عراق:  عراق میں مظاہرے شدت اختیار کر گئے جس کے بعد دفاتر اور کاروبار ٹھپ ہوگئے ہیں، مظاہرین نے ملک میں نئے انتخابات کرانے کا مطالبہ کر دیا۔

مظاہرین نےسول نافرمانی کی نئی مہم شروع کرتے ہوئے تمام سرکاری دفاتر اور کاروباری مراکز کو بند کردیا ہے۔ مظاہرین نے ملک میں نئے انتخابات کرانے کا بھی مطالبہ کر دیا۔

کراچی:  مارکیٹ میں آج امریکی کرنسی کا ریٹ گر گیا، اوپن مارکیٹ میں ڈالر 155 روپے 70 پیسے اور انٹربینک میں ڈالر 155 روپے 66 پیسے پر ٹریڈ ہوا۔ اسٹاک مارکیٹ میں 549 پوائنٹس کا اضافہ ہوا۔

سٹاک مارکیٹ میں آج 549 پوائنٹس کا اضافہ دیکھنے میں آیا جس کے دوران 100 انڈیکس 34 ہزار 927 پوائنٹس کی سطح پر آ گیا۔

معاشی تجزیہ کاروں کے مطابق ملک میں جاری حالیہ دھرنے کے سبب کاروباری سرگرمیوں میں سست روی کا خدشہ ہے جس کا منفی اثر پاکستانی روپے کی قدر پر بھی پڑ سکتا ہے۔

کراچی: عالمی مارکیٹ میں خام تیل مہنگا ہو گیا، امریکی خام تیل کا ریٹ 1 ڈالر 60 سینٹس، برطانوی خام تیل کا ریٹ 1 ڈالر 70 سینٹس بڑھ گیا۔

عالمی منڈی میں سونا بھی مہنگا، فی اونس 3 ڈالر ریٹ بڑھنے کے سبب سونے کی قیمت 1513 ڈالر فی اونس ہو گئی۔

کراچی: معروف ماہر تعلیم اور دانشور پروفیسر ہارون رشید انتقال گزشتہ روز کراچی میں انتقال کرگئے۔مرحوم کی نماز جنازہ  بعد نماز ظہر مسجد ابراہیم نارتھ ناظم آباد بلاک اے میں ادا کی جائیگی۔

 اسلام آباد:جمعیت علمائے اسلام (ف) کے سربراہ مولانا فضل الرحمن کی زیر صدارت آج کل جماعتی اجلاس ہوگا۔

اسلام آباد میں جمعیت علمائے اسلام (ف) کے آزادی مارچ اور دھرنے کا آج پانچواں روز ہے۔ جے یو آئی نے آئندہ کے لائحہ عمل کے لیے آج آل پارٹیز بلانے کا فیصلہ کیا ہے۔

آل پارٹیز کانفرنس پیر کی دوپہر ایک بجے مولانا فضل الرحمن کی رہائش گاہ پر منعقد ہوگی جس میں اپوزیشن سمیت حکومتی اتحادی جماعتوں کو بھی شرکت کی دعوت دی گئی ہے۔

سابق وزیر خزانہ اسحاق ڈار کو انٹرپول سے کلین چٹ مل گئی، انٹرپول نے ریڈ وارنٹ کے اجرا کی درخواست رد کر دی۔

انٹرپول نے اسحاق ڈار کو بھی ریڈ وارنٹ جاری نہ کرنے کے فیصلے سے خط لکھ کر آگاہ کر دیا ہے، اسحاق ڈار کے متعلق فیصلہ دی کمیشن فار دی کنٹرول آف فائلز کے 109 ویں اجلاس میں کیا گیا۔

سابق وزیرخزانہ کا اس حوالے سے کہنا ہے چند افراد اور پی ٹی آئی کی حکومت نے مجھے سیاسی جبر کا نشانہ بنایا۔