Reporter SS
اسلام آباد:حکومت اور گھی مینوفیکچررز کے درمیان مذاکرات کامیاب ہو گئے جب کہ حکومت کی طرف سے ایکسل لوڈ پالیسی معطل کرنے سے مینوفیکچررز نے گھی کی فی کلو قیمت میں 8 سے 10روپے کی کمی کا اعلان کر دیا۔
وزیراعظم عمران خان کی زیر صدارت پی ٹی آئی کی کور کمیٹی کا اجلاس اسلام آباد میں منعقد ہوا جس میں ملک کی موجودہ سیاسی صورت حال سمیت دیگر اہم امور پر تبادلہ خیال کیاگیا جبکہ عوام کو درپیش مسائل اور ان کے حل پر تفصیلی گفتگوکی گئی۔
اجلاس میں صوبہ سندھ اور صوبہ خیبرپختوانخوا میں آٹے کے موجود اسٹاک کا جائزہ لیاگیا۔ وزیراعظم نے آٹے کی قیمتوں پر نظر رکھنے اور دستیابی یقینی بنانے کی ہدایات جاری کیں۔
وزارت تجارت کے اعلامیے کے مطابق مشیر تجارت عبدالرزاق داؤد نے کہا ہے کہ پاکستان وناسپتی گھی مینوفیکچررز اور وزارت تجارت کے درمیان مذاکرات کامیاب ہوگئے ہیں۔ ایکسل لوڈ پالیسی کو معطل کرنے سے گھی کی قیمتوں میں کمی کرائی، وزیراعظم عمران خان کے وعدے کے مطابق قیمتوں میں کمی کرائی تاکہ عوام کو سستے داموں گھی ملے
وفاقی حکومت کی جانب سے متعارف کروائے جانیوالے ادائیگیوں کے نئے نظام سے مجموعی قومی پیداوار (جی ڈی پی) کو 7فیصد تک بڑھانے کے علاوہ روزگار کے اسلام آباد: 40 لاکھ نئے مواقع پیدا کرنے میں بھی مدد ملے گی۔
اسٹیٹ بینک آف پاکستان (ایس بی پی) نے نیشنل پیمنٹ سسٹم اسٹریٹیجی جاری کی ہے جس کے تحت فنانشل مارکیٹ انفراسٹرکچر (ایف ایم آئیز) سے قومی معیشت کی ترقی کے ساتھ ساتھ بے روزگاری کے خاتمے میں بھی مدد ملے گی۔ ایف ایم آئیز کے تحت ادائیگیوں کے موثر الیکٹرانک نظام سے تجارتی سرگرمیوں کے فروغ کے علاوہ ملکی معیشت پر خوشگوار اثرات مرتب ہوں گے۔
نیشنل پیمنٹ سسٹم کی حکمت عملی پر عمل درآمد کے ذریعے پاکستان کی جی ڈی پی میں 7 فیصد تک اضافہ کے علاوہ روزگار کے 40 لاکھ نئے مواقع بھی پیدا ہوں گے اس کے علاوہ بینکوں اور مالیاتی اداروں کے ڈیپازٹس میں263 ارب ڈالر اضافہ متوقع ہے۔
کراچی : جامعہ کراچی اپلائیڈاکنامکس ریسرچ سینٹر میں بُک کلب کی افتتاحی تقریب05 نومبر کو ہوگی
جامعہ کراچی کے اپلائیڈاکنامکس ریسرچ سینٹر میں بُک کلب کی افتتاحی تقریب اور ڈسکشن بعنوان: ”جدید سندھ کی معیشت: مواقعوں کا ضیاع اور مستقبل کا سبق“ بروز منگل 05 نومبر 2019 ءکو دوپہر 2:00 بجے سینٹر ہذا کی سماعت گاہ میں منعقد ہوگا۔شیخ الجامعہ پروفیسر ڈاکٹر خالد محمود عراقی صدارت کریں گے جبکہ ڈائریکٹر اپلائیڈاکنامکس ریسرچ سینٹر پروفیسر ڈاکٹر ثمینہ خلیل خطبہ استقبالیہ پیش کریں گی۔اس موقع پر دیگر مقررین بھی اپنے خیالات کا اظہار کریں گے۔
اسلام آباد: اسلام آباد: وزیراعظم عمران خان کا کہنا ہے کہ اپوزیشن میرے منہ سے 3 الفاظ این آر او سننا چاہتی ہے تاہم ان کو این آر او دینے کا مطلب ملک سے غداری ہوگا۔
وزیراعظم عمران خان نے سوشل میڈیا پر جاری اپنے بیان میں کہا کہ اپوزیشن میرے منہ سے تین الفاظ سننا چاہتے ہیں اور وہ این آر او ہے تاہم میں ان کو کبھی این آر او نہیں دوں گا، ان کو این آر او دینے کا مطلب ملک سے غداری ہوگا، جب تک ان کو زمہ دار نہ ٹھہرایا جائے ملک ترقی کی راہ پرنہیں آسکتا۔