کراچی: حکومتِ پاکستان کی منسٹری آف کلائمٹ چینج،یونائٹڈ نیشن ڈیولپمنٹ پروگرام اور جامعہ این ای ڈی کے اشتراک سے گلوبل انوائرمینٹل بینفٹ پروجیکٹ(جی ای بی) کے زیرِ اہتمام ایک سیمینار ”انوائرمینٹل انفارمیشن اینڈ مینجمنٹ“کے عنوان سے منعقد کیا گیا، جس کا بنیادی مقصد ماحول دوستی، پاکستان میں اس حوالے سے آگہی پیدا کرنا جب کہ ماحول کی بہتری میں کردار ادا کرناتھا۔مہمانوں کو خوش آمدید کہتے ہوئے چیئرمین اربن اینڈ انفرااسٹکچر انجینئرنگ ڈاکٹر عدنان قادر نے ماحول دوستی پر زُور دیا۔

کراچی:جامعہ کراچی نے بی ایڈ اور ایم ایڈ (مارننگ وایوننگ ) کے امتحانی فارم جمع کرانے کی تاریخ میں توسیع کااعلان کردیا

جامعہ کراچی کے ناظم امتحانات پروفیسر ڈاکٹر ارشد اعظمی کے مطابق بی ایڈ اور ایم ایڈ (مارننگ وایوننگ ) سالانہ امتحانات برائے 2019 ءکے لئے امتحانی فارم جمع کرانے کی تاریخ میں بغیر لیٹ فیس کے24 ستمبر 2019 ءتک توسیع کردی گئی ہے۔

بی ایڈ(مارننگ وایوننگ) کے طلبہ اپنی امتحانی فیس 9250 روپے جبکہ ایم ایڈ(مارننگ وایوننگ) کے طلبہ اپنی امتحانی فیس10700 روپے ایچ بی ایل،یوبی ایل،نیشنل بینک آف پاکستان ،ایم سی بی اور سندھ بینک کی کسی بھی برانچ میں جمع کراسکتے ہیں۔امتحانی فارم اور بینک واﺅچر جامعہ کراچی کی ویب سائٹ سے حاصل کئے جاسکتے ہیں۔طلبہ اپنے امتحانی فارم متعلقہ دستاویزات اور فیس واﺅچرکے ساتھ متعلقہ کالجز میں جمع کراسکتے ہیں۔

کراچی: جامعہ کراچی میں یوم حسینؓ کی تقریب کاانعقاد کیا جارہاہے ۔

جامعہ کراچی کے دفتر مشیر امور طلبہ کے زیر اہتمام ”یوم حسینؓ “ بروز پیر23 ستمبر2019 ءکو صبح11:00 بجے پارکنگ گراﺅنڈ (بالمقابل آرٹس لابی) جامعہ کراچی میں منعقد ہوگا۔

شیخ الجامعہ پروفیسر ڈاکٹرخالد محمود عراقی صدارت جبکہ نامور علماءکرام اورنعت خواں شرکت کرینگے۔

اسلام آباد: وزیراعظم عمران خان سے آرمی چیف جنرل قمرجاوید باجوہ نے ملاقات کی ہے جس میں مقبوضہ کشمیر کی صورتحال پر گفتگو کی گئی ہے۔

پاک فوج کے شعبہ تعلقات عامہ (آئی ایس پی آر) کے مطابق وزیراعظم عمران خان سے آرمی چیف جنرل قمر جاوید باجوہ نے ملاقات کی ہے جس میں ملکی سلامتی سمیت خطے کی مجموعی صورتحال اور مقبوضہ کشمیر تازہ ترین صورتحال پر تبادلہ خیال کیا گیا۔

ترجمان پاک فوج کے مطابق ملاقات میں وزیراعظم کے دورہ سعودی عرب اور امریکا کے حوالے سے امور بھی زیرغور آئے۔

 کراچی:’’ سیفی بھائی میرا وہ مطلب نہیں تھا‘‘ تنازع کے بعد امام الحق حریف کپتان کو وضاحتیں دینے پہنچ گئے۔

قائد اعظم ٹرافی میں اوپننگ بیٹسمین امام الحق بلوچستان کی نمائندگی کر رہے ہیں، پیر کو پریس کانفرنس میں جب ان سے سست سنچری  کے بارے میں سوال ہوا تو وہ بپھر گئے،انھوں نے اس کا ذمہ دار حریف ٹیم سندھ کی منفی بولنگ اور فیلڈ سیٹنگ کو قراردیا، گوکہ امام الحق نے نام نہیں لیا مگر ان کا اشارہ واضح طور پر حریف کپتان سرفراز احمد کی جانب تھا۔

ذرائع نے بتایا کہ امام الحق کے بیان پر حریف کھلاڑیوں اور ٹیم مینجمنٹ نے سخت ردعمل ظاہر کیا، ان کا کہنا تھا کہ اپنی خودغرضانہ اننگز کا ملبہ ہم پر گرانا درست نہیں، ہم نے قوانین کے مطابق ہی بولنگ کی، پوائنٹس کے حصول کی کوشش کوئی غلط بات نہ تھی۔

دریں اثنا ذرائع کے مطابق پی سی بی امام الحق کی پریس کانفرنس کا جائزہ لے رہا ہے، اگر ان کے کمنٹس کو ضابطہ اخلاق کی خلاف ورزی پایا گیا تو جرمانہ بھی عائد کیا جا سکتا ہے۔

کولمبو: سری لنکا کی جانب سے دورہ پاکستان کیلیے تیاریوں کا سلسلہ جاری ہے۔

سری لنکا کرکٹ بورڈ کو دورہ پاکستان کیلیے حکومتی کلیئرنس کا انتظار ہے،البتہ اس نے اپنی تیاریوں کا سلسلہ جاری رکھے ہوا ہے، اس سلسلے میں گذشتہ روز ایگزیکٹیو کمیٹی کی میٹنگ میں رمیش رتنائیکے کو بطور عبوری ہیڈ کوچ برقرار رکھنے کا فیصلہ کیاگیا۔

ورلڈ کپ کے بعد وزارت کھیل کے حکم پر سری لنکن بورڈ نے ہیڈ کوچ چندیکا ہتھورا سنگھے کو ازخود مستعفی ہونے پر راضی کرنا چاہا تھا مگر وہ نہیں مانے، ان کا ابھی آئندہ برس کے اختتام تک کا کنٹریکٹ باقی اور وہ کسی صورت اس سے دستبردار ہونے کو تیار نہیں ہیں، اس لیے انھیں فی الحال معطل کردیا گیا،ان کے خلاف قانونی جواز ڈھونڈنے کیلیے انکوائری بھی شروع ہوگئی،مگروہ بدستور اپنے آفس آ رہے اور کوئی کام نہ کرنے کے باوجود ماہانہ 40 ہزار ڈالر بھی وصول کررہے ہیں۔

میگا ایونٹ کے بعد بنگلہ دیش کیخلاف ون ڈے سیریز میں سری لنکن ٹیم کی کوچنگ ہتھورا سنگھے کے ہی ہاتھ میں تھی، جس میں ٹیم کو 3-0 سے فتح حاصل ہوئی،مگر فاسٹ بولنگ کوچ رتنائیکے کو نیوزی لینڈ سے ہوم سیریز کیلیے عبوری ہیڈ کوچ مقرر کیا گیا، ان کی رہنمائی میں ٹیسٹ سیریز 1-1 سے برابر ہوئی جبکہ ٹوئنٹی 20 میں آئی لینڈرز کو 1-2 سے ناکامی کا منہ دیکھنا پڑا۔