Reporter SS
مظفرآ باد: باکسر عامر خان نے کشمیریوں سے اظہاریکجہتی کے لیے لائن آف کنٹرول کا دورہ کیا اور مقامی لوگوں سے ملاقات کی۔
کشمیریوں سے اظہار یکجہتی کے لیے باکسر عامر خان نے لائن آف کنٹرول کا دورہ کیا اور مقامی لوگوں سے ملاقات کی، عامر خان چناری اور چکوٹھی بازار سے گزرتے ہوئے لوگوں کو ہاتھ ہلا کرسلام کرتے رہے، عالمی باکسنگ چیمپئن عامر خان نے پاک فوج اور ڈی جی آئی ایس پی آر سے خصوصی اظہار تشکر بھی کیا ہے۔
پاکستانی نژاد عالمی چیمپئن باکسر عامر خان کا کہنا ہے کہ کشمیریوں کی آواز بننے کیلئے لائن آف کنٹرول کا دورہ کر رہا ہوں، اقوام متحدہ چارٹر کی خلاف ورزیوں، کشمیریوں کی نسل کشی کے خلاف آواز بنوں گا۔
اسلام آباد: رواں مالی سال وفاقی ترقیاتی بجٹ میں 20سے زائد وزارتوں اور خصوصی پروگراموں کے لیے ایک پائی فنڈ بھی جاری نہ کیا جا سکا۔
رواں مالی سال کے ڈیڑھ ماہ سے زائد گزرنے کے باوجود وفاقی ترقیاتی بجٹ میں وزارت موسمیاتی تبدیلی، دفاعی پیداوار، بحری امور، آبی وسائل سمیت 20سے زائد وزارتوں اور خصوصی پروگراموں کے لیے ایک پائی فنڈ بھی جاری نہ کیا جا سکا۔
وزیر اعظم یوتھ ہنرمند پروگرام، فیڈرل ڈویلپمنٹ پروگرام سمیت متعدد خصوصی پروگراموں کیلیے وفاقی ترقیاتی پروگرام میں رکھے جانے فنڈزمیں سے تاحال ایک پائی فنڈ بھی استعمال میں نہیں لایا گیا۔
کراچی: میئر کراچی وسیم اختر نے چند گھنٹوں میں مصطفیٰ کمال کو پروجیکٹ ڈائریکٹر گاربیج کے عہدے سے معطل کردیا ہے۔
میئر کراچی وسیم اختر نے مصطفیٰ کمال کو پروجیکٹ ڈائریکٹر گاربیج کے عہدے سے چند ہی گھنٹوں کے بعد معطل کردیا ہے، وسیم اختر نے مصطفیٰ کمال کو کل ہی پروجیکٹ ڈائریکٹر گاربیج ٹرانسفر مقرر کیا تھا۔
میئر کراچی وسیم اختر کا کہنا ہے کہ مصطفیٰ کمال کو بد تمیزی پر معطل کیا یہ کام کے بجائے سیاست چمکا رہے ہیں، کراچی کے حالات کے بارے میں سب جانتے ہیں، بڑی نیک نتی سے کراچی کے مسائل کو حل کرنا چاہتا ہوں، میں کراچی کی مدد کے لئے علی زیدی اور بحریہ ٹاؤن کے ساتھ کھڑا رہا، جو جو کراچی کی مدد کرسکتا تھا ان سب سے رابطہ کیا۔
سندھ ہائی کورٹ نےحکومت سندھ کو تعلیمی بورڈ کےلیے ناظم امتحانات اورسیکریٹریز کی تقرری کےلیے مبینہ طورپر سیاسی بنیادوں پر لئے گئے تحریری امتحانات کے خلاف حکم امتناعی جاری کرتےہوئے تمام کارروائی کو فی الفورروک دیاہے۔عدالت عالیہ نے ریمارکس میں کہاہےکہ یہ سوال اہم ہےکہ مبینہ اثرو رسوخ رکھنے والے امیدواروں کو کامیاب قراردیاجاچکاہےکہ یا نہیں حکومت سندھ کو نوٹس جاری کرتے ہوئے ہدایت کی ہےکہ 12 ستمبر تک تحریری طورپر عدالت کو آگاہ کیا جائےکہ عہدوں پرتعیناتی کےلیے نوٹی فکیشن جاری کردئیے گئے ہیں یا نہیں ،عدالت عالیہ نے امیدواروں کی حتمی تعیناتی سے بھی حکومت سندھ کوروک دیاہے۔
تفصیلات کے مطابق درخواست گزار تعلیمی بورڈ ایک ناظم امتحانات مظفر جمیل مرزانےحکومت سندھ ،ایڈیشنل چیف سیکریٹری یونی ورسٹی اینڈ بورڈ ڈیپارٹمنٹ آف سندھ، چیئرمین سرچ کمیٹی یونی ورسٹی اینڈ بورڈ ڈیپارٹمنٹ 24 امیدواروں کو فریق بناتے ہوئے موقف اختیارکیاہےکہ ناظم امتحانات اور سیکریٹریز کی اسامیوں پر براہ راست تقرریاں قانون کی خلاف ورزی ہے مذکورہ عہدوں پر ترقیوں کے ذریعے تعیناتیاں عمل میں لائی جاتی ہیں جبکہ مذکورہ عہدوں یا اسامیوں کےلیے جو تحریری امتحان لیے گئے ہیں وہ بھی مبینہ طورپر سیاسی اثر رسوخ کی بنیاد پر لیے گئے ہیں کیونکہ تحریری امتحان دینے والوں میں شامل مدعاعلیہان کی سیاسی رہنماؤں سے وابستگیاں ہیں ،درخواست گزار نے مزید موقف اختیارکیاہےکہ مدعاعلیہان میں شامل ہادی داؤود پوتااور نذیراحمد ملاح کے تحریری امتحان میں باالترتیب 47 اور 42 نمبرز حاصل کیے ہیں
جبکہ کامیابی کےلیے کم از کم 50 نمبرز حاصل کرنا لازمی ہوتے ہیں اور حیران کن طورپر مذکورہ دونوں فریقین کو امتحانات میں کامیاب قراردے دیاگیاہےجبکہ اس سارے عمل میں سندھ سروس پبلک کمیشن کو بھی نظر انداز کیاگیاہےلہذا حکومت کے اس اقدام کو کالعدم قراردیاجائے اور فیصلہ آنے تک مذکورہ غیر قانونی امتحانات پر حکم امتناع جاری کیاجائے۔یاد رہےکہ سندھ کی تاریخ میں پہلی بار تعلیمی بورڈز کے سیکریٹریز اور ناظم امتحانات کی اسامیوں کےلیے تحریری امتحان لیے گئے تھے جس پر مختلف حلقوں کی جانب سے سخت تحفظات کا اظہارکیاگیاتھایہ تحریری امتحان آئی بی اے کراچی نے لیے تھے اور اس کےلیے کوئی ٹینڈر بھی نہیں دیاگیاتھا۔
