لاہور: مسلم لیگ (ن) کے قائد نوازشریف کے بعد آصف زرداری کو بھی آئی ٹی پی کا مرض لاحق ہونے کا خدشہ ظاہر کیا جارہا ہے۔

پمزاسپتال کے کارڈیک وارڈ میں زیرعلاج آصف زرداری کی ٹیسٹ رپورٹ میں پلیٹلیٹس 90 ہزار کم ہو گئے ہیں اور ان کی کمراور گردن کی تکلیف بھی سنگین ہوتی جارہی ہے، اس کے علاوہ آصف زرداری کی ریڑھ کی ہڈی کے مہروں (اسپائنل کارڈ) میں خلا پیدا ہوگیا ہے جس کی وجہ سے انھیں چلنے پھرنے میں بھی تکلیف کا سامنا ہے اور اسپائنل کارڈکا مسئلہ سنگین ہوتا جارہا ہے۔

لاہور: سابق وزیراعظم نوازشریف کوپلیٹ لیٹس میں اتارچڑھاؤ کے ساتھ انجائنا کی تکلیف کا بھی سامنا ہے۔

ذرائع میڈیکل بورڈ کے مطابق سابق وزیراعظم نوازشریف کی طبیعت بدستورناسازہے۔ نوازشریف کو پلیٹ لیٹس میں اتارچڑھاؤکے ساتھ انجائنا کی تکلیف کا بھی سامنا ہے۔ میڈیکل بورڈ نے پلیٹ لیٹس میں اضافے کے ساتھ عارضہ قلب کیلیے خون پتلا کرنے کی دوا بھی شروع کردی۔

 میڈیکل بورڈ کے مطابق روزانہ کی بنیاد پر ڈاکٹرآج بھی بلڈ پریشر سمیت دیگرٹیسٹ کریں گے، نواز شریف کے دل کی دائیں جانب والی خون کی نالی 43 فیصد بلاک ہے جب کہ نوازکی پیلٹ لیٹس کی تعداد 22 ہزارتک ہے۔

نیویارک: ایک تحقیق سے معلوم ہوا ہے کہ زیادہ نمک کھانے سے دماغ میں انتہائی مضر پروٹین ’ٹاؤ‘ جمع ہوجاتا ہے جو دھیرے دھیرے اکتساب (لرننگ) اور دماغی قوت (کوگنیشن) کو زوال پذیر کرکے کئی امراض کی وجہ بن سکتا ہے جن میں ڈیمنشااور دیگر دماغی عارضے سرِ فہرست ہیں۔

نیویارک میں وائل کورنیل میڈیسن میں واقع فائل فیملی برین اینڈ مائنڈ ریسرچ انسٹی ٹیوٹ کے ڈاکٹر گیوسپ فیراکو اس تحقیق کے مصنف ہیں۔ انہوں نے تحقیقی رپورٹ میں کہا ہے کہ نمک کا بے تحاشہ استعمال ہمیشہ ہے دماغ کے لیے نقصاندہ تصور کیا جاتا رہا ہے۔ لیکن اب اس کی سائنسی وجہ بھی سامنے آگئی ہے۔

لیکن نئے تجربات سے مزید چونکا دینے والی بات سامنے آئی کہ درحقیقت رگوں میں بہتے خون کی فراوانی ہی نہیں بلکہ دماغ میں ٹاؤ نامی مضر پروٹین بھی کئی امراض کی وجہ بنتا ہے اور نمک کا اندھا دھند استعمال اس پروٹین میں اضافہ کرتا ہے۔ ٹاؤ کے ذرات جمع ہوکر لوتھڑے نما بن جاتے ہیں اور ذہنی صلاحیت متاثرکرنا شروع کردیتے ہیں۔

ڈاکٹر گیوسپ کے مطابق چوہوں پر کئے گئے تجربات سے ثابت ہوا ہے کہ زائد نمک کھانے سے ٹاؤ پروٹین دماغ میں جمع ہونا شروع ہوجاتا ہے اور یوں اس سے دماغ کی ان گنت صلاحیتیں متاثر ہونا شروع ہوجاتی ہیں۔ اس طرح نمک اور ٹاؤ کے درمیان براہِ راست تعلق پایا جاتا ہے۔

اسلام آباد: پولیس نے آزادی مارچ کے شرکاء کو وفاقی دارالحکومت میں ریڈزون میں داخل ہونے سے روکنے کے لئے کنٹینرز لگانا شرو ع کردیے ہیں۔

آغاخان روڈ اور نادراچوک پر کرین کے ذریعے کنٹینر سڑک کے اطراف لگادئیے گئے ہیں جبکہ پی ٹی وی چوک اور مارگلہ روڈ پر بھی سڑک کے اطراف کنٹینر پہنچادئیے گئے۔ ریڈزون کی جانب جانے والے پانچ اہم راستوں پر کنٹینرز رکھ کر انہیں سیل کیاجائے گا۔

پولیس نے مجموعی پر 400کنٹینر کرایے پرحاصل کرلئے ہیں اور ایسے انتظامات کئے ہیں کہ پانچ منٹ کے نوٹس پر لفٹر کے ذریعے ریڈزون کوسیل کیاجاسکے گا۔

وزیر اعظم عمران خان نے کہا ہے کہ اپوزیشن کا رویہ غیر جمہوری اور ہٹ دھرمی پر مبنی ہے عدالتی فیصلے کی روشنی میں آزادی مارچ کو ڈی چوک تک آنے کی اجازت نہیں دے سکتے۔

ذرائع کے مطابق وزیر اعظم نے کہا ہے کہ پرامن احتجاج کے حق کو تسلیم کرتے ہیں لیکن عدالتی فیصلوں کی روشنی میں مارچ کو ڈی چوک تک آنے کی اجازت نہیں دے سکتے اور عدالتی فیصلوں سے انحراف نہیں کرسکتے، ہم نے بات چیت کے ذریعے مسئلے کو حل کرنے کی کوشش کی ہے لیکن اپوزیشن کا رویہ غیر جمہوری اور ہٹ دھرمی پر مبنی ہے۔

لاہور:  لاہور میں ویمنز انٹرنیشنل کرکٹ کا میلہ ہفتے سے سجے گا پاکستان اور بنگلہ دیش کی ٹیموں نے پہلے ٹی ٹوئنٹی معرکے کیلیے تیاریاں مکمل کر لیں ہوم سیریز میں ناکام رہنے والی مہمان ٹیم کیخلاف گرین شرٹس فیورٹ ہیں پلیئرز نے گذشتہ روز بھرپور پریکٹس کرتے ہوئے صلاحیتیں نکھارنے کا سلسلہ جاری رکھا۔

اس بار بھی میزبان ٹیم کو فیورٹ قرار دیا جا رہا ہے،پاکستان کو آسٹریلیا میں بگ بیش لیگ کھیلنے میں مصروف ندا ڈار کی خدمات حاصل نہیں،تجربہ کار اسپنر ثنا میر بھی پہلے ٹی ٹوئنٹی کیلیے دستیاب نہیں،حالیہ مقابلے انگلینڈ سے سیریز کی تیاریوں میں معاون ثابت ہونگے۔ قومی ٹیم کی کپتان بسمہٰ معروف کا کہنا ہے کہ سیریز سے قبل 10 روزہ کیمپ میں فیلڈنگ پر خاص توجہ دی گئی، بیٹرز اور بولرز بھی بھرپور فارم میں ہیں۔

گرین شرٹس نے فیلڈنگ ڈرلز کے بعد بیٹنگ اور بولنگ میں صلاحیتیں نکھارنے کا کام کیا،عالیہ ریاض نے مسلسل اونچے اسٹروکس کھیلے،بنگلہ دیشی ویمن کرکٹرز نے بھی نیٹ سیشن میں دل کھول کر شاٹسکھیلے،بولرز نے سنگل وکٹ کو نشانہ بناتے ہوئے لائن اور لینتھ پر کام کیا۔

لاہور:میڈیکل بورڈ نے سابق وزیراعظم نواز شریف کا طبی معائنہ مکمل کرلیا ہے جس کے بعد حکومت پنجاب کو ان کی صحت سےمتعلق آگاہ کردیا گیا ہے۔

9 رکنی میڈیکل بورڈ نے سابق وزیراعظم نواز شریف کا طبی معائنہ مکمل کرلیا ہے، سروسزاسپتال لاہور میں زیرعلاج سابق وزیراعظم نواز شریف کے بون میرو  ٹیسٹ کی رپورٹ بھی آگئی ہے، میڈیکل بورڈ ذرائع کے مطابق نوازشریف کے پلیٹ لیٹس کی تعداد 20 ہزار ہوگئی ہے، ان کا بون میرو مکمل فنکشنل ہے، نوازشریف کو کینسر کا مرض لاحق نہیں۔ میڈیکل بورڈ نے محکمہ صحت کے اعلیٰ حکام کو اس حوالے سے آگاہ کر دیا ہے۔

رپورٹ آنے کے بعد ڈاکٹرز نے نواز شریف کو فوری طور پر آئی وی آئی جی انجکشن لگا دیاہے، ذرائع کے مطابق اس انجکشن سے خون کے خلیوں کی تعداد، قوت مدافعت بہتر ہوگی۔ نواز شریف کو لاحق بیماری کی تشخیص کے لئے میڈیکل بورڈ ان کے مزید ٹیسٹ کے لئے پی کے ایل آئی شفٹ کرنے کا فیصلہ کرے گا

 رکن پور: کینیڈا میں مقیم رکن پور کے خاندان کی ہونہار لڑکی اقراء خالد کینیڈا میں دوسری بار رکن پارلیمنٹ منتخب ہو گئیں۔

اقرا کے دادا صوفی فقیر محمد نے بتایا کہ اقرا نے 14000 ووٹوں کی برتری سے کامیابی حاصل کی۔ انھوں نے بتایا اقراء خالد رکن پور میں پیدا ہوئیں ابتدائی تعلیم رکن پور کے گرلز ایلیمنٹری اسکول سے حاصل کرنے کے بعد والد حافظ خالد اور خاندان کے ساتھ کینیڈا میں مقیم ہو گئیں۔