی کمیٹی نے جائزہ لیتے ہوئے وزیراعظم نواز شریف سے منظوری لے کر دہشتگردی کے 40مقدمات پاک آرمی کی جیگ برانچ کے حوالے کرد ئیے ہیں۔ جبکہ وزرات داخلہ نے جج ایڈووکیٹ جنرل برانچ کوخط لکھا ہے کہ مقدمات پر فوری طور پر کارروائی کی جائے ۔

ایمزٹی وی(اسلام آباد)پاکستان تحریک انصاف کے چیئرمین عمران خان نے کہا ہے کہ بلاول نے اچھی اپوزیشن کا کردار ادا کرنے کی کوشش کی ہے،پیپلز پارٹی کے فیصلے پر کوئی تبصرہ نہیں کروں گا۔
میڈیا ذرائع کے مطابق پاکستان تحریک انصاف کے چیئرمین عمران خان نے صحافیوں سے غیررسمی گفتگو کرتے ہوئے کہا ہے کہ بلاول نے اچھی اپوزیشن کا کردار ادا کرنے کی کوشش کی ہے،پیپلز پارٹی کے فیصلے پر کوئی تبصرہ نہیں کروں گا،عام آدمی کو درپیش مسئلے کے پیچھے کرپشن کی لعنت ہے،تحریک انصاف نہ ہوتی توآئندہ نسلیں ان کے بچوں کی غلامی کرتیں،نواز شریف پاناماایشو قوم کی نگاہوں سے اوجھل کردینا چاہتے تھے۔

ترقی کے مخالفین کو ہر محاذ پر ناکامی کا سامنا کرنا پڑا ہے

انہوں نے کہا ہے کہ پانامالیکس پرقوم کے جائزسوالات پروزیراعظم مسلسل جھوٹ بولتے رہے،وزیراعظم نے جمہوریت اورجمہوری اقدار کو ناقابل تلافی نقصان پہنچایا ہے،آیندہ انتخابات میں ن لیگ کو دھاندلی کا ہتھیاراستعمال نہیں کر نے دیں گے،خیبرپختونخوا میں نظام کی تبدیلی کی بنیاد رکھ دی،پانامامقدمے کافیصلہ چنددن کی سماعت کامحتاج ہے۔

ایمزٹی وی(لاہور) وزیر اعلی پنجاب محمد شہباز شریف نے کہا ہے کہ پاکستان مسلم لیگ (ن) کی سیاست کا محور عوام کی خدمت اور ان کے معیار زندگی میں بہتری لانا ہے اور اس ضمن میں وزیراعظم محمد نواز شریف کی قیادت میں پاکستان مسلم لیگ (ن) کی حکومت مخلصانہ کاوشیں کر رہی ہے اور گزشتہ ساڑھے تین برس کے دوران پاکستان کے کئی شعبوں میں بے پناہ بہتری آئی ہے اور موجودہ حکومت کے دور میں معیشت مضبوط ہوئی ہے اور سرمایہ کاری کیلئے فضا سازگار ہوئی ہے۔

انہوں نے کہا کہ مسلم لیگ (ن) کی حکومت کی معاشی پالیسیوں سے ملک میں ترقی کا عمل تیز ہوا ہے ۔ وزیر اعلی نے کہا کہ دھرنا گروپ نے ترقی کے سفر کو روکنے کی کوشش کی لیکن عوام نے ان کے عزائم کو ناکام بنایا اورعوام کی ترقی کے مخالفین کو ہر محاذ پر ناکامی کا سامنا کرنا پڑا ہے ۔

انہوں نے کہا کہ پاکستان کسی بھی صورت احتجاج یا افراتفری کی سیاست کا متحمل نہیں ہوسکتا۔ پاکستان میں ترقی اور خوشحالی کی سیاست ہوگی۔ انتشار کی سیاست کرنے والے آج تنہا ہو چکے ہیں۔ انہوں نے کہا کہ لاہور اور پاکستان میٹروبس سروس سے روزانہ لاکھوں لوگ مستفید ہو رہے ہیں جبکہ ملتان میں بھی میٹروبس سروس جلد شروع ہو رہی ہے جس سے جنوبی پنجاب کے عوام کو فائدہ ہو گا اور انہیں عالمی معیار کی سفری سہولتیں ملیں گی۔وزیراعلیٰ نے کہا کہ وزیر اعظم محمد نواز شریف کی قیادت میں ملک تیز رفتاری سے آگے بڑھ رہا ہے اورملک و قوم کی ترقی اور خوشحالی کا سفر کامیابی سے طے کریں گے ۔ وہ مسلم لیگ (ن) کے رہنما و سابق ایم این اے حنیف عباسی سے گفتگو کر رہے تھے جنہوں نے ان سے ملاقات کی۔

ایمزٹی وی(راولپنڈی)آرمی چیف جنرل قمر جاوید باجوہ نے کالعدم تحریک طالبان کے ترجمان مسلم خان سمیت 8دہشتگردوں کی سزائے موت اور3کو عمر قید کی سزا کی توثیق کردی ہے۔
آئی ایس پی آر کے اعلامیے کے مطابق آرمی چیف جنرل قمر جاوید باجوہ نے 8دہشتگردوں کو سزائے موت کی توثیق کردی ہے،3دہشتگردوں کو عمر قید کے پروانے پر بھی دستخط کردیے ہیں،سزا پانیوالوں میں سماجی کارکن سبین محمودکے قتل،سانحہ صفورا کے ذمہ دار افراد شامل ہیں،دہشتگردوں میں حافظ محمدعمر، علی رحمان عبدالسلام،خرم شفیق، شامل ہیں، چینی انجینیرز 'قانون نافذکرنیوالے اداروں کے اہلکاروں کے قتل میں بھی ملوث ہیں۔

ڈی جی آئی ایس پی آر میجر جنرل آصف غفور نے کہا ہے کہ دہشتگرد مسلم خان نے مجسٹریٹ کے سامنے اپنے جرائم کا اعتراف کیا،دہشتگرد مسلم خان نے2چینی انجینیرزکو بھی تاوان کےلیے اغوا کیا، 4سیکیورٹی اہلکاروں کو قتل کرنے میں ملوث ہے، مسلم خان ایک کالعدم تنظیم تحریک طالبان کا ترجمان ہے، چاروں دہشتگردوں نے مجسٹریٹ اورعدالت کےسامنے جرم کا اعتراف کیا، یہ چارروں دہشت گرد سبین محمود کے قتل میں بھی ملوث ہیں۔

ڈی جی آئی ایس پی آر کا کہنا ہے کہ 20سال قیدبامشقت پانیوالے محمودخان چینی انجینیرزکے اغوا ،عمر قید پانے والا سرتاج علی دہشت گردوں کی مالی معاونت میں ملوث ہے، دہشتگرد بلال محمودقانون نافذکرنیوالے اداروں کے اہلکاروں پرحملے ،دہشتگرد سیف اللہ شہریوں اورپولیس اہلکاروں کے قتل میں ملوث ہے، دہشتگردمحمدیوسف ایک کالعدم تنظیم کارکن ہے۔ان دہشتگردوں کے حملوں میں 90افراد جاں بحق جبکہ99افراد زخمی ہوئے۔

#COAS confirmed death sentence of 8 Ts, 3 others awarded imprisonment. Convicts involved #Safoora, #Sabeen, #Chinese Engrs & LEAs pers

— Maj Gen Asif Ghafoor (@OfficialDGISPR) December 28, 2016

ایمزٹی وی(نئی دہلی)بھارتی اپوزیشن جماعت کانگریس کے رہنما راہول گاندھی نے وزیراعظم پر کڑی تنقید کرتے ہوئے کہا کہ نریندر مودی بتائیں نوٹ بندی کے باعث 8نومبر سے اب تک کتنے لوگ جان سے گئے ؟
کانگریس کی یوم تاسیس کی تقریب سے خطاب میں راہول گاندھی نے کہا کہ مودی اکاونٹس میں 24ہزار روپے رکھنے کی شرط ختم کریں ، اور رقم نکالنے پر عائدپابندی بھی ہٹائیں۔

انہوں نے مطالبہ کیا کہ مودی عوام کو مالی آزادی دیں ، کرنسی بندش سے متاثر کسانوں کے قرضے معاف کریں۔

ایمزٹی وی(اسپورٹس) آسٹریلیا کے خلاف ون ڈے اسکواڈ میں کامران اکمل کی شمولیت کیلئے ٹیم مینجمنٹ اور سلیکشن کمیٹی میں اتفاق رائے نہ ہو سکا ہے اور دو سے تین روز میں اسکواڈ کا اعلان متوقع ہے

تفصیلات کے مطابق کینگروز کیخلاف ون ڈے اسکواڈ میں کامران اکمل کی شمولیت کیلئے ٹیم مینجمنٹ اور سلیکشن کمیٹی میں اتفاق رائے نہ ہو سکا ہے۔ ٹیم مینجمنٹ ون ڈے سکواڈ میں زیادہ تبدیلیوں کے حق میں نہیں ہے اور ویسٹ انڈیز کے خلاف کلین سویپ کرنے والی ٹیم میں زیادہ تبدیلیاں نہیں چاہتی۔ ذرائع کے مطابق اب پاکستان کرکٹ بورڈ (پی سی بی) کے گرین سگنل سے ہی کامران اکمل کی ٹیم میں شمولیت ممکن ہو سکتی ہے۔

ذرائع کا کہنا ہے کہ آسٹریلیا کیخلاف ون ڈے سیریز کیلئے ایک بالر کی تبدیلی پر غور کیا جا رہا ہے اور اس کیلئے جنید خان، محمد عرفان اور سہیل تنویر کے نام سامنے آئے ہیں تاہم ایک سے دو روز میں حتمی فیصلہ کر لیا جائے گا اور 2 سے 3 روز میں سکواڈ کا اعلان بھی متوقع ہے۔