Reporter SS

امن و امان کی صورت حال پر سمجھوتہ نہیں ہوگا

اسلام آباد: وزیراعظم عمران خان نے آزادی مارچ سے متعلق اپوزیشن سے ہونے والے رابطوں پر اطمینان کا اظہار کرتے ہوئے کہا ہے کہ اپوزیشن معاہدے پر قائم رہتی ہے تو حکومت بھی پاسداری کرےگی۔

وزیراعظم عمران خان سے اسپیکر قومی اسمبلی اسد قیصر نے ملاقات کی جس میں ملک کی موجودہ سیاسی صورت حال اور پارلیمانی امور پر تبادلہ خیال کیا گیا۔

اسپیکر اسد قیصر نے وزیراعظم کو مسئلہ کشمیر پر پارلیمانی سفارتکاری سے آگاہ کیا اور پارلیمنٹ میں قانون سازی اور ایوان کے موثر کردار پر بھی بات چیت کی۔

اسپیکر نے سیاسی صورت حال اور حزب اختلاف سے رابطوں پر وزیراعظم کو آگاہ کرتے ہوئے کہا کہ اپوزیشن کو پیغام دیا ہے امن و امان کی صورت حال پر سمجھوتہ نہیں ہوگا، کسی بھی قسم کا سیاسی انتشار نہیں پھیلنا چاہیے، اپوزیشن ارکان سے مسلسل رابطے میں ہیں اور معاملات کو افہام و تفہیم سے حل کرنے کی کوشش کر رہے ہیں۔

قبل ازوقت عام انتخابات,مسترد ہونےوالابل آخرکارمنظور

لندن: یورپی یونین سے علیحدہ ہونے کے معاملے پرمہینوں سے جاری ڈیڈ لاک کے بعد برطانوی پارلیمنٹ نے ملک میں قبل از وقت عام انتخابات کا بل منظورکرلیا۔

یورپی یونین سے برطانیہ کی علیحدگی میں تین ماہ کی توسیع کے بعد برطانوی پارلیمنٹ میں کافی ہلچل مچی رہی۔ بالآخروزیراعظم بورس جانسن کی قبل ازوقت انتخابات کی خواہش پرارکان پارلیمنٹ کی اکثریت نے آمادگی کا اظہارکردیا ہے جس کے نتیجے میں ایک روز پہلے مسترد ہونے والا بل آخر کار منظورہوگیا۔

قبل ازوقت انتخابات کے بل کے حق میں 438 جبکہ مخالفت میں 20 ووٹ پڑے۔ اس بل کی منظوری کے بعد برطانیہ میں سنہ 1923 کے بعد پہلی مرتبہ 12 دسمبرمیں قبل از وقت انتخابات کرائے جائیں گے۔

منظورشدہ بل ہاؤس آف لارڈز کو منظوری کے لیے بھیجا جائے گا اورامید ہے کہ اسی ہفتے کے اختتام تک یہ بل دونوں ایوانوں سے منظوری کے بعد قانون بن جائے گا۔ ہاؤس آف لارڈزسے اس بل کے منظورہونے کا مطلب یہ ہو گا کہ سیاسی جماعتوں کو پولنگ کے دن سے پہلے الیکشن مہم چلانے کے لیے صرف پانچ ہفتے ملیں گے۔

سمندری طوفان پرمغربی ہواوں کا سلسلہ اثرانداز ہوگا

کراچی : سمندری طوفان کیارکی شدت کم ہوناشروع ہوگئی چیف میٹرولوجسٹ سردارسرفراز کے مطابق کیٹگری 5سے واپس کیٹگری 4میں چلاگیا،طوفان کے ہمراہ چلنے والے 270کلومیٹرفی گھنٹہ کی رفتار سے چلنے والی ہواوں کا زوربھی ٹوٹ گیا،ان کا کہناہے کہ آج(بدھ)کو سمندری طوفان پرمغربی ہواوں کا سلسلہ اثرانداز ہوگا،جس کے نتیجے میں 31اکتوبراوریکم نومبر کے درمیان کراچی جبکہ اندرون سندھ کے اضلاع ٹھٹھ اور بدین کے علاوہ بلوچستان کے مکران کوسٹل پر ہلکی ودرمیانی بارشیں ہونے کا امکان ہے۔

سمندری طوفان کی وجہ سے شہر کی مختلف جیٹیوں پرشکار کے لیے جانے والی لانچوں پر 3دن کے لیے پابندی ہے، لہریں معمول سے زیادہ بلند ہوسکتی ہیں،محکمہ موسمیات کی جانب سے رات اورصبح کے وقت سمندری کی لہریں 10فٹ تک بلند ہونے کی پیش گوئی کی گئی ہے،محکمہ موسمیات کا کہنا ہے کہ شہری ساحل کی جانب جانے سے گریز کریں جبکہ ساحل کے قریب رہائشی لوگ احتیاطی تدابیر اختیار کریں،سمندری طوفان کی وجہ سے شہر کا پوش علاقہ ڈی ایچ اے بھی محفوظ نہ رہ سکا،منگل اور بدھ کی درمیانی شب سمندری لہریں بلند ہونے کی وجہ سے ڈی ایچ اے کے سمندرسے متصل کئی علاقوں میں سمندر کا پانی داخل ہوگیا۔

اس حوالے سے ڈیفنس فیز6میں خیابان سحرااوردیگر مقامات پربڑی مقدار میں داخل ہونے والے پانی کی وجہ سے سیوریج کی لائنیں بھر گئیں اور پانی سڑکوں پر ابل آیا،جس کی نکاسی کے لیے ڈی ایچ اے انتظامیہ نے پمپ کے ذریعے پانی کا اخراج ممکن بنایا۔

سمندری طوفان 3نومبرکوٹکرائےگا

کراچی: سمندری طوفان کیار کی شدت کم ہونا شروع ہوگئی، طوفان کیٹگری 5 سے واپس کیٹگری 4 میں چلا گیا اور 270 کلومیٹر فی گھنٹہ کی ہواؤں کا زور بھی ٹوٹ گیا ہے۔

محکمہ موسمیات کے مطابق طوفان کیار گلف آف عدن کی جانب بڑھ رہا ہے، 3 نومبر کی شام کو عدن کے جزیرے سکوٹرا سے ٹکرائے گا، طوفان کے اثرات کی وجہ سے 13 اکتوبر اور یکم نومبر کے درمیان کراچی سمیت اندورن سندھ کے کچھ اضلا ع میں ہلکی اور درمیانی بارشوں کا امکان ہے۔

محکمہ موسمیات کی جانب سے جاری کردہ سپر سائیکلونک اسٹروم کی 7 ویں ایڈوائزری کے مطابق سمندری طوفان وسطی بحیرہ عرب میں کراچی سے 730 کلومیٹر جبکہ گوادر سے 665 کلومیٹر کی دوری پر موجود ہے، اور اس کا عمان کی بندرگاہ صلالہ سے فاصلہ لگ بھگ 1012 کلومیٹر ہے۔

محکمہ موسمیات کی ایڈوائزری کے مطابق آج بدھ کو طوفان کیار اپنا رخ شمال مغرب سے جنوب مغرب کی جانب تبدیل کرسکتا ہے، ایڈوائزری میں کی گئی وضاحت کے مطابق طوفان سے پاکستانی ساحلی علاقوں کو براہ راست کوئی خطرات نہیں تاہم اس کے اثرات کی وجہ سے تندوتیز ہوائیں جبکہ سمندر میں طغیانی کے علاوہ سندھ و بلوچستان کے ساحلی علاقوں میں بلند لہریں پیدا ہونے کا امکان ہے۔

ملک کے مختلف شہروں میں تجارتی مراکزبند

ملک کے مختلف شہروں میں تاجروں کی دوسرے روز بھی شٹرڈاؤن ہڑتال جاری ہے تاہم بعض علاقوں میں بازار کھلے ہیں اور کاروبار معمول کے مطابق جاری ہے۔

کراچی، کوئٹہ، اسلام آباد، راولپنڈی اور پشاور سمیت ملک کے بیشتر شہروں میں تاجر تنظیموں کی ہڑتال کے باعث تمام چھوٹے بڑے بازار اور تجارتی مراکز بند ہیں۔ ہڑتال کے باعث صارفین کو شدید پریشانی کا سامنا ہے۔ مسلسل دوسرے روز ہڑتال سے اشیائے خور و نوش کی طلب و رسد متاثر ہونے لگی ہے جبکہ تازہ سبزی، پھل، مرغی اور مچھلی کی قلت بھی پیدا ہورہی ہے۔

راولپنڈی کے راجہ بازار، گندم منڈی، گنج منڈی، فروٹ منڈی، مرغی منڈی، مچھلی منڈی میں سناٹے کا راج ہے۔ مری روڈ، مال روڈ، بینک روڈ، ٹینچ بازار، کمرشل مارکیٹ میں تمام دکانیں اور پلازے بند ہیں۔

پشاور کے قصہ خوانی بازار میں تاجروں نے احتجاجی کیمپ لگایا ہے جس میں کاروباری شخصیات کی بڑی تعداد موجود ہے۔

نشواکےبعددارالصحت نےایک اورمعصوم بچے کی جان لے لی

کراچی: درالصحت ہسپتال کے ڈاکٹروں کے ہاتھوں ایک اور انسانی جان لےلی

ماہ کے معصوم عبدلہادی کی غلط ٹریٹمنٹ کی وجہ سے موت واقع ہوئی ہے

بچے ک والد کے مطابق گزشتہ رات بارہ بجے بچے کو سانس کی تکلیف کی وجہ سے دارالصحت ہسپتال داخل کروایا تھا ہسپتال میں ڈاکٹروں کی غیر موجودگی میں بچے کی نرسنگ اسٹاف ٹریٹمنٹ کر رہا تھا۔

مزیدتفصیلات کے مطابق پانچ گھنتے تک معصوم عبدلہادی کو کنولا پاس کرتے رہے جس کی وجہ سے بچے کو بازو میں سورخ پڑ گیامیرے بچے کی غلط ٹریٹمنٹ اور ڈاکٹروں کی غفلط کی وجہ سے موت واقع ہوئی ہے

میرے بچے کو صحیح علاج اور ڈاکٹروں کے نہ ہونے کی وجہ سے موت ہوئی ہے مجھے انصاف چاہیے

خیال رہے کہ رواں سال کے دوران دارلصحت کے ڈاکٹروں کی جانب سے معصوم نشوا کی غلط انجیکشن لگنے سے موت واقع ہوئی تھی سول سوسائٹی اور والدین کے احتجاج کے بعد ہسپتال کو بند کرنے کا حکم دیا گیا تھا

تاجروں نےمطالبات منوانےکیلئے 24 گھنٹےکی ڈیڈلائن دےدی

اسلام آباد: پاکستان اورآئی ایم ایف کے درمیان مذاکرات ہوئے جس میں وفد نے پاکستان کی معاشی کارکردگی کو سراہا۔

اسلام آباد میں پاکستان اور آئی ایم ایف کے درمیان باضابطہ مذاکرات ہوئے۔ مذاکرات میں ایف بی آر،اسٹیٹ بینک اوروزارت تجارت حکام شریک ہوئے۔ حکام کے مطابق مذاکرات میں رواں مالی سال کی پہلی سہ ماہی کے اقتصادی اہداف کا جائزہ لیا گیا۔

اجلاس کے بعد میڈیا سے بات کرتے ہوئے مشیرخزانہ عبدالحفیظ شیخ نے کہا کہ ملک میں معاشی استحکام نظرآرہا ہے، حکومتی آمدن میں اضافہ ریکارڈ کیا گیا ہے، اسٹاک مارکیٹ میں بہتری آئی ہے جب کہ بجٹ خسارہ کم ہورہا ہے۔ عالمی بینک نے پاکستان کی تعریف کی ہے اور ہمارے معاشی کارکردگی کو سراہا ہے۔

حفیظ شیخ نے کہا کہ 3 لاکھ 92 ہزار تاجر اس وقت ٹیکس دے رہے ہیں، 30 سے 35 لاکھ تاجر ایسے ہیں جواس وقت ٹیکس نیٹ میں نہیں، ٹیکسوں کا دائرہ کار وسیع کررہے ہیں، جو لوگ ٹیکس ادا نہیں کررہے ان سے ٹیکس لیں گے۔

دوسری جانب اسلام آباد میں تاجر رہنماؤں کے مشیر خزانہ حفیظ شیخ کے ساتھ مذاکرات کیے۔ مذاکرات میں فکس ٹیکس اسکیم ودیگر معاملات پرگفتگو کی گئی۔ تاجروں نے مطالبات منوانے کیلئے 24 گھنٹے کی ڈیڈلائن دے دی اور کہا کہ مرجائیں گے مگر اس ٹیکس اسکیم کو نہیں مانیں گے۔

ویمنزٹی ٹوئنٹی سیریزکی ٹرافی پاکستان کےنام

لاہور: بسمہ معروف نے ویمنز ٹی ٹوئنٹی سیریزکی ٹرافی پاکستان کے نام کر دی۔

قذافی اسٹیڈیم لاہور میں بنگلادیش نے ٹاس جیت کر بولنگ کا فیصلہ کیا، پاکستان کو پہلا نقصان 35رنز پر سدرہ امین(19) کی صورت میں اٹھانا پڑا، دوسری وکٹ کی شراکت میں جویریہ ودود نے بسمہ معروف کے ہمراہ 95رنز کی شراکت سے ٹوٹل 135تک پہنچایا، انھوں نے 44گیندوں پر 2چھکوں اور 5 چوکوں کی مدد سے 52 رنز بنائے،تیسری وکٹ143 پر گری، ارم جاوید صرف 3 رنز بنا سکیں۔

کپتان بسمہ معروف 70پر ناقابل شکست رہیں، ان کی اننگز میں ایک چھکا اور 9چوکے شامل تھے،گرین شرٹس نے 3 وکٹ پر167 رنز بنائے، جہاں آرا نے 2 اور لتا نے ایک وکٹ حاصل کی۔ ہدف کے تعاقب میں بنگلہ دیش کی عائشہ رحمان 5اورشمسہ سلطانہ11 تک محدود رہیں، سنجیدہ اسلام نے 45 کی اننگز کھیلی، نگار سلطانہ21رنز بنا سکیں۔

سلمیٰ خاتون اور رومانہ احمد کو کھاتہ کھولنے کا بھی موقع نہ مل سکا، فرگانہ نے30رنز اسکور کرکے کچھ مزاحمت کی، لتا 16 اور جہاں آرا 11 رنز بناکر ناٹ آؤٹ رہیں،ٹیم7 وکٹ پر 152 رنز بناپائی، سعدیہ اقبال نے 3، ثنامیر، ڈیانا بیگ اور انعم نے ایک ایک وکٹ حاصل کی، پاکستان نے پہلا میچ 14رنز سے جیتا تھا، تیسرا اور آخری مقابلہ بدھ کو ہوگا۔

دیوالی کےموقع پرمہوش حیات کاہندو کمیونٹی کےلئےپیغام

کراچی: اداکارہ مہوش حیات کا کہنا ہے کہ ہندو برادری دیوالی کے پُررونق تہوار پر کشمیر کے بارے میں بھی سوچیں جہاں اندھیروں کے سوا کچھ نہیں۔

بھارت سمیت دنیا بھر میں موجود ہندو کمیونٹی دیوالی کا تہوار منارہی ہے۔ یہ روشنیوں کا تہوار کہلاتا ہے جسے لوگ دئیے اور چراغ جلاکر مناتے ہیں۔ تاہم دیوالی کے اس پُررونق تہوار پر مہوش حیات مظلوم کشمیریوں کو نہیں بھولیں۔

مہوش حیات نے ٹوئٹ کرتے ہوئے کہا ہے کہ دنیا روشنیوں کا تہوار ’دیوالی‘ منارہی ہے چلیں اس تہوار پر کشمیر کے بارے میں سوچیں، جہاں اندھیروں کے سوا کچھ نہیں۔ یاد رکھیں جب آپ چراغ جلاتے ہیں اس وقت آپ سایہ بھی ڈالتے ہیں۔ آئیں کشمیریوں کو اس بھیانک خواب میں کمزور نہ ہونے دیں۔

مہوش حیات نے دیوالی کے روشنی بھرے تہوار پر لوگوں کو کشمیریوں پر ہونے والے ظلم کی یاد دلاتے ہوئے ’کشمیر سیاہ دن‘ کا ہیش ٹیگ بھی استعمال کیا۔

شہرکربلامیں مظاہرین پرسیکیورٹی فورسزکاحملہ

بغداد: عراق کے شہر کربلا میں مظاہرین پر سیکیورٹی فورسز کی فائرنگ سے 18 افراد ہلاک جب کہ 865 زخمی ہوگئے۔

غیر ملکی خبر رساں ادارے کے مطابق عراق کے شہر کربلا میں سیکیورٹی فورسز کی مظاہرین پر فائرنگ کے نتیجے میں 18 افراد ہلاک جب کہ 865 زخمی ہوگئے، واقعے کے بعد زخمیوں کو اسپتال منتقل کیا گیا جہاں انہیں طبی امداد فراہم کی جارہی ہے۔

عراقی میڈیا کے مطابق مظاہرین گزشتہ 4 دنوں سے وزیراعظم عدیل عبدل مہدی کی حکومت اور اتحادیوں کے خلاف احتجاج کررہے تھے، مظاہرین کا کہنا تھا کہ حکومت کرپٹ اور مسائل سے لاعلم ہے، سیکیورٹی فورسز نے اسکول اور یونی ورسٹی کے طلب علموں پر آنسو گیس کے شیل بھی برسائے گئے۔

واضح رہے کہ اکتوبر سے شروع ہونے والے حکومت مخالف مظاہروں اور سیکیورٹی فورسز سے جھڑپوں کے نتیجے میں اب تک 250 افراد ہلاک ہوچکے ہیں۔

Page 652 of 2387