Reporter SS
لاہور: حریم فاروق اورعلی رحمان کی نئی رومانوی کامیڈی فلم ”ہیر مان جا“ کا ٹریلر شائقین کی توجہ حاصل کرنے میں کامیاب ہوگیا۔
ہدایت کار اظفر جعفری کی رومانوی کامیڈی فلم’’ہیرمان جا‘‘ میں ٹی وی اور فلم کی معروف جوڑی علی رحمان اور حریم فاروق نے مرکزی کردار ادا کئے ہیں۔ ڈسٹری بیوشن کلب نے خوشیوں کے تہوار عیدالاضحی کے موقع پر پاکستانی فلموں کے شائقین کے لیے انٹرٹینمنٹ کی رولر کوسٹر رائیڈ ”ہیر مان جا“ کی نمائش کا اہتمام کیا ہے۔
’’ہیر مان جا‘‘ کا ٹریلر گزشتہ روزسوشل میڈیا کے ساتھ ملک کے تمام سنیماؤں میں ریلیز کردیا گیا ہے جسے فلمی حلقوں کے ساتھ ساتھ شائقین نے بھی خوب سراہا ہے۔ یوٹیوب پر ٹریلر کو 24 گھنٹوں کے دوران تقریباً 9 لاکھ لوگ دیکھ چکے ہیں جب کہ صارفین کی جانب سے ٹریلر کی بے حد تعریف بھی کی جارہی ہے۔
فلم کی کہانی نوجوان نسل کو درپیش حالات اور مسائل کو مد نظر رکھ کر لکھی گئی ہے جبکہ معروف فنکار میکال ذوالفقار، آمنہ شیخ، شیزعلی خان، عابد علی اور احمد علی اکبر نے مہمان کرداروں میں جلوہ گر ہوکر فلم کی رونق کو چارچاند لگادئیے ہیں۔ رومینٹک اور کامیڈی سے بھرپور فلم عیدالاضحی پرنمائش کیلئے پیش کی جائے گی۔
ممبئی: ورلڈکپ سیمی فائنل میں شکست پر بھارتی ٹیم کے چھپے راز بھی باہر آنے لگے جب کہ گروہ بندی کی اطلاعات منظر عام پر آگئیں۔
ورلڈکپ سیمی فائنل میں نیوزی لینڈ سے غیر متوقع شکست کے بعد بھارتی ٹیم میں گروپ بندی کی رپورٹس سامنے آنے لگی ہیں،میڈیا رپورٹ کے مطابق ایک کھلاڑی نے اپنا نام ظاہر نہ کرنے کی شرط پر بتایا کہ ٹیم میں 2دھڑے بن چکے،ایک کپتان ویرات کوہلی، دوسرا نائب کپتان روہت شرما کا ساتھ دیتا ہے۔
ہیڈ کوچ روی شاستری اور ویرات کوہلی فیصلے کرتے ہوئے ایک دوسرے کو اعتماد میں لینا بھی ضروری نہیں سمجھتے،امباتی رائیڈو پر وجے شنکر کو ترجیح دینے کا فیصلہ بھی یکطرفہ تھا۔
کھلاڑی نے بتایا کہ ایک وقت میں ٹیم مینجنٹ خود اس بات کا انتظار کررہی تھی کہ امباتی رائیڈوناکام ہوں اور ان کا نکال باہر کیا جائے،بالآخر ان کو ورلڈکپ اسکواڈ سے باہر کردیا گیا، ویرات کوہلی کی ذاتی کارکردگی اچھی لیکن نجانے ہیڈکوچ روی شاستری اور بولنگ کوچ بھرت ارون کب جان چھوڑیں گے۔
یاد رہے کہ ماضی میں ویرات کوہلی کے کوچ انیل کمبلے سے بھی اختلافات ہوئے تھے لیکن وہ خود ان کی تردید کرتے رہے ہیں۔
نئی دہلی: بھارت میں نچلی ذات کے ہندو سے شادی کرنے پر ہندو انتہا پسند جماعت بھارتیہ جنتا پارٹی (بی جے پی) سے تعلق رکھنے والا ریاستی اسمبلی کا ممبر اپنی ہی بیٹی کی جان کا دشمن بن گیا۔
21 ویں صدی میں بھی بھارت ہندو ذات پات کے بھنور میں پھنسا نظر آتا ہے اور آج بھی اونچی ذات کے ہندو کی نچلی ذات کے ہندو کے ساتھ شادی کو برا تصور کیا جاتا ہے اور ایسا کرنے پر سخت سزائیں بھی دی جاتی ہیں۔
بھارت میں ہندو ذات پات کے فرق کی تازہ ترین مثال ریاست اتر پردیش سے تعلق رکھنے والے بی جے پی ایم ایل اے راجیش مشرا عرف پپو بھرتال کی بیٹی ساکشی کو ایک دلت ہندو لڑکے سے شادی کے بعد ملنے والی جان سے مارے جانے کی دھمکیاں ہیں۔
ساکشی نے سوشل میڈیا پر جاری اپنے بیان میں 29 سالہ دلت ابھیتیش سے شادی کی تصدیق کرتے ہوئے کہا کہ ہم نے اپنی مرضی سے شادی کی ہے لیکن اب میرے گھر والوں نے لوگوں کو ہمارے پیچھے لگا دیا ہے۔
انہوں نے بھارتی شہر بریلی کے کپتان سے اپیل کی کہ ہمیں تحفظ فراہم کیا جائے اور ہمارا خیال رکھا جائے۔
ساکشی کے شوہر ابھیتیش نے کہا کہ کچھ لوگ ہمارا پیچھا کر رہے ہیں اور ہمیں قتل کرنا چاہتے ہیں جس کی وجہ یہ ہے کہ میں ایک دلت خاندان سے ہوں۔
بی جے پی رہنما کی بیٹی نے اپنے ایک اور ویڈیو پیغام میں اپنے ایم ایل اے والد اور وکی بھرتال کو مخاطب کرتے ہوئے کہا کہ اب مان جائیں، خود بھی آرام سے جئیں اور ہمیں بھی خوشی سے جینے دیں۔
ساکشی نے اپنے والد پپو بھرتال کو مخاطب کرتے ہوئے کہا کہ آپ لوگوں نے ہمارے پیچھے راجیو رانا کی صورت میں جو غنڈے بھیج رکھے ہیں، اگر ہمیں کچھ ہو گیا تو اس کے ذمے دار پپو بھرتال، وکی بھرتال اور راجیو رانا ہوں گے۔
انہوں نے اپنے والد سے اپیل کی کہ اپنی سوچ کو بدلیں کیونکہ ابھیتیش اور اس کے گھر والے بھی انسان ہیں کوئی جانور نہیں ہیں۔