لاہور سابق وزیراعظم نواز شریف کی طبیعت دل اور گردوں کی بیماریوں کے باعث نہیں سنبھل رہی ہے۔

اسپتال ذرائع کا کہنا ہے کہ نواز شریف کو ان کے کمرے سے ڈینٹل سرجن کے پاس لے جایا گیا تھا، نوازشریف کے مسوڑھے اور دانت کمزور پڑ رہے تھے جب کہ گزشتہ روز نواز شریف کے دانتوں کی فلنگ بھی کروائی گئی تھی۔

ذرائع میڈیکل بورڈ  کے مطابق نواز شریف کی حالت دل اور گردوں کی بیماریوں کے باعث نہیں سنبھل رہی، نواز شریف کو دل اور گردوں کے سنگین مسائل ہیں، نواز شریف کے پلیٹ لیٹس کی تعداد انتالیس ہزار تک پہنچ چکی ہے، پلیٹ لیٹس کی تعداد مزید بڑھانے کے لئے ادویات دی گئیں تو خطرہ ہوگا تاہم سابق وزیراعظم کے پلیٹ لیٹس کا مسئلہ اب تشویش ناک نہیں ہے جب کہ نواز شریف کو آئی وی آئی جی کے انجکشن کی تھراپی بھی روک دی گئی ہے

سری نگر: مقبوضہ کشمیر کی تاریخ میں آج ایک اور سیاہ ترین دن ہے کیونکہ ریاست کو 2 حصوں جموں و کشمیر اور لداخ میں باضابطہ طور تقسیم کیا جارہا ہے

مودی سرکار 5 اگست کے سیاہ فیصلے آرٹیکل 370 کے خاتمے کے دوسرے مرحلے کے تحت آج سے جموں و کشمیر اور لداخ کو دو حصوں میں تقسیم کرکے بھارتی قوانین نافذ کر رہی ہے۔ نئے قوانین کے تحت دیگر ریاستوں کے ہندو شہریوں کو مقبوضہ  کشمیر میں جائیداد خریدنے اور مستقل رہائش کا حق حاصل ہوگیا ہے۔

مودی سرکار نے کشیدگی کے تناظر میں ہوائی اڈوں اورریلوے اسٹیشنز پرہائی الرٹ جاری کردیا ہے اور وادی میں دفعہ144کا نفاذ بھی کیا جارہا ہے۔ بھارت نے جموں و کشمیر کے لیے گریش چندر اور لداخ کیلیے آر کے ماتھر کو گورنر تعینات کیا ہے۔

اسلام آباد: اپوزیشن جماعتوں نے سانحہ تیز گام کے باعث آزادی مارچ جلسہ منسوخ کردیا ہے۔ 

سانحہ تیز گام کی وجہ سے اپوزیشن جماعتوں نے آزادی مارچ کا آج ہونے والا جلسہ منسوخ کردیا ہے، ترجمان مسلم لیگ (ن) مریم اورنگزیب کا کہنا ہے کہ جلسہ ٹرین حادثے کے باعث منسوخ کیا گیا تاہم اسلام آباد میں متحدہ اپوزیشن کا آزادی مارچ جلسہ اب کل ہوگا۔

اسلام آباد: سینیٹر فیصل جاوید نے نوجوت سنگھ سدھو سے رابطہ کرکے کرتارپور کی افتتاحی تقریب میں شرکت کی  دعوت دی جو سدھو نے قبول کرلی۔ 

ذرائع کے مطابق پاکستان کی جانب سے کرتارپور میں دنیا کے سب سے بڑے گودوارے کے فقیدالمثال افتتاح کی تیاریاں جاری ہیں، وفاقی حکومت نے سرحد پار سے اسٹار کردار نوجوت سنگھ سدھو کو افتتاحی تقریب میں مدعو کرلیا اور اس حوالے سے وزیراعظم عمران خان کی خصوصی ہدایت پر سینٹر فیصل جاوید نے نوجوت سنگھ سدھو سے رابطہ کرکے نوجوت سنگھ سدھو کو تقریب میں شرکت کی باضابطہ دعوت دے دی ہے۔